|
رد: ** ليبيا زين علي زين ليبيا ورد وياسمين ** تجمع الليبيات
ماشاء الله سوسو اليوم نشاااط ف مواضيع
ياروحي ريوم مازلت ؟ |
رد: ** ليبيا زين علي زين ليبيا ورد وياسمين ** تجمع الليبيات
جيجي لاباس عليك ان شاء الله
فعلا صدقتي مشكله محرجة جدآآآآآآآآآآآآ .. وصعبه ف نفس الوقت لكن العلاج أهم شئ فيهااااااااااااااااا واهمالها يفاقم الحاله |
رد: ** ليبيا زين علي زين ليبيا ورد وياسمين ** تجمع الليبيات
|
رد: ** ليبيا زين علي زين ليبيا ورد وياسمين ** تجمع الليبيات
ام حااتم يامرحبا\
شخبارك واخبار الحمل والوحم |
رد: ** ليبيا زين علي زين ليبيا ورد وياسمين ** تجمع الليبيات
وين خولة معش طــلت
|
رد: ** ليبيا زين علي زين ليبيا ورد وياسمين ** تجمع الليبيات
السلام عليكم انا ليبية مقيمة بالخارج حبيت التجمع وقلت انشارك هل من ترحيب ؟؟
|
رد: ** ليبيا زين علي زين ليبيا ورد وياسمين ** تجمع الليبيات
مرحبا بيك ام نرجوووووسه معك ام فراااس
نشوف فيك من قبل ف المنتدى.. ان شاء الله ديما تنورينا.. وين مغتربة اي دوله,, انا في بريطانياااا حاليا في مجموعه من بنات مغتربااات بالتجمع برضه |
رد: ** ليبيا زين علي زين ليبيا ورد وياسمين ** تجمع الليبيات
مسااااااااااااء النور .. وقايلة الخير
الله يسلمك فروسة صح اليوم نشاط ههههه والحمد لله ريم أحسن شوي... وياهلا ومرحبا بالغالي أم نرجوسة... تفضلي ياحلوة منورة وتعالي عرفينا بيك.. |
رد: ** ليبيا زين علي زين ليبيا ورد وياسمين ** تجمع الليبيات
ميييييييييين بيتذكر خبزة الخضرة تبع جنووووووودة
سلم يديك ياجنودة https://fbcdn-sphotos-g-a.akamaihd.n...30798238_n.jpg |
رد: ** ليبيا زين علي زين ليبيا ورد وياسمين ** تجمع الليبيات
هلا سوسو اي توا قايلة عندي هههههه 2 وربع
مع مراعاة فروق التوقيت صحة الخبيزاااات .. ماطقيتش فيها خبزة جنوده بس انحبو نديروها ايام حوش هلي |
رد: ** ليبيا زين علي زين ليبيا ورد وياسمين ** تجمع الليبيات
سوسو شفت كيكتك
اسهفت اندير كيكه درتها ع السريع وصورتها |
رد: ** ليبيا زين علي زين ليبيا ورد وياسمين ** تجمع الليبيات
خصيصا اني صايمة اليوم
درت شربة عدس ورز بالشعيريه ..وشاورما دجاج وعجة خضروات وطبعا كيكة اسفنجية زينتها بالمربي والكاجو وجوز الهند |
رد: ** ليبيا زين علي زين ليبيا ورد وياسمين ** تجمع الليبيات
تعالي أم فراس كيف ماعرفتيها معقولة أهل الشرق مايعملو طبيخة البقول للنافس ..
ههههههههه |
رد: ** ليبيا زين علي زين ليبيا ورد وياسمين ** تجمع الليبيات
|
رد: ** ليبيا زين علي زين ليبيا ورد وياسمين ** تجمع الليبيات
لا مانديروش فيهااا الحق...
في بنغااازي ماشفتها .. واجدابيا واجخرة وجنوب ماشفتهااا ومصراتــــه كذلك ف جيابتهم ماشفتها انتم اتديرو فيها بس هههههههههه |
رد: ** ليبيا زين علي زين ليبيا ورد وياسمين ** تجمع الليبيات
البقول اول ايام واعرات ع البيبي مسكين هو بروحه غااازات ومغص .. اعتقد ان لي ترضع طبيعي تزيد ولدهاااا غازااات ومغص
نحن نافس يديرولها عصيده فايحة بالزبدة وطنيه .. تشرب حلبه يديرولها عجة كسبر او كمووون وف ناس ع حسب ف مصراته عصيدة النافس تهبل يقولولها عيش دوااا يعني مش مجرد عصيده بسسسس .. فيها خلطة اعشاب وكمامين نحس فيه مقويه بجد وفي اجخرة الجنوب (موطن عربي) يديروا ف المقطع بالقديد والحسااا للنافس اما سبر او طبع هلي اتديرلي فيه ماما الله يحفظها بعد جبت فراس والاء اتديرلي في تمر امعصد بزيت الزيتووون .. والعصيدة بالكمون او صافيه وعجة كسبر _(غاليه عليا)_ كويسه تحول الرعاش او الخلعه يقولو اجدادنا وتقوي الدم وطبعآ حلبة مه اني مانحبهش لكن عشان خاطرها نشرب تديرلها ف زبيب عشان تحول بنتها وطبعا برودي خضرة بدجاج يوميآآآ هذااا .. وحليب دافي بالعسل والكمامين ف ليل كويس يهدي ويرقدك انتي والبيبي واهم شئ تقولي كولي فواكه واااجد زي التفاااح الاخضر لين نكره استغفر الله بعد نجيب هههه هو وبرودي ودجاااج المحمــر |
رد: ** ليبيا زين علي زين ليبيا ورد وياسمين ** تجمع الليبيات
السلام عليكم ورحمه الله وبركاته
|
رد: ** ليبيا زين علي زين ليبيا ورد وياسمين ** تجمع الليبيات
السلام عليكم ورحمة الله
كيف حالكم جميعا ... انا عندي زحمة مانحكيلكم بزيادة لمسؤلية جديدة في المنتدى .. نرجا في خوي العريس هوعروسته ماشيين شهر عسل لتركيا وبينزلو في بنغازي وبنعزمهم هم وسلفي العريس وعروسته وحايسة في الحوش والحلو والهدايا والتفكير والتخميم |
رد: ** ليبيا زين علي زين ليبيا ورد وياسمين ** تجمع الليبيات
هلا جيجي لاباس عليك طهور ان شاء الله
وكيف حال الاميرات وشن دايرين في هالصقع |
رد: ** ليبيا زين علي زين ليبيا ورد وياسمين ** تجمع الليبيات
امولة سعدت جدا برؤية اسمك
وشكرا لك للسؤال علينا ربي يحفظك ويخليلك فطومة وبوها وامك وبوك وخوتك |
رد: ** ليبيا زين علي زين ليبيا ورد وياسمين ** تجمع الليبيات
كيف حالكم جميييييعا
صحتين الكيكه فروسه وسوسو ام نرجوسه اهلا وسهلا بيك بين وخياتك |
رد: ** ليبيا زين علي زين ليبيا ورد وياسمين ** تجمع الليبيات
سوسو ..
واله راهو شغلتيني عليها ريومي .. عدي ديري الها تحليل هيموجلوبين وشوفي نسبته وطمنينا عليها |
رد: ** ليبيا زين علي زين ليبيا ورد وياسمين ** تجمع الليبيات
جنودة شن اخبارك انت وقرايتك وزوجك
هدهد .. الله يبارك عزومة فايحة سلم يديك وماشاء الله سوما عليها ربي يحفظها لك |
رد: ** ليبيا زين علي زين ليبيا ورد وياسمين ** تجمع الليبيات
ام معاذ وام ورد شن اخباركم ان شاء الله طيبين
|
رد: ** ليبيا زين علي زين ليبيا ورد وياسمين ** تجمع الليبيات
هلا والله اوشي انا الحمد لله وربي مايوريك باس
وكيف حالك انتي والصغار الحلوين وبوهم ربي يحفظكم انا حالي تمام ولله الحمد اصلا الدكتوره ضحكت عليا قالتلي مجرد شد صار للمنطقه بسبب الامساك وتعب المنطقه بس قالتلي روحي مافيك شي وخففي من المنظفات لاني نستعمل فيهم هللللبه وربي ايعاونك علي العزومه وحاولي متخماميش هلبه حتتعبي توكلي علي الله وحتم العزومه علي الف خير وربي يونسك ديما باحبابك |
رد: ** ليبيا زين علي زين ليبيا ورد وياسمين ** تجمع الليبيات
اثورة ..
كيف حالك باهي طمنتينا عليك كيف حال جودي وخيها وشن صار في الفطمة انا نعتقد انه مازال بدري حرام عالاقل خليها عالسنة ونص |
رد: ** ليبيا زين علي زين ليبيا ورد وياسمين ** تجمع الليبيات
باهي الحمد لله اللي طلع بس شد بسيط احمدي ربك كثيرا
وننصحك نصحية كثرة الغسولات للمنطقة او الجلوس في ملح او اي مطهر مش تمام راهو يؤثر علي ميديا الرحم ويقلبها ويخربها خليك عالمية احسن واغسلي اكويس اكويس وبمية باردة ولو تبي اديري مقعد افضل شي القميلة |
رد: ** ليبيا زين علي زين ليبيا ورد وياسمين ** تجمع الليبيات
بنات شرب زيت الزيتون للصغار ومدي خطورته اوعادي
ياريت اللي عندها خلفيه او قصه اتقولي وتو نحكيلكم السبب |
رد: ** ليبيا زين علي زين ليبيا ورد وياسمين ** تجمع الليبيات
تصبحن علي خير
روى حممتها وحطيتها في حجري ورضعتها واهي رقدت وجا عصومي ورقد جنبي بنرفعهم لسراير هم ونمشي نصلي ونقرى قران ونوتي روحي قبل مايجي توأم روحي |
رد: ** ليبيا زين علي زين ليبيا ورد وياسمين ** تجمع الليبيات
ولو تبي اديري مقعد افضل شي القميلة
ولو تبي اديري مقعد افضل شي القميلة مافهمتش الجمله حبيبتي بالله اشرحيلي |
رد: ** ليبيا زين علي زين ليبيا ورد وياسمين ** تجمع الليبيات
قبل مانطلع ياجيجي
قصدك لجمون .. زمان جدودنا ايامات وهم يسكنو في البيوت كان عندهم مثل يقولو فيه علي زيت الزيتون لما الوحدة تولد جديد يقولولها لحسيه وادهنيه زيت واعزقيه في قرن البيت لا يخشه برد ويشبع ويغط في نوم عميق .. بس انا بصراحة نستعمل فيه للكبار |
رد: ** ليبيا زين علي زين ليبيا ورد وياسمين ** تجمع الليبيات
وانتي من اهله
انا الغالي في سااابع نومه ربي يحفظه رقدته من ساعه ورنوده قبله |
رد: ** ليبيا زين علي زين ليبيا ورد وياسمين ** تجمع الليبيات
القميلة الها اسم ثاني بس توة مش وارد ههههههه
قصدي يعني اديري بانيو واتحطي فيه اميه دافية مش ساخنة واتحطي فيه مغلي القميلة |
رد: ** ليبيا زين علي زين ليبيا ورد وياسمين ** تجمع الليبيات
هيا توة بالسلامة
|
رد: ** ليبيا زين علي زين ليبيا ورد وياسمين ** تجمع الليبيات
مع الف سلامه ياقميل ليلتك عسل ياعسل هههههههههههه
|
رد: ** ليبيا زين علي زين ليبيا ورد وياسمين ** تجمع الليبيات
السلام عليكم ورحمة الله وبركاته
كيف حالكم وشن اخباركم جميعا جيجي ألف لا باس عليك باهي اللي جت بسيطة وبالنسبه للقميلة هيا البابونج أو الفليه زي مانقولوا احني |
رد: ** ليبيا زين علي زين ليبيا ورد وياسمين ** تجمع الليبيات
اقتباس:
|
رد: ** ليبيا زين علي زين ليبيا ورد وياسمين ** تجمع الليبيات
سوسو بعيد السو علي ريومة ربي يشفيها واسفه علي ردي يومها ماكنتش نقصد أصلا درتهلك بجو بصارة قتلك حي عليك تو نوريك مش قصدي تهزيب سامحيني كان أسلوبي كان مش حلو لكن والله مانقصد متضااااااااايقه وجوي مش تمام ومش عارفه كيف طلع مني الكلام
باقي البنات كيف حالكم كلكم والله ليكم وحشه هلللللبه سلامي للجميع |
رد: ** ليبيا زين علي زين ليبيا ورد وياسمين ** تجمع الليبيات
كيف حالكم حباااااايبي وشن أخباركم
جيجي حتى أنا مافهمتهاش الجملة ....؟؟ اوشي ربي يسعدكم والله ريم اليوم بلهوووووووووون تجي واقفة شوية وتبدأ تعيط وتدور فاش تشد وتطيح وتتكي طول عى ودنها بلهون مرخية وفاشلة شوي تبدا ناشطة المهم شنو هم الهيموبولوجين |
رد: ** ليبيا زين علي زين ليبيا ورد وياسمين ** تجمع الليبيات
صحيتوا على الترحيب
انعرفكم على روحي انا. من سكان طرابلس ومقيمة حاليآ في هولندا ليا. حوالي سنتين ونص |
| الساعة الآن 07:07 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .