|
رد: حبيباتى سيدات ليبيا تفضلو لأعرف ما حالكم
اليوم بديت ريجيم يارب نثبت عليه.. والله محبطه بكل من جسمي ماتخيلونيش مليانه واجد بالعكس اللي يشوفيني يقولي تمام جسمك بس نا اللي عارفه جسمي كيفي خصيصا البطن غلطتي ماربطتهش بعد جيبت لولي ف فراس ربطت والحق مش هكي بكل كانت ..
ومافي مواقع خاصه بالدايت ويوتيوب وتمارين ماشفتهن وجنبي قلم نسجل ف كل ملاحظات اللي تهم الدايت خصيصا للمرضعه |
رد: حبيباتى سيدات ليبيا تفضلو لأعرف ما حالكم
اول مانضت شربت ماء دافئ بليم ...وبعدها بساعتين شربت قهوتي بالحليب بس بدون سكر مع جبن فيلادلفيا لايت وتوست شعير...
وتوا نشرب في الخلطه اللي اكثر من موقع ومقاطع يوتيوب تنصح بها اللي هي ملعقة كمون نص ملعقة زنجبيل ربع ملعقه قرفه شريحتين ليم كوب ماء مغلي تحطي فيه المقادير السابقه مدة 10 دقايق وبعدها تصفي وتشربي توا شربت كوب هالخلطه قليله جدا بالسعرات الحراريه .. وتزيد من عملية التمثيل الغدائي اي الايض وبالتالي تزيد بحرق الدهون بالجسم خصيصا اللي بمنطقة الارداف والبطن هم قالو 3 اكواب باليوم ويفضل قبل كل وجبه بثلت ساعه مع اتباع نظام غدائي صحي وتمارين رياضيه ولو مرتين بالاسبوع واهم شئ الابتعاد عن النشويات قبل النوم ب 3 ساعات يفضل اكل الزبادي خالي الدسم قبل النوم بساعه |
رد: حبيباتى سيدات ليبيا تفضلو لأعرف ما حالكم
معلومات ثمينة ..
Correct timing to drink water, will maximize its effectiveness on the Human body. الوقت المناسب لشرب الماء .. سوف يضاعف فوائده على جسم الإنسان .. Two (02) glass of water - After waking up - Helps activate internal organs عدد ( 2 ) كأس من الماء بعد الاستيقاظ من النوم – يساعد على تنشيط الدورة الدموية . One (01) glasses of water - 30 minutes before meal - Help digestion كأس ( 1 ) من الماء – قبل الوجبة بنصف ساعة – يساعد على الهضم . One (01) glass of water - Before taking a bath - Helps lower blood pressure كأس ( 1 ) من الماء – قبل الاستحمام – يساعد على خفض ضغط الدم . One (01) glass of water - Before sleep - To avoid stroke or heart attack كأس ( 1 ) من الماء – قبل النوم – يجنب السكتة أو النوبات القلبية . |
رد: حبيباتى سيدات ليبيا تفضلو لأعرف ما حالكم
اثري بطبرق شن ادير فيها
|
رد: حبيباتى سيدات ليبيا تفضلو لأعرف ما حالكم
كانت عند هلها...
ما هلها من طبرق |
رد: حبيباتى سيدات ليبيا تفضلو لأعرف ما حالكم
السلام عليكم
|
رد: حبيباتى سيدات ليبيا تفضلو لأعرف ما حالكم
ام اجنادين ربي يفرحك بحملك عاجلا غير اجل . بري شوفي الدكتورة سكينة علاجها باسم الله ما شاء الله وشاكرينها لزوجي وقالوله افضل دكتورة نساء طبعا هي متخصصة في المجال هداوربي يرزقك يارب
|
رد: حبيباتى سيدات ليبيا تفضلو لأعرف ما حالكم
اللي في طبرق اوشي مش اتري
|
رد: حبيباتى سيدات ليبيا تفضلو لأعرف ما حالكم
ام فراس يا مناشبية كيف حالك وحال سنافرك اسمعي اكتبيلي ريجيمك من طقطف الي السلام عليكم
|
رد: حبيباتى سيدات ليبيا تفضلو لأعرف ما حالكم
هههههههههههههههههههههههههههههههههههههههههههههههههه هههه
حي عليا دخت ودوخت جنودة معايا اوشي لخبطتها باثري... \ معليش دايخه اول يوم ريجيــــــــــــــم شكرا ام معاد عالتنبيه... |
رد: حبيباتى سيدات ليبيا تفضلو لأعرف ما حالكم
اقتباس:
سنافري قاعدين فروسي زايد شيطانة والولي تبي صدري وخلاص لهاية دايرته كان هضا عياطات بالنسبة للريجيم غاليتي ... كتبت اول حاجة امية دافيه عالريق اول ماتنوضي ...او اشربيها هكي ع صلاة الفجر وردي ارقدي عادي هذه قالو لها ثاتير حلو ع دهون البطن ماء دافي ع عصر ليم ورجيم الكمون شرحته فوق هذا مهم جدا جدا بين الوجبات خودي خيارة او جزرة او تفاحه واكثري من شرب الميه عندك الغدا حاولي معش تقلي البصل اليوم درت بصل وخلطته كله البصل والطماطم والفلفل والدجاج والطماطم معجون حطيت ميه ساخنه بالكسكاس وطول ع النار ... اول مرة انديرها انا محبي طريقه القلي بالتطيب بس بجد لجسمنا وصحتنا علينا حق ... والحق طلع طعمته طيبة خصيصا درتله خضرة واجد بروكلي وكوسا وبادنجال وجزر وقرع وبصل اخضر وحبة بطاطا لابوفراس خخخخخخخ.. انا وفروسي ناكلو الخضرة الاخري اه ودرت الكسكو قبل مانحطه ب كسكاس بشوي زيت زيتون صحي اكثر و ح نقول كل شئ نديره لك وللبنات عشان الاستفاده تعم علينا اجمعين واللي عندها معلومة بخصوص الدايت تفيدنا |
رد: حبيباتى سيدات ليبيا تفضلو لأعرف ما حالكم
طبعا مع ريجيم الكمون يا ام معاد لازم تمارين رياضيه او مشي نص ساعه يوميا ... ونظام غدائي صحي
والابتعاد والامتناع ع النشويات ليلا لانك بترقدي وبطنك معبيه مثلا خبزة ..كليتي مع العشا او مقالي او بيتزا او دهون كله بتخزن واتراكم ف الجسم خصيصا البطن والارداف لانه مش حتحول لطاقه خلال النوم وكذلك اتنقص من افراز هرمون الكوتيسول .. هرمون النمو والراحه.. اللي له دور ف الدايت لما ينقص يزيد الوزن |
رد: حبيباتى سيدات ليبيا تفضلو لأعرف ما حالكم
انا قررت نشري التريدمايل... الة السير متاع المشي
عشان طبعا اغلب الاسبوع هنا بالبيت ماعدا السبت والاحد عطله نطلعوا شوبنق ودهاوير 2 ف 1 ومنها نتمشي واجد |
رد: حبيباتى سيدات ليبيا تفضلو لأعرف ما حالكم
الله يبارك فيك يام فرااااااس تو انطبق والحق الرياضة امدومة عليها مشكلتي في الشهية ناكل بشكل شهيتتي مفتوووووووووووووووووووووووووووووحة هلبة كان نلقي كلي شي ناكله . الماكلة بس راهو مش تحسابيها حاجة تانية خخخخخخخخخخخخخخخخخخخخخخخخخخخخ
|
رد: حبيباتى سيدات ليبيا تفضلو لأعرف ما حالكم
راجلي لما يشوفني في الكوجينة يقعد يضحك ويقولي اطلعي اطلعي عارفك شني اديري وبعدين قولي سمنت
|
رد: حبيباتى سيدات ليبيا تفضلو لأعرف ما حالكم
بتمشي بنصلي
|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
اقتباس:
هههههههههه الحال من بعضه بس اهم شئ الارادة بجد.. اهو اليوم ماسكه روحي توا جعت كليت تفاحه هههههههه بدل تشيبس او سندويتش او كباية حليب بقهوة حلوة مع كيكة او شوكلاطه وانا بطعبي ماعنديش ع الفاكهه واجد معرمها ابو فراس واهو بنبدا فيها خخخخخ كليت مشمش وبرتقاله وتفاحه اليوم ع دفعات بالنسبه للعشا بندير فول مدمس ودحي مطبوخ وتوست شعير وسلطه بدل البتزات والهامبورقا والمقالي قريت افضل اول ايام لريجيم المرضعه تفطر بفول مدمس 5ملاعق وبيضه مسلوقه او جبن دايت وسلطه والعشا نفس الافطار بس طبعا نا بنحول الجبنة حتي ولو لايت كانت بالعشا غلط لان دهونها بسرعه يتراكمن ف الارداف والبطن... ممكن بالفطور عادي جبنة بس العشا لا بندير بروحي بس ابو فراس قالي بناكل من عشاكhwaml7 وزبادي خالي الدسم قبل النوم ضروري |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
كيف حالكم يابرو
|
رد: حبيباتى سيدات ليبيا تفضلو لأعرف ما حالكم
ليكم وحشة أو على قولة الشراقة رايفت عليكم ولجد
ووممكن ياشرقة التوضيح معنى رايفت عليكم ممكن درت عليكم كبيدة أو استاحشتكم صح |
رد: حبيباتى سيدات ليبيا تفضلو لأعرف ما حالكم
أه حبيبتى جنودة مانحبش نشوفك زعلانة
وأن فاهماتك كيف انت مضايقة وماعندكش نية تعالجى وفديتى صح هذا شعور طبيعى لأى شخص يمل من اى شىء بس حبيبتى وسعى بالك وتوكلى على الله جنودة انت جربتى دواء العرب ولا لا ونبى نسألك بس ماتزعليش نحس زوجك عصبى شوى صح وياترى هل هو زى يللى نعرفهم هلبة نعرفهم ربى مازال ماكتبلهمش الذرية وأزواجهم مش مقتنعين بالعلاج............. ويارب يفتحها فى وجهكم |
رد: حبيباتى سيدات ليبيا تفضلو لأعرف ما حالكم
طبعا سبب غيابى كان بسبب مرواحة ماما وضيوف عندى وعندها
الأحد بالليل مشيت لبنت عمى فى حوش عيالها وبعدين حت معى لحوش عيالى وحنتى وبتت أنا فى حوش عيالى والصبح تشطيبات وتنظيفات والعشية جونى ضيوف فى حوشى وبالليل مشيت بتت فى حوش عيالى وباقى الحنة حنت بيها بنت عمى والثلاثاء الصبح الساعة5 طلعت أمى من السعودية ووصلو هنا 9 ووصلو للحوش مع 11 وماصارش من مشينا للمطار بالرغم من انى عندى نية وطبعا دار ربى لأن الماشى والجاى وطبعا قلتلكم ان بابا مشى للصحراء وعأساس مش متلاقين هو وماما بس المفاجاة لما نكلم فيه قالى حتى أنا فى مطار طرابلس ووصل قبل ماما للحوش وتغدينا مع بعض بكبوكى من يدين سوسو والعشية واللليل ضيوف وأمس وليت الصبح بس مريييييييييضة ومزكومة والجو سخووووون والعشية جونى ضيوف فى حوشى وكمان بالليل ضيوف لا إله إلا الله محمد رسول الله |
رد: حبيباتى سيدات ليبيا تفضلو لأعرف ما حالكم
إن شاءالله جطيت غداى على النار بندير بكبوكة جارية ولقطت الليم القارص مممممممم بالك يصلح بيا ااااه ياخشمى
|
رد: حبيباتى سيدات ليبيا تفضلو لأعرف ما حالكم
نبى طريقة العصبانة
|
رد: حبيباتى سيدات ليبيا تفضلو لأعرف ما حالكم
منو ذايق عصير الفستق؟؟؟؟؟؟؟؟؟؟؟
|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
اقتباس:
بالعكس زوجي متفهم جدا جدا جدا وانسان متعلم ومثقف ويساير فيا الي ابعد الحدود حتي الاطباء يلي نمشولهم انا نقترح عليه ان نمشوا الي هدا او هدا بطبيعة اني نسمع من النساء علي افضل الدكاترة وشني رايك نمشوا اكثر من الي طرابلس وغير امس ماشيين الساعة 3 ومشينا لتونس |
رد: حبيباتى سيدات ليبيا تفضلو لأعرف ما حالكم
ام معاذ وين الدكتورة هذه وشن تخصصها بالضبط
|
رد: حبيباتى سيدات ليبيا تفضلو لأعرف ما حالكم
السلام عليكم خواني بنات بلادي والله فرحت جدا لما لقيت التجمع
كل عام وانتم بخير وينعاد عليكم بالصحة والسلامه وانا والله عني سؤال اليوم الصبح حماتي اتصلت بيا وقالتلي انها حلمت بيا اني لابسه البداله الكبيره اللي هيا الصدره وقالتي معناها اني راح احمل واجيب ولد والله افرحت لاني مشتاقه اكون حامل شن رايك بنات ومن يعرف تفسيرها لاني والله تعبت 3 اجهاضات ادعولي خواتي ربي يرزقني في هالشهر الفضيل تحياتي يابنات بلادي اختكم خديجة |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
نورتينا خديجة
ان شاء الله ربي يرزقك ويرزقنا بس لا اعرف في تفسير الاحلام |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
اخخخخخخخخخخخخخخخخخخخخ اواخيرا القيتكن من امتا وانا اندور فيكن وحشتني واجد بكل بكل |
رد: حبيباتى سيدات ليبيا تفضلو لأعرف ما حالكم
ياهلا بشموسة
وين الغيبة قصدك الفتره هذه كلها ادوري فينا |
رد: حبيباتى سيدات ليبيا تفضلو لأعرف ما حالكم
اتوقعتك مشغولة بفرح صبيتك
احكيلنا شن جو الفرح وشن درتوا وشن لبستي كله بالتفصيل |
رد: حبيباتى سيدات ليبيا تفضلو لأعرف ما حالكم
ماشالله عل هدرزه فايتاتني 35 صفحه يعطين الصحه ان شالله
سوسو حمدلله عل سلامة اميمتك اوربي ايتقبل منها ان شالله والعقبه لكل متمني جنووده ربي يعطيكي كل ماتمني اومتعصبش روحك مافش شي بساهل وكل شي ربي عنده بيه حكمه غيراهم حاجه ماتايسش من رحمه الله تابعي علاجك ام فروسي كملت الفرح كلا وانا انهدرز عليك او عل الوقت لي اتصيمي فيه في رمضان ربي يعطيك الصحه هاا حصلتي حوش ولا مازل اون شالله بديتي تنسجمي مع الجو غادي اوشي كيف حال كتكيتك او شن جو طبرق بلظبط بكره كان سخر ربي ماشيه لراس لهلال الينابيع قبل نبي انخطم عليكي بس انتي هربتي اثري اوام معاد اوام نوزه اوجيجي اوامووله اوباقي الغاليات ان شالله ماانكونش نسيت حد استحشتكن واجد بكل |
رد: حبيباتى سيدات ليبيا تفضلو لأعرف ما حالكم
اهلين جنوده
واخيرا كمل فرح الجمعه لي فاتت ربي ايهنيها ان شالله والعروسه قاعده في اسطنبول والله ليا كم يوم اندور فيكم فرحت لما القيتكم |
رد: حبيباتى سيدات ليبيا تفضلو لأعرف ما حالكم
الف مبروك
وربي يسعدها يارب |
رد: حبيباتى سيدات ليبيا تفضلو لأعرف ما حالكم
اقتباس:
وابصرحه جتها ليله حلوه اوهاديه والعشاء فوق الخيال اوهيا طلعت ماشالله انا لبست فستان الوردي لي وريته لكن اويوم الحفله جتيي المزينه في الحوش دارتلي تسريحه حلوه توا انوريها لكن اودارتلي مكياج عل اسود والروج وردي اوحطيت اكسوار فضي عل شكل ورده عل تسريحه اه تعركت انا زوجي قبل الفرح ابيومين راضاني ابطاقم ذهبي بسيط بس ابجد حلو حنصوره لكن وانوريه لكن طبعا كانت عندي ضيفه سلفتي قعدت امعايا قريب 7 ايام في شقتي يوم الاحد روحت لطرابلس ابصرحه امخليه مكانها |
| الساعة الآن 10:41 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .