|
رد: تجمع حــوامل التوائم
ملاذ .. انا قلي خذي الابره بدون سبب عشان لاقدر الله وجات ولاده تكون الرئه مكتمله
وكتبلي 3 ابر كل وحده بينهم 12 ساعه... وانتي اذا رحتي موعدك اساليها عن الابره افضل لانها تساعد على نمو الرئه |
رد: تجمع حــوامل التوائم
ام اسيل
انا استخدمت كلوميد ومنشطات بالابر وابر تفجيريه بس الله ماكتب لي احمل الا بطفل واحد لا تركضين وراء المنشطات ابدا ادعي الله كثييييييييييير وتفائلي باستجابة الله لدعاك لانه هو القادر على كل شي سبحانه |
رد: تجمع حــوامل التوائم
ميمي
الله يقومك بالسلامه يارب |
رد: تجمع حــوامل التوائم
شخباركم وشخبار ميمي.. خبرونا إذا عندكم أخبار عنها
أمس رحت للتصوير رباعي الأبعاد... وما خبرت الدكتورة أني حامل بتوأم أبي اختبرها هههههه ومن حطت علي الجهاز على طول قالت لي فيج توأم؟ وقلت لها إيه.. يعني على طول عرفت وبعدها فحصت النمو والنبض والكبد والكلى والبنكرياس والأمعاء.. وبشكل عام إذا في تشوهات أو لا.. لأن الرباعي يوضح أكثر التفاصيل وطمنتني أن كل شي سليم بعدها سألتني إذا سويت سونار في الثالث.. قلت لها إيه.. وسألتني إذا الدكتورة قالت لي أن فيني مشيمة أو مشيمتين.. قلت لها بصراحة دكتورتي ما تتكلم وما خبرتني شي.. وآخر موعد قبل أسبوع سألتها عن المشيمة وقالت لي كأنها مشيمة وحدة بس ما أقدر أفرق إذا كانت وحدة او مشيمتين واندمجوا مع بعض لأن ما يبين قالت لي إيه صح ألحين مبين عندي أن مشيمة وحدة بس مو مبين إذا وحدة أو ثنتين لأن احتمال يكونون مندمجين بعدها أكدت لي أن فيني بنات ثنتين وبكيسين منفصلين.. وقالت لي أن حجمهم قد بعض وفي فرق بسيط كلش بالوزن .. قالت لي بعد أن بالأسابيع الجاية وفي السادس ممكن أن تتأكد إذا كانت مشيمة أو مشيمتين حسب أوردة الدم... بصراحة ما فهمت وايد بس هي عارفة شغلها وفحصت لي عنق الرحم وسألتني إذا سويت ربط أو لا.. قلت لها لا.. قالت لأن مو مبين أن في ربط... وبعدين قاست عنق الرحم وقالت لي ما تحتاجين ربط لأن ما شاء الله عنق الرحم عندج طوله زين وما يحتاج ربط طبعاً كانت تبي تاخذ لبناتي صورة وما قدرت تاخذ صورة إلا لوحدة وبعد مو واضحة وايد لأن ما شاء الله يتحركون وايد .. وأنا مع الدكتورة كذا مرة يتغير وضع الراس ساعة فوق وساعة تحت يتقلبون ويسوون حركات بهلوانية مع بعض وكل وحدة تطق في الثانية.. ووحدة يحليلها ما تبي اختها تطقها حاطة يدها على وييها... فديتها.. وفديت اختها قالت لي أن الصورة تكون أوضح بعد كم أسبوع لأن يكبر حجمهم ويصير المكان عليهم ضيق وحركتهم تصير أخف عشان تقدر تاخذ لهم صورة لأن ألحين ماخذين راحتهم باللعب ويتحركون سريع والصورة ما تصير واضحة تنمسح مع الحركة يهبلون حبيباتي بناتي الحلوات ألحين خلاص راح أتسوق لبنيات ونودع الأصفر والأبيض والأخضر والألوان المحايدة ههههههههههه |
رد: تجمع حــوامل التوائم
بنات اشكركم جميعا على ردودكم الحلوة ... بس الدكتورة وقفت الاسبرين عني طلع من هالحبوب سبب لي سيلان .. نارا الدكتورة قالت لج كم أسبوع يعني خلصتي الرابع ولا لا ...
|
رد: تجمع حــوامل التوائم
شخباركم بنات الله يقوم ميمي بالسلامة ويسهل عليها ان شاءالله وتشوف توأمها معاريس
ومبروك نارا على البنات .....عاد خاطري موت بالبنات إن شاء الله الفال اليي بعد ويكون التوأم اللي في بطني بنات بعد........ |
رد: تجمع حــوامل التوائم
بنااااات عندي سؤال في أي شهر يبين التوأم إذا هما في مشيمة وحدة أو مشيمتين ؟
اسبوع الياي عندي موعد مع الدكتورة وبتاخذ عليي سونار هل راح يبين شي؟ |
رد: تجمع حــوامل التوائم
صباح الخير...
|
رد: تجمع حــوامل التوائم
اقتباس:
في مشيمة وحدة ماادري انشالله البنات يفيدونج.. |
رد: تجمع حــوامل التوائم
صباح الخير..
نـــارا حركات بناتك نفس حركات بناتي ماشاءالله مايقدرون يصورونهم من اللعب ووحده منهم تضرب الثانيه والثانيه حاطه رجلها بوجه اختها هههههههه الله يحفظهم يجننوووووون حلوه حركات التوائم umirza اللي اسمعه ان المشيمه تبين اكثر في الشهور الاولى اما في الاخيره تصير مو واضحه وحده ولا ثنتين والله ودي نتطمن على اخبار ميمـــي بس مااظن تقدر تدخل الله يقومها بالسلامة |
| الساعة الآن 11:51 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .