|
رد: تجمع رعاية المولود من حديثي الولادة إلى شهر 3
بنات انا للماغص استخدم هذا ،، http://forum.hwaml.com/imgcache2/hwa...129054_537.jpg
مرره ارتاحت بنتي عليه طبعا كثير يقولون لك ماستفادة منه لانه لازم تستخدمينه ثلاث مرات باليوم اللحين صرت اعطيها مرتين وماله اي مضار عباره عن مجموعة اعشاب ومن ولدتها وانا استخدمه ،، المقدار ملي ونص ثلاث مرات باليوم ،، يارحيم والله للحين انا وبنتي معافر صحيح اخف من الاربعين بس تجيها حلات ضيقة صدر بس تصيح ولا اخذ راحتي بسوق ولا طلعه ولا اطبخ وارتب براحتي وهي قايمه ،، بتتفاجئين بعد الاربعين من شكلك بتتغيرييييين انا نحففففت باخر اسبوع من الاربعين دخل كرشي بس للحين رخو الايام هذي لبسة بجامه شاريتها ايام الاربعين البنطلون صار ينسلح والحمدالله بطني تقريبا بدا يختفي السواد لان وانا حامل جتني حساسيه فبطني موتتنييييييي وبعد ماولدة قلبة سووودا واللحين راح اثرها ،، ،، الام الاذن انا انقع مره واخليها ثقييييله وانقط نقطه وحده بكل اذن واسكرها بفازلين ترتاااح بنتي ،، ،، تخريج الاكل يبنات عاااادي الى اربع ايام بعدها سوي بالزيتون اما كل ليله لامايصلح ،، قلبها فيصل نقطي بحلقه مره عادي بس يسبب اسهال لونقطه وحده |
رد: تجمع رعاية المولود من حديثي الولادة إلى شهر 3
|
رد: تجمع رعاية المولود من حديثي الولادة إلى شهر 3
غريبه ليش الصوره نزلتها مرتين ولا طلعت عالعموم اسم الدوا دينتنوكس
|
رد: تجمع رعاية المولود من حديثي الولادة إلى شهر 3
يارحيم/ حبيبتي مايوحشك غالي،،انتي اللي لك وحشة،،، بس اسمحيلي الطبيب اللي رحتي له عشان المغص ماعنده سالفة!! كيف اذا البيبي يصيح بسبب المغص تعطينه بس مويه!! انا رحت للدكتور وحيدوري عمره 3 ايام ووصف له الدكتور دوا للمغص ماقال ماينفع تعطونه شي ﻷنه صغير!
حرام ولدك يتعذب من المغص وانتي تسمعين كلام هالدكتور ! بعدين الحليب الصناعي ماله شغل بالمغص! يمكن يكون سبب من الاسباب بس مو سبب رئيسي هو البيبي لما ينولد يكون ببطنه اوساخ ولازم ينزلها عشان يرتاح ،،عشان كذا اوقات نشوف البراز مخلوط بلون اسود،،يعني حتى لو يرضع طبيعي راح يتألم من الغازات،، المهم انا عندي كم شغله اسويها لحيدور لما اشوفه يتألم من بطنه،، اسدحه على بطنه على فخذي واضرب ع ظهره عشان تطلع الغازات ويخف اﻵلم والدكتور نصحني اني اضرب اسفل ظهره عشان يسهل خروج الغازات،، وتقدرون بعد تمسحون على ظهر البيبي وهو مسدوح ع البطن لانه يخليه يهدا،، احطه على كتفي وامشي فيه شوي وانا اضرب بخفيف على ظهره،، اهم شي لما يخلص البيبي رضاعة تخلونه يتكرع بالضرب على ظهره وهو على كتفك،، وغير كذا لاتنسون ترفعون راس البيبي وهو يرضع،، اعطيه دوا الغازات ( إنفا كول) قبل الرضعة،،( نصيحة الدكتور) كنت استخدم دوا ( دنتينوكس) ومانفع ،، اسوي له نعناع طازج،، اغسل النعناع مضبوط لانه مليان اتربه واغليه واعطيه اياه مع شوي سكر ولاتكثرون سكر بس شي بسيط لانه اصلا النعناع راح يخليه يتبرز بسهوله،والنعناع مره كويس لانه يطرد الغازات،، يمكن يكون صياحه من الحليب الصناعي،،لانه مايصلح له عطول غيروه ،انا استخدمت رونالاك للغازات وحيل نفع ولدي، وبعدها غيرته ل رناولاك 1 ومره كويس بس مشكلته خفيف شوي وولدي ع طول يجوع وغيرته لحليب ( بريميم كير) والحمدلله اشوفه ماشي معه،، وبس ان شاء الله افدتكم،، |
رد: تجمع رعاية المولود من حديثي الولادة إلى شهر 3
زينب/ حبيبتي انا يوم ولدت ببنتي احترت وش اخذ موانع عشان مااحمل وخصوصا انه الحبوب انا ماحبه وكنت خايفه انه يسمني وغير كذا يخلي الوحده تصير عصبيه وانا مو ناقصه،،ولازم تاخذينه بأوقات محدده واي علاج تاخذينه معه راح يبطل مفعول حبة المانع ،،عشات كذا اخترت الواقي الذكري بصراحه صار لي 5 سنين استخدمه والحمدلله ماشي معي ،،ة0وناويه هالمره بعد استخدمه،،هو صحيح اول مايستخدمه الرجال راح ينزعج منه بس بعدين راح يتعود،،وانتبهي تستخدمين طريقة ايام التبويض لانها مو مضمونه فيه ناس كثير حملوا عليها وانا لاحظت انها ماتنفع الا مع امهاتنا ،،لان هذي الطريقة يبغالها دقه ولازم تمر عليك اكثر من دورة عشان تعرفين طريقتها،،،ومو دايم الرضاعة الطبيعة تنفع بمنع الحمل . ابحثي بقوقل وشوفي وش افضل مانع للحمل،والله يسهل عليك وتلقين الحل الانسب.
|
رد: تجمع رعاية المولود من حديثي الولادة إلى شهر 3
مدوخة حبيبها حتى انا قالي الدكتور لاتعطينه شي للماغص اتركي امعائه تتعود ورحت الصيدلي ووصفلي دينتينوكس ومرره ارتاحت بنتي له بس لازم ثلاث مرات باليوم واللحين بدا يخف معها المغص لانه قربة تخلص الثلاث شهور وصح كلامك الطفل يبقى فيه وصخ من موياة الحمل ،،
، بسألك ماجربتي اللصقات لمنع الحمل وحده من قرايبي تستخدمها ومرتاحه لها بس سمعت اذا جها مويه تروح الواقي سببلي التهابات |
رد: تجمع رعاية المولود من حديثي الولادة إلى شهر 3
مشاعل/ حبيبتي انا اسمي ياسمين تقدرين تناديني فيه ،،،
انتي عمر بنتك 3 شهور ياحياتي العمر كله،بس انا لاحظت ان الدوا اللي قلتي عنه مفعوله بطيئ شوي،، يعني انا ولدي عمره اللحين شهر وماشاء الله مايشتكي من المغص الا نادرا ومن اشوفه يصيح عشان بطنه اعطيه دوا ( إنفا كول) ومثل ماقلتي 3 مرات باليوم بس بما انه مايشتكي من المغص كثير اعطيه مره وحده او اسويله نعناع،، واللصقات سمعت عنهم بس ماجربتهم ،،والواقي انا ماسوا لي التهابات ﻷني مدوامه ع التحاميل الطبية والغسولات وتحاميل الملح،، وقبل يصير شي بيني وبين زوجي استخدم الغسول الطبي،، يعني تصير لي التهابات بس شي طبيعي ،،لازم كل حرمه تصير لها التهابات،بس اهم شي ماتصير معها حكه او افرازات لونها اخضر،، وسمعت بعد ان فيه ابرة تمنع الحمل،، الصراحة احترنا مع الموانع،، |
رد: تجمع رعاية المولود من حديثي الولادة إلى شهر 3
اهلن ياسمين ،، اميين واولادك ياربي انا الغسول استخدمه اسبوعين وبالنسبه للابر قالت لي عنها ملكتني انها تسبب نزيف للي عمرها اقل من ثلاثين سنه ،،
انا اشف الخدامات الاثيوبيات يزرعون حبوب زراعه داخل الجسم بالذراع كذا خدامه شفتها خصوصا الاجار وبحثت عنها قالو مدتها سنه ب1500 بس ماحصلت دكتوره للحين تزرعها وفيه ابره يستخدمها الرجال بس زوجي رافضها لان عنده ضعف ويخاف تزيده |
رد: تجمع رعاية المولود من حديثي الولادة إلى شهر 3
كيفكم صبايا انشالله تمام سوري انشغلت مع البيبي للحين ماتعودت على الوضع الجديد الله يعين
|
رد: تجمع رعاية المولود من حديثي الولادة إلى شهر 3
بنات شسوي مع زوجي من رجعت من الاربعين وهو24 ساعه على لعبة السوني يجي من الدوام ويتغدا ويلعب والله انام بالليل وهو قاعد عليه طفشنييييي ابي اغراض من السوق والبيت فاضي وبنتي ملابسها صغرت عليها وابي اطلع اتمشى ان طلعني طلعني اخر الليل اذا سكرة المحلات وتعرفون نظام الرياض الساعه 11 كل شي مسكر اليوم وهو بالدوام سالته بتوديني السوق ولا اروح لأهلي قايل لا بوديك السوق وكل شوي يقولي استني طاب خاطري خلاص ماعاد ابي حسبي الله عليه اللي علمه على هالشريط الله لايسامحه لا ويدق عليه كل شوي ويشبكون اون لاين هو والشله واسكتي لاتتكلمين يسمعونك وابي انام عند اهلي من الطفش والملل ورافض كن له بي حاجه بس يبيني اطبخله وازين له المشكله مااعرف اصر على رايي او اسوي مشكله اسكة واقوله الله يسامحك وبس عطوني حل اكسر الشريط اخرب الاسلاك شسوي معه
|
| الساعة الآن 01:06 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .