|
رد: تجمع حوامل ليبيا
كنت نستشور في شعري من الكساد وفروتي مطلعتلي قرون اني شعفت معاش نبي صغار
|
رد: تجمع حوامل ليبيا
يقين اولا ربي يعاونك وبعدين فوتي العزايز ديمه هكي
وغلط اللي درتيه لما حكيتي لسلفتك واكبر غلط توا اكيد بتحكي لراجلها وبعدها حتوصل لكل العيلة ويقعد موقفك محرج المفروض تحسبي لكل حاجة اكيد توا بتقوليلي مش حتقول واني متاكدة انها قالت من البارح ههههههههه اهو تحكيلنا احني وخياتك ومافيش منا تقول لعزوزتك هههههههه* |
رد: تجمع حوامل ليبيا
اقتباس:
ربي يحفظلك بنيتك يايقين وبالله عليك ماعادش تقولي هكي .. احمدي ربي على النعمة اللي عاطيهالك .. في ناس زيك يتمنوها .. ان شاء الله ربي يحفظهالك وتزيدي عليها وربي يقر بيهم عينك ياارب ويجعلهم بارين ... آني ندعي ربي ليل نهار ان يرزقني ومانحبش منو يتشفع من الصغار.. |
رد: تجمع حوامل ليبيا
انا ميراس عندي بنوته وحامل توا , واتحملي يايقين وخلاص ومعش تحكي لسلفتك خير ماتصيرلك مشكله مع اهل زوجك وزوجك , توا بنات درت كيكه الكريم كراميل جت تجننننننننننننننننننننننننننن ودرت كعك مالح بس مطلعش زي المره الي فاتت حلو بس المره الي فاتت احلى
|
رد: تجمع حوامل ليبيا
ليبيا قلبي الكيكه تهبل درتها وجت تهبللللللللللللللللللل سلمك عطايا وميمون الكعك حتي هو يجنن بس المره هذي مزبطش معايا انا شكيت في الخميره الي عند هلي وممكن تعملي كيف نبرم العجينه عشان تعبتني بكل جيهه سميكه وجهه رقيقه
|
رد: تجمع حوامل ليبيا
اقتباس:
|
رد: تجمع حوامل ليبيا
اهلين متفائلة احكيلنا عن روحك عرفينا بنفسك
|
رد: تجمع حوامل ليبيا
خودي ياميمونة كيك الشوكولا
كوب وتلاتة ارباع دقيق كوب ونص سكر ملعقة صغيرة بيكربونات صوديوم نص ملعقة صغيرة ملح ربع ملعقة صغيرة قرفة بعدها تاخدي طنجرة وتحطي تلاتة ارباع كوب كاكاو وكوب زبدة لينة وكوب ونص لبن خاتر وتخليطهم علا النار لين يدوب الكاكاو بعدها تصبيها علا خلطة الدقيق وديري ملعقة صغيرة فانيليا سائلة وبيضتن وتخلطي لمدة دقيقية ضيفي ملعقة صغيرة بيكنج بودر وخودي طاجين ادهنيه بالزبدة والدقيقيس وصبي لخليط خليه في الفرن لمدة 40 الي 45دقيقة بعدها طلعي الطجين واقلبي ا الكيك وجهزي خلطة الشوكولا خودي طنجرة وحطي قشطة سدا و5مكعبات شكوتلاة البستان الليبية ونص ملعقة صغيرة فانيليا وخلطيها علا النار لين دوب الشوكولا وصبيها علا الكيك طبعا حلوات الكيك توكل ساخنة حتى لو كعدت اليوم التاني سخني الفرن وسكريه وحطي الكيك والفرن ساخت وصحتين طبعا ملاحظة استعمال البكربونات ضروري علشان اللبن والشوكولا تقدري تستبدلي البستان بمتاع الحبوب متاع الكيلو بس البستان احلى ووووووووووووصحتين |
رد: تجمع حوامل ليبيا
هاتو وميمونة وتمورة و وام وسونة وميراس ويقين وام اجنادين شكرا سالتوا عليا بس معجبتنيش في يقين حاجة مدرتيش صورتي معا البنات
|
رد: تجمع حوامل ليبيا
يقين ربي يصبرك بكل عين وقحة عزوزتك تسال
وسلفتك بدال ماتجي معاك والله انا وسلفتي جو لازم بعد مانروحوا من الشيبان شوط قرمة ياوخيتي من العوج لي نشوفوا فيه |
| الساعة الآن 12:29 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .