|
رد: تجمع حوامل سوريا-دردشة ورود سوريا-دردشة الغاليات
كيفك سدورة شو اخبارك واخبار هالكتكوت
|
رد: تجمع حوامل سوريا-دردشة ورود سوريا-دردشة الغاليات
كيفكن صبايا
كتير بشكركن حبيباتي على ترحيبكن الحلو واللطيف حبيبتي سروءة انا وزوجي من نفس البلد بسوريا وفي شوية أرابي بيناتنا بس هو واهلو ساكنين بحلب من ٤٣ سني وانا لحالي بامريكا بس زوجي عندو اخواتو الاتنين ساكنين هون واحد قريب منا وواحد بغير ولاي وحماتي وعمي بيجو لهون بالسني ٦ اشهر مشان ياخدو الجنسية بس هلق الهن هون ٩ شهور لان مارح ينزلوا على سورية وبنت حمايي متجوزي واحد سوري وساكنين بالسعودية يعني عندكن وبنت حمايي التانيي هربت من سورية على تركيا وبعد كم شهر رح تنتقل على مصر معليش حبيبتي سامحيني حكيتلك السيفي لكل شخص ههههه وباقي كل اهلي بسوريا بريف ادلب من محمبل ازا سمعاني فيا الله يحفظهن ويحميهن ويجمع شملنا بس بنات عندي سؤال ازا بتعرفو ياريت تجاوبوني انا فاول يوم بالاسبوع الخامس وعندي موعد مع الدكتورة بكرى رح تعملي موجات فوق صوتية كيف رح تفحصني من تحت ولا بالبطن؟ وشو ممكن يبين معها بالفحص ؟ يعني ممكن يبان الجنين من هلق خايفي كون لاسمح الله حامل بكيس فاضي طمنوني بنات |
رد: تجمع حوامل سوريا-دردشة ورود سوريا-دردشة الغاليات
بسبوسة اتشرفنا فيكي
هاد اول حمل الك اديش عمرك حتا اتا زوحي بكون ابن عمي بالنسبة لسوالك انا مابين معي النبض والجنين للاسبوع التاسع والفحص حيكون عاابطن لان مابينفع فحص مهبلي بالحمل طمنينا بس تعملي الفحص والله يتمملك عخير يارب |
رد: تجمع حوامل سوريا-دردشة ورود سوريا-دردشة الغاليات
اهلين حبيبتي سروءة
هادا تاني حمل بس الاول سقط والحمدلله وعمري ٢٤ حبيبتي الحمدلله رحت اليوم لعند الدكتورة وعملتلي الفحص وشفنا الجنين الله يحفظو وشفت ألبو كمان والنبض بس عملتلي اياه مهبلي بس خوفتيني معقول يكون خطر والدكتورة عملتو وكمان عطتني موعد بعد٢٠ يوم بس حيرتني بشغلي ياريت ازا بتعرفي تجاوبيني انا الشهر يللي حملت فيه جبت جهازاختبار اباضة وطلعت اباضتي ب١٢ من الدورة وانا طول دورتي٢٤ يعني عالميلادي كانت آخر دورة الي ٢٧ من تموز وانتهت ب٣١ وكانت اباضتي ب٧ آب ونحنا اليوم ٦ ايلول يعني على حسبتي انا اليوم بأول الاسبوع الخامس بس الدكتورة قالتلي انا اليوم بأول يوم بالاسبوع السابع وبصراحة كتير احترت لان طلع معها بالسونار هيك وكمان حسب نسبة هرمون الحمل بأى ياترى عندك فكرة عن هيك شي؟ |
رد: تجمع حوامل سوريا-دردشة ورود سوريا-دردشة الغاليات
السلام عليكم
كيفكن بنات شو وينكن وين غاطين |
رد: تجمع حوامل سوريا-دردشة ورود سوريا-دردشة الغاليات
كيفك سروءة
وانتي بسبوسة كيفك الله يتمم حملك عخير يارب وتقري عينك بجنينك ياحي ياقيوم حبيبتي لاتخافي اتكلي عربك في دكاترة بيسوو سونار مهبلي لان اوضح ولاتخافي الدكتورة بإذن ربي مارح اضرك وبالنسبة للحسبة الدكتورة بتعرف تحسب عطريقتهن فلاتشغلي بالك الله يقومك بسلامة يارب |
رد: تجمع حوامل سوريا-دردشة ورود سوريا-دردشة الغاليات
بسبوسة الحمدلله انك اطمنتي
لا اذا الدكتورة شاطرة مابضر ان شالله حساب السونار دايما ازود شوي انتي عطيني اخر موعد دورة الك يعني اول يوم اخر دورة اهلا شامو كيفك كيف اهلك وين البنااات |
رد: تجمع حوامل سوريا-دردشة ورود سوريا-دردشة الغاليات
السلام عليكم
صباح الخير حبيبتي شام الهوى وحبيبتي سرووءة شو شكلكن متنشطين مشان هيك صحيانين بكير ياعيني عالنشاط حبيباتي لوسمحتو ممكن تعرفوني شوي عحالكن انا كتير رتحتلكن ولما بدخل على هالتجمع مابقى بحس بالغربي الله يخليلي اياكن ويحفظكن انتو وزواجكن واولادكن سرووءة انا آخر دورة الي كانت اول يوم ٢٧ تموز وآخر يوم ٣١ تموز يعني بالهجري اول يوم كان ٧ من رمضان وانتهت ب ١١ رمضان وكان يوم اباضتي ١٨ رمضان وبالميلادي كانت ٧ آب يعني على حساب الدكتورة انا حامل من اول يوم بالدورة ههههههه بأى كيف هيك عم تحسبلي مابعرف وهي حللتلي دم من اسبوعين وكانت نسبة الهرمون ٤٥٠ هي كمان على هالاساس كمان مع السونار حسبتلي بأى شي غريب ماهيك؟ |
رد: تجمع حوامل سوريا-دردشة ورود سوريا-دردشة الغاليات
كيفهن الصبايا اليووم وينكن ليش ماعم تبينوو وين غاطين اكيد ملتهيين بهالببابي الله يعطيكن العافية انا منيحة وعم اتمشور انا وماما مشان مايضيق خلقاا بس كتير تعبانة الوحام دبحني والله وقت بنتي بلش الوحام معي بالشهر الرابع وخلص بالتاسع بس هلكت هلكااان وهلئ كمان بس مبلش معي الوحام بكير غريبة سبحان الله بالفعل كل ولد وحامو شكل العفو منكن استفراغ ولعية نفس ودوخة بحس حالي كرهانةالاكل والطبخ ومابدي شي بس ارتاح ونام وعم اتفشش بندى يا حررررررام مسكينة اخخخخ وحالة بيعين الله عالعموم سلاماتي للكل وبوسولي هالببابي باااااااااااااي
|
رد: تجمع حوامل سوريا-دردشة ورود سوريا-دردشة الغاليات
هلا فيكي بسبوسة زوجها انا ام عبد الرحمن من حلب بس طول عمري عايشة بشام وتزوجة عمري 16وطلعت مع زوجي الكويت طبعا زوجي كويتي وعندي صبيين وبنت عبد الرحمن ومريم ومحمد وعمري هلئ 23الا شهور ههههه حلوة الا شهور عم صغر حالي شوي زوجي بيقلي ياكبيره بقلوا شو كبرني بيني وبينك 14سنة هههه زوجي مو ختيار ها بعدين بتفكروا قد جدي لا عمره 38 اي ياستي شو كمان عرفيني انتي عن حالك
كيفك سروءة انا منيحة الحمد لله واهلي تمام ماما راحت سكنت بالغزلانية عطريق الشام اذا بتعرفيها عم تقول ما في عندهم شي الحمد لله بس اصوات من بعيد كيفك ندوش شو اخبارك الله يخلصك بسلامة يارب ويهون عليكي الحمل بس لاتفشي خلقك بندى حراااام ديري بالك عليها |
رد: تجمع حوامل سوريا-دردشة ورود سوريا-دردشة الغاليات
مرحبا يابنات
اااااخ وااااااخ رزق الله ايام كنت فوت اتطمن عليكون كل يوم اهئئئئئئئئئئئئئئئ ماتواخذوني ماعبقدر على بركة الاب توب ومالي خلق لشي بيتي يادوب عبساوي المهم المهم والطبخ يوم جاهز ويوم حواضر ويوم طبخة هات ايدك ولحقني ههههههه..الله يعين جوزي علي هلق الحمل تقلان معي وقصص الفوتة عالحمام العفو منكون والضغط والحرقة هاكتني ونعس خمووووووووووووووول حالتي حالة والله ...الحمد الله عكل حال وفوقا بلشت فكر عنجد بالولادة بقعد كتير لحالي بفكر كيف رح تمضى هالساعات وشو شكل الالم وشو شعوري اول ماشوف بنتي اول مرة اااااااااااخ عبترفسني هالزعورة الصغيرة هههههه وعلى فكرة مبارح زرت دكتورتي وعملت ايكو بين كلشي تمام الحمد الله الايكو عطاني انا بالاسبوع 30 ووزنها 1383غ وعطاني اخر موعد لولادتي15 _11 بقا الله اعلم وهالزعورة انبسطت على الايكو صارت تقلب وتسبح وتحط ايدها تحت راسها هههههههه..ابوسها دعواتكون يابنات الله يسهل علي هالشهرين يلي بقوا والله حاسستون صعبين ..الله يعيني ويعين كل حوامل المسلمين |
رد: تجمع حوامل سوريا-دردشة ورود سوريا-دردشة الغاليات
بسبوسة زوجها منورة التجمع وخصوصي انك من ريف ادلب ههههههه انا من ريف ادلب كمان
الله يتمملك على خير يارب ويسهل حملك وولادتك دايما فوتي طمننيا عنك |
رد: تجمع حوامل سوريا-دردشة ورود سوريا-دردشة الغاليات
هنودة حبيبي تقبشششششششششششششششش قلب خالتك مية بوسة مني ومن رنوشة الك ياعمري
الله يحميك.... ميورة شو مشان الصبي عودتيه عالنت من هلق خخخخخخخخخ |
رد: تجمع حوامل سوريا-دردشة ورود سوريا-دردشة الغاليات
كل البنات بحبكون كتير والله بيعلم شو مشتاقة كركر مع كل وحدة فيكون بس اااااااااااااخ بس الحمل ووضع البلد خلانا بحالة صعبة
الله يجعل النصر قريب يااااااااارب اخواتي لاتنسو الدعاء والصلاة وقراءة سورة ياسين بهاليلة الفضيلة عسى تكون ساعة اجابة يااااااااااااااااارب |
رد: تجمع حوامل سوريا-دردشة ورود سوريا-دردشة الغاليات
اهلين هدول حبيبتي الله يقومك بسلامة يارب
شو اخبارك طمينة عنك من زمان عنك |
رد: تجمع حوامل سوريا-دردشة ورود سوريا-دردشة الغاليات
بسبوسة عرفتك عن حالي قبل
بخصوص حساب الحمل اذا عحساب الدورة وهو الصح انت كل 10 الشهر بتدخلي بشهر ميلادي طبعا انا هيك كنت احسب بقولو حساب الدورة اظبط شي دايما الدكاترة بزودو الحساب يعني انا حسبتلك هلا عديت 14 يوم من اول بوم دورة يوم 14 حسبت ان بتفوتي بشهر دكتورتي كانت تعد 7 ايام من اول يوم دورة طبعا ماحدا بيقدر يعرف ايمت صار التلقيح والحمل الله اعلم ان شالله تكوني فهمتي علي وفي موقع اسمو بيبي سنتر فوتي سجلي في بيعطبكي كل اسبوع معلومات عن للاسبوع يلي انت فبه لازم تسجلي فيه مشان يبعتلك كل اسبوع تطور جنينك راح تستمتعي كتير وانت متتابعي نمو الجنين |
رد: تجمع حوامل سوريا-دردشة ورود سوريا-دردشة الغاليات
مساالخير حبيباتي كيفكن
يسلموا حبيبتي سرووءة وفعلا رح سجل بالموقع يللي قلتيلي عليه اهلين حبيبتي هديل طلعنا جيران كتير فرحت بس حبيبتي انتي من وينمن ادلب ووين ساكني وأديش عمرك وهاد اول حمل إلك؟ اذا بتخبريني شوي عن حالكحبيبتي شام انا من ريف ادلب عمري ٢٤ ساكي بامريكا وكل اهلي بسوريا الله يحفظهن ويحميهن زوجي عمرو ٤١ اكبر مني بكتير بس كتير الحمدلله بحبو وبحبني بشتغل مهندس مدني وانا سني تالتة حقوق عم ادرس بحلب وصرلي سنة بامريكا متزوجي من سنة ونص كبتلك جريدي عن حالي هههههه بس يابنات هلق جاييني هوجاس فظيع ومروح عليي فرحتي بالحمل عم خاف كتير انولاسمح الله لاقدرالله جيب ولد يكون موطبيعي كتير خايفي يابنات ياترى ببين سلامة الجنين قبل الولادي يعني ببين انو الجنين طبيعي بالايكو وفي شي كمان مخوفني اختي عندها ولد الله يخليه ويحميه منغولي هو الحمدلله مافي اي امراض تانيي لابالقلب ولابشي وانا كتير بحبو بس بخاف لاسمح الله يصير معي هيك ادعولي الله يرزقني ولد سليم ومعافى من اي تشوه او نقص ويكون كامل الخلقة آميين |
رد: تجمع حوامل سوريا-دردشة ورود سوريا-دردشة الغاليات
اهلين حبيبتي بسبوسة كيفك
لاتقولي هيك ان شاء الله ربي يرزقك الطفل السليم كامل الخلق والخلقة اللهم امين دايما ادعي انتي وكلي حبوب الفوليك اسيد اول تلات اشهر بتمنع التشوهات بأذن ربي لاتخافي بيبين كل شي بالايكو لاتاكلي هم وتكلي عربك ام شو حضرتك وربي يخليلك جوزك ولايحرمك منه ويسخره الك ويجعلك اجمل النساء بعينه واحب الناس لقلبه |
رد: تجمع حوامل سوريا-دردشة ورود سوريا-دردشة الغاليات
بسبوسة
تشرفنا بمعرفتك عالمخاوف شيليها من بالك كلنا هيك اول فترة متل ماقالت شام الهوى خدي حمض الفوليك واذ في شي مو طبيعي بالجنين ببين بالايكو وفي صورة رباعية الابعاد اذا بدك تعمليا بالشهر السابع مكلفة شوي بس بتبين كل شي بلبيبي اي تشوه داخلي او خارجي وقت عملتو ببنتي اعدت نصاعة عالايكو وشفت كل شي ببنتي القلب والقفص الصدري والمعدة والكلية وكللل شييي بيقسو الدكتور حتا بتشوفي شكل الجنين مو كامل طبعا بس شكل تقريبي فيكي تشوفي صور اجنة رباعي الابعاد بالنت دوري بقوقل وتفائلي خير وابن اختك اجا هيك من غير سبب ولافي سبب الله يرزقك الخلقة الكاملة بدون زيادة او نقصان |
رد: تجمع حوامل سوريا-دردشة ورود سوريا-دردشة الغاليات
بسب وسة زوجها الله يتمم عليكي حملك بخير ويرزقك الطفل السليم المعافا انشالله حبيبتي اتوكلي علا الله وما تخافي ربنا ما في اكرم منو صدقيني لما بتتوكلي علا ربنا وما بتخافي من شي ربنا انشالله ما بيكون معك وماشرط انتي تجيبي ولد متل اختك توكلي علا ربنا وربنا ما بيبعت للانسان الا الخير صدقيني
|
رد: تجمع حوامل سوريا-دردشة ورود سوريا-دردشة الغاليات
شو ياحلوين وين ماعم تبينو كلكن ملتهيين كانكن متلي ماعاد عم نفضي لشي هاد غير النفسيي السيئة كتييييييير بسبب اوضاع بلدنا والشوق لاهالينا والله عم حس اني عايشي بكابوس ما عم صدق ايمت فيق منو تعبت وتعبت نفسيتي ا
لله يكون مع هل ناس الي هونيك يارب |
رد: تجمع حوامل سوريا-دردشة ورود سوريا-دردشة الغاليات
http://forum.hwaml.com/imgcache2/hwa...108618_994.jpg احم احم احم أنا هون يا حلوين هوووس انا عامل حالي نايم بس ما حدا يخبر ميووورة اني عم افتح لابتوب هاااا تيفكن .. والله مثتئلكن كتير كتير .. ثباب التزمع : يذونة - عبودي - يويو رفيق النضال خخخ - مالك - كرومة - حمودي - ابراهيم - أحمد تيفكن ... يويو :اليوم بدي اذي لعندك يا يويو ... بثراحة متئاتل انا وميورة .. يا زلمة صايرة ما عم تهتم فيني .. بتضل حاتتني بتختي وانا كتير بيديء خلئي اوووف .... ثو تابخة الخالة ئللي مثان احثب حثاب الغدا عندك ثبايا التزمع الحلوين: خطيباتي [ رنوشة - زوود - ملاك - ندوشة ] يؤبثني العثل انا ... ولي ع ئلبي كل وحدة احلى من التانية ... هاااتو بوثة بث ما تئولو لحمواتي وميورة ههه مواااااااااااااح hwaml13hwaml13 مممم هلأ دور حبيباتي خالاتي ههه ببلش بخالتي الحلوة : ( هدولة ) حماتي المستقبلية هههه .. تؤبثي ئلبي انتي وختيبتي الحلوة رنووو .... تيفك وتيفا رنوثة انا مفهما ما تعزبك هااااا خالة سروءة ام زود : حماتي رقم 2 تيفك والله والله حبيتك يا خالتي ع محبة زود تؤبشو ئلبي تنيناتكن .. ثايفين انا ئلبي كبير وبيساع الكل ههه خالة أم مالك : لك كيفك يا خالة وكيفو مالك ... والله مثتئلكن ... ئليلو لملوكة انو جايي العب معو تابة بعد العصر .. خالة جوري أم يزونة : كيفك يا خالة وكيفو البوبو الجديد اخوكي او اختك تمنينا عنك .. خالة سيدرة : كيفك يا خالة مشتئلك كتير كتير انا ... شو رايك فيني بالله مو شخصية حتى وانا نايم خخخ خالة شام الهوى : كيفك يا خالة مثتئلك كتير انا .... خالة بسبوسة زوجها : منوووووووووووووووورة والله يا خالة التزمع .. ونثالله اذا جبتي بنت بدي اخطبها واذا صبي بدي صير رفيقو ^^ خالة أم يويو : جهزلي سفرة طيبة جايي احرد عندكن خخخ ... تيفك طمنينا عنك .. خالاتي ( ندى الشام - عبورة -سيلا - ام عائشة - وردة سورية - زهرة سورية - زهرة الحب - وردة حلب - نيهال - نادو - مع الله ) كيفكن ووين غايبين طمنونا عنكن وبث حكيت كتير ما بدي صير كرار متل ميورة صحي نسيت ... يوم الخميس اجت ام ميووورة وميووورة طاير عئلا بكرة ميورة عندا فحص وبدا تتركني مع ستي انا كتير مبسوط وحبيت التيتي كتير وما بعذبا .. دعولا لميووورة هااا الله يوفئا يلا باااي وبالمناسبة شو رايكن فيني مو حليان خخخ |
رد: تجمع حوامل سوريا-دردشة ورود سوريا-دردشة الغاليات
السلام عليكم كيفكن بنات اشتقتلكن
ميورة كيفك ماشاء الله على مهند ربي يحفظه بجنن اي تقبر قلب خالتك ان مشتاقتلك ياحبي لك وحمودة وعبود بسلموا عليك وكمان مريومة بتبوسك شو بدك احسن من هيك ههههه كيفك سدورو وكيف الازعر ليش ماعم يدخل التجمع نفس هنودههههههه يقبرني ربي يحفظلك ياه يارب جوري الشام وينك كيف الوالدة ان شاء الله قامت بسلامة طمنينه عنك وعنها وبوسيلي يزون سلام لكل البنات احبكم فالله |
رد: تجمع حوامل سوريا-دردشة ورود سوريا-دردشة الغاليات
السلام عليكم
كيفكن ياحلوين شو وينكن ؟ تسلمولي حبيباتي أديش كلامكن طمن ألبي الله يحفظكن ويحفظ ولادكن وازواجكن واهليكن وانشاالله رب العالمين برحمته بيرزأني الذرية الصالحة السليمة والمعفاة ويكون ولد ذو خلقة سليمة وتامة هايدي حبيبتي التجمع منور بوجودكن والحمد أمنت على بنتي اذا رح ياخدها هنودي الله يحفظو ويحميه ويخليه معناها لازم انشاالله جيب بنت قبل موشي بنت حلوي تلطش هنودي منْا ثو لأيك ياهنودي أول للماما انا مابدي اتذوذ غير بنت خالي منار لانن لح يدللوني كتيل حبيبتي شام تسلمي لألبي أديش حبيتك ودعوتك لما أريتا اثلجتلي صدري الله يحفظك ويحفظ زوجك واولادك ومايحرمكن من بعض بس حبيبتي مشان الصورة ماعرفت كيف امحيا اصلا مابعرف كيف نازلي بتصدأي اول مرة بشوفها وبنتبه عليها اليوم لما انتي قلتيلي عنجد ياروحي انا كتير بشكرك من كل ألبي الله يجزيكي الخير يارب لانك نبهتيني بس ياترى بتأدري انتي تمحيلي اياها؟ حبيبتي سرووءة بتصدأي اول مابشوف اسمك بشعر بالسرور انتي دائما الله يحفظك بدخلي على هالتجمع الروح المرحة ودائما كلامك بفائلني تأبشي ألبي شو بحبك بتمنى حبيباتي ماتحرموني من دعائكن الطيب حبيبتي سدورة تسلمي ياروحي على دعوتك الطيبة اتشرفت بمعرفتك الله يحميلك ابنك وزوجك واهلك ماشاءالله لاقوة الابالله الله يرزقني ولد متل ابنك الله يخليلك اياه ويفرحك فيه اللهم بارك فيه اللهم بارك عليه الله يحميه ويحفظه شو اسمو حبيبتي وأديش البركة عمرو وإيمت حبيبتي بين معك لما كنتي حامل جنس الجنين؟وكنتي كل أديش تروحي عالدكتورة وشو كانت الفحوصات يللي كنتي تعمليا ؟وإيمت تاكدتي من سلامة الجنين؟وشو الادوية يللي كنتي تاخديا ؟وايمت بلّش معك الوحام؟ اسفي حبيبتي سامحيني على كتر هالاسئلي صار فيها الشغلي ألة زوء شوي مو كتير هههههه بس مشان اعرف ويصير عندي خبرة يالله حبيباتي هلأ رايحة نام لان زوجي كنا عأساس سهرانين ومبسوطين وعم نشرب مته وآخر رواء رحت الله الله يعزكن عالحمام رجعت لأيتو عم يشخر وبسامع نومي وإلي ساعتين بألو أوم نام بالتخت شو بألي؟! لأ انا مو نايم لسا بدي أوم اشرب متي واسهر معك وانا ناطرة بس شكلي انا رح روح بسابع نومي بعد شوي هههههه الله يخلينا لبعض ولايحرمن من بعضنا ابدا والله يخليلكن زواجكن وولادكن ولايحرمكن من بعض آمين دعواتكن الي ولاهل سوريا السلام عليكمhwaml76 |
رد: تجمع حوامل سوريا-دردشة ورود سوريا-دردشة الغاليات
لت اهلين يا لفيقي الحلو ماشالله عليك اهلين ياهنودي تيفت وتيفن الثباب كلن كلن مستالن ومستاء للثبايا كلن يلي حززتن انت ياهنودي ما تلكتلنا انا والثباب الباقين ولا ثبي هههههه حلام عليك يعني ازا كنت حييوا بديك تل الثبايا بث لوح يا عم بيلبقلك يلا ازت ماما هلا بدها هي تحتي يلا باااااااااااي
|
رد: تجمع حوامل سوريا-دردشة ورود سوريا-دردشة الغاليات
كيفكن يا حلوات شو اخباركن اشتقتلكن كتير شو سلولة ام يويو جوري ام ملاك هدولة عبير ندا الشام والبنات الباقين وينكن ما عاد بينتو ابدا ولووووووووووووه لهل درجة هل بيابي شاغلينكن ههههههههه يعني طلو ولو طلة سريعة
|
رد: تجمع حوامل سوريا-دردشة ورود سوريا-دردشة الغاليات
شام الهوا يا ام الزوق والنفس شو اخر الطبخات ههههههه الله يخليلك القمامير اللي عندك
|
رد: تجمع حوامل سوريا-دردشة ورود سوريا-دردشة الغاليات
سلام بنات هي لعيونك سدورة كنت مسوية سفرة صغيرة للاطفال والحمد لله كتير انبسطوا عليها
طبعا لان حمودي صار سنتين واخواتوا جابوالو زينة وهدية قطار السنافر فحبيت افرحهن وسويلهن هالسفرة لان احنا بصراحة مابنسوي اعياد ميلاد حراااام بس فرحة للولاد مو القصد عيد ميلاد بخليكن مع الصور sorry مو واضحة اول صورة كتير http://forum.hwaml.com/imgcache2/hwa...213464_451.jpg وهي كيكة سمكة مت قريب http://forum.hwaml.com/imgcache2/hwa...213464_667.jpg وهي كريمة كرمل فراشة http://forum.hwaml.com/imgcache2/hwa...213465_150.jpg وبوشار بالكرمل وبوشار مالح |
رد: تجمع حوامل سوريا-دردشة ورود سوريا-دردشة الغاليات
هممممممممممم شو هل سفرة الطيبة يا شمشومة الله يعطيكي العافي والله كلك زوق نيال ولادك ههههههههههههه بس بتعرفي نفسي اعرف شو بيحطو للكاتو الفرنسي فيو طبقات ما بعرف شو هيي كتييييييييييييير طيبة ومانا كريمة انا ما كتير بحب الكريمة
|
رد: تجمع حوامل سوريا-دردشة ورود سوريا-دردشة الغاليات
وانشالله كل سنة وحمودي بالف خير انشالله العمر كلو عيد ميلاد سعيد
|
رد: تجمع حوامل سوريا-دردشة ورود سوريا-دردشة الغاليات
بسبوسة زوجها حبيبتي كيفك شو اخبارك ما تاكلي هم واسالي كل شي بدك ياه كلياتنا بنحب نسال ونستفسر عن شي لسا ما بنعرفو المهم مشاان جنس المولود بالنسبة الي كل دكتورة تقلي شكل وباول الخامس صورت عند دكتورة رباعي الابعاد والتلي مومبين بس احتما كبير بنت بس بالشهر التاسع حتا التلي انو ولد فحسب وضعيت الطفل كمان ممكن عند ناس مابيكون مبين وممكن يبان من الشهر الرابع انا كنت داوم عند دكتورة وكانت هيي تحددلي الموعد يعني تقريبا كل شهر ونص وكانت تعملي فحوصات سكر حمل وفقر دم وتسمم حمل كنت اخد حب حديد وفيتامين وكلس والوحام بلش معي من الشهر الاول للرابع تقريبا كتير كان وحامي صعب والفروج كرهتو لحد ما ولدت اول اربع شهور ماحب شي واستفرغ كتير العفو انشالله يكون وحامك سهل لان كل وحدي شكل رفيقتي حامل وماشالله ماحست بالوحام ابدا
|
رد: تجمع حوامل سوريا-دردشة ورود سوريا-دردشة الغاليات
بسبوسة حبيبتي الله يسلمك ويرزقك الولد السليم الخلق المعافا الصالح البار انشالله اسم ابني عبد السلام عبودي ولدت من شهرين تقريبا صحي بدي الك خدي حبوب حمض الفوليك كتير منيح للحامل اول اربع شهوروازا بدك اسماء الحبوب اللي كنت اخدا اليلي لحتا الك ياهن
|
رد: تجمع حوامل سوريا-دردشة ورود سوريا-دردشة الغاليات
كيفك ام عبد السلام منيح عرفت اسم الامور الله يحمي من العين يارب
كلك ذوق ياقلبي بس حتى الكيك الفرنسي بيحشوه كريمة شانتيه بس كريمة عن كريمة بتفرق وفي انواع كتير عرفتي شلون انا بصراحة بسويها بطريقة غير عن الكل يعني بعد مااخفق كريمة الخفق بحطلها الدريم ويب وجبن كيري وفانيليا وبودرة كريمة الكرمل واي لون بدك ياه او اذا شوكلت بضيف كاكاو بودر اذا بدك طريقة السبنج كيك بكتبلك ياها تئبريني انا تحت الخدمة وبوسيلي عبودي الازعر وانتي سالمة يارب وعقبال ماتفرحي بعبودي |
رد: تجمع حوامل سوريا-دردشة ورود سوريا-دردشة الغاليات
صباح الخير كلكن
وين البنات منجد التجمع فاضي بسبوسة تسلميلي يارب هاد من زوقك ونحن اخوات ومالنا غير بعض بهالغربة وانا كتير حبيتك ودخلتي لقلبي دغري وراح جاوبك عاسئلتك حسب مامر معي بحملي : بين معي جنس الجنين باخر الرابع مراجعة كانت كل شهر بس الاشهر الاخيرة كانت كل 15 يوم الادوية يلي اخدتا اول 3 اشهر حمض الفوليك فيتامينات بس دخلت الشهر الرابع بلشت حبوب كالسيوم وحديد والكاليسيوم لازم توقفيها بالشهر التاسع مشان مايكبر راس الجنين هيك الدكتورة قالتلي وبالشهر التامن ولتاسع صرت اخد حبوب زيت سمك كتير ممتازة للجنين وخصوصي للذكاء طبعا اد مافيكي كتري شرب حليب واكل سمك وخضرا وحبوب وبقوليات وخضرا كلا مفيدة الك وللجنين وخففي منبهات اد مافيكي شاي او قهوة او نسكافيه وبالنسبة للفحوصات كل فترة كانو يطلبو مني تحاليل فقر دم وكالسيوم وبول الله يكرمك اذ كان عندك التهابات لان الاتهابات مابتسوا بالحمل ابدا وكانت تعملي ايكو تطمن عالجنين كل شهر واممم شو كمان بس اذا حابة نسالي اي سؤال انا جاهزة تكرمي :) |
رد: تجمع حوامل سوريا-دردشة ورود سوريا-دردشة الغاليات
سدورة كيفك
وكيفو ابنك اديش صار عمرو الله يخليلك ياه يارب شام الهوى اي شو هالسفرة هي كل هاد وعللبسيط ماشالله حولك الله يهني ولادك بكفي دخلتي الفرحة عقلوب الولاد حاكم روح قلبن هالقصص كلو بشهي وبجنن اكتر شي شلال الشوكولا وكل عام وابنك بخير وصحة وسلامة يارب وان شالله يكبرو وتشوفين عرسان وشباب حفظة لكتاب الله وين الباقي جوري تعي طمنينا عن امك سيلا هدولة عبورة ندى زهرة رنومة ام ملاك وام يويو وميورة وكل البنات يلي ماذكرت اسمن اشتقنالكن |
رد: تجمع حوامل سوريا-دردشة ورود سوريا-دردشة الغاليات
اهلين حبيبتي سروءة تس
لميلي حبيبتي الله يخليكي يارب وكيفك انت وهل امورة الله يخليلك ياها |
رد: تجمع حوامل سوريا-دردشة ورود سوريا-دردشة الغاليات
كيفك سروءة وكيفها جود العسل تسلم لقلبي شو لذيذة
كيفكن صبايا اشتقتلكن شو صاير معكن ليش ماعم تدخلوا الله وربي اشتقنا لايام زمان هدول وينك ياعمري وام ملوكة وجوري وندى الشام وام يوسف وام عائشة وزهرة الحب ووردة سورية ونيهال اشتقتلكن كتير طمنونا عنكن امانة |
رد: تجمع حوامل سوريا-دردشة ورود سوريا-دردشة الغاليات
اهلين بسبوسه
بس حبيت خبرك هالمعلومه انو الجنين لما بيكن مصاب بمتلازمه داون ( المنغولي)ببين بالاسابيع الاولى من الحمل من خلال صوره الايكو بيكون في سماكه بالرقبه من الخلفمشان هيك لاتتوتري وانتكلي ع رب العالمين اضافه للنصيحه الخاصه بحمض الفوليك كتييير منيح والله يزقك الخلقه التامه يارب |
رد: تجمع حوامل سوريا-دردشة ورود سوريا-دردشة الغاليات
سلام ياحلوين كيفكن
تسلميلي سدورة لاتآخزيني حبيبتي تغالظت عليكي الله يحفظلك عبودي ويرزقك اخوة الو ياريت حبيبتي تكتبيلي اياهن انا هلأ عم آخد فوليك أسيد ومولتي فايتمين وزيت سمك باخد من كل واحد حبة يوميا هيك الدكتورة كتبتلي صحيح سدورة انتي من وين من سوريا؟ووين ساكني وأديش عمرك؟ ؟وعبودي اول ولد الله يحميه ويخليه سرووءة تسلمي ياألبي منيح خبرتيني شو هني الفحوصات مشان لما يعملولي فحوصات ماكون متل الاطرش بالزفي هههههه حبيبة ألبي عبورة تسلمي ياروحي طمنتيني انو هالفحص ببين بالشهور الاولى الله يكتب ابني من المعافين السليمين ويكون ذو خلقة تامة آميين حبيباتي جاي عبالي قالب كاتو بس بدي ينفش ومايخفت ويكون ألبو اسفنجي حدا عندو طريقة للكاتو يللي ببالي اسفنجي حدا عندو طريقة للكاتو يللي ببالي وكمان بدي طريقة بيتي فور لان جايين اهل زوجي بعد اسبوعين وبدي اعمل شوية حلويات مع اني صايرة كسولي ودائما نعساني بس امري لله |
رد: تجمع حوامل سوريا-دردشة ورود سوريا-دردشة الغاليات
بسبوسة طباختنا الشاطرة هي شام الهوى
ماشالله معلمة حلويات وطبخ هي بتفيدك ههههه |
| الساعة الآن 06:56 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .