|
رد: 【ツ】أحلى تجمع لأحلى حوامل التوائم 【ツ】 الجزء الثالث
الله يهون عليكم جميعا ويفرحكم بشوفة أولادكم وهم في صحه وعافيه. لا توسوسون ولا تفكرون أنا مافيه احد مثلي في الوسواس والحمد لله ولدت في نص التاسع ما شاء الله عشان كذا وسعوا صدوركم وتمتعوا في حملكم وان بسطوا فيه صح كانت ايام متعبه نفسيا وجسديا بس كانت حلوه جدااااا وخاصه انك تنتظرين ولاده أحلى توام بالدنيا والحمد لله على نعة التوام مع العلم ان عند أطفال قبل ويوم دريت أني حامل توام خفت وبكيت وان صدمت بس الحمد لله نعمه من الله الله لا يغيرها علينا
|
رد: 【ツ】أحلى تجمع لأحلى حوامل التوائم 【ツ】 الجزء الثالث
كيفكم يااحلى حوامل توأم
يارب تكونون بخير انتوا وتوينزاتكم أم عايشه قلبنا معك ربي يكتب لك الخير وين ماكان وياليت تطمنينا عليك الله يسهل امرك يارب ريماااس مبروك مشتريات البيبي يارب تفرحين بشوفتهم ويفرحنا بشوفة بيبياتنا معافين وسليمين يارب الف سلامه لكل التعبانين واللي انا وحده منهم يارب تهون علينا وياهلا ومرحبا بكل عضوه جديده هنا امس عملت تحليل السكر اللي بالمحلول بس ماعطوني النتيجه بشوفها بعد ثلاث اسابيع الله يطمني ويطمن الجميع واقول للدكتور اني تعبانه من رجليني ومتنفخه قالي مافكيش حاجه قهرني يقولي انتي لسه في الخامس التعب ده في الشهر السابع و الثامن بس اهم شيء انه صغيراتي بخير |
رد: 【ツ】أحلى تجمع لأحلى حوامل التوائم 【ツ】 الجزء الثالث
haif ما عليج منه انا نفس الشي دكتوري في الحكومي كل ما قلت له شي قالي طبيعي في الحمل ولما اروح الخاص اكتشف شي خليها على الله..الله يخلي الخاص
اخر اخباري الله يسلمكم انا شريت ثياب من مذركير مقاس ايرلي بيبي early baby المهم امي امس كانت تشوف مع اختي الاغراض واختي عندها عيال وقالت لنا ان مقاسهم وااايد صغير وهو للببي للي اقل من كيلوين ونص يعني من كيلوين لين كيلوين ونص فاضطريت اليوم اخذ الاغراض ابدل المقاس من ايرلي بيبي الى تايني بيبي وفي نفس الوقت اتاكد من كلام اختي المهم لما سالت صاحبه المحل طلع كلامها صح فحبيت اقول لكم علشان ما تغلطون غلطتي ووبس |
رد: 【ツ】أحلى تجمع لأحلى حوامل التوائم 【ツ】 الجزء الثالث
الف سلامة للكل
اعذروني يا بنات صار لي يومين بالمستشفى و الدكتورة تقول ما بتطلعني الا لما اولد هالمرة يقولون انفتح 2 سم |
رد: 【ツ】أحلى تجمع لأحلى حوامل التوائم 【ツ】 الجزء الثالث
السلام عليكم
بنات رحت الموعد حقي وبعدين شافو الضغظ والوزن وبعدين تساليني الدكتور ايش تحسي وايش معاك وكيف الحركه وقاعده اسولف معها قلت لها جاني قبل امس مغص وراح والحركه مو زي اول ( اقصد مو زي في الشهر السادس والسابع ) في الثامن اقل وكلكم يااااااااااابنات قلتو قلة الحركه في الشهور الاخير عشان يكبرو شوي وتقل الحركه موصح اقصد كذا وهي سويت لي سونار بس شفت النبض وقالت انزلي من السرير وتعالي عندي واقوله دكتور طيب ماشفتي الحركه ولا الوزن ولا شي والله بس دقيقه شافت وراحت وبعدين تقول تنويم قلت لها ليش تقول انتي تقول حركه قليل وانا اقولها لا الحمد لله في حركه بس مو زي قبل شهر وشهرين والمهم ماوفقت على التنويم لاني حسيتها مو فاهمه شي ولو كانت شاطره كانت شفت بسونار الحركه والوزن مو صح كلامي ووقعت على مسوليتي خروج واخذت موعد يوم السبت الي يجي والحين محتاره وخايفه مرررره استنى لين يوم السبت ورح انام في المستشفى والا اروح الحين وبسالكم كيف تميزو في الحركه الجنين الاول والثاني؟؟؟ |
رد: 【ツ】أحلى تجمع لأحلى حوامل التوائم 【ツ】 الجزء الثالث
احساس روعه انا من رائ تروحي تستشيري دكتورة غيرها ويالتسبه للحركه انا بعد احسهم ما يتحركون بس في الالتراساوند اشوفهم يتحركون ماشالله
ضوء السحر ما تشوفين شر والله يسهل ولادتج ان شالله |
رد: 【ツ】أحلى تجمع لأحلى حوامل التوائم 【ツ】 الجزء الثالث
هلا امهات التوأم شخباركم يالغالين انا اموري تمام ولله الحمد والشكر .. بس بنات حبيت اسألكم .. إلى الآن ما احس بالحركه وخايفه على وضع التوينز .. خصوصا إني نازله 4 كيلوو من بداية الحمل .. طمنوني الله يخليكم ..
ر ريماس .. انا مع اختك .. وكويس إنك بدلتي المقاسات .. اصلا حتى لو جو التوائم صغار .. احسن ناخذلهم مقاسات كبيره شوي عشان يستفيدون منها قدام شوي .. والأطفال في هالعمر يكبرون بسرعه .. وربي يخليهم لك يالغاليه |
رد: 【ツ】أحلى تجمع لأحلى حوامل التوائم 【ツ】 الجزء الثالث
ضوء السحر .. حبيبتي انا لو مكانك كان تنومت وهم بعدين يشوفون الوضع ويتابعون الجنين .. وإذاكان الرحم مفتوح 2 سانتي كان ممكن يستنوو عليكي .. مدام مافي الم ولا دم .. بس عشان الأجنه إتنومي وإذا مازاد فتح الرحم وكل شي تمام .. هم اصلا ماراح يستعجلون عليك.. والله يطمنك على توائم يالغاليه
|
رد: 【ツ】أحلى تجمع لأحلى حوامل التوائم 【ツ】 الجزء الثالث
احساس روعه .. لا تخافين حبيبتي ووكلي امرك لله سبحانه وتعالي .. وانا انا ضد إنك تستنين لين يوم السبت .. يمكن لا قدر الله الأجنه يبغالهم متابعه وإلا شي ... إذا نتي ماتبغين تتنومين روحي لدكتوره ثانيه وإذا كان كل شي تمام تقدرين تنتظرين .. عليهم .. بس اهم شي الأجنه لازم حبيبتي تتابعين وضعهم كل شوي .. والله يبشرك بالخير يالغاليه ولا يضيع لنا ولك إي تعب إن شاء الله
|
رد: 【ツ】أحلى تجمع لأحلى حوامل التوائم 【ツ】 الجزء الثالث
ممكن سؤال يا احلي صبايا ..
هذا اول حمل لي مادري متي يكتشفون اذا كان في بطني توائم او لا انا في شهر الثالث لو تشوفون بطني كان قلتواا في شهر الخامس او في سادس احس في ثقل مو طبعي والالم في الظهر وزني يزداد بشكل كبير و اذا سويت مجهود ينزل معاي قطرات من الدم الاحمر تكفوون والله خايفة |
| الساعة الآن 01:52 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .