|
رد: الغاليات بنات فلسطين اتفضلو هون.....
بخخخخخخخخخخخخخخ
صباح الفل مين في هون .؟ كيفكم اليوم ؟؟ اشتقتلكم كوميااااات عسولة و هبوشة الحمد علة سلامتكم و مبروك ما اجاكم ... يتربو بعزكم ان شاء الله دودو هههه ما شاء الله اللهمن صلي على النبي هههه مستعجل الازعر الله يخليه ... سلامته بدي اسألك هلأ صبورة صارلي يومين ملاحضة عندها اللثة الفوق هيك في اشيين منفوخات جنب بعض يعني واضحات كتير ,,, معقولة تكون برضو اسنان و الا كيف بقدر اعرف ههه ؟؟ هي كمان كتير بتعضعط اي شي يعني مش مص لاااا عض ههه حتى و هي بترضة احيانا بتضل تعض و تضغط على صدري و بتوجعععععععني هههه بحكي شو بدو يصير فينا مع الاسنان بخصوص الاكل انا بس هلأ بدوقها اشياء خفيفة بس جبتلها سريلاك بس لسا محتارة ابدا في و الا مش هلا !! فوفو ما شاء الله عليها رزونة الله يحميها و تشوفيها عروسة ان شاء الله ام اسيد يسعدو الخبرة هههه حواء و حلا صارلهم فترة مش مبينين ... ان شاء الله خير ام مروان كيف منوشة ؟ صبورة بقعدها من زماان هههه بس طبعا لازم يكون في وراها شي و هيك بتضل قاعدة لحد ما تزهق بس بدون ما يكون في وراها شي بس بثبت ثواني و بتقلب هههه بعدين الاشي الجديد بتضل كل ما رجليها يصيبو شي بتوقف يعني و احنا حاملبنها و ماسكينها ههه حتى لما بحممها بتجنني و ما بعرف اتحكم فيها زي ما بدي نور منورة يا حلوة ... باقي الصبايا الي ما بطلو اشتقتلكم يا دبات |
رد: الغاليات بنات فلسطين اتفضلو هون.....
انا اليوم مش طابخة ... مرت عمي بدها تطبخ على ما اضن فاصولياء
اه صحيح و خلصت امتحانات و ارتحت منهم و الحمد لله دحلو هههه سيدة العمر اهلا فيكي مبروك ما اجاكي ان شاء الله بتربى بعزكم |
رد: الغاليات بنات فلسطين اتفضلو هون.....
لولو
حمدلله على سلامتك من الامتحانات ههههههه يلا ارتحتي ماشاء الله عليها الحلوة ، بيكيفوا عالحمام والمي انا ابني بينطنط في المية واحنا بنحممو يا دوب ابوه يستملكه وهو اللي بيمسكه انا ما بقدرلو ههههه ازعر بالنسبة للثة صابرينامزبوط قبل ما يشقوا الاسنان بيكون محلهم وارم ومتل الكورة انا اللي تحت شقوا بس اللي فوق متل ما بتقولي بالزبط ورمانين وبيضل يعض الازعر بصدري وبايدة وبالالعاب وبكل شي شكلها صبورة كمان بدها اسنن ، ازا كمان بتنكد بالليل قبل النوم بدون سبب بيكون تسنين ان شاء الله يكون خفيف عليها وما تتغلب كتير بسمع اللي بيسننوا بكير ما بتغلبوا ولا بيغلبوا كتير ان شاء الله خير والله انا ماما بتقلي بلشي سيريلاك الرز عادي ، والدكتور بتقلي مهل كمان اسبوعين او اول الخامس وانا محتارة بس بيني وبينك حابة ابلش عشان يتعود ع بكير ، ممكن نخلط معلقة سريلاك مع الحليب ازا بياخد البيبي حليب من برا او حتى مع حليبك الدكتور قالتلي ممكن بدي اشوف تساهيل اذا طلعت هاليومين بدي اجيبله سريلاك الرز واجرب معلقة صغير باليوم ادوقو |
رد: الغاليات بنات فلسطين اتفضلو هون.....
هههه اهلا ام عمر
ان شاء الله خير هي بعد 9 ايام بتصير 5 اشهر حتي مرت عمي بتحيلي لازم شوية شوية نبلش نعطيها فواكة او خضرا مهروسة بس بيني و بينك لسا محتااارة و الله بتنكد ههه الله يستر بعدين كتير بتريل زيادة عن اول و قولتك كل شي بتمسكة لاااازم تعضعض عليه حتى جبتلها العضاضة بتكون تعضها بقوة و مقاتلة هههه بعدبن عالحمام تسأليش هههه بضل خايقة عليها تزحلق من ايدي هههه و انا بمسكها من جهة و ابوها من جهة بس الحمد لله طالعة بتحب المية و الحمام و الله الي اخت عمرها تلات سنين لحد هلأ بتمووووت من شي اسمه اتحمم هههه حتى بتخاف من المية لما تيجي على عينيها و و وجها :p شو كيفو هلا عمورة .؟؟ ان شاء الله هدي شوية ؟ البطة صحيت و بتلعب لحالها هههه صاحية مبسوطة شكلها صحيح انا لحد هلا ما خرمتلها دنيها هههه خااااايفة تتوجع منهم بس في نفس الوقت بقول يمكن هلا احسن من ما تكون كبيرة و واعية ... هلا بتتوجع شوية و بتنسى بس و الله مش قادرة اقوي قلبي و اخرمهم ههه |
رد: الغاليات بنات فلسطين اتفضلو هون.....
صباح الخير يا صبايا
يا صباح الورد الشامي ع الحلوات دودو ولولو ومنورات يا عسل كل يوم فوتو انا هلا مش فاضة بس اخلص الشغل البيت برجع ع رواق فوفو الله يحماه ماشاء الله قمر صحيح دودو ولولو عليتو قلبي وانا اطلب بالصور ههههه |
رد: الغاليات بنات فلسطين اتفضلو هون.....
لولو
ااااه حدثي ولا حرج عن الريالة انا مش ملاحقة اغيرلو تياب ومرايل للازعر تبعي وبعدين نصيحة بلشي طعميهاخلص الكل عن تجربة بيقلي البيبي الي ببلش بالاكل بكير بيصير يحب الاكل وما بيقول هاد لا وهاد اه بيحب كل انواع الاكل وانا صراحة هيني بدي ابلش مش كل كلام الدكاترة صح مية بالمية وبالنسبة لخرم الودان والله نصيحة روحي من هلا اخرميلها اياهم كل ما كان بكير كل ما كان اقل وجع واحسن الها الي صحبات عالشهر والشهين بيخرموا ودان بناتهم والله اريحلك قوي قلبك بالنسبة للنكد والله بالليل بس بينكد ، ان شاء الله يخلص تسنين ويهدى شوي بس المهم انه بينام بالاخر يعني. هاد المهم بس عاد بالنهار ما بينام الا نص ساعة او ساعة بالكتيييييير ومرات اقل انا عرفة الله يخليلنا اياهم بغلبتهم حلوييييين ام اسيد منورة يسعدلي اياكي ويعطيكي العافية كيفو اسيد شو اخر تطوراتو الازعر قلتي مرة انك لحستيه عسل هو ما بنفع العسل الا بعد السنة عشان فيه بكتيريا صعب يهضمها معدة الطفل الي اقل من سنة بعدين لسا بكيييييير عليه حبيبي هههههه مستعجلة شكلك ، خليه يكمل ٤ شهور وبلشي انطلقي متلي ههههه باقي الصبايا يسعد مساكم |
رد: الغاليات بنات فلسطين اتفضلو هون.....
الله يسعدك يا ام عمر والله الحمد لله ابني طول اليل بنام ما بيصحى غير مرة او انتين بس ليرضع وبعرف مواقيت نومو بنام 9 او10 بالليل وبصحالي ع 7 الصبح بكون يضحك ويلغب بغيرلو وبرضعو وبتركو يلعب ع 10 بنام ل2 الضهر وهيك بصحى وبنام وبلعب تبارك الله ع الشهرين كان وزنو 6 وتص هلا صار 3 شهور بس لسه ما اخدنو الو ع الاربعة شهور ميوان ونطعيم بالنسبة للاكل كل شي بحسو طري بلحسو منو والحمد للله ما بيحصلو شي بالعكس بصير يعيط بدو وكمان بشربو ميه كل يوم الدكتورة خكتلي لا بس المجربين حكى اه وانا بمشي مع المجربين والله بس اشربو الميه بهدى
|
رد: الغاليات بنات فلسطين اتفضلو هون.....
هلا لولو
الحمدلله ع السلامة كيف صابرينا انا بسمع انه الي بيسننو بدري بيمشو بسرعه هلاددودو كيفك وكيفو الازعر الي مغلبك ام اسيد تسلمي الله يسعدك انا بدي اعمل فاصوليا خضرا للغدا وانتو؟؟؟ |
رد: الغاليات بنات فلسطين اتفضلو هون.....
فوفو
هلا يا قمر شو هالرزونة العسل الله يحفظها ويخليلك اياها انا باقي عندي ملفوف من مبارح رح اعمل جنبه سلطة وخلص والازعر مغلبني بيسنن وحالتو حالة بياكل بحالو اكل ههههه الله يعينه ويعينني عليه ، شو اديه صارت رزونة اسم الله وكيف نومها ورضاعتها ، كله منك ؟ وشو بتعطيها غير الحليب ؟ ان شاء الله ما بتنمغص وبتغلب ؟ |
رد: الغاليات بنات فلسطين اتفضلو هون.....
ام اسيد
ولا يهمك عادي طالما منيح ومشصاير عليه اشي توكلي على الله ههههههه الله يخليلك اياه يارب اسم الله نومه منيح ممتاز هيك انا ابني مش كتير صحاب هو والنوم يا دوب بيعمل اللي عليه وخلص ههههههه |
| الساعة الآن 10:18 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .