|
رد: دردشة حوامل القطيف- تجمع بنات القطيف
اقتباس:
ومره صار جى كلام من عند عمتي حز في نفسي كانت اختي قبلها بشهر تعبانه ورقدوها في العناية بعدها بمده طويله سألت عمتي عنها قلت ليها الحمد لله تقول ليي طلعوها من العناية وهي اصلا مره الي دخلت العناية وقعدت فيها اسبوع طبعا هالشي لما كنت في شهري الاول من الحمل والكلام الي جى من عند عمتي اني حزتها في الشهر الرابع يعني 3 اشهر مضت على طلعتها من العناية وكل مره تدري عنها ترقدت تقول في العناية اقول في نفسي الناس تفاول فال خير مو فال شر واحين حتى لو ترقدت لو اي شي ويسألوني عنها اقول الحمد لله وبس |
رد: دردشة حوامل القطيف- تجمع بنات القطيف
كلما ادخل اشوف الكل نايم حشى كأني مفرقة الجماعات
بسألكم جم سؤال ابغى اشتري سرير يعني لكم شهر فقط وين تنصحوني اروح؟؟؟ وابغى بعد لفات حق الشتا وكمان ابغاهم كبار لأن حقات سنتربوينت احسهم صغار ؟؟؟ وابغى كمان مفارش فخمة للبيبي ولوبفصل وين اروح ؟؟؟وابغى بعد المفرش اللي زي الشنطة ينحط فية البيبي مفرش حمالي وابغى محل يسوي شكلاته فخمة للتوزيعات اليهالوة ....دايم اقول من فرح وليد فرح نبي *_^؟؟؟ يالله هالحين دولا الأسألة اللي عندي وإن شاء الله تجاوبوني |
رد: دردشة حوامل القطيف- تجمع بنات القطيف
تود .. مو مالين عينك ..
البنات يسولفو والكل يسولف ياخد ويعطي ماحد شكى رديتي ع احد من بنات بصفحات اللي راحت ؟؟ اللهم صل على محمد و آل محمد |
رد: دردشة حوامل القطيف- تجمع بنات القطيف
ام نور علي .. اني من قبل مثلش حتى قبل الحمل كنت حساسه حتى زوجي يتعب معاي يقول لي انتين بتعبي روحش و قلبش و الباقي ما همهم شئ مرتاحين و شوي شوي صرت اعود نفسي هو صراحه تحسنت شوي بس للحين اقول لش فيني حساسيه شوي بس مو مثل قبل .. لا تقهري روحش و صلي على محمد و بعدين غناتي عمتش مره كبيره و انتين تعرفيهم لازم يقطوا كلام بس لو نتابعهم بنتعب :)
هموسه .. رحت موعد الاشعه طلع نفس السونار بس مدرس وش يختلف عن الدكتورة بنآآآآآآآت اني الحين قاعده اسوي ليي فاصوليا بيضاء احط فيها بس ملح لو في شئ ثاني ؟؟؟؟ |
رد: دردشة حوامل القطيف- تجمع بنات القطيف
تود ، ما عندي معلومات لأن لساتني ما جهزت للبيبي :) يارب البنات يفيدونك . .
كروشات وش فيكم أحس كل ما أدخل أطلع صايرين هالفترة حساسات ، لا تحاولوا تأثروا على البيبي و خاصة البكريات المفروض هذا أول حمل تكونوا في قمة الوناسة و تستانسوا فيه . . لأنه ممتع مافيه جهال و لا صياح و نياح . . :) أما أني غبت عنكم داك السبوع لأن كنت مرة تعبانة البيبي الله يسلمه ضاغط على الكلية بس الحين الحمد لله شكله عدل وضعيته .. |
رد: دردشة حوامل القطيف- تجمع بنات القطيف
أعشقك : موعد ولادتك بالهجري 2 \ صفر صح
معاي يعني ان شاء الله بنفس اليوم .. عادي احط تاريخ ولادتك بالهجري بالجدول؟ هجوسه .. خلااص فهمت الطريقه ان شاء الله اسويها وتضبط معاي وخبرك بالنتيجه عن قريب .. اذا رحت مذركير بدور الستيانات الي تقصديهم ان شاء الله احقلهم بس اهم شي تنفتح من قدام الحين رنو اجازه مو موجوده والعله بروكير مارحته بصير موعدي بدال مو شهر اروح له بعد شهرين بسبب استهتارهم بتأجيل المواعيد وفكر خلال هالفتره اروح ع مستشفى ثاني اتتابع فيه لحد مايجي موعدي مع الزفت .. متى موعدك مع الينا وقوولي لي اذا ارتحتي معاها او لا واذا يأجلو المواعيد بعد ؟ الله يشافي ام سيد علي .. ويرزق اختك بالذريه الصالحه مع اخواتنا المنتظرات |
رد: دردشة حوامل القطيف- تجمع بنات القطيف
شادن .. عليكم بالعافيه .. اذا ستوت آخر شي تحطي الملح
مافي شي غيره تحطيه . الوان .. الحمدالله ع سلامتك . الله يجيب النونو بالسلامه . ام نور .. انا بعد حساسه بقووه وهذا عيب فيني اكرهه احاول قد ماقدر انتبه لتصرفاتي لان ماحد يستاهل نزعل عشانه وتجنب كل الناس الي يسبب لي صغوطات حتى لو كانو قراب اقلل زيارتي لهم قد ماقدر بالتدريج ولو بشهر مره اشوفهم :) |
رد: دردشة حوامل القطيف- تجمع بنات القطيف
ميرندا .. الله يعطيك العافيه تفضلي :) .. اشوه ماحطيت الملح كنت بحطه بس قلت يمكن آخرشئ
|
رد: دردشة حوامل القطيف- تجمع بنات القطيف
ميرندا
اخبارش خيييه بغيت اسألش عن دكتوره رنا وشسالفتها ؟؟ ووش سالفة العبط مال مواعيد بروكير ؟؟ لأني ناويه احول متابعتي على بروكير وناويه اولد هناك وحاطه فبالي دكتوره رنا لان اشوف الكل يمدحها فكيف وضعهم ؟؟ مالي خلق بعد يجيبوا ليي الجنون زي مستشفى الزهراء ومشكوره مقدما :) |
رد: دردشة حوامل القطيف- تجمع بنات القطيف
الله يسلمك ميرندا فراولا . . :)
|
| الساعة الآن 11:40 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .