|
رد: ديوانية البحرين - دردشة حوامل البحرين - البحرينيات
هلاااا فلوناتي
انا عكسج..تمللت..ماعندي شي لأن اسويه وقاعدة على انتظار بس..ومابي تيني حالة اكتآب بعد عيل باخذ البنفسجي..لان انا ماحب سالفة التلعوز..والاحراج.. مادري لان كمية الدم اللي بتنزل..وانا حتى العادة نسيتها ههههههههه من حملت وانتي كل مرة تسوين في روحج شي..مرة تحرقين دبتج..وهالمرة صبعج..ما يندرى تاليها شبسوين في عمرج هههههه |
رد: ديوانية البحرين - دردشة حوامل البحرين - البحرينيات
اهلين وردة
اي والله نسينا الدورة وافتكينا من الم كل شهر احين بيي الالم مضاعف مال تسعة شهوور ،، انا تعودت علا هالسوالف اذا ادش المطبخ لازم اسوي لي فلم ودبتي علا فكرة للحين مكان الحرق امبين صار لي بني شاسوي كنت مستعيلة وخذيت علا روحي وانا ابشر :p لانه خلصتي اغراضج من جذي تمللتي عاد احين سوي لج برنامج كل يوم روحي تمشي في مجمعات افتري في المحلات علشان يضيع عليج الوقت،، انا حفيت حواجبي بس جسمي للحين ما سويت شيرة وباقي لي جمن شغلة بعد انا قاعدة احاجيج وهالبطل يطلع اصوات غير شكل،، الله يستر |
رد: ديوانية البحرين - دردشة حوامل البحرين - البحرينيات
متى ناوية تشيلين شيرة ان شاء الله
؟؟ انا شلت خفت على عمري اولد وحالتي حالة.. وخوفتي اتأخر ويطلع لي شعر صغارمتفرق بعد.. اما عن الاصوات..حدث ولا حرج..مادري يعني اصواتهم هذي مثلاً؟؟خخخ جنها اصوات قطاوة ههههه |
رد: ديوانية البحرين - دردشة حوامل البحرين - البحرينيات
السلام عليكم
فلونه هذا من التفكير فيني تسوين هالسوالف ادري والله وش احسد فيش بشة ماتودين ولا تييبين .. ودليلل على الخبره السنعه من تدخلين سويتن فلم في روحش يالبشه احد يفرم صبعته ؟؟ وزين تسوين تنسين الولاده اريح لش مابتشوفين الا ولدتين اني البارحه عقب ماقمت كانت فيني نومه بس لازم اتقلب واني اتقلب الالم كريه ويعورني بطني من تحت كلش وعظم العانه وفخودي ماني قادره .. ولا شفت الا الم يديد ضارب الدبه بطلت عيوني@@ قلت ياعلي هذا ويش؟.؟ ليكون طلق!!!! ياعلي لا ياربي وتميت اقرا وادعي وامسح على فرحتي ومانمت وهلوسات وكوابيس اشكال والوان عاد واني في هالحاله بين النوم والانتباه كلش على قلق ماشفت الا فرحتي طافره تطفر داخل شايفين البيبي اذا نايم ومره وحده طفر؟؟ جدي حسيتها وسميت عليها وقريت عليها بعدين قمت احس بها كانها تطق طقه خفيفه وتسكت وتطق وتسكت ومتى نمت على هالبرنامج ؟؟ يوميا لي سالفه تخرب نومي والحين ابغي نصرتي تتحرك مثل قبل قاعده وانتظر حركتها المعتاده |
رد: ديوانية البحرين - دردشة حوامل البحرين - البحرينيات
طف طوفتي عليكم السلام والرحمة..ترا هالاشياء عادية تصير في الحمل .. الوحدة من تحمل المفروض تتوقع كل شي
وانتي من يصيدج ألم قلتي ولادة؟؟ عيل لين دشيتي التاسع شبسوين؟؟ |
رد: ديوانية البحرين - دردشة حوامل البحرين - البحرينيات
فلونه عندش خبر عن استبدال البضاعه لازم حدها جم يوم في مذركير؟؟ لو عادي اي وقت بس اهم شي الرصيد؟
اخذت شفاطه وبرجعها وباخذ شي مكانها اخذتها ب12 وام خليل تقول فيه بدينار ودينار وشوي ويمكن ما احتاجها فخساره بتم بروح اخذ حاجه انفع ليي |
رد: ديوانية البحرين - دردشة حوامل البحرين - البحرينيات
بعد يروزتي الوسواس وعمايله شسوي ان شاء الله اصير خبره في الحمل خخخخخخ يعني عقب سنه من ولاادتي احمل مره ثانيه واكون على درايه بكل الاشياءات
|
رد: ديوانية البحرين - دردشة حوامل البحرين - البحرينيات
طف طف..انا من جمن يوم يوم اروح..جنة قريت 14 او 17 يوم شي جذي ولازم الرصيد معاج
انا ماعرف استبدل خخخ..اذا مثلا خذيت شي ومابيه يطيح في جبدي خلاص |
رد: ديوانية البحرين - دردشة حوامل البحرين - البحرينيات
ليش روز؟؟ تاخذين الحاجه ويى الرصيد ع الكونتر وتخبرينهم ويقولون لش اوكى شوفي وش تبغين بنفس القيمه وبس بعدين بدل دفع المبلغ يسوون حركه ويستبدلون الرصيد برصيد ثاني
|
رد: ديوانية البحرين - دردشة حوامل البحرين - البحرينيات
فلونه وين راحت من تشوفني تهرب خايفه احسد خشمها مثلا؟؟ لو وصل سي السيد خوب من تشوفه تنسى عمرها لابرب لا باي لا عن اذنكم ماليها حل
|
| الساعة الآن 06:34 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .