رد: تجمع اللي بيولدون في شهر ذو الحجه
 

والله فوق سبعه الاف خسرتها ع تحاليل
كل مراجعه اشتكي من شي وهاتك دفع وتحليل
سويت السكر بس ماشربوني شي،؛،
وحكاية المراجعه دكتورتي في اجازه وماتجي الا ع شوال
وانا خلاص تعبت كل شويه عند دكتوره ولادكتور طفشت بستنا لين ترجع

رد: تجمع اللي بيولدون في شهر ذو الحجه
 

بكرا خالي عازم كوووول العائله الكريمه ع الفطور
مالي نفس اروح ماشالله كتيييير مننا اتعب من الإزعاج
بس قولت لماما برجع معاكم وبجلس للسبت

اقولكم ع شي تضحكو
دحينا كل ماوحده سألتني اي شهر
أقولها الرابع ههههههه
بنات لو تشوفو النضرات كيف الحواجب تلاقيها فوق مرره
والعيون مو عاجبها الكلام
ماما تقولي قولي خامس ولاسادس اما الرابع ماتخش الدماغ

رد: تجمع اللي بيولدون في شهر ذو الحجه
 

مرحبا بالكروشات
غبت عنكم كثييييييييييير
وفي غيابي قصصصصصصصصصصصه
اولا اهلا بالجدد الي انضمو بالتجمع
ومبروووووك للي جهزو
انا قريت اخباركم الي فاتتني ع الطاير
المهم
باقلكم اني ولدت مبكر
وهذه قصتي للي حاب يقراها
صمت بس 3ايام برمضان ويوم الخميس 4\9 الساعه 8ونص
نزلت عليه مويه خفيفه فزيت للحمام ع بالي بول
ويوم شفتها خفففففت عرفت انها موية الجنين وجري اصحي امي
مسكينه فجعتها قلتلها نزلت عليه مويه وطيران ع المستشفى
وكشفت عليه الدكتوره قالت الرحم فاتح اثنين ونص ويلا ولاده
ويوم قمت من ع السرير شفت مويه كثيييره قلتلها معقوله هذه مني قالت ايه
وقامت تصلح الاوراق والدكتورة الي تولد تحط لي ابرة المغذي
ياربي حسيت الدنيا ضلمت بوجهي وزادني اكثر انهم قالو انوحجم الجنين صغير مره
المهم بكيت وتعلقت باامي قلتلها مابغى اتنوم رجعيني البيت
ومن الخوف المويه زادت وفي الاخير استسلمت وجلست عندههم من عشره الصباح حتى 8 باليل وطلعت ع مسؤليتي لان المستشفى الي رحتله زززفت زباله تخيلو انو ستة اسره توليد بغرفه وحده وحمام واحد فقط داخل غرفة الولاده وعععععع يعني لما تبغي الحمام تدخلي داخل غرفة الولاده وتشوفي الي تولد والدم والقرف
حاولت فيهم مافي شي يسكر الرحم قالو لااااااااااااااااااا
المهم رجعت البيت ورحت اليوم الثاني مستشفى خاص وسويت سونار قالتلي المويه ناقصه ع الجنين لازم تتنومي وانا في هم وخوف وقلق مادري ايش مصير هذه الولاده طبيعي ولا قيصري اذا ماوقفت المويه ولا يموت الجنين ومن هذه الافكار
المهم سوتلي تحاليل وقالت عندك التهاب بالبول سبب انفتاح كيس الجنين
بس انا مااحس باي التهاب بس اخذة العلاج املا انو المويه توقف
بس ماوقفت وحالتي النفسيه صارت زفت وقلق وخوف من الولاده
اخذة العلاج من يوم الجمعه حتى الاثنين والمويه في استمرار رجعتلها
مره ثانيه قالت لازم تتنومي اااااه يابنات في ذيك الحضه تحطمت ورضيت بالي يصرلي اخذة ثاني يوم تحويل وع مستشفى الملك فهد
يوم الثلاثاء 9\9كشفت عليه الدكتوره قالت واحد سانتي فررررحت مره قلت قفل واحد ونص في امل يلا مابقى الا واحد سانتي ان شاء الله بكره يقفل
بس الدكتور يوم سوى السونار حطم كل الامال قلي موية الجنين شبه معدومه
وفي خطر عليك وع البيبي خففففت كثير بس مابينت لامي شي عشان ماتقلق عليه
المهم القى عليه محاضره وقال احتمال نولدك في الاسبوع 34
طلعت غرفت التنويم والماما معايه تميت عندهم ليلة الثلاثاء والاربعاء والخميس
والمويه بلا توقف بس صارت تقطع وتثقل قلت خلاص موية الجنين جفت
وخفت من الولاده القيصري لكن كان املي بالله كبير وقضيت وقتي بين الاستغفار وقراءة القران والدعاء اما الصيام فمنعت لانو في خطر ع البيبي
ويوم الخميس قلت للدكتوره انو المويه صارت ثقيله قالتلي ان شاء الله خير
وانا هذا المغذي يطلع وهذا ينزل وابر المضاد الي اخذة منها لما قلت بس
وابر رئت الجنين تالم مره بسراحه تعذبت واكتئبت وعذبت امي الله لا يخليني منها
المهم صباح الجمعه كلمت زوجي وقلتله احس بمغص شكلي بولد وسولفنا شوي وبعدها هو قفل عشان ينام وانا مانمت من الطلق وجلست احسب ع بالي طلق كاذب بس منتضم صار يجلي كل 7دقايق وبعدين 5وبعدين 3وبعدين قلبت المستشفى ع راسي ورجعت وخرعت امي وهي نايمه
وراحت تركض تجبلي ممرضات وكشفت علي وانا اتعصر من الالم قالت يلا ولااااااااااده وخذوني وانا عيني باامي وودي ابكي
وبعدها ولدت الساعه 11ونص وشرف خالد ع الدنيا بس ناقص وودوه ع الحضانه وماشفته الا 12باليل ياقلبي يحزني
وهذه هي قصتي اختصرتها بس طويله
والحين اقلكم باي باطلع من التجمع
والله انبسط معاكم ان شاء الله تكملو حملكم ع خير وابالتوفيق للجميع

رد: تجمع اللي بيولدون في شهر ذو الحجه
 

اميره باوصافها,,
ياحياتي عليكي الف الف الحمدلله عالسلامه,,والله انفجعت لمن قلتي ولدت ولاده مبكره :(
الحمدلله على سلامتك وطمنينا ادا البيبي بخير ويارب تشوفيه عريس وتفرحي فيه ياقلبي ,,والحمدلله على كل حال..



عسله,,
حبيبتي المستشفيات الخاصه لعابين لاتعطيهم وجه بالتحاليل وخليك عند دكتوره وحده كدا مره خربطه,,بس بسالك ليش تقولي لهم بالرابع؟؟؟
بكره بس تولدي راح ينفجعوا والله ينخاف من العين قولي لهم شهرك الحقيقي ..

رد: تجمع اللي بيولدون في شهر ذو الحجه
 

اجوااااااااااااان

ماشاء الله انا وانتي شكلنا اتزوجنا سوا وحملنا مع بعض ،، انا برضو عيد زواجي في العيد بس الين دحين مافكرت في هديه وماني عارفه ايش اجيبلو ،، بس بما انك حتحجزي في فندق مايبغالك الا تجيبي نفافيخ الهيليوم وطيريها في الغرفه وجيبي الشموع الصغيره اللي لها روائح تلاقيها في ايكيا ووزعيها وورود منثوره فوق السرير وفوق الطاولات وفي الحمام ....... وكيكه والهديه وصلى الله وبارك

<< انا كدا سويت في عيد ميلادو والهديه اشتريتلو ايباد
وبعد الرقص والعصير والعشا جيبي لعبة الحب تبع المتزوجين وعيشو الجو وخلاص يكفي يحمد ربه خخخخخخخخ

داااادووو

انا اليوم كنت في المستشفى وشربوني الجلكوز حق تحليل السكر وطعمو صح زي البرتقال بس مو مرررررره سيء وبعد ساعه اخذو مني دم

عسله

خخخخخخخخ ليش تقوليلهم في الرابع ،، انا عكسك اقول الشهر بالمزبوووووووط

قلبي مدينه

يلا عااد بلا دلع خلصي تجهيزااااات النونو والله انا دحين لمن انزل السووق مرره اتعب خلصي احسن عشان ترتاااااحي في الثامن واكيد حنكوون اثقل من كدا كمان

اميره باوصااافها

صدمتني وربي hwaml03 حسيت الولاده قريبه مني ،، يلا الحمدلله على سلامتك وسلامة خلوووودي ياقلبوووووووو بس تعالي كيف احساس الولاده ؟؟؟؟؟ توجع ؟؟؟؟ << اووم البراااائه خخخخخ

رد: تجمع اللي بيولدون في شهر ذو الحجه
 

يالهووووووووووي



شووووووفوووو توقيعي اتغيييييييير hwaml03hwaml03hwaml03hwaml03hwaml03hwaml03hwaml03

رد: تجمع اللي بيولدون في شهر ذو الحجه
 

اميره بأوصافها
الحمدلله على سلامتك وسلامة خلودي :)

قلبي مدينه
كيف بس الشعور?? شكلك خفتي لوووول
الله يسهلنا يارب

اجوان
البنات ماقصرو معاكي بالافكار واي شي رح يعجبو منك .. الرجال مايدققو زينا الحريم لوووول

عسله
الله يهديكي تبغيهم يقولو نونتها مستصح بزياده او حامل بتوأم ومخبيه علينا
احسن شي قوليلهم الصح عشان مايرمقوكي بالنظرات الكريهه

رد: تجمع اللي بيولدون في شهر ذو الحجه
 

الله يسلمكم الحمد الله البيبي بخير بس لا تنسوني من الدعاء ان الله يبلغني فيه
حبيبة موني
اذا بكريه لاتخافي الولاده تساهيل من رب العالمين
كنت شايله همها وربي يسرها ربي لك الحمد
عقبالك يارب00000000تراها لحظه وتنتسى بس اول يوم ماقدرت انام
كله اتخيل شكلي لما انا اتولد واخاف
ع فكره عندي كم سؤال ياليت تساعدوني قبل لاطلع
الحليب متعبني استخدمت رضاعه بس خايفه تسببلي ترهل اوشي
ثاني سؤال الخياطه تخيلو شقوني رغم صغر حجم الجنين حسبي الله عليهم
واعذروني ع الكلام مضطره احس وحده من الشفرتين متورمه واكبر من الثانيه
هل ترجع ولا لا وكم مدة الخياطه وطيح
بنات والله شايله هم احس بفشله من زوجي ماابغى اتشوه
انتظركم

رد: تجمع اللي بيولدون في شهر ذو الحجه
 

الله يعينك يارب
استخدمي المره مرره كويسه للغرز بس ما اعرف طريقتها لو تبغي اسألك امي
ياريت فيني افيدك بس والله بكريه زيك وما افهم بشي وزيك شايله هم الغرز وبلاويها بس ارجع واقول كل الحريم اتشقو وخلفو تاني وتالت ولا تفكري او تشيلي هم كلها فتره وتعدي ويرجع كل شي زي ماكان

الله يسهلك يارب ويطمنك بالك

رد: تجمع اللي بيولدون في شهر ذو الحجه
 

ياهلا باميره
الف الف الف الحمدلله ع سلامتك
بالنسبه للخيوط اهم شي استمري ع الكريم حطي في قطن لان ماحتقدري تمسكي
الخيوط ( شي يخوف) عشان ماتحسي بالم
وتنشفها انا اسمع انها تاخد اسبوعين وتنزل من نفسها
بسالك قلبو طلبتي خياطه تجميلي ولاعادي؟

/
انا استحاله أقولهم في السابع لان بيجلسو يحسبولي اي شهر اولد
ولان مع الأملاح مرا متنفخه انهلكت وانا اسمع هرج منهم
ولاوحده قالت انها في الشهر الصح وهيا حامل