|
رد: دردشة حوامل من الشهر السابع للتاسع ( جديد )
اقتباس:
أنا قلت راح أعمل كذا بس إذا ما رضي راح أرجع وكل يوم راح أبكي عليه علشان يتحسر وحده ههههههههه قالو إن كيدهن عظيم مستحيل أمه تهتم فيني مثل ما إهتمت في بنتها أساسا من الحين خبرتني إنوهي بتجلس مع العيال لحد ساعه 12 بالليل و بعدين أنا أجلس معهم طبعا والشغاله تكون معي أنا لو مو بكريه ما عندي مشكله بس بكريه وتوئم شوي صعب لكن ربي رزقني وربي بيقدرني على رعايتهم إن شاء الله |
رد: دردشة حوامل من الشهر السابع للتاسع ( جديد )
الحنونه مبروووووك الف الف مبرووك والحمدلله على سلامتك وسلامة البيبي ..
اخباركم ياحوامل معليش على الغيبه ماافضيت عشان اتابعكم , الله يسهل علينا يااارب ويرزقنا بالولاده السهله الميسره . انا يوم الاثنين بدأت بالاسبوع 39 وللحين مافي بوادر ولاده حقيقيه ,, الرحم مفتوح 3 والله اعلم اذا زاد عرفت انه مفتوح 3 قبل اسبوع يوم تنومت.. واللحين تجيني تقلصات اقدر اتحملها وافرازات بيضاء وشفافه .. وقليت بالمشي احسني تعبت .. والله يابنات خاايفة اخلص التاسع وانا ماولدت ,, والمشكله اني خلصت مراجعاتي بالمستوصف , اما المستشفى من بعد ما طلعت من التنويم على مسؤوليتي ماعطوني موعد يعني اللحين جالسه كذا بدون مراجعات بس اللي عارفته ان الجنين كويس ونازل لتحت والرحم مفتوح 3 .. بقولكم قصتي بالتنويم وتحملوني ههههههههههه بالاسبوع اللي فات كنت اشرب بابونج كل يوم كوب وامشي من نص ساعه لساعه وجماع يومي وشااده حيلي يوم الاحد بعد صلاة العشاء صار جماع وحسيت باتقلصات مؤلممه شوي وقلت بس شكلها من جد ولاده , وقمت تجهزت وكان قد قريت لوحده انها جربت التمر بحشوة الرشاد مع قرفه محلاه بالعسل وسهلة لها الولاده ومدري ايش , المهم رحت وسويت مثلها اكلت اربع تمرات مع قرفه بالعسل تقريبا قد فنجان القهوة وزااد معي الالم ولكن مانزل معي ولاشي لادم ولا مويه بس افرازات واروح المستشفى فرحانه على بالي باولد وكشفت الدكتورة وقالت مفتوح 2 وبعد ساعه كشفت وقالت مفتوح 4 وانهبلت قلت سبحان الله الحمدلله قربت اولد وسوولي تخطيط وطلع معي طلق المهم جهزوني وعلى طول لغرفة الولاده وانا ماافيني ذاك الطلق اللي يعور , بس احس بتقلصات اقدر اتحملها , ودخلوني غرفة الولاده الساعه 5 الفجر وجت دكتورة بتشوف وكشفت وقالت مفتوح 2 انا بغيت انهبل قلت كيييف بس بغرفة الكشف قالو 4 قالت مو 4 على بعضها , يااالله جاني هم وتكدرت مرة وجاني احبااط وجلست ادعي ربي يفرجها علي وكل شوي يسولي حاجه مرة مغذي ومره حقنه شرجيه الله يكرمكم ومرة قسطرة للبول وعندي طلق بس زاد شوي وعلى الظهر كشفت وقالت مفتوح 3 وهي مستغربه ليش مافتح اكثر مع ان طلقي كافي انه يفتح الرحم بعدين سألتني ممرضه سعوديه قالت انتي شاربه قرفه قلت ايوة بس قد فنجان قهوة وراحت علمت الدكتوره وجت قاست وطلع مفتوح 3 مااتغير وهاوشوني قالو صح ان القرفه تحمي الطلق بس ماتفتح الرحم بالعكس تشده وربي بغيت اصيح انقهرت على حالي والحمدلله على كل حال .. المهم قالت قدامك ساعه على اذان العصر قومي تمشي والساعه 3 راح افك المويه عشان يحمى الطلق المهم واقوم امشي بس مااقدرت كل شوي وحده تولد تقريبا 5 اللي ولدو وانا لسى ورجعت على سريري وجت الساعه 3 وماعاد فتحت لي الكيس وطلعوني تنويم وتنومت 4 ايام وانا مااافين طلق ابدا الا على خفيييف طبعا في غرفة الولاده على الساعه 10 اعطوني ابرتين مسكنه للطلق ومن وقتها خف الطلق .. المهم وطلعت التنويم وكنت امشي امشي حتى رجولي تورمت وهلكت ويوم الخميس طلعت على مسؤليتي لاني تعبت جاالسه كذا بدون الم ولاده وموتعبانه ولا احد طل علي من الدكتورات رموني رمية الله ياخذهم بس يجي الدكتور الصبح يشخط بالورقه وطلع لايسأل ولا يقولي وش فيني كنه مغصوب على الجيه , ومن يومها الى يومكم هذا وانا مفتوحه 3 والتقلصات خفيفه وانسدت نفسي من الولاده ولا عاد مشيت ولا شربت اي شي بس صارلي يومين اكل تمر مع حليب وبديت بالجماع امس .. وانتهت قصتي وان شاء الله اولد قريب , بحملي الاول ولدت في اخر يوم بالاسبوع الثالث وهالحمل مدري متى اولد . الله يسهل لنا وييسر ,, طولت عليكم بس وش اسوي حبيت اعلمكم اخر اخباري ,, |
رد: دردشة حوامل من الشهر السابع للتاسع ( جديد )
الماسة الله يقومك بالسلامة ويباركلك بعيالك وتجبيبنهم سليمن متعافين شكلك طيووووبة مره لكن حبيبتي الزم ماعليك صحتك ما احد قايم فيك مثل امك مهما بلغت طيبة عمتك وخاصتا انك بكرية ومشاء الله لاقوة الابالله توم الوضع صعب جدا خليك عند امك لين شهر استخدمي اسلوب حواء الكلمة الحلوة وخاصتا بيكون فرحان فيهم راح يسمع كلامك قولي عمتي ماهي مقصرة بس انا تعبانه امي تخليني انا وهي تسهر فيهم وكل مايكلمك قوليه من هالكلام واحد ينام واحد يصحى ما اقدر انام لو ما امي معاي كان الله اعلم بحالي قوليهم بلطف وحب ودلع وقلبه لين اكيد اما اسبوعين وتروحين غير تروحين فيها من التعب غيدا الله يعينك والله مدام الرحم مفتوح امشي مشي تعب وان شاء الله تيسر وتجين تبشرينا |
رد: دردشة حوامل من الشهر السابع للتاسع ( جديد )
اقتباس:
أميره اللهم أمين يا رب تسلمي حبيتي والله كلك ذوق إنتي الطيوبة هو يقول أبي أجلس مع عيالي والحلو في الموضوع إنو بيكون في إجازه وماشاء الله عليه هو يحب الاطفال أشوف كيف لما ربت أخته كان كل شوي يروح ياخذها بس يقول أنا لما يكونوا ساكتين باخذهم بس لما يبكوا أرجعلك إياهم ههههههههه أنا ما ألومه مثل ما أنا كنت أتمنى يكون عندي أطفال وهو نفس الشي أبوهم وأشوف لهفته عليهم بس بالاول والاخير هي فتره وتعدي وعياله بيكونو دوم جنبه وهذا الحمل صار بعد 4 سنوات زواج أنا حاولت معه لانه عمتي قامت على بنتها وشفتها كيف تعبت ومرضت وأخبره كل يوم مسكينه عمتي تعبانه بس المشكله ما مقتنع يقولي الشغاله بتساعدك ولحد يومك هذا يقولي أحيانا لا تروحي بيت أمك خليكي عندنا وأقوله بس إسبوعين وأرجع لكن إذا بولد قيصريه كل ما يجي يزورني بعمل نفسي تعبانه وما قدره وعسى إن شاء الله تكون ولادتي سهله مو متعبه يا رب أنا بحاول كل الطرق يعني إذا وافق على الاقل 3 أسابيع أنا راضيه أتمنى عمتي تقوله خليها عند أهلها أحسن لان أحتاج عنايه بصراحه وبعدين أكمل عندهم أنا أعيش مع أهل زوجي يعني مو بيتي لحالي وربي يسهلها إن شاء الله واللي فيه الخير والمكتوب بيصير لو كان بيتي لحالي عادي كنت خليت أمي تيجي تجلس معي لحد الاربعين |
رد: دردشة حوامل من الشهر السابع للتاسع ( جديد )
موعدي يوم الاحد بخبرهم برغبتي بالقيصري عسى يحددولي موعد ولادتي وأرتاح
دعواتكم لي |
رد: دردشة حوامل من الشهر السابع للتاسع ( جديد )
حضنك يدفيني/الماسه
يالله مالنا إلا الصبر وهانت مابقى شئ |
رد: دردشة حوامل من الشهر السابع للتاسع ( جديد )
ربي يسهلكم
الماسه انتظري تولدي طبيعي الله بيسهل |
رد: دردشة حوامل من الشهر السابع للتاسع ( جديد )
مرحباً صبايا
امس الصبح كان موعدي التدوير تعبت مرره وبالاخير ما لف معها البيبي كان مرره مؤلم وللحين بطني يوجعني وأمس طول الوقت عندهم ماطلعت الا 10 بالليل خافو كل ساعة يسون لي تخطيط يتطمنون ع البيبي والحمد الله انه بخير وحددت لي الدكتوره عمليه بتاريخ 8/7 تقول بسويه لك بنج نصفي |
رد: دردشة حوامل من الشهر السابع للتاسع ( جديد )
أشحالكم كروشات
الله أيسرلكم ولادتكم وترزقون بأطفال معافين كروشات حبيت أسالك في شهركم السابع حسيتوا بألم تحت الظهر والبطن كأنه ألم ولاده بس على أخف ويستمر ساعه تقريبا ؟؟؟؟؟ أنا صارلي يومين أحس بذا الالم وأمس كنت عند الدكتوره وعملتلي سونار وقالت كل شي تمام بس ماخبرتها بلي أحس فيه لان زاد عندي فترة مساء أمس يعني من بعد.مارجعت من المستشفى يريت أحد يفيدني هل هذا طبيعي أو بدايه طلق بس على بطيئ وانا.مابكريه وأحس بالم عند السره هل هذا عادي من مثلي ؟؟ |
رد: دردشة حوامل من الشهر السابع للتاسع ( جديد )
الله يسهل علينا وييسر لنا
حرم نايف الله يكتبلك مافيه الخير وييسرلك مرايم المفروض تقولين لها حتى تطمني اكثر , لكن اتوقع انه شي طبيعي لان الثقل والتعب يبدأ من السابع .. انا اليوم بعد العصر طلعت الممشى ومشيت ليييين هلكت ,, ماجلست الا على اذان المغرب ,, ان شاء الله يجيب نتيجه وينزل الجنين اكثر واولد ,, الله يسهل وييسر . |
| الساعة الآن 03:24 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .