|
رد: تجمع رعاية المولود من حديثي الولادة إلى شهر 3
انا لانهم خدج ماعرفو يمسكون حلمة صدري وكنت اشفط لهم منه لحد مانشف الحمدلله على كل حال والحين استخدملهم رضاعات نوك صناعة المانية والله روعة في البداية كانو يسربو حليب والحين بدو يتعودون فقلت كمية الحليب الي تتسرب الحمدلله
اوراق الخريف |
رد: تجمع رعاية المولود من حديثي الولادة إلى شهر 3
السلام عليكم
كيف حالكم ياحلوات قلبها فيصل الف سلامه على الوالده وربي يعوضكم وحسبي الله عليهم يارحيم وحده اعرفها نفس ولدك بس هو كل الشعر طاح واعطاهم الطبيب علاج قال اللي فيه حساسيه واليوم اشوف بنتي بدا يقشر يروع وخفت اسحب شي لا يصير مثلك في بنتي الكبيره قال لي الدكتور احط لها زيت زيتون وامشطها بالعكس واحممها يومياً وحطيت زيت اطفال زينب اخبارك وكيف ختان نور بالنسبه لنحف لسا بدري ينزل وزنك واذا تذكرين سبق قلت لك انو تسمني مع الرضاعه وقلتي لا قريباتي ينحفوا حاولي اذا جعتي تاكلي خضار وفواكه او عصير طازج من غير سكر شوق اخبارك وكيف عروستك توصلي لزوجك بالسلامه هاه بشري كيف عمليات التجميل :) شذا وينك اختفيتي وحشتيني |
رد: تجمع رعاية المولود من حديثي الولادة إلى شهر 3
لييتا
بنتي نفس بنتك بالضبط وكل يوم بوديها الطبيب واتكاسل وغيرت الحليب من سيميلاك لرونالاك جنتل والان نان ومافي تغيير ابدااااً زحير وغازات وماتتبرز بالايام رضاعاتها افينت لكن مافي فايده |
رد: تجمع رعاية المولود من حديثي الولادة إلى شهر 3
مشاعل ،، تسلمين يالغلا ع الرد والنصيحة
بمشي عليها ان شاء الله :) رسال ،، اهلين كيفك وكيف حور؟؟ الحمدلله الختان طاب وصار احسن :) ايه اذكر كلامج ، بس قريباتي صدج نحفو ع الرضاعة مادري كيف !! hwaml9 ع العموم ان شاء الله بحاول اركز على اكلي واكل المفيد بالنسبة لبنتك والامساك في حل فادني مع ولدي وهو تقليل عدد الملاعق واكثار الموية يعني مثلا لو بنتك تشرب 120 مع 4 ملاعق ، تخليها 150 مع 3 ملاعق ويخف الامساك وفي عندك اليانسون يحل مشاكل الهضم مثل الامساك والغازات جربته مع ولدي ونفع بعد .. |
رد: تجمع رعاية المولود من حديثي الولادة إلى شهر 3
اقتباس:
|
رد: تجمع رعاية المولود من حديثي الولادة إلى شهر 3
زينب ياحلوة كيفك وكيف نور؟؟ بديتي تتعودين على الاسم؟؟ ماشالله تبارك الله صار شهرين ونص قريب بيكمل ثلاث شهور وتبدين ترتاحين انا ودي اغمض وافتح والقا شهر مر ههههه الحين حنا في عز ازمة الغازات والبطن والصياح بالليل الله يكون بالعون..
وكيفه الحين بدا يتجاوب معك ويطالع فيك ولا للحين مفهي؟ بالنسبه للرضاعه بما انك بديتي بالصناعي من البدايه بيكون صعب شوي الانتقال للطبيعي 100 بالميه.. بس اذا عندك الاراده بتقدرين ان شالله.. حاولي تاخذي مدرات للحليب انا الحلبة نفعتني شريتها على شكل كبسولات من جي ان سي واكل اربع باليوم ثنتين الصبح وثنتين بالليل.. اشربي موية كثييير والله بدون مبالغه اليوم اللي ما اشرب فيه موية كثير يقعد ولدي يصيح كل مارضع لان الحليب قليل!! الموية اساسيه في تكوين حليب الام صرت احط بالطاولة اللي جنبي اربع قوارير موية لازم اخلصها بالنهار وبالليل اجيب ثنتين اشربهم!! ولاحظت الفرق بالحليب.. طبعا ولدك بالبدايه بيصيح كل شوي لانه مو شبعان.. بالبدايه رضعي كل شوي عشان يحفز انتاج الحليب وبعد كذا ضروري تنظمين رضعاته عشان ما يصيرلك اللي صارلي.. صار يبي يرضع كل ساعه وصارت حياتي جحيم واذا مارضعته يفجر راسي بالصراخ والصياح بغا يجيني شي!! الين ما نظمت رضعاته بالقوة وللحين مرات اتعب ويقعد يصيح ونرجع للموال القديم بالذات اذا كان ذاك اليوم مافيني حليب يسوا وما شيع.. بالنسبه للشفاط شكلك اشتريتي مديلا لانك تقولين زوجلك جابلك الحلمة معها.. شريتي اليدوية ولا الكهربائية؟ انا عندي شفاط ميديلا واشفط تقريبا يوميا بس انا ماحس حليبي كثير وولدي يرضع كل شوي يعني يادوب اشفط لي رضعه باليوم مع اني اقعد ساعه كامله على الشفاط! بس اهم شي اهم شي شوفي طريقة تنظيفها انا كنت انظفها بطريقة غلط وبعد اسبوعين من الاستخدام ماصارت تشفط زين وماصار يطلع حليب وانقهرررت وبغيت ارميها بس زوجي كلم الشركة واشتكا وسألوه عن طريقة التنظيف.. لما علموني طريقة التنظيف الصحيحه رجعت اشتغلت زين!! طلع فيه قطعه تجمع فيها دسم الحليب واثرت على فعاليتها لاني ما افككها زين وانظفها.. انتي اقري الكتالوج عدل عشان ما يصيرلك زيي.. |
رد: تجمع رعاية المولود من حديثي الولادة إلى شهر 3
طيب رسال اذا الدكتور قالك ادهنيها ومشطيها بالعكس معناته اللي سويته انا صح!! الحمدلله انا كنت احسب اني المفروض خليتيها مع اني مو مقتنعه اخلي راسه مقشر.. انا كان شعره مبلل ومشطته بجميع الجهات لين تقشرت كل القشرة!! يعني ما كنت اقشعها بيديني بس لما تمشطين شعر البيبي بعكس الاتجاه تقعد القشرة تتقشر واكيد الزيت يساعدها على التقشر زياده معناتها الافضل تقشرينها مو تخلينها.. وبعدين الشعر كان يطلع بيدي يعني هو كان طايح من الاساس فلما المسه يطلع بيدي.. وحصلت على فراشه وفوطته شعر يعني هو قاعد يطيح من نفسه مو بسبب اللمس لا تخافين..
|
رد: تجمع رعاية المولود من حديثي الولادة إلى شهر 3
اقتباس:
اقتباس:
بيني وبينك لسا اناديه بـ ابراهيم ههههههههه ومرات اقول نور يعني الاسمين ماشيين hwaml7 اما زوجي يناديه قدامنا نور ولما يكون لحاله مع البيبي ينسى ويقول الاسم القديم خخخخ الرضاعة الطبيعية للحين صعب نفهمها الله يعينا انا بشتري قوارير الموية واحطهم جنب السرير وابدأ التهم 5 قوارير باليوم !! الموية بعد تنزل الوزن ، من اليوم ابغى اعتمد عليها كوووويس بالنسبة للشفاط ايه شرالي زوجي اليدوية اللي معاها الحلمة :) شكلها نايس وعصرية ، بس امس جربتها اول مرة و ما ساعدتني كثير ، يعني مع شفط وتعب نصف ساعة جابت 20 الى 30 مل حليب !! وولدي ماشاء الله يشرب 180 مل من الصناعي، يعني لازم ارضعه طبيعي واكمل عليه بالصناعي عشان يشبع .. ان شاء الله يزيد انناج الحليب شوي شوي لين استغنى عن الصناعي نهاااائيا .. وتسلمين على النصيحة رح اهتم بغسلها زين عشان ما تتعطل .. قوليلي انتي تستعملي اليدوية زيي ولا الكهربائية ؟؟؟؟؟؟ وكيف صار نظام الرضاعة معاكي ؟؟ اذكر انك انتي وزوجك كنتو تتناقشو بخصوص الرضاعة .. |
رد: تجمع رعاية المولود من حديثي الولادة إلى شهر 3
يارحيم ،،
بخصوص الشعر الطفل يتساقط شعره غصبا عنك حتى لو ما كنتي انتي السبب هههههه فما تخافين ، بيتساقط من نفسه لين يوصل 6 شهور ، وبعدها يبدأ ينبت الشعر الجديد انا ولدي بنهاية الحمل كنت ناوية احلق له على السّنة لما يصير عمره 7 ايام بس عدى وقت المفروض احلق فيه وكمل شهر وبعدها قررت ما المس شعره عشان يحميه من البرد ،، والحين صار ع الجهتين والخلف خفيف والامام كثيف ههههه .. |
رد: تجمع رعاية المولود من حديثي الولادة إلى شهر 3
زنوب من ناحية الشفاطة انا اشتريت الكهربائية.. صحيح ما تتعب اليد ومريحه لكن ما تشفط حليب كثير!! مرات احس صدري مليان واقعد ساعه كاملة اشفط وما تطلع اكثر من خمسين مللي اللي هي اقل من رضعه بالنسبه لولدي..اليوم خلطت اللي شفطته مع اللش شفطته امس عشان يكمل رضعه! مشكله اقعد يومين عشان اشفط رضعه وحده..
اول ما ولدت ماشالله كانت تشفط كثير.. مدري الشفاطه خربت ولا انا ولدي كبر وصار يرضع اكثر وماعاد يبقا حليب كثير للشفط.. بالنسبه للرضاعه.. الله يذكرها بالخير بيورتي شجعتني اخذ قراري وما اهتم لرأي زوجي هههههههههههههه وفعلا حطيته امام الامر الواقع!! كلمته وكان الولد يصيح جنبي (لزوم الاكشن) وقلتله جب لي حليب وانت راجع ولا بنتحر ههههههه والولد يصرخ جنبي فهو سكت وجاب الحليب :) ولما جا البيت قالي مو لسا صغير على الصناعي؟ مو احسن نستنا لين يكمل ثلاث شهور على الاقل؟ قلتله تستهبل؟ الولد ما يشبع وانا صدري يعورني خلاص ماعاد اتحمل كل ساعه رضاعه وراسي صدع من صراخه ماعاد اقدر اتحمل وماعطيت مجال للنقاش ابد قلت انا امه وانا اللي ارضعه وهذا قراري المفروض تشجعني عليه لانك لو مكاني من اول اسبوع ما تحملت.. سكت وماعاد انفتح الموضوع :) صرت اعطيه رضعتين بالليل صناعي..قبل لا انام ارضعه طبيعي اخر رضعه وانام.. بعدها بساعتين يبكي اعطيه صناعي وينام تقريبا ساعتين ونص او ثلاث ساعات وبعدين يرجع يصحيني واعطيه وحده صناعية ثانيه ويكمل لين الصبح.. صرااااحه فرررق عن اول.. صحيح كنت اتوقع بينام ساعات اطول يعني اربع خمس.. بس معليه مو زي اول كل ساعه او ساعه ونص بالكثير يبكي!! اكون انا لسا ما نمت من بعد الرضعه اللي قبل لاني ما انام بسرعه قعدت كم يوم شبه مواصله بغيت انهبل.. بس لازم فتره الصباح بدري من ستة كذا يبدا المغص والبكا كل شوي!! صراحه للحين ما انام زين من رضاعته ومغصه! بس انا اقول فتره وتعدي سويت بحث كثير والاغلبيه تقول على عمر الشهرين يبدا يخف المغص ويتحسن نوم الطفل.. اللي صبرني شهر يصبرني ثاني ان شالله.. يوه احس اني كتبت كثير!! معليه تراني بربارة واحب اسولف ههههههه |
| الساعة الآن 12:09 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .