|
رد: تجمع حوامل العراق واتمنى اكو احد موجود
اقتباس:
كوكي .. اليوم راح ابدي بالخروع والله كريم |
رد: تجمع حوامل العراق واتمنى اكو احد موجود
اقتباس:
الله يخليج عمري ايوته الله يسمع منج ان شاء الله.. ايوته الفطريات سببها عدم تنشيف المنطقه الحساسه زين ...تظل رطبه ومبلله فتصير بالمنطقه فطريات ..حبي بكلينكس نشفي المنطقه الحساسه موجود بالعراق نوعية فاين (خوش نوعيه) الكيس بيه 4 لفات وبـ الف ونص بس ..اشتريته من جنت بالعراق قبل اقل من شهر ... ان شاء الله مشافاة عمري...وبالنسبه لأبنج مادام ترك صدرج بعد مايرجعله مجربته ابناتي يتمرضن ومايرضن ياخذن صدري بعد حتى استعملت جاذبة حليب ميفيد ماااايرضن عنوديات ههههههههههههههه |
رد: تجمع حوامل العراق واتمنى اكو احد موجود
اقتباس:
اي والله رحوبه ويستمر النضال ههههههههههههههههههه تدللين لأسويلك احلى بتي فور من عيوني..تدلل فطوم وامها عليا البنات الحمدلله بخير بس الغيره بينهن حرب ضروس هههههههههههههههه هي تاليها يشمرن حمودي من البلكونه ويخلصن منه هههههههههههههههه |
رد: تجمع حوامل العراق واتمنى اكو احد موجود
امونه عمري شلونج؟ وشلونها معنوياتج؟
حاولي لا تخلين زوجج يضوجج ماشاء الله عندج بنتج تسوه الدنيا كلها.. ام ديمه شلونج عمري وشلونها ديمه؟ دلوعه شأخبارج واخبار ابنج؟ ان شاء الله مااكون نسيت احد؟؟ |
رد: تجمع حوامل العراق واتمنى اكو احد موجود
هسه نجي للتقرير المفصل الخاص بنجلاء هههههههههههههههههه
حبي بما انه انتي ولادتج بالعراق ...وطبيعي ان شاء الله ...فبس تولدين ايهومي ويخلوج بغرفه بصالة الولاده تقريبا ساعه او ساعتين وبعدين تطلعين ترحين لبيتج. الاغراض الخاصه بالطفل: -ملابس للطفل مثلا اوفر كامل او اذا انتي مخيطتله ملابس مثل ثوب قصير وبجاما . - حضينه مع شريطها يعني قماطها -عصابه للطفل او كاب حسب الي متوفر عندج -حفاضه للطفل للعلم بالمستشفيات الحكوميه مايغسلون للطفل اول مايجي وحتى اغلب المستشفيات الخاصه هالشكل اغراضج: -دشداشه كم طويل -حجاب +جواريب -حفاضات لازم تكون كبيره (جربي الصفا )تفيدج بالولاده لأن كبيره الحجم وحطي فوكها اولويز او غير نوعيه حتى تمتص زين. -ملابس داخليه - اخيرا تلبسين على الدشداشه من تطلعين اما عبايه راس او عبايه اسلاميه ..طبعا اشوف عباية الراس احسن الج لأنها تلفج بالكامل وتحميج من الهوى (البرد) لأن من تطلعين من صالة الولاده لخارج المستشفى بالعربه لازم تتلففين زين وحتى خشمج تلفيه مو زين عليج البرد نهاااائيا . اذا تردين تلبسين طفلج بعد الولاده حذاء ام القماش او جفوف صغيره خاص بالمولود عادي حمايه اكثر ..بس ماادري اذا كانت موجوده بالعراق هالنوعيات نجي للحفاضات بامبرز اللون الابيض تختلف عن بامبرز الملون (الغلاف ملون) بالاخضر او الاصفر حسب وزن الطفل بامبرز الابيض يمتص اكثر ويبقى اكثر كحمايه ..وبيه كريم الصبار يحمي جلد الطفل وغير معطر تقريبا والحفاضه تصير خفيفه ومضغوطه اكثر من بامبرز العاديه.. اني صاحبتي نصحتني بيها استعملتها بنتها وكالتلي كلش زينه فأشتريت منها راح استعمله لأبني ان شاء الله.. وهذي صورة بامبرز اللون الابيض http://forum.hwaml.com/imgcache2/hwa...844134_762.jpg بس سعره يصير ضعف اللون الاصفر اذا ملكيتي الابيض عادي استعملي الاصفر او حفاضات بيبي جوي هذي الاغراض الي ذكرتها تحتاجيها بالمستشفى هسه نجي من ترجعين للبيت -تحتاجين الج ادويه مسكنات بالمستشفى خلي يكتبوها الج -تحتاجين معقم شوفي بيكاربونات الصوديوم زين بس تيبس المنطقه الحساسه اما تستعمليها تحطين شويه مثلا ملعقه صغيره بأبريق مليان ماي دافي وتستعمليه بكل مره ...او تخففين ديتول بأبريق ماي دافي وتستعمليه عادي اني اشتريت مطهر بس مااعتقد موجود بالعراق .. - اذا صار لا سمح الله عندج التهابات اخذي دوره ابر الخاصه بالالتهابات غلافها يصير ابيض وسمائي نسيت اسمها مرتين باليوم صبح وعصر 6 ابر بـ 3 ايام - مجموعه كريمات وزيوت وشامبو للطفل http://forum.hwaml.com/imgcache2/hwa...273365_194.jpg هذي موجوده بالعراق واكو نوعيه ثانيه اسمها نونو هم زينه واذا حصلتي على ماركة سيبا ميد فهي احسن شي للطفل لأن طبيه عمري نجوله اهم شي مايلوحج برد ولبسي جواريب بالولاده وبعدها انتي يضرج البرد اكثر من الطفل .. بعد الولاده اشربي عصير برتقال بالمستشفى واذا تكدرين اكلي بسكت من ترجعين للبيت اول 3 ايام لازم اكلج يعتمد عالسوائل مثل مرقه دجاج لازم سوائل بالطبخ مو زين تاكلين شي ثكيل وكثري من العصائر الي بيها فيتامين سي ولا تاكلين شي بارد وشربي بأستمرار حليب دافي وحطي عسل بدل الشكر ...وان شاء الله ربي يسهلج ولادتج اذا عندج اي سؤال او استفسار كولي (بسرعه قبل لا اولد ههههههههههههههههههههههه) |
رد: تجمع حوامل العراق واتمنى اكو احد موجود
طبعا قبل كم يوم كلت لزوجي اكلك من اولد انته تعرف تسوي تشريب دجاج؟ يكلي هاااا الله كريم هههههههههههههههههههه
بعدين يكلي اجيبلج من المطعم كتله لا مااكل اكلهم .. الظاهر اني راح اطبخ هههههههههههههههههههه |
رد: تجمع حوامل العراق واتمنى اكو احد موجود
البارحه الدكتوره منعتني من الملح نهائيا وصرت اخذ 3 حبايات ضغط الدوميت الله يبعدكم عن الضغط
الضغط يشكل وياي بالحمل البارحه ضغطي جان 150/80 بعدين نزل صار 135/80 الحمدلله هم احسن .. بالنهايه تكلي الدكتوره اكلي ماصخ واني مشتهيه شاورما اهئ ههههههههههههه |
رد: تجمع حوامل العراق واتمنى اكو احد موجود
هلاو بنات شخباركم
الله يسهل عليج مهاا |
رد: تجمع حوامل العراق واتمنى اكو احد موجود
مهاوي حبيبتي اني جنت اخذ الدوميت لان جان ظغطي يصعد كلش وعليه نزل ضغطي وجبت طبيعي
اي يمكن لان مرات انسى انشفها المشكله ما استعمل كلينكس لان يتفتفت وقريت موضوع هالفتافيت تدخل بالرحم وما ادري شتسوي فد شي موزين |
رد: تجمع حوامل العراق واتمنى اكو احد موجود
هلو كوكي حبيبتي
|
| الساعة الآن 11:16 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .