منتديات حوامل النسائية - تجمع الحوامل اللاتي سيلدن بشهر رجب 1432

الحمدلله ولدت وبنتي هلحين تتضارب مع أخوها نسيت أقولكم عمرها ثلاث سنوات بس لتفآءل أقول كذا
ويارب مثل ماهون علي ولادتها يهون علي وعليكم
أول شي في ولادت أخوها أقسم بالله شارفت على الموت وصار يجيني خرعه أول ماأسمع إن فيه وحده حامل ولا كان فيه أمل أعيد الكره وأحمل بس إرادة الله فوق كل شي حملت وكل الأشهر التسعه وأنا تفكيري في الولاده كيف راح تكون
دعوت الله في كل الأوقات تيسر ولادتي
وحانت الساعه اللي كانت مرعبتني طووول فتره حملي كان يوم الأربعاء
صحيت الظهر على ألم الطلق بس كان محتمل نسيت أقولكم كان عندي موعد لطلق الصناعي يوم الجمعه لان مفوته على شهري خمسه أيام بعد محاولات الدكتور أولد عمليه قال الولاده اللي قبل تعبتك وكان حجم البيبي كبير ومانزل إلا بشفط قلت لا يادكتور اللي الله كاتبه بيصير وأصريت على الولاده طبيعي قال براحتك
نرجع لليوم الموعود جلست إلين العصر رحت المستشفى كشفت الدكتوره قالت مفتوح 2سانتي إرجعي وأمشي
حمدت الله لقيته مفتوح علشان أقدر آخذ من الخلطات اللي مجهزتها
وهاذي الأشيا راح تفيدكم بعدالله سبحانه
أول شي أخذت كاسه دافيه وحطيت عليها زعفران وشربتها أخذت حبه من فاكهه الأنناس طاااااااازج وأنا أمشي مره أكل ومره أستغفر وأطلع وأنزل مع الدرج
ورحت للمستشفى الساعه11في الليل قالو لسا 2سانتي
قلت وش أسوي طيب قالت بكره العصر بعطيك طلق صناعي لان ماعندك بوادر ولاده قريب وانتي لازم نعطيكي تنويم سبحان الله رحت أمشي في المستشفى ومره أجلس وقضيت ذيك الليله والألم نفسه وسمعت أذآن الفجر قمت صليت ورجعت أجلس على الكنبه ماقدرت حسيت فيه شي بيطلع رحت الحمام مافيه شي وشوي ويجيني ذاك الألم عرفت الولاده قربت قلت ماراح أقول للمرضات علشان لاينزلوني الكشك بدري وشوي وحسيت نفسي أدفع وأصيح ذيك الصيحه وأضرب الجرس لسستر وجاتني بارده قالت نبغى نكشف ونشوف نبض الجنين
وكشفت وصااااااااااااحت وسكرت رجولي وراحت جابت معاها تقريبا ست سسترات ويصيحون فيني لاتدفعين
تري الرحم ماشاءالله مفتوح عشره ونزلوني الكشك ربع ساعه وأنا وآلده وأنا والله ماني مصدقه كأني في حلم
ودعواتكم الله ييسرلي ولادتي هاذي مثل مايسر اللي قبلها ولكل وحده دعت لها بالمثل وآسفه على الإطاله بس حبيت أطمنكم إن الولاده تيسير من الله والزعفران والأنناس كثير ناس نصحوني فيه وأنا بعد أنصحكم فيه وتعالوا أحكينا كيف صارت ولادتك
هذي قصة وحدة في عالم حواء قريتها اليوم