|
رد: تجمع الكروشات اللي ولادتهن في رمضان 1433ه
خدي من الصيدليه فوط صحيه خاصه بالاولاده انا في ولادتي الاولى اخدت ريلاكس من فام
وفي ناس يحبوا ياخدوا قطن لحاله ومعاه شاش وانتي تسوي لنفسك فوط منه ... و خدي كمان مفارش قطن بيد باد ليكي على شان السرير و كمان تنفعك للبيبي وخدي كمان اندر وير اللي يكون استخدام مره وحده زي حق المستشفى و كمان خدي بيتادين للتعقيم و هو احسن مطهر وللجرح والخياطه خدي كريم اسمه افوميب نفس الميبو بس بدون ريحه و اسالي دكتورتك توصف لك كريم للصدر عشان ما يوجعك مع الرضاعه لو ناويه ترضعي البيبي و للبيبي طبعا تاخدي مجموعة جونسون و قطره لعيونه او مس و بودره للسره ومسحات كحول هادا اللي انا فاكرته وعلى فكره اتاكدي من المستشفى الللي راح تولدي فيه لان البهم يعطوكي هادي الاشياء مع الولاده وتاخديها معاكي |
رد: تجمع الكروشات اللي ولادتهن في رمضان 1433ه
يس حبيبتي بكريه وحايسه مدري وش بيصير احس الايام الجايه مجهوله
مدري كيف الولاده والنفاس |
رد: تجمع الكروشات اللي ولادتهن في رمضان 1433ه
مشكوره روح ملقصرتي
فعلا المطهرهذا دايم اقرا يمدحونه بس لما رحت الصيدليه نسيت اسمه |
رد: تجمع الكروشات اللي ولادتهن في رمضان 1433ه
روح
مو هيك يا قلبي بس انتي سالتي مين في جدة و الي ردوا مش من جدة و غريبة مو متحمسه للملابس بس اتوقع لانك مو بكرية قبل كم يوم كنت متحمسه اشتري اشياء لما بدأ ولدي يتحسن ملابس الاطفال تدننن و ما نشبع من التقضي لكن انتكس للاسف و ساءت حالته و انسدت نفسي عن كل شي يارب يتحسن و اشتري له كل الي نفسي اشتريه هالمرة ما راح استبق الاحداث و اجلس افكز ايش ناقصني و اتحمس بنتظر لحد ما اتطمن صح و يارب يتحسن خايفة ارجع شقتي و اشوف الملابس الي شريتها له و ابكي آلاس ربي يطمن قلبك و طمنينا مناير ملبوس العافية نور حلوة الشنطة |
رد: تجمع الكروشات اللي ولادتهن في رمضان 1433ه
البكريات وما ادراك ما البكريات ....
كلنا مرينا بنفس الاحاسيس المجهوله والغامضه ... حبيبتي اكثر شي ينفعك الدعم النفسي والمعنوي .... لازم زوجك يوقف جنبك ويطمنك ويهتم فيكي ... و كمان خلي امك قريبعه منك واذا عندك اخوات متزوجات راح تسنفيدي من تجاربهم ويخففوا عليكي ... و اولا واخيرا وكلي امرك لله وخلي ثقتك في ربك كبيره انه ما راح يكتب لك الا الخير وبييسر امورك كلها بمشيئته .... ميدوري انا مو ماني متحمسه بالعكس ... انا عندي بنت وجاييني باذن الله ولد ونفسي اقضي له ملابس اولاد مع ان ملابس البنات احلى بمليون مرررره .... وكمان نفسي اشتري اغراضي الخاصه من بدري انا وحده ما احب الحوسه والبهدله والفرفره في الاسواق وهي زحمه ... ودحين اخر الثامن وداخلين على التاسع مررررررررررررررررررررررررره تعب ما اقدر خلاص اتاخر الوقت على التقضيه و زوجي ما طاوعني من الاول ... اتوقع لانه مو قادر يفهم الاحساس بالحمل وتعبه والمعانه |
رد: تجمع الكروشات اللي ولادتهن في رمضان 1433ه
ميدوري .. خلاص هانت بس هالاسبوع ويتحسن حالته لانه بيكمل 9 شهور
بس انتي توكلي على الله. ولاتخافي وقوي قلبك ولاتشتري شي الين تتحسن صحته ازين لك ويارب تشتري كل اللي نفسك فيم انا هالمرة أشتريت قطن وشاش بسوي الفوط بالبيت أحسن وانظف بعد ماسمعنا هالبلاوي اللي يلاقوها فيها وطبعا كريم الخياطه ابيض وعليه خط برتقالي .. ممتاز للجروح بالاضافه الى ماذكرته روح |
رد: تجمع الكروشات اللي ولادتهن في رمضان 1433ه
مناير
لو بترضعي طبيعي اشتري كريم بالمرز لتشقاقات الحلمة مره كويس و خفف لي من وجع شفاط الحليب و كمان كوتكس الليلية بتكون كبيره و بتنفع وقت النفاس هذا بعد التجربة و كمان نور و نسومة تكلمو عن حمى النفاس انا لسه الحليب قليل بس الدكتوره تقول ان سببهها ان الحليب يبقى في الصدر لان البيبي ما يرضع كمية كبيرة الايام الاولي فالحل تاخذي شفاط و تشفطي نهاية كل يوم بالبداية او يومين ما بعرف المهم ما يتجمع حليب بصدرك بعدين ينتفخ و يتحجر و تعاني من حمى كمان و كمان لو لاحظتي بقع زرقاء اعملي للصدر مساج و خاصة مكان البقع و اشفطيه بعد الرضاعة |
رد: تجمع الكروشات اللي ولادتهن في رمضان 1433ه
الرشا
الله يسمع منك و يتحسن لكن انا بعد ماولدت قالوا لي ان عمر البيبي 30 اسبوع فقط و باقي 10 اسابيع علشان يكمل التاسع مع اني على حسابي كنت بالاسبوع 32 |
رد: تجمع الكروشات اللي ولادتهن في رمضان 1433ه
كروشاتي حبيباتي
كيفكم ؟؟ وكيف النونوات؟؟ قريت الواجب يااااطوووله و نسيت كوووول اللي فيه اممم بس اللي منزاين ملابس و شنط تتهنوا فيها انتو و البيبيات المهم مناااير لقيت لك حل مع تبع مشاوير شوفي ياعسل عندك حل من اثنين الاول تسوي لها حظر من الجوال نفسه من ضبط المكالمات او تضغطي على اسمها في السجل يسير ما عاد تجيكم لا اتصالاتها و لا رسايلها و الخدمة ذي من نفس جهاز الجوال يعني لا زوجك رح يحس ولا راح ياخذوا عليها رسوم الطريقة الثانيه خدمة جوال كنترول و هي خدمة مقدمة من شركة الاتصالات و هي عليها رسوم شهريه اظن 10 ريال اي رقم تدخلينه في القائمة نفس الشي لا عاد تجيكي منه لا رسايل و لا اتصالات بس اول ما تفعلي الخدمة راح تجيكي رساله انهم فعلوا الخدمة انتي اتصلي على موظف 902 و استفسري عن طريقة تفعيل جوال كنترول وسلامتك |
رد: تجمع الكروشات اللي ولادتهن في رمضان 1433ه
ميدوري
يعني انتي تشوفي كوتيكس افضل فوطه ؟؟؟؟ انا جربت ريلاكس من فام لانها هي اللي لقيتها بالصيدليه ... ما ادري اذا فيه احسن منها ولا لا... هو عموما مهما كان نوع الفوطه ما راح تحسي براحه ابدا مع الجرح والخياط وغير ان التدفق يكون غزير ومزعج[/color][/color][/color] |
| الساعة الآن 02:39 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .