|
رد: دردشة حوامل دولة الجزائر- تجمع بنات الجزائر
حباباتي عندي مشكلة وحبيتكم تعونوني فيها المهم
انا طفلة وحدة بين زوج ذكورة وكيما علبالكم بلي ماما ميتة وكي ماتت وليت نحس بلي خوتي ولادي ماشي خاوتي درت كلش علا بالهم المهم عندي عرس خويا في سبتمبر ولا زم نروح بكري لدارنا باش نوجد راكو عارفين العرس شحال واعر وكلش راه يستناني قلت للراجلي كي نعيد العيد لكبير لا زم نروح للبلاد قالي ماتروحيش وحدك لا زم يجي كاش واحد من داركم يديك قلتلو انا بابا مريض ومايقدرش على السفر وخاوتي كل واحد عندو شغالاتو قلتلو نروح في الطيارة قالي لوكان حتى في الطيارة لازم يكون معاك واحد ما تروحيش وحدك (مسكين يغير بزاف ؟) دابزت انا وياه ودرنا حالا وليت انا نعلت بليس وقلت كي يجي الوقت يفرجها ربي و بلاك يهديه ربي حبيتكم تنصحوني واش الندير |
رد: دردشة حوامل دولة الجزائر- تجمع بنات الجزائر
الله يفرحك يا اختي المازة بي الحمل العاجلا يارب نتي واخواتي
انا نعرف عقلية زوجي ميحبش لى يبقااا زنزن عند راسو على الموضوع لى فات |
رد: دردشة حوامل دولة الجزائر- تجمع بنات الجزائر
اقتباس:
المهم بالنسبة ليك انت وين تسكني خارج الوطن ؟؟؟؟؟؟؟ ديري agenda واكتبي فيها من ضرك الحوايج لي راح تديريهم و كي توصلي تمة غير تكوشي على لي تخدمو و هكدا تنظمي وقتك و تحددي مسؤولياتك وزيدي قنعيه بلي يلاقوك في المطار اوكي |
رد: دردشة حوامل دولة الجزائر- تجمع بنات الجزائر
هههههههههههههههههههه
ولهي غير ضحكتني صباح الله انا تاني وحيد اا عند خواوتي انا طفلة وعندي 2خاوتي عزبان واحد راح يتزوج مور العيد ولقتني نخمم غير وحدي غير لى يقولي كوني واقف مع خواك بصح انا قريب منهم نقدر روح ونجي نصحتي اصبري منا لهذاك الوقت وشوفي بالك يكون فى عطلة ويديك متتقلقيش وتتصرعيش |
رد: دردشة حوامل دولة الجزائر- تجمع بنات الجزائر
صباح الخير عليكم ياالبنات واش راكم توحشتكم انا راني في حالة عندي روطار 6 يام مت بالفرحة حللت خرج - ومبعد قلت نروح لطبيبة ونشوف وياريتني ما رحت قاتلي ماعندكش جوف وعندك بلوكاج و عندك الشحمة على البويضات ماتخليهمش يتلقحوا و البويضات صغار تعرفوا قريب تصرعت وليت نقول اللي من عند ربي مرحبا
وعطاتني دوفاستون نشربوا ومانع الحمل باه تريقليلي الدورة ديالي وقاتلي هادوا 3 شهر الجايين ماتستنايش الحمل مكلي جيت وانا نبكي تعيشوا قولولي شكون كانت هكدا وحملت وربي يرزقنا كامل |
رد: دردشة حوامل دولة الجزائر- تجمع بنات الجزائر
اقتباس:
ونتي درتي تست وشفتي روحك hwaml5 شفي لو سونار تاع المهبل صح يكشف كلش واش كاين فى الرحيم ام السونار العادي لى نشرب الماء هذاك ميبينش مليح ونتي علاش مدرتيش تست وشفتي ولاكان كلام طبيب صح واش راح نقول لختي اصبري كيفاش شحمة فى المبيض بصح بدواء تذوب ولهي ملقيت منهدر يارب ويكون خير |
رد: دردشة حوامل دولة الجزائر- تجمع بنات الجزائر
دارتلي صونار تاع المهبل يبين كلش قاتلي بلي البويضات كاينين بصح صغار
وقاتلي كاين شحمة مغلفة البويضات ماخلاتهمش يتلقحوا عطاتني دوا باه دوبهم ياخد 3 اشهر و قاتلي لازم نسقموا الدورة باه نظموها انا من الخلعة ماعرفت والوا مازالني صغيرة على هد الهدرة يا ربي عندي 22 سنة وانا حساسة بزاف والهدرة توجعني تاع الناس والله راني غير نبكي راجلي حتى صفار كي قتلوا مات بالخلعة هي قاتلي عادي نداوك بصح الطبة هكدا يقعدوا غير ياكلوا فالدراهم مانكدبش عليك راني في حالة انا والله ماني سمينة قاتلي ديري ريجيم لازم تشياني قلتلها واش فيا باه نشيان قاتلي لازم اعطاتني دوفاستون باه تحبتلي الدورة diane باه نرقليها و glucophage باه يدوبلي الشحمة هدي |
رد: دردشة حوامل دولة الجزائر- تجمع بنات الجزائر
ربي يشفيك ام صفاء رانا كلنا نتقاسمو في الهم نقولو االحمدلله
|
رد: دردشة حوامل دولة الجزائر- تجمع بنات الجزائر
البليدية ختي واش راكي وراجللك ربي يخليهوللك والباقي ربي يهديهم
توحشتكم انا الي مزعفتني ومقلقتني هاد الدوا يشد 5 شهر وانا نتعالج ااااااااااااه صافي يلحق عليا العام الحجديد كنت في دارنا ماقدرتش نشوف راجلي واش ندير ربي معايا ونشالله ربي يفرج عليا وعليكم |
رد: دردشة حوامل دولة الجزائر- تجمع بنات الجزائر
البردقوش ؤهدا يتباع في الجزائر وعندمن عند الصيدلية ولا وين
|
| الساعة الآن 06:38 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .