|
رد: تجمع حوامل ليبيا
اقتباس:
آآآآمين يااارب ياامن أنت على كل شيء قدير .... يااااااااااااااارب يسر لنا امورنا وارزقنا حملا كااملا تاما سالما معافى يااارب العالمين .. يااارب فرحنا وفرح ازواجنا وامهاتنا وكل من يستنا يفرحلنا يااارب .. ياارب كما رزقتنا بقدرتك بالأزواج الصالحين وكتبت لنا السعادة والهناء معهم فبرحمتك ياارب اتمم علينا نعمك ولا تعاملنا بذنوبنا وعاملنا بحلمك وعفوك وسترك وغفرانك ياارب العالمين .. |
رد: تجمع حوامل ليبيا
اقتباس:
ان شااء الله ربي ييسرلها امورها ... شتي المشكلة اللي عندها مرت خوك ؟ |
رد: تجمع حوامل ليبيا
السلام عليكم كيف حالكن يابنااااااااااااااااات أكيد انسيتوني وإلا اتقولوا هذي راحت مع بوشفشوفة (الله لا ترحمه )
المهم انا حطيت معايدة بعد العيد وفيها باقة ورد بيضاء للكل لكن شكله مافيه حد شافها ياخياتي ولا تعليق على المعايدة وخلاص انسيتني ماكانش العشم على قولت المصرية المهم انعاود كل عام وانتن جميعا بألف خير وبدون استثناء |
رد: تجمع حوامل ليبيا
اقتباس:
أم محمد كيف حالك ...؟؟ نقدر نسألك شني كان سبب تأخر الحمل ... لأن هكي تقريبا حملتي بعد سنة ... وشكرا ظوو معليشي على القصقصة ..هه .. بنطمن روحي بس .. |
رد: تجمع حوامل ليبيا
شنو شكلي بروحي نهيج في المنتدى ....
يابنات بالله قولولي .. لو أي وحدة تعرف وحدة يعني لو تعرفوا اي وحدة راجلها كان عنده الدوالي ودار عملية وحملت بالله قولولي وأسألولي وطمنوني ... تعرفوا حاملة همي بروحي ومش قايلة لحد على الموضوع امتاع راجلي ونبي مني يهون عليا والناس يقصقصوا واللي اتزوجوا بعدي من العيلة قريب يجيبوا والحمد لله .. يعني تقدروا تتخيلوا موقفي ..... وان شاء الله ربي يفرجها علينا يااارب .. توا لينا 3 شهور امدايرين العملية والدكتور اللي دارهاله قال آني الحالات اللي يجزني نفس حالتك يحملوا بعد من 3 الى 6 شهور وان شااء اللع ياااربي خير ... متوكلين على ربي ان شاااء الله .. والله سبحان الله بفضل ربي دلني على المنتدى هذا والصفحة هادي يعني بعد الله عز وجل انجي نفضفض هنايا .. الحمد لله .. تحملوني .. |
رد: تجمع حوامل ليبيا
وخيه متفائلة اكيد في من دار العملية وكانت
النتيجة ايجابية وحملوا نعرف وحدة راجلها عندهدوالي وبعد سنة ونص زواج دار العملية حملت بعد شهرين يعني كله بالتساخير وعندي حماتي راجلها عنده دوالي وحيواناته ميتات لكن حملت بعد 4 سنوات زواج حمل طبيعي من ربي وبعدها ماباش يدير العملية وجابت مرة تانية معاي في بنتي ولد تاني يعني بعد 5 سنوات خليها على ربي وماتحمليش هم لان ربي كريم |
رد: تجمع حوامل ليبيا
وخيه ام عويضة وانتي بالف خير يارب
وينعاد عليك بالصحة والسلامة |
رد: تجمع حوامل ليبيا
اقتباس:
|
رد: تجمع حوامل ليبيا
اقتباس:
يأختي كل حالة حسب شدتها بعني فيه اللي عنده الدوالي من زمان وماعالجش بسرعة وفيه اللي أول ما أكتشف المشكلة عالجها اني عندي أحد اقاربي عنده مشكله دوالي دار العملية ونجحت بس توا عنده مشكلة في حركة الحيوانات المنوية وعددها أسأل الله العلي القدير أن يرزق كل محروم |
رد: تجمع حوامل ليبيا
اختي متفائلة خلي ديمة في بالك انه حتى لو
التحليل طلع مش كويس لاقدر الله انك تقدري اديري طفل انابيب او حقن مجهري يعني نتيجة التحليل مش نهاية العالم وديمة قولي يااااااااااااااااااااااااااااارب |
| الساعة الآن 11:33 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .