|
رد: تجمع امهات التوام حياكم
اقتباس:
اسميتهم دانة وبانة بانة: اسم جميل ينقلنا إلى شجرالبان شجرة ناعمة تسمو وتطول في استواء تتميز بحسن القوام، وجمال القد،قدها المياس ورائحتها الفواحة دانة: اللؤلؤه الكبيــره الله يخلي لج عيالج ويبارك فيهم ويخليج لهمhwaml7 |
رد: تجمع امهات التوام حياكم
السلاااااام عليكم اخر التطورات وحدة من بناتي فيها عنقز (جدري ماي) تشكن بوكس بجميع لللغات وانتظر يجي لاختها ونخلص من هالكابوس حيييل تعبانه حياتي الله يشفيها
|
رد: تجمع امهات التوام حياكم
زود ماتشوف شر البنوته الله يحفظهم لك
اذا بنتك تبوس اختها تعالي شوفي عيالي دايم يطاققون ويمسكون شعر بعض يعني لو تحطينهم عند بعض لازم واحد يعتدي على الثاني الحين عيالي مريضين اثنينهم جاهم فايروس يقول الدكتور اسمه الخناق عطاهم بخار وابره عيالي دايم مريضن مافيهم مناعه والله تندمت لاني مارضعتهم طبيعي الرضاعه الطبيعيه تعطي مناعه للطفل يطلعون من مرض ويدخلون في مرض من كحه وبلغم واسهال وترجيع الله يكرمكم انا ميته من التعب مع دوامي في الجامعه والاختبارات والعيال الله يحفظهم نارا تحمست ابي اشوف بناتك نزلي صورهم بسرعه |
رد: تجمع امهات التوام حياكم
باقي لغة وحدة او لهجة ما قلتيها يا زود
احنا بالبحرين نسميه شنيتر ساره صادقة عن الرضاعة الطبيعية وانا من اكبر مشجعيها بناتي كملوا سنة وما ذاقوا الصناعي والحين من يومين بس قمت اعطيهم حليب المراعي فريش بس يشربون شوي كلش وما يحبوه وللحين يرضعون مني الله يعطيني الصبر والقوة واواصل للسنتين ان شاء الله بحط الصورة بس موجودة بكمبيوتري الثاني بحاول بكرة |
رد: تجمع امهات التوام حياكم
السلام عليكم ورحمة الله وبركاته
كيفكم وكيف بيبياتكم ان شاء الله كلياتكم بخير أحلى توينزمشاء الله حلوين بناتك بس بناتي احلى امزح الله يخليهم لك زود حبيبتي سلامت بنتك وماتشوف شر بس انتبهي لها من البخور والعطر تريه يشم عليها ولا تسبحينها مره لانه ينتشر مع الماء سلامتها ان شاء الله ماتشوف شر بس هو ان شاء الله في هذا العمر خفيف وحررته خفيفه قد جا لولدي في عمر بناتك كانه اكلت نامس خفيف |
رد: تجمع امهات التوام حياكم
مساءكم سعيد ...
كيفكم انتو وتوينزاتكم ربي يحفظهم لنا ... احلي توينز بناتك حلااتهم ..ان شاء الله ربي يحفظهم لك من كل عين ... |
رد: تجمع امهات التوام حياكم
|
رد: تجمع امهات التوام حياكم
مرحبا أمهات التوأم شخباركم وشخبار عيالكم ان شاء الله راح انضم لكم قريب
احلى توينز ونارا ماشاء الله بنوتاتكم شحلاتهم وحييييييل يتشابهون الله يخليهم لكم وتشوفونهم عرايس بس شلون تفرقون بينهم لأن توأمي بيكونون متشابهين ومن الحين افكر شلون بفرق بينهم |
رد: تجمع امهات التوام حياكم
بناتي مشيمتين ما يتشابهون بس الكل يقول لي انهم يتشابهون
اول الايام خلي اساور المستشفى عليهم شي اسبوع اسبوعين لين تتعودين وتحفظين انا سويت جذي لكن كلها ثلاث ايام وعرفت افرق بينهم الاب والاهل اخذوا وقت اطول بعدين يصير سهل تفرقين |
رد: تجمع امهات التوام حياكم
سلاااااام وحشتوني بس مشاغل البيت والتوينز مو بسيطه زادت المسؤليه اكيد كلمكم مجربين يلا الله يعين نارا واحلى توينز ماشاء الله على بناتكم الله يحفظهم حلويييين شكلي ابخطبهم لعيالي
|
| الساعة الآن 01:01 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .