|
رد: دردشة حوامل أهل الخرج - دردشة بنات الخرج - تجمع حوامل الخرج
مساء الخير والاحس والطيبه
مساء مايليق الا بكروشات الخرج ياااااه احبكم احبكم احبكم واكيد مسقط رأسي فيها ومراحل طفولتي ومراهقتي لابد ان احوبكم المهم انا اتابع بالمصانع وعلى اني ابولد بالمصانع بس قالوا لي ان العسكري بالرياض افضل وانا بكريه وحدي منجنه وراح زوجي واضافني معه في العسكري بالرياض وبتابع بالمصانع وبقولهم يحولون ملفي عند الولاده للعسكري والله يعين ويارب لان ع وقت ولادتي بروح هناك بالرياض بس الله يستر ماتجيني الولاده وانا بالحوطه عاد وععععععععععععع يقولون الموت لو بتولدين بالحوطه ولا الخالديه صادقه فيونكه مستشفى سيء جدا والله يعين الي بتولد فيه اعرف كثير ماحد يمدحه بس مالها غيره توكلي ع ربك وربك يعين وامممم بنسبه لتجهيز انا مابعد جهزت ولاشي ولاادري وش اشتري اصلا ولا كيف بختار والله مشكله واممم رغم اني من الخرج بس مااعرف في تجهيز المواليد بس اشتري هدايا اتذكر من البطاح بضاعته حلوه وامم ممنون بعد سنتر بوينت هذا الي اتذكره اروح واشتري الهدايا منه والان لو بروح بصير اشتري للبيبي حقي يااااااااااارب ييسر لي وييسر لكم ياااااااااااااارب ويهون علينا يارب |
رد: دردشة حوامل أهل الخرج - دردشة بنات الخرج - تجمع حوامل الخرج
الله يسعد مساكم يا كروشات ** الله يسعد كل اللي سألت عني انا الحمدلله بخير وكمان بخير بتجمعكم والله يحيي الخرجاويات الجدد شرفتونا باجتماعنا
|
رد: دردشة حوامل أهل الخرج - دردشة بنات الخرج - تجمع حوامل الخرج
أهلين كروشات كيفكم أنا الحمدالله تمام التمام ام علاوي حلو المشتل أنا رحت له قبل كذا يوم الأحد الماضي أنا وخوات زوجي وجارتنا واااااااو حلو مره وخاصه اذا صار جمعة الأهل والصديقات أنا حماتي لها محل فيه ........طيب من راح للمجمع النسائي الجديد وردة القمر حلو المحلات فيه وخاصه الرومانسيات تأخذي راحتك بس ما في جلسات فيه كراسي
|
رد: دردشة حوامل أهل الخرج - دردشة بنات الخرج - تجمع حوامل الخرج
يووووووووه
وين الحكي الي كتبته اثرني اكتب بالهواء وماطلع غير هذا خخخخخخخخخخخخ كنت اقول وربي نسيت اممم ايه انا اتابع بالمصانع وطبعا كل مره يجني دكتور شكل واخر مره سوو لي اشعه مدري وش يسمونها بغرفه ثانيه ابلشتها اقولها وش الفرق بين هذي وبين السونار الي سوته لي الدكتوره هل اقدر اشوف البيبي وحركته تعطيني صوره له وربي ماردت علي قهرتني ولا شي غريب بعد خلتني انام ع جنبي وكشفت يؤ اشفيها هذي اقولها عشان الميلان الي فيني دكتوره وربي ولاحياة لمن تنادي نفسيات خايسه |
رد: دردشة حوامل أهل الخرج - دردشة بنات الخرج - تجمع حوامل الخرج
اخبارك دلوعه والله وحشتوني ** انا رحت وردة القمر بصراحه حلو بس ما فيه محلات زياده انا اشوف ان الالماسيه افضل منه
|
رد: دردشة حوامل أهل الخرج - دردشة بنات الخرج - تجمع حوامل الخرج
أهلين ام شوق أنا رحت لكل الاثنين بس احسن وردة القمر بكثير من الألماسية اقصد أنا المحلات
والحمدالله ع سلامتك ام شوق |
رد: دردشة حوامل أهل الخرج - دردشة بنات الخرج - تجمع حوامل الخرج
وانا دلوعه اقصد المحلات ما عجبني شي زي الالماسيه لان فيها محلات كثير بالنسبه لوردة القمر * ووردة القمر احس بس محل اللانجري اللي حلو
|
رد: دردشة حوامل أهل الخرج - دردشة بنات الخرج - تجمع حوامل الخرج
استغفر الله الذي لا اله الا هو الحي القيوم** الاستغفار سبب لسعادة المسلم وجلب الرزق فاكثروا منه
|
رد: دردشة حوامل أهل الخرج - دردشة بنات الخرج - تجمع حوامل الخرج
اختي امجاد ماجد أخبارك الله يتمم حملي وحملك والجميع كذا المصانع كل مره دكتوره ومو في كل موعد اشاعه لا الاشاعه لها موعد خاص وغير كذا زحمه على غير سنع وكل وحده من الممرضات او الدكتورات تكلمك كانها مغصوبه على الكلام
ليش متروحي خاص احسن لك أنا عند الدكتورة عبير في مستوصف مجمع الشعبه حلوه وما في زحمه ومتفهمه بالتوفيق للجميع |
رد: دردشة حوامل أهل الخرج - دردشة بنات الخرج - تجمع حوامل الخرج
حبيت أسئل كروشات هل تدخلي زوجك معك عند الدكتورة في كل موعد؟؟؟؟؟؟؟؟؟؟
أنا زوجي يدخل معي حتى بالاشعه السونار ودي اعرف انتم كيف !!!!!! |
| الساعة الآن 08:40 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .