|
رد: الغاليات بنات فلسطين اتفضلو هون.....
ميوش ،، وسما ،، وحلا
ينعاد عليكم بالصحه والعافية وصحه وهنا سلفا انا جعت كثييييييييييير وعطشااااااااااانة ومش قادرة اقوم من التعب ، الله يهونها يااارب ويصبرنا |
رد: الغاليات بنات فلسطين اتفضلو هون.....
كل عام والكل بخير
|
رد: الغاليات بنات فلسطين اتفضلو هون.....
|
رد: الغاليات بنات فلسطين اتفضلو هون.....
مرحباً بنات
شو وينكم اليوم ؟؟؟ ولا تعبانين مع الصيام كيف كان صيامكم مبارح ؟؟ انا كان بالنهار عادي بس بعد الفطرة تعبت ودخت وصار راسي يوجعني :( اليوم حاسة حالي تعبانة وراسي بيوجعني لأنو نزلت عالدكتورة اليوم والجو حر ومع الصيام تعبت المهم انو الحمد لله راس البيبي نازل لتحت وداخل بالحوض وصحتو منيحة :) نصحتني دكتورتي أبدا بالمشي بما انو الرأس نزل لتحت وهادا كل شي .... الحمد لله بس يا رب يضل راس البيبي تحت وما تتغير وضعيتو ... أدعولي ربنا يهونها عليي |
رد: الغاليات بنات فلسطين اتفضلو هون.....
مسا الورد لاحلى صبايا
شو اخباركم ؟؟؟ ام مروان بالنسبه للسان بنتك هادي هادا من الرضاعة ... انا كمان بنوتيي لسانها على بياض .و بالنسبه للصيام انا سألت حكواي اذا طهرتي خلص و مش شرط للاربعين .... انا هيني صايمه لانه الحمد لله صارلي تقريبا عشر ايام و اكتر و انا نضيفه و ما في ولا اشي .... من الاساس كان الدم قلييييييييييل ربنا يخليلك بنوتك و يحميها حلا حبيتي ام خليل ... الحمد لله انو كلشي تمام ... لسا بفكر فيكي ما تخافي خلا اصلا صعب يرجع يقلب .... و ان ساء الله يا رب بضلو راسو لتحت و بتولدي طبيعي ياااا رب الله يهونها عليكي و على كل الحوامل باقي الصبايا يسعد مساكم ... اشتقتلكم |
رد: الغاليات بنات فلسطين اتفضلو هون.....
صباح الخير صبايا
كل عام وانتو وعائلاتكم بخير يارب ورمضان مبارك عالجميع طبعا هالسنة مميز مع وجود فرد جديد عنا بينام طول النهار وبيصحينا طول الليل ههههههه انا السنة شكلي مش رح الحق اصوم ولا يوم برمضان للاسف ان شاء الله الحق كم يوم بالاخر يارب ولسا والله بعد الولادة لهلا ضهري بيوجعني بس بيقولوا طبيعي شو لولو انتي كيف بعد الولادة امورك طمنيني وكيف بنتك والرضاعة انا الحمدلله تغلبت شوي اولها بالرضاعة بس هلا الامور منيحة احسن يعني حلا وام عبد الله وفوفو طمنوني عنكم كيف بيبياتكم اشتقتلكم كتير نور العمر وام مروان وسما والصبايا الجداد ميوش وفلسطين منوريييييين وجارة وحواء واحساس وصبايا كتير مفقودين وين هالغيبة صحي الافندي يلا مش رح اقدر اكمل ههههههه بشوفكم ؛) |
رد: الغاليات بنات فلسطين اتفضلو هون.....
صباح الخيرات
شو أخباركم .. وكيف رمضان معكم انا من ناحية العطش والجوع الحمدلله مابعاني بس الصداع هو الي متعبني واليوم طويل جدا وبحس بين العصر والمغرب يوم لحاله كأنه ههههههههه الله يتقبل منا جميعا يارب حلولي ربي يسعدك والله اني بعزك وبحبك كتير والحمدلله انه البيبي نزل راسه ربي يهون عليك ويقومك بالسلامه ياقلبي |
رد: الغاليات بنات فلسطين اتفضلو هون.....
كيفكم يا صبايا .. وكيف رمضان معكم ..؟؟
شو طابخين اليوم ؟ ........ نحنا اليوم معزومين عند بيت حماي عازم بناتو وخطيبة سلفي يلي هي بتكون اختي يعني اختي صارت سلفتي خطبو قبل رمضان ب اسبوع ... انا اليوم كتير عطشانه ... سلامي لجميع الصبايا ... بتكونو هلا مشغولين بالفطره .. انا اليوم اجازه بس رح روح انزل شوف شو بدهم مساعده .. |
رد: الغاليات بنات فلسطين اتفضلو هون.....
سلام عليكم كيفكم
لولو ودودو الف الحمدلله على سلامتكم ان شاء لله كانت ولادتكم هينه حلا بالسلامة يا رب اشتقتلكم كلكم موووووووت |
رد: الغاليات بنات فلسطين اتفضلو هون.....
صباح الخير
شو وينكم يا بنات ؟؟؟ معقول هادا تعبانين مع الصيام !!!!!!! تعوا طمنونا عنكم .... ما تختفوا هيك حواء نورتي الدردشة برجوعك حبيبتي نور العمر منورة حبيبتي مبروك لسلفك ولاختك ... قولولي شو بدكم تطبخوا اليوم ؟؟؟ انا محتارة كتير ... بفكر بمحشي بطاطا بس مترددة لسه ما اعتمدت اشي |
| الساعة الآن 05:25 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .