|
رد: تجمع الكروشات اللي ولادتهن في رمضان 1433ه
مساء الخيييير كروشات كيفكم اخباااركم وكيف نوناتكم..
أم حماده ..الحمدلله على سلامتك.. أم مهند..ملبوس العافيه ان شاء الله.. |
رد: تجمع الكروشات اللي ولادتهن في رمضان 1433ه
اقتباس:
الحمدلله انتي حافظتها من أيام الثانوي..مانسيتها أراجعها معك.. وإذا تبغوا تحفظوا أي سورة شغلوها وأنتو تتصفحوا في النت أكثر من مرة..ومع التكرار تحفظوها أنا عن تجربة..حفظت سورة البقرة بنفس هذي الطريقة كل يوم أشغلها .((.أحب أسمع للشيخ سعد الغامدي.))...وأحوس في البيت..وأشغلها وأتصفح في النت صرت أقرأ معاه ...وسهل علي حفظها ........ ربي يؤجرك على الفكرة الحلوة ودعوة لكل الكروشات يحفظونها معانا |
رد: تجمع الكروشات اللي ولادتهن في رمضان 1433ه
أم حمادة
الحمدلله على سلامتك والطلوق الكاذبة..فال خير,,للولادة الطبيعية بأمر الله ...... أنا شنطة سفري وملابس أولادي مجهزة من يوم خلصنا مدارس وزوجي قرر نأجل السفر لبكرة وهو بيودينا..احتمال بعد الفجر..ننطلق قبل الحر والشمس بنروح ينبع يومين ..ونرجع ..السبت بأمر الله..منها يزور بيت أخته وقرايبه كلها ساعة ونص مو بعيدة.. وسفر المدينة أجلناه لأول أسبوع في رمضان.......إذا ماصار شي جديد..أو حالات طار ئة ......... طير مشكورة يالغلا على الجدول وماقصرتي .......... |
رد: تجمع الكروشات اللي ولادتهن في رمضان 1433ه
زهرة مساء الورد
.. أم مهند ملبوس الهنا يارب أنا دورت اللون السكري مالقيت غير الأسود حسيت دمه ثقيل..وصرفت نظر عن مدس البشت..جبت مدسين واحد للإستقبال ..سكري..وواحد للطلعات..ابيض وبني ومرسوم عليه قطار ..اختيار ولدي .. ....... آلاس لاتتضيقي صدرك بكلام الدكاترة ادخلي وتونسي معانا وربك يقدم اللي فيه الخير انا اليوم تقول لي الدكتورة راس البيبي35 أسبوع وعلى حساب السونار عندهم عمر البيبي 32 أسبوع بس ماهمني كلامها..لأني متعودة عليهم.. ربي يطمن قلبك ويريحك ....................... ميدوري وطالبة دعاء اختفوا لهم كم يوم ادخلوا طمنونا ربي يطمن قلوبكم |
رد: تجمع الكروشات اللي ولادتهن في رمضان 1433ه
صباح الخيرات ....
لو تدرو انا وين جالسه جالسه بالسطح القط شبكه من بيت عمي بديت فيلم ونقطع ياست قلت ماللي الا السطح سويت لي جلسه ومروحه المكيف المركزي تهب عليا الهوا واما مفكره الجو بديع ...... الميهم الله يعافيكم دنيا وهيف وزهره ونسوم ..... تسلمون نسوم انا بغيت بيج بس اختي جابت لي ابيض اول شي قلت مابيه يتوسخ بسرعه بس حلو حيل عالطبيعه له لمعه ورزه الاس ........ يارب تشوفي بنتوك سليمه معافاه وتقر عينك بشوفها اتتكللي على الله واستودعيها بحفظه..وقوللي ياجبار اجبرني واقري سورة البقره وكثري استغفار ... هيوف انا ناويه اسمي عبدالله ان شالله شرايج ...؟ |
رد: تجمع الكروشات اللي ولادتهن في رمضان 1433ه
استاذن مقعدتي يبست من جلسة السطح كنب وريش يادوب تريحني
تصبحو على خير |
رد: تجمع الكروشات اللي ولادتهن في رمضان 1433ه
الله يسلمكم يالغوالي ..
ام مهند روووعه اسم عبدالله ولا تخافي بعد الحبسه الي عشتها في الاختبارات وقبلها بفلها عني وعن الشعب السعودي بس الكرشه تعبتني ... نسومه توصلي بسلامه ياعسل كثر الدق يفك الحام واخيرا اقتنع زوجك تعالي جده خلينا نفلها وفعلا احس الطلق الكاذب دليل على الولاده الطبيعيه لاني بولدي الاول ابدا ماشعرت باي من هذي الاعراض ... الاس يابعد قلبي لا تكدري على نفسك البيبي يتاثر ماعليك منهم مالك الا مكتوبك .. بنات جده وين تنباع السوسو تبع الرضاعه وارواب الرضاعه الي تعرف تفيدني |
رد: تجمع الكروشات اللي ولادتهن في رمضان 1433ه
مرحبا
كيفكم كروشات ؟ بالنسبة لاسم البيبي زوجي يبغاه احمد و انا ما ابغى لانه في كثير بالعائلة و لسه ما سجل اسمه فالموضوع معلق حتى اشعار اخر الان نبغى نتطمن عليه وبس هوا نفس وزنه ما تغير و اليوم يجربوا يعطوه حليب بالانبوب و يارب هالمره النتائج مرضية المره الي فاتت طلع سائل اخضر في بطنه بعد تجربة الحليب و القهر يقولوا ما يعرفوا من ايش هذا السائل بالبداية كان في بطنه و لما خرجه جربوا الحليب و رجع فوقفوا الحليب قولوا يارب يختفي هذا السائل و ما يطلع مجددا و تمشي امور ولدي في السليم و يرجع لي معافى و باحسن حال دعواتكم كروشات و انا عندي مشكلة من الامس اعاني من وجع فضيع بكتفي مرات يزيد و مرات يخف و غريب الوجع لما يجي يزيد لما احرك رقبتي و لما اخذ نفس عميق و لما اكون منحنيه يعني ظهري مش مستقيم و خايفة يكون شي خطير لا سمح الله وما ودي اروح لدكتور الي عندها فكره عن الوجع تخبرني خاصة الي جربوا العملية قبل |
رد: تجمع الكروشات اللي ولادتهن في رمضان 1433ه
ميدوري
الحمدلله طليتي تطمنينا عليك وعلى ولدك وتن شاءالله يرجع لحضنك معافى ومادام زوجك يبي احمد وهو منتشر غيروه لمحمد قريب لاحمد واسم اشرف الخلق نسومه تروحي وترجعي لنا بالسلامه بحفظ الله ومن ناحيه الحفظ صدقتي لو نشغل القران على الاب توب حفظناه انا دخلت تحفيظ وحفظت البقره بس نسيتها الحين رغم ان عندي القران الالكتروني ومعه سماعه وكتب تفسير وعرض للمصحف مع 5قراء بس الله يغفر لي شوفيه مغبر بالدرج طير اول مره انا اعرف عن هالمستودعات وفعلا زحمه على كلام اهلي وفوضى بس الاسعار مغريه تشجع الواحد يتحمل ام حماده تسلمين ماقصرتي قلت لزوجي عن المطاعم ولو احتجنا شي نستشيرك والحمدلله على سلامه الوصول ام مهند ملبوس العافيه وانزلي عن الحر ياساااتر لو بجلس بالسطح يمكن اتلاشى واذوب روح فكره حلوه جزاك الله خيرا |
رد: تجمع الكروشات اللي ولادتهن في رمضان 1433ه
أم حمادة
على قولك لازم يستمر الدق على روسهم تصوروا من السنة اللي فاتت توفت أخت زوجي في شعبان..رحنا ينبع..وبعدها رحنا في شوال..وبس.. ودايم عيال أخته يقولوا له ..راحت الغالية ونسيتنا..ومن فترة اتصل زوجها ..يعاتبه..وأنا زدته ..نق نق..ودق دق وزن زن الحمدلله اقتنع ..اللي يشوفنا يفتكرنا رايحين رحلة للمريخ.. واحنا كل يوم نتهاوش ونتصالح..ونتناقر..وهكذا شكلي إذا بروح جدة بسوي مجزرة... عندي فرح ولد خالي 17 شعبان..في جدة ونفسي أروح بحجة الفرح عشان أغير جو..وأتمشى وأتقضى للعيد بالمرة ......... أم حمادة بنت خالي في جدة ولدت قبل أسبوعين تقول أخذت أرواب رضاعة وسوسوهات رضاعة من شبرا الدراجة على حسب ذاكرتي ....... ميدوري قريبتي اشتكت من نفس أعراضك بعد العملية من تأثير البنج..والتوتر الدكتور كتب لها فيتامين د ومجموعة فيتامينات ثانية..تحسنت عليها الحمد لله.. **الإحتمال الأول** ........................ **الإحتمال الثاني** . ممكن يكون لفحة هوا..يعني كنتي عرقانة وتعرضتي لهوا..تاخذ لها 3 أيام أو 4 ..ادهني كتفك ورقبتك بمرهم مسكن مثل فولتارين أو فيكس.أو زيت زيتون دافي ...ولفيها بشال ترتاحين ......... وربي يطمنك على ولدك..وتتحسن صحته..ويتقبل الرضاعة السائل الأخضر كل بيبي يطلعه..أعتقد شي عادي.. ...... أ م مهند..السطح مررة وحدة..ممكن لو الجو حلو والقمر بدر..يكون الجو حلو أما آخر الشهر وأوله يكون الجو حر ورطوبة ما أدري كيف استحملتي ...... مناير لسا ماعندك شي يشغلك..راجعي سورة البقرة قبل ولادتك..الحقي عمرك.. مع البيبي يمكن حتى في رمضان بعدين ماتقدري تختمي القرآن لو مرة.. ...... زهرة أوقاتك كلها سعادة بأمر الله |
| الساعة الآن 03:39 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .