منتديات حوامل النسائية - ديوانية البحرين - دردشة حوامل البحرين

طفلي ،، اش هالنحااسة هاا
مشكورة يالشريرة على الدعوة الحلوة،، صج الياهل بشعر احلى من اقرع بس بيت عمي عندهم عادة لازم يقرعون اليهال يوم سابع وانا مابي اقرع ولدي او بنتي ،، عمي ما شاء الله عليه يبزر العدة ويقرعهم .. جني غلبتج لا :p

بنت الاياويد ،، حقج انتي نفس ماكتبت لج روز بس ما له داعي فوط صحية لانه هناك يعطونج وترى النوعية الي يعطونج اياها السلمانية وايد زينة حتى اختي ارتاحت منهم مع ان كبار وما ينلصقون بس تقول مريحين وما يشبكون مكان الجراحة وفيهم كله قطن طبيعي ما يسببون حساسة او حرارة مكان الجراحة ..
لا تودين حقج حفاظات ولا حق الياهل .. في غرفة خاصة حق تبديل اليهال فيها كل شي حق الياهل حفاظات وشامبو ولوشن وفورد وحتى صابون بس ودي معاج فوطة صغيرة حق تبدليها ومشط موجود اهناك بس كل من يستخدمه ودي حق الياهل مشطه احسن..

والبدلات 3 بدلات حق الياهل كفاية حق اول يوم وثاني يوم رخصة وحدة احتياط يمكن الحفاظ يسرب او صادج اي ظرف طارىء.. 3 لفات وقحفية وحدة اتيزي يومين لانه ما يصيدها شي.. وتولة عطر صغيرة .. حاولي تاخذين لها مسك ابيض لانه ريحته اخف شي حق الياهل
لا تغربلين روحج تودين اشياء وايد لانه وقت الرخصة يبيلهم عبالة.. ولا تنسين مرضعة اصغيرة جهزيها وبعد جان تذكرت شي باكتب ..
مخي مشغول في الغدى شكله الحجي بيوصل وما برز كله من حنة طفللي

اقصوصه

11-23-2010 02:11 PM

رد: ديوانية البحرين - دردشة حوامل البحرين - البحرينيات

الله يعافيج حبيبتي

طفلي حياتي

11-23-2010 02:27 PM

رد: ديوانية البحرين - دردشة حوامل البحرين - البحرينيات

فلونه لا تخليني ازيد عليش نبرة التحجج مو كل شي خليتين اسمي وشدخلني في غداش يلكسوله للحين مابرز بسببي هااا
تعالي من قال غلبتيني اصلا اذا حلقو الياهل يطلعون بوزن شعره ذهب ويتصدقون به وان شاء الله ولدش شويه مقرع مو وايد عشان ما يتغربل عمش بالسعر اللي بطلعه وااااااهههههههههه

أم عائشة

11-23-2010 02:38 PM

رد: ديوانية البحرين - دردشة حوامل البحرين - البحرينيات

السلام عليكم ورحمة الله وبركاته

شخباركم خواتي وربي وحشتوني كلكم

هابشروني منو ولدت فيكم؟؟

خواتي مثل ماانتوا عارفين انا اجهضت كيس بدون جنين
وماسويت تنظيف قالولي مايحتاي بينزل بروحه
وانا للحين الدم ماوقف معاي اليوم خذلي اكثر من 30 يوم
طمنوني واللي يعافيكم ذي عادي؟؟
ياربي حده نفسيتي داون ابي اخلص هالدم ابي اصلي

طفلي حياتي

11-23-2010 02:40 PM

رد: ديوانية البحرين - دردشة حوامل البحرين - البحرينيات

هلا والله ام عايشه الله يعوض عليش
بالنسبه للدم معناته لازم تتنظيف الرحم روحي راجعي المركز وخبريهم بالقصه بحولونش على تنظيف اما حبوب او عمليه
والصلاة اختي المفروض ما تنطرين هالفتره كلها بدون صلاة عندش الى 10 ايام وعقبها استحاضه لازم تصلين هذا اللي اعرفه والله اعلم اتصلي لاحد استفسري
موفقه

طفلي حياتي

11-23-2010 02:41 PM

رد: ديوانية البحرين - دردشة حوامل البحرين - البحرينيات

اي حروف عاشقه ولدت ويابت توأم عباس وزينب
وفجوره شكلها ولدت كانت تكلمنا وبدأ معاها الطلق وللحين مادخلت تطمننا عسا يارب قامت بالسلامه

طفلي حياتي

11-23-2010 02:43 PM

رد: ديوانية البحرين - دردشة حوامل البحرين - البحرينيات

بنت الاياويد واقصوصه وروز وفلونه وشهالحركات تختفون ووماتجون
روز قالت برب
وفلونه غذاها للحين تحوس فيه والباقي وينكم؟؟؟؟

بنت الأياويد

11-23-2010 02:44 PM

رد: ديوانية البحرين - دردشة حوامل البحرين - البحرينيات

طفلي حلوة ذي خله عمها يتغربل هههههههههههههههههههههه الذهب بروحه غالي الحين خخخخ، مشكورة فلونة حبيبتي وماقصرتي بحاول من الحين ثيابي للحين مانقعتهم من شريتهم بس ثياب الياهل ببخرهم شريت لها مبخره وياوي ، صرت انتظر متى اييني الطلق تمللت من الثقل ماقدر امشي عدل وحتى النوم وايد صعبه علي لين اغير بطحتي وحلو الحين تجهزين حق الياهل وتغسلين ثيابها شعور وايد حلو لايوصف الله يبلغكم يارب وتحسون بلي احس فيه بس فرحتي ناقصه بسبب هالجامعة كل ماسوي شي يونسني اتذكر الجامعه واتكدر :(

طفلي حياتي

11-23-2010 02:46 PM

رد: ديوانية البحرين - دردشة حوامل البحرين - البحرينيات

بنت الاياويد جم باقي وتتخرجين؟؟

بنت الأياويد

11-23-2010 02:48 PM

رد: ديوانية البحرين - دردشة حوامل البحرين - البحرينيات

بس هالمادة قاعده لي عظم في بلعومي ، وباقي الترينينغ باخذه على بداية 3 لي نهاية 4

طفلي حياتي

11-23-2010 02:49 PM

رد: ديوانية البحرين - دردشة حوامل البحرين - البحرينيات

اهاا هانت يعني لا تحاتين واستمتعي بلحظاتش ويى الحمل والولاده والدراسه مردها بتخلص

بنت الأياويد

11-23-2010 02:51 PM

رد: ديوانية البحرين - دردشة حوامل البحرين - البحرينيات

المشكله ان يعطونج بس اسبوع انا وين اقدر اداوم عقب الولادة باسبوع احس صعبة شوي مع الخياط وجامعتنا يقولج ماياخذون بالعذر يكتبون لج غياب بعذر مالت عليهم

أم عائشة

11-23-2010 02:53 PM

رد: ديوانية البحرين - دردشة حوامل البحرين - البحرينيات

ماشاءالله تبارك الرحمن
مبرووووووووووك لحروف ويتربون بعزها وعز ريلها يارب ويحفظهم لها امين يارب العالمين
ومسكينة فجورة ربي يسهل عليها ولادتها يارب

انزين جاوبوني على سؤالي؟؟؟
الدم للحين ماوقف علي شسوي

بنت الأياويد

11-23-2010 02:55 PM

رد: ديوانية البحرين - دردشة حوامل البحرين - البحرينيات

ولكمو ام عايشه
انتي رحتي المستشفى سوولج تنظيف؟

طفلي حياتي

11-23-2010 02:59 PM

رد: ديوانية البحرين - دردشة حوامل البحرين - البحرينيات

جاوبتش ام عايشه مانتبهتين لردي عفر
روحي المركز ضروري هم يعرفون بهالسوالف خبريهم
والصلاة لازم عقب 10 ايام وتصلين تعتبر استحاضه
عليج قضاء صلوات الحين

حنين للماضي

11-23-2010 03:00 PM

رد: ديوانية البحرين - دردشة حوامل البحرين - البحرينيات

السلام عليكم
شخباركم حبيباتي؟؟

هاليومين صايدتني مشكلة للأسف مو عارفة شلون اتخلص منها
والمشكلة من زود التفكير صايدني ارق كلحين اقوم واصيح في المجلس وارد ارجع على السرير
ادعوا ربي يفرج عن همي عما قريب لأن عن جد تعبت والمكشلة مابي اي شيء اقوله لبيتنا واضايقهم معاي وبكبره اللي فيهم كافيهم

أم عائشة

11-23-2010 03:02 PM

رد: ديوانية البحرين - دردشة حوامل البحرين - البحرينيات

اقتباس:

المشاركة الأصلية كتبت بواسطة طفلي حياتي (المشاركة 507711)

سامحني اختي توني شايفة ردج
اختي انا رحت السلمانية قبل العيد وسوت لي الدكتورة فحص من تحت وقالت لي ماتحتاجين تنظيف رحمج فيه شوي بقايا صغيرة وبتزل بروحها

وبالنسبة للصلاة انا سالت شيخ دين وقالي انتي تعتبرين نفاس حدج 40 يوم ومن عقبها استحاضة
بس انا لاعت جبدي من هالدم وزوجي كاسر خاطري شكله تملل مسكين بس ساكت خخخخخخ
وماقصرتي ياحبيبتي والله يتمم حملج على خير يارب

بنت الأياويد

11-23-2010 03:02 PM

رد: ديوانية البحرين - دردشة حوامل البحرين - البحرينيات

طفلي انتوا في النفاس تصلون؟
احنا نتم طول فترة النفاس مانصلي لان ينزل منا دم مادري هل هذي الي تقصدينه او تقصدين شي ثاني قصدج يعني فترة النفاس؟ان بس عشرة ايام وتصلي؟

أم عائشة

11-23-2010 03:04 PM

رد: ديوانية البحرين - دردشة حوامل البحرين - البحرينيات

حبيبتي بنت الاياويد ايه رحت السلمانية قبل العيد بيوم وسوتلي سونار مهبلي وقالت لي مايحتاي تنظيف والدم بيوقف من نفسه
وانا للحين الدم
اهو صج خف ومافي الم بس للحين يعني

الا بسالج الميرمية زينة حق التنظيف؟؟

أم عائشة

11-23-2010 03:06 PM

رد: ديوانية البحرين - دردشة حوامل البحرين - البحرينيات

حبيتي انا اقصد النفاس مدته 40 يوم حتى ولو ماجفتي دم خلال هالاربعين يوم تعتبرين نفاس مايصيرن تصلين ذي اللي اعرفه انا

وبعد الاربعين حتى ولونزل عليج دم ذي تعتبر استحاضة ولاازم تصلين بس تتوضين وتغيرين الفوطة مع كل صلاة
ذي كلام شيخ دين يعني والله اعلم

أم عائشة

11-23-2010 03:08 PM

رد: ديوانية البحرين - دردشة حوامل البحرين - البحرينيات

اختي حنين وعليكم السلام والرحمة

اختي كل ماضاقت فيج الدنيا اقراي شوية قران اوقومي تيددي وصلي ركعتين
وان شاءالله تروح الضيقة منج
والله يتمم حملج على خير وتولدينه واهو بكل صحة وعافية يارب

طفلي حياتي

11-23-2010 03:08 PM

رد: ديوانية البحرين - دردشة حوامل البحرين - البحرينيات

احنا عندنا النفاس على حسب ظهور الدم يصير حتى اقله 3 واكثره 10 يعني من بعد العشره حتى لو في دم نغتسل وفي عدة اغسال الاستحاضه الكبرى والوسطى والصغرى على حسب كمية الدم ونصلي عقب العشرة ايام
هذا حكمنا احنا

طفلي حياتي

11-23-2010 03:09 PM

رد: ديوانية البحرين - دردشة حوامل البحرين - البحرينيات

اهلا حنين للماضي عاش من شافش
الله يفرج كربتش بحق محمد وآل محمد
حاولي تقرين قرآن وتكررين الصلاة على محمد وربي يفرج لش عاجلا

أم عائشة

11-23-2010 03:11 PM

رد: ديوانية البحرين - دردشة حوامل البحرين - البحرينيات

الا احلام ام ماتجوفونها؟؟
شخبارها وشخبار الحمل معاها عساها بخير وعافية
ماشاءالله فاتتني اكثر من 200 صفحة مالي بارض ارجع ورى واقرا هالكثر خخخخخخخ

طفلي حياتي

11-23-2010 03:11 PM

رد: ديوانية البحرين - دردشة حوامل البحرين - البحرينيات

بـــــرب,,,,,,,,

أم عائشة

11-23-2010 03:12 PM

رد: ديوانية البحرين - دردشة حوامل البحرين - البحرينيات

الله وياج طفلي
وانا بعد بقوم نتغدى توه ياي زوجي
مع السلامة حبيباتي

بنت الأياويد

11-23-2010 03:16 PM

رد: ديوانية البحرين - دردشة حوامل البحرين - البحرينيات

هلا والله حنين هلا حبيبتي منورة ، الله يفرج همج يارب حاولي تقرين قرآن واقري سورة البقرة وايد ، اها طفلي فهمت عليج وام عايشه اي هذي احنا الي نمشي عليه ، الله ايسر اموركم

فلونة

11-23-2010 03:30 PM

رد: ديوانية البحرين - دردشة حوامل البحرين - البحرينيات

طفلي ،، اول مرة يخترب غداي بس سويت شوربة علشان ينبلع شوي ... عيل اذا صار اقرع بيكون وزنه جرامات شوية والذهب احين فوق ،، :p
حتى لو جرامات وايد يستااااهل ظنااي بعد عمرري
وانا رحت مرة وحدة لانه وصل زوجي وبرزت له الغدى العجييب

حنوون ،، ازمة وتعدي ان شاء الله وطوولي بالج علشان الي في بطنج

بنت الاياوويد ،، هاذي الي وصيتي عندها حق الضيافة عندج صور حق شغلها وشلون نحجز عندها ؟؟

اقصوصه

11-23-2010 03:35 PM

رد: ديوانية البحرين - دردشة حوامل البحرين - البحرينيات

انا باك

توني مخلصه غدا

بنت الأياويد

11-23-2010 03:36 PM

رد: ديوانية البحرين - دردشة حوامل البحرين - البحرينيات

اي وحده قصدج؟
الي سويت عندها الكيك الصغار اي صورها موجودة في جهازي مسيفتهم تسوي لج كوكيز وتسوي كب كيك وانتي بكيفج الكب كيك عندها الدرزن ب1.800

بنت الأياويد

11-23-2010 03:37 PM

رد: ديوانية البحرين - دردشة حوامل البحرين - البحرينيات

ولكمووووو اقصوصه عوافي على قلبج حبيبتي

فلونة

11-23-2010 03:41 PM

رد: ديوانية البحرين - دردشة حوامل البحرين - البحرينيات

انتي حجزتي من النت ؟؟
اذا عندج الموقع ابي اجووف..
وباقولج شي ثاني عن السلمانية بعد
جني سندرتج بس علشان يكون عندج خلفية :p

فلونة

11-23-2010 03:44 PM

رد: ديوانية البحرين - دردشة حوامل البحرين - البحرينيات

حق اختي انا وصيت لها في مري وكان حلوو شكله وطعمه بس حجمه عوود انا خاطري في شي اصغر ...

ووينج يا طفلي ،، انا تأذيت ويا سالفة الاسهال .. مافي له حل موللية :(

طفلي حياتي

11-23-2010 03:48 PM

رد: ديوانية البحرين - دردشة حوامل البحرين - البحرينيات

هلا اني ييت قاعده اقرا
هالمره لاتتحججين فيني ومايخترب غداش
والاسهال جربتين النشا ؟؟ جربتين تفتحين كيسين ليبتون وتلهمينا مع ماي؟؟هالشيئين اللي اعرفهم

بنت الأياويد

11-23-2010 03:48 PM

رد: ديوانية البحرين - دردشة حوامل البحرين - البحرينيات

هلا فلونة لاحبيبتي لا سندرتيني عزيزة وغاليه ، شفيهم السلمانيه؟ انا حجزت حق التوزيع من مري خذيت الكيك اللي بثلاث ربيات اوكي سايزه صغيرون وحلو مجكنم خخخخخ
انا هاليومين صايدني اسهال لان يقولون لي الياهل تضغط على المؤخره وناس يقولون لي موعد النحر جرب من جذي صايدج اسهال والله اعلم مايندرى شسالفة ، فلونة اسهال ولا امساك احسن لج بس كثري من الموز زين حق الاسهال

الساعة الآن 12:22 AM.

صفحة 128 من 510

128

عرض 40 مشاركات من هذا الموضوع لكل صفحة

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .