|
رد: دردشة بنات مصر , دردشة حوامل مصر , تجمع بنات مصر
ازاي الدوك يقيس الرحم يا نهاد
قوليلي يا ولية مش عايزة اتفاجيء بحاجة عشان انا مبحبش المفاجآت دي احب ابقا فاهمة كويس مش مختومة علي افايا |
رد: دردشة بنات مصر , دردشة حوامل مصر , تجمع بنات مصر
يابت مش قلقانين عليكي وجايين يطمنو عليكي وعالنونو وهيجو فرحانين ليكي يا عبيطه
انتي عارفه يا ساره انا حماتي والله ياما عملت فيا بس عمري ما عاملتها وحش ولا كرهتها مع اني كنت دايما بتغاظ منها اوى بس بكبر دماغي وبقول ايه اني بعامل ربنا وافرضي يابت امك هي اللي قالتلك الكلام ده وبنزلها وبروقلها البيت وباخدلها الغسيل اغسلو بس هي الحما كده بتبقي غير مطاقه من مرات ابنها واي كلمه بتاخدها مرات ابنها ع قلبها اوى |
رد: دردشة بنات مصر , دردشة حوامل مصر , تجمع بنات مصر
ممممممممممم هقولك هو تقريبا كده بيحط اديه تحت وبيفتح بصباعو عشان يشوف الرحم فتح ولا لسه بس انا طبعا مخليتوش يعمل حاجه واحسسسسسسسسسسسن
تعرفي مع ان الولاده القيصري تعب بردو وعمليه وكده بس انا حبيتها عن الطبيعي عالاقل اني كنت نايمه ومحستش بالاحراج ومحسيتش بوجع غير الم الجرح ده اللي كان اعوذ بالله .. بس الحمدلله ربنا بيقوم الواحده بالسلامه ويقويها عشان النونو |
رد: دردشة بنات مصر , دردشة حوامل مصر , تجمع بنات مصر
........................................
|
رد: دردشة بنات مصر , دردشة حوامل مصر , تجمع بنات مصر
بصي يا ساره انتي شكلك من كلامك مهيأه نفسك ومستنيه اللحظه اللي تقومي عليها فيها هههههههههههههههه والله يا ساره هتبصي لنفسك ولحماتك ولحموات كتير هتحمدي ربنا وهتلاقي حماتك احسن من ناس تانيه كتيره
انا اكتر حاجه عاجباني ف حماتي قربها من ربنا وانها حقانيه اوووووووووووووووووى وان مهما حصل ف البيت لا يمكن تطلع اسرارنا برا و كل اللي يسالها علينا تقول علينا اننا كويسين اوى |
رد: دردشة بنات مصر , دردشة حوامل مصر , تجمع بنات مصر
بنت الهبله بتعيط اوى روحتلها لقيتها نعسانه ومغمضه عنيها وبتزن حتي ياربي وهي نايمه بتعيط
نكديه زي امها |
رد: دردشة بنات مصر , دردشة حوامل مصر , تجمع بنات مصر
طيب ينفع مخليش الدوك يقيس الرحم ؟
انا شايفة انه ملهوش لازمة الكلام ده انا وجهة نظري ف الولادة الطبيعي دي ان الواحدة بتتعب كده كده و الدكتور مش هيخفف حاجة من المها دا ان مزودهوش حقاش يدي حقنة الظهر دي اللي مش بتحسس الواحدة بخروج الراس اصلا الواحدة لو اعدت القرفصاء هتكون الولادة الطبيعي اسهل من نومتها ع السرير و تاخد الالم كله و الم الحزق لكن الاعدة بالطريقة ديا بتاعت القرفصاء ديا بتخلي الجاذبية تساعد الست في نزول الطفل منها و تحسي بكده ان الحزق اللي بتحزقه مبيكنش ع الفاضي و مش بياخد وقت زي الحزق و هي مستلقية ع السرير اساسا الدكتور ف الولادة الطبيعي بيسبها تعاني خروج الراس و بيتلافا الجنين من جسمه طب ما هي لو اعدة بالطريقة دي الجنين هيتزحلق بفعل الجاذبية انا شايفة ان الدوك مهم في قطع الحبل السري و ربط السرة للنونو و كمان تحسبا للظروف الطارئة اللي ممكن تحصل لا قدر الله بس يمكن عشان انا كارهة التكشف اوي بفكر كده |
رد: دردشة بنات مصر , دردشة حوامل مصر , تجمع بنات مصر
بس يا بت حرام عليكي
ابقي هيصيها كده لما تصحا و لاعبيها |
رد: دردشة بنات مصر , دردشة حوامل مصر , تجمع بنات مصر
..........................
|
رد: دردشة بنات مصر , دردشة حوامل مصر , تجمع بنات مصر
لازم يقيسو الرحم عشان يشوفو فتح قد ايه
انا شوفت السرير اللي بيولدو عليه طبيعي غير اللي بيولدو عليه قيصري بيكون عامل زي الكرسي كده وليه كلابيش عشان يكلبشو الواحده هههههههههههههههه انا اصلا فكرت ف الولاده الطبيعي وان الدوك وخصوصا لو راجل يقعد يبص تحت ويحاول يخرج راس النونو وكل ده والست صاحيه وعارفه انه بيبص تحت ( عبيطه انا ع فكره ) هههههههههههههههههههه ثانيا بقي اللي كان مكرهني ف الولاده الطبيعي هو موضوع ان ف بعض الولادات زي مانتي عارفه بيحتاجو يعملو فتحه من تحت عشان يوسعو المكان شويه وبعد كده المكان مبيرجعش يضيق زي الاول وبيسبب مشاكل بعد كده ف العلاقه بين الزوجين وارجع واقولك ربنا كاتب الخير لكل واحده وعارف الاحسن ليها ايه .. تعرفي يا ساره انا طويله وكنت دايما بسمع ان الطوال هما اللي فرصتهم اكبر ف انهم يولدو طبيعي عن القصيرين بس طلع كل ده كلام فارغ |
| الساعة الآن 07:00 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .