|
رد: تجمع حوامل ليبيا
الله يتمم عليكم الحمل ويسهل عليكم الولاده
|
رد: تجمع حوامل ليبيا
اقتباس:
اللهم يؤجرك في مصيبتك ويخلف لك خيرا منها امين وصرف الله ما كان اعظم يا اختي سمحه واكيد هادي هي الخيره بس احنا عجولين والخيرة ديمه فيما يختاره الله والف الف الحمدلله على سلامتك انتي وانشاءالله العام الجاي في ايدك النونو الجديد بأذن الله |
رد: تجمع حوامل ليبيا
اقتباس:
تخشي جري وتتطلعي جري وماعادش انحصلوك بكل بكل نبي نتعرف اعليك اكثر لان اسابيع حملك قريبه مني عندي هلبة اسئلة: 1_انتي بكرية؟ 2-شن نوع الجنين؟ 3-امتى موعد ولادتك بالزبط؟ 4-انتي من وين ؟وعند منو اتابعي؟ 5-بدي معاك الثقل والرزن ولا مازال؟ 6-قداش زاد وزنك من اول الحمل لتوا؟ |
رد: تجمع حوامل ليبيا
سماح // كـأنك ياخيتى شن صار لك
|
رد: تجمع حوامل ليبيا
على الفاضى ما شيت بلاش تستاهل عزاء يا عمرنا
|
رد: تجمع حوامل ليبيا
السلام عليكم
فعلا اوخيتي سمحه فضفضي واحكينا كيف ارميتي الله المستعان |
رد: تجمع حوامل ليبيا
كيف حالك يا ميرنا
|
رد: تجمع حوامل ليبيا
السلام عليكم خيركم مكسدات هكي نغيب نغيب ونرجع مانلقاش تجاوب ومشاركات بكل حي اعليكم التجمعات التانيه انشط منكم واحسن وكل يوم تلقاهم متفاعليين تو يهزوا عالليبيات وكساادهم |
رد: تجمع حوامل ليبيا
السلام عليكم
كيف حالكم؟؟ اشكر اللي سئلو عني هني بس زي ماتعرفوا احني الليبيات حشيشتنا لوم وعلي خاطر هكي اني لايمة لان مافيش ولا وحدة بعتت ليا رسالةhwaml4 الحمد لله على اي حال بالنسبة لرمو اني قتلي الدكتورة ان حجم الكيس صغير بس النبض كويس والحمد لله لما امشيت اخر مرة لقت حجمها كويس وكل شي تمام بس ايش اندير قدر الله وماشاء فعل من 3 ايام اني انخلعت من حاجه ورعشت يومها وجعتني بطني وفي الليل نزل نقطتين دم امشيت لمصحه المختار وخشيت للدكتور شافت بالجهاز وقتلي الجنين قاعد كويس وماتخافيش روحي ارقدي على ظهرك وبسhwaml10 روحت وارقدت تاني يوم في الليل لقيت في دم لونه وردي يميل للاحمر امشيت نجري لمصحة تانية لقيت دكتور مش دكتورة دارلي جهاز وقالي برضو الجنين كويس ومافيه اي شر بس رقدني بالمصحة عشان الراحه في الصبح حشاكم لقيت دم وفيه زي الخيوط جاني الدكتور وصار يقولي الحمد لله انتي كويسة واهم شي الصحة وكلام زي هكي اني ارعشت وقتله شنو دكتور هذا بداية اجهاض؟ قالي بصراحه ايوة بس خلينا نتاكدو لو الجنين كويس جت دكتورة ودارتلي الجهاز لقت النبض مافيشhwaml5والكيس انكمش بعدها بسرعه عملولي تحليل ثلاتي وتحليل فصيلة دم ورفعوني لغرفة العمليات ودارولي رسكامينتو الحمد لله طبعا لو على حالتي وشنو صار فيا مانرعشكمش احسن |
رد: تجمع حوامل ليبيا
سماح يا خيتى الله غالب والله ما ترعشيى روحك وافداك ان شالله اتعوضيه صح قهرة لكن ايش اديرى مكتوب علينا هكى والله العظيم انا نفس قصتك هذا صارت امعى اربع مرات ونفسيتى فى وقت الاجهاض مدمر ونحس لو كان انموت اهون على من الاجهاض ونحس الناس لى يخشو على متشمتين فى وامغير نبكى واخلص ودكتور يقولى اهم حاجة النفسية فى الاجهاض
|
| الساعة الآن 05:00 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .