رد: دردشة بنات فلسطين , دردشة حوامل فلسطين , تجمع بنات فلسطين
 

اااااااااااخ والله رحت نفلت الصالون وقلبته من تحت لفوق بس اكيد زوجي راح يعملي حفلة بس يروح لانه حكالي ما تسوي لحالك

والله يا حلا شريت لبرلنت لبستين باخدو العقل

بصورها فيهم وبتشوفيها وبتحكيلي شو رائيك

رد: دردشة بنات فلسطين , دردشة حوامل فلسطين , تجمع بنات فلسطين
 

تسلمي كلك زوء
والله الأزعر شكلو شبع ونام ومش ناوي يعمل تمارين هههه هو نام واخوتو صحيوا

رد: دردشة بنات فلسطين , دردشة حوامل فلسطين , تجمع بنات فلسطين
 

صباحكم فرح وسعادة واخبار طيبة

حبيباتي دودو وحواء وحلا منورة الدردشة بطلتكم ،، ربي يسعدكم ويحفظكم

كيفكم اليوم وشو عاملين البيبهات الحلوين

دودو حبيبة قلبي بوسيلي عمورة الشطور الي بيسمع كلام الماما ،، الحمدلله حبيبتي انه غير وضعيته وان شاء الله تولدي طبيعي وتكون ولادتك سهلة كتير ،، كتييير فرحتلك والله ،، وان شاء الله بتوصل مامتك بالسلامة ،، سلميلي عليها كتييير :) ،، وما تنسي تطلي علينا

حلا يا عسل انتي ،، حمدلله على سلامتك حبيبتي انتبهي على حالك اكتر من هيك ،، وبشغل البيت خليكي خفيف خفيف ما تضغطي حالك كتير

حواء الحلوة مبروك عرس سلفك ،، ان شاء الله بتفرحي ببرلنت وعزوز :)

سمسومة نورررتي يا قمر ،، وينك بتطلي علينا يوم وبتغيبي عشرة ههههه بتمنى تكوني بخير انتي وعمورة

حيفااااا وينك :( :( :( جد اشتقت اشوفك هون

الصبايا الحلوووووين بدون ذكر اسماء بلاش انسى حدا ربي يسعد اوقاتكم ويخليلكم احبابكم

الصبايا الجدد اهلا وسهلا فيكم وان شاء الله بتنبسطوا معنا :)

رد: دردشة بنات فلسطين , دردشة حوامل فلسطين , تجمع بنات فلسطين
 

حواء
يعطيكي العافية
هو احنا هيك ما بنسمع الكلام
انا نفس الشي زوجي ما بدو اعمل اشي لحالي بس ما بقدر لازم انجز ههههه
ومبروكين لبرلنت اللبسات تهريهم بالعافية ان شاءالله بنستنى صورها هالقمرة ماشاء الله ؛)

رد: دردشة بنات فلسطين , دردشة حوامل فلسطين , تجمع بنات فلسطين
 

حبيبتي حواء .. الله يعطيكي ألف عافية يا رب
انا ما بقدر أزيح الأشياء التقيلة وأغير مكانها ... بضل أقول لزوجي هو انا ليش متزوجتك؟؟ هههه عشان تعمل معي وتساعدني بيصير يضحك

يختي عليها برلنت أن شاء الله بتلبسهم بالعافية

رد: دردشة بنات فلسطين , دردشة حوامل فلسطين , تجمع بنات فلسطين
 

مين هون !!!
ام جودي يا مرحبا يا مرحبا نورتي يا عسل .... وين كنتي غاطسة ؟؟ شو أخبارك طمنيني عنك

الله يسلمك وما تشوفي شر ... الحمد لله انا هلأ منيحة بس ايدي بتوجعني شوي

رد: دردشة بنات فلسطين , دردشة حوامل فلسطين , تجمع بنات فلسطين
 

ام جودي
يا هلا والله نووووورت الدردشة
اشتقتلك يا صبية وين هالغيبة
شايفة الازعر شايفة ، اخوي بيقلي مبارح ربطيه منيح وشديه ابنك ازعر وكتير حركة
ههههههه يسعدلي اياكي يارب وسلامكم كلكم رح يوصل لماما اللي رح تسرقني منكم شوي
بس رح اضل افوت واطمن واطمنكم عني ان شاء الله كل يوم اذا الله اراد
طمنيني عنك وعن دراستك وعن حمودي الازعر ويزووووون باشا ان شاء الله مش مغلبك

رد: دردشة بنات فلسطين , دردشة حوامل فلسطين , تجمع بنات فلسطين
 

مرحباااا

يسعد صباحكم

كيفكم اليوم

انا اليوم متنكدة كثييييييييييييير كثييييييييييييييييييييير ومقهورة

رحت ع عيادة الوكالة عشان اسجل للحمل ،، الي بيسجل بيحكيلي بدي صورة هويتك وهوية جوزك عشان التسجيل ،، حكيتلو ما معي صورة هوية جوزي ،،حكالي ما بيزبط ضروري لازم تكون موجودة ،،,حكالي اذا ما معي الهوية بسجل الاثنين الجاي
ورجعت ع البيت بدون ما اسجل :( :( :(
انا الي قاهرني انه العيادة بعيدة كثير عنا ،،ورحت بتاكسي طلب ب 20 شيكل ع الفاضي وما استفدت اشي والدنياا شوب
وبدي ارجع كمان مرة الاثنين الجاي
عنجد انا مقهورة كثير اففففففففففففف

رد: دردشة بنات فلسطين , دردشة حوامل فلسطين , تجمع بنات فلسطين
 

حبيبتي فوفو
يسعد هالصباح يا رب ... طولي بالك وما تتنكدي معلش قولي لعلو خير

روقي حبيبتي ما بتعرفي لو سجلتي كان طلعت شغلة تانية تعطلك ... بيعينك الله وروحي عاودي الأسبوع الجاي

رد: دردشة بنات فلسطين , دردشة حوامل فلسطين , تجمع بنات فلسطين
 

فوفو
يسعد صباحك
سلامتك من النكد
يا بنتي عادي ولا يهمك انتي ما كنتي بتعرفي
بسيطة الله بيعين ، الا ما الواحد يصير معه هيك قصص تنغص عليه
بس خديها ببساطة ولا تتنكدي مش كويس تنقهري عشان رزوووونة كله بياثر عالبيبي
وكليها لربك والله بيعينك خلص هيك ارادته ؛)

رد: دردشة بنات فلسطين , دردشة حوامل فلسطين , تجمع بنات فلسطين
 

حواااء ،، مبروكين لبسات برلنت الامورة ،، ان شاء الله ملبوس الهنا :)
بننتظر صورتها هالاميرة الصغيرة
مالك انتي كمان متل حلا يا بنات ارحموا حالكم شوي بالشغل ،، انا متل دودو الشغلات التقيلة والصعبة زوجي بيعملي اياهم :)
الله يخليلنا اياهم ويديم الصحة والعافية عليهم ياااااا رب

حلااااااا هلااااااا بالقمر ،، حبيبتي سلامتها ايدك ما تشوفي شر ،، يمكن من شغل امبارح بتوجعك حاولي ما تحركيها كتير
والله يا حلا غبت هالفترة لانه مشغولة بالاستعداد للامتحانات بس كنت اطل عليكم واطمن على اخباركم ولما لقيت وقت فوتت ادردش معكم شوي :)
كنت بدي افوت امبارح واحكي معكم بس بنات عمتي الي هما اخوات زوجي بردو ،، اجوا من الامارات ونازلين ببيت عمتي لانه من دوم ازواجهم واولادهم ،، نزلنا كلنا وقضينا النهار معهم تحت وانبسطنا كتييييير :)

صحيح جارة حبيبتي الف سلامة عليكي ،، يا الله شو زعلت عالي صار معك بس معلش حبيبتي ارادة الله واكيد راح يعملك اياهم الدكتور ويسيروا متل اول ،، اهم شي سلامتك انتي والاطفال الحلوين واحكي الحمدلله الي اجت على قد هيك

رد: دردشة بنات فلسطين , دردشة حوامل فلسطين , تجمع بنات فلسطين
 

يسعد صباحكم نشيطين ماشالله عليكم

حلاااااااا
الف سلامه عليكي ياعسل ديري بالك ع حالك

دودو
ربي يقومك بالسلامه بحب الاطفال بعمر شهر لحد 4 شهور زاكين بعدين بسيرو مشاغبين :)

ام جودي
كيف معنوياتك للامتحانات والحمل كيف

حواء
مبروك ملابس برلنت نزليهم بلكي احاص وتجيني بنوته بموت ع شغلات البنات

فوفو
انتي لانو اول حمل بطلبو الهويه / انتي سكان وين كل هالقد بعيده عنك الوكاله !!
طيب مامعك ع الموبايل رقم هويتك او هوية جوزك دايما خليهم ع موبايلك
وكان حكتيلهم مشواري بعيد يمكن كان تساهلو شويه

رد: دردشة بنات فلسطين , دردشة حوامل فلسطين , تجمع بنات فلسطين
 

دودو يا عمري انا وانا كمان اشتقتلك كتييييييير :)
والله يا دودو امبارح كان ممتع وحلو بس بدايته بتخوف والحمدلله عدت على خير
امبارح كان جاي على بالي التمر بصورة مو طبيعية ،، اكلت تمر وشربت مي ونمت ع الساعة 10 صباحا وصحيت ع 11 بطني بيوجعني كتييير ومو هيك بس ،، بطني وضهري حسيته متل بداية الطلق :( ،، بعدين حممت حمودي وتحممت واتمددت ع السرير شي نص ساعة حسيت حالي احسن ،، بس لما نزلنا تحت طول ما انا قاعدة ضهري وبطني بيوجعوني لغاية ما نمت،،، خفت اروح للدكتور :( ،، ولما صحيت اليوم الحمدلله ما فيني شي :)

فوفو حبيبتي معلش خيرها بغيرها ما تزعلي ،، ان شاء الله المرة الجاي بتسجلي

رد: دردشة بنات فلسطين , دردشة حوامل فلسطين , تجمع بنات فلسطين
 

ام جودي
ربي يعينك ويوفقك بامتحاناتك وعقبال التخرج يا رب :)
مزبوط ايدي بتوجعني من شغل مبارح لأنو ليفت حيطان غرفة بناتي باسفنجة الجلي اتخيلي !!! ابني الله يهديه مخربش عالحيط بالألوان الشمعية وما نفع معهم إلا اسفنجة الجلي ومسحوق الغسيل

إحساس
يسعد صباحك يا قمر ... تسلمي الله يسلمك
طمنيني عنك انتي وحملك كيف ؟؟ وزوزو كيفو اليوم ؟؟ شو طابخين اليوم !! انا بدي اعمل سمك صرت من جماعتكو ههه

رد: دردشة بنات فلسطين , دردشة حوامل فلسطين , تجمع بنات فلسطين
 

ام جودي
سلاااامة قلبك
بلاااااش تمر هلا اجليها للتامن والتاسع يا بنتي
انا كنت اخاف اكل تمر بس رجعت اكله بالتامن واخر السابع بس 3 تمرات ومو كل يوم
وهلا وقفته عشان عندي تقلصات بس تيجي ماما برجع اكل هههه
ديري بالك ع حالك والحمدلله عدت ع خير
اذا تكررت ما تسكتي روحي للدكتور وديري بالك حبيبتي الله لا يضرك ولا يضر حدا يارب ؛)

رد: دردشة بنات فلسطين , دردشة حوامل فلسطين , تجمع بنات فلسطين
 

دودو حمودي ببوسك وببوس عموورة ،، الحمدلله حمودي تمااام ونشيط ما شاء الله عليه بس ما بعرف ماله اليوم كسول نايم لهلأ ههههه
والبيبي ما شاء الله عنه منيح وشكله شقي متل حمودي :)

احساس هلاااا ،، كيفك وكيفو زوزو ؟؟
الحمدلله مستعدة للامتحانات ومنتظرة متى ييجوا عشان ارتاح ههههه
وحملي ما شاء الله منيح بس هالايام حاسة بضيق نفس :(
ربي يهونها

رد: دردشة بنات فلسطين , دردشة حوامل فلسطين , تجمع بنات فلسطين
 

احساس
يسعد صباااااحك
كيفك وكيف الوحام اليوم
الاطفال كل سن واله غلبته
وانا هيني رح اخوض التجربة هههه
الله يستر ويعطيني طولة البال ياااارب ؛)

رد: دردشة بنات فلسطين , دردشة حوامل فلسطين , تجمع بنات فلسطين
 

تسلمولي حلا ودودو واحساس وام جودي

والله لحد الان متنكدة ومش قادرة افطر ،، رزان مسكينة هيها بتتحرك وبترافس ،، اول مرة بترافس هيك كثير ،،شكلو لاني منكدة يا حرام ،، بس مش بإيدي شو اعمل ..

يلا شوي وبروق ان شاء الله

رد: دردشة بنات فلسطين , دردشة حوامل فلسطين , تجمع بنات فلسطين
 

حلا / ام جودي / دودو

زوزو ع سلامتو حبيب قلبي مابغلب ولا بحس في بلعب مع اعمامو وبأكلوه وبنيموه احيانا ومابدرا عنو
بس هلا نام بحضني :)

والوحام اليوم مستقر بس حكاية الاكل مابيجي ع بالي بالمره عشان هيك بدوخ

حلا
صحتين ع السمك كانت حماتي بدها تعمل ملوخيه مابدنا قلنا شوربة فريكه جايه عبالنا

ام جودي
انا بعرف التمر في بدايتها مش صح

دودو
يالله ربي يقومك بالسلامه وتفرحي بشوفتو بأتم الصحه والعافيه يارب

فوفو
خلصلاتدايقي اعملي كاسه عصير بارده وروقي مش مستاهله

رد: دردشة بنات فلسطين , دردشة حوامل فلسطين , تجمع بنات فلسطين
 

فوفو
روقي ولا يهمك حرام من شانك من شان رزونة ... ما الك نصيب تسجلي اليوم خلص عادي
يمكن لو سجلتي كان التعطيل من اشي تاني لهيك روقي وما تتوتري كتير بلاش يرتفع ضغطك لا سمح الله وروحي فطريها لرزان حرام جوعانة البنت يعني بتهون عليكي اتضلها جوعانة

رد: دردشة بنات فلسطين , دردشة حوامل فلسطين , تجمع بنات فلسطين
 

حلااا حبيبتي تسلميلي يااا رب من تمك لابواب السما ان شاء الله ،، بحلم متى اتخرج هههههه
يعطيكي العافية ياااا رب ،، حاولي ما تعطي لخليل الالوان والاقلام الا لما تكوني عندوو ،، او جيبيله سبورة صغيرة يكتب عليها ويرسم هههههه

دودوووو حبيبتي والله ما بعرف ليه اجى على بالي انا دايما ما باكله الا بالشهر التاسع حتى بالثامن بخاف بس هالمرة ما قدرت ههههه كأنه وحامي متأخر ههههه
بعد الي صار معي امبارح لا يمكن اكله الا بالتاسع ان شاء الله ،، لما تيجي مامتك بتكوني بالامان كلي تمر براحتك هههههه

رد: دردشة بنات فلسطين , دردشة حوامل فلسطين , تجمع بنات فلسطين
 

دودو
هي عنجد مش مستاهلة بس خلص انا صايرة اعصب من ابسط شغلة ،، مع الحمل
بتعرفي وانا بالسيارة بحكي يارب ما يكونو الاوراق ناقصين ،،وبحكي يا ريت لو اني سألت احساس شو الاوراق الي بيطلبوها
يلا خيرها بغيرها ،، ما النا نصيب


حلا
خلص يلا هيني قايمة اعمل اشي آكله عشان رزونة ،، وانام ،بلكي روقت شوي

رد: دردشة بنات فلسطين , دردشة حوامل فلسطين , تجمع بنات فلسطين
 

ام جودي
أن شاء الله بتتخرجي بأعلى العلامات يا رب
وحياتك عندو سبورة صغيرة والو شنطة حاططلو فيها دفاتر تلوين والعابو ... حتى هو عارف بيسالني وين الخرابيش وعارف انو هو الي خربش وبيدحك هالشقي علبة الوانو رفعتها وفهمت خواتو انو ممنوع يعطوه ألوان إلا أزا انا أعطيته ...

رد: دردشة بنات فلسطين , دردشة حوامل فلسطين , تجمع بنات فلسطين
 

صباح الخير صبايا كيفكم ...وكيف اصبحتو ان شاء الله يكون نهار سعيد ع الكل

دودو الف مبروووك انو عموره رجع لف راسو .. والله فرحتلك كتير كنت شايله همك من العمليه لانو بعد يلي شفتو دعيت انو ماحدا يجرب العمليه والكل يولد طبيعي ودعيتلك لانو بصراحه مافي بعد الطبيعي وربنا يسهلها عليكي انتي ولولو وكل يلي بعدكم
حلا وحواء ودموع وام جودي وفوفو واحساس وكل الحوامل يارب ماكون نسيت حدا ونشوفكم حوامل السنه الجاي هههههههههه ..

حلا سلامتك بدك ديري بالك وانتي بتشتغلي ...

فوفو كل تاخيره وفيها خيره مابتعرفي وين الله كاتبلك الخير ... روحي افطري وفطري البيبي حرام

شو طابخين اليوم كتير جوعانه مابعرف من بعد ماولدت وانا بس بدي اكل خخخخخ يمكن لانو انحرمت من الاكل اول اسبوع عشان العمليه ... كل وحده طبخت تبعتلي صحن هههه ..

رد: دردشة بنات فلسطين , دردشة حوامل فلسطين , تجمع بنات فلسطين
 

هههههههه ما ازكاااااه هالخلوول ،، الله يحميه ويباركلك فيه ،، شقاوة الاطفال لا بد منها ،،

فوفو والله مو مستاهلة تتنكدي هيك بسيطة يا قمر ،، لعله خير :)

انا اليوم مو طابخة شي ،، معزومين عند حماتي ،، هتجيب اكل جاهز ،، والله اعلم شو هيكون الغدا

رد: دردشة بنات فلسطين , دردشة حوامل فلسطين , تجمع بنات فلسطين
 

صباحو صبايا
منورييييييين
ام جودي
يا هلا و الله
اشتقنالك يا حلوة
كيفك و كيف حمودي و البيبي ان شاء الله ما بغلبوكي ؟؟
الله يوفقك و يوفقني بالامتحانت و نرتاح منهم
بس ان شاء الله الحق اقدمهم انا
الله يستر
حلا
سلامتك ام خليل
الله سترها هالمرة بس لازم تنتبهي و تديري بالك عشانك و عشان يوسف
الله يحميكو و يقومكو بالسلامة
فوفو
يللا خيرها في غيرها ما تدايقي حالك على اشي مش مستاهل
عادي بتروحي مرة تانية و ان شاء الله خير
دودو
الله يوصل امك بالسلامة يااااا رب .... بس هااااا ما تنسينا !!!! لأنو رح نقلق عليكي و خصوصا بهاد الوقت
الله يخليلك اياها و يقومك انتي و عمورة بالسلامة
ام عبد الله
ليش متأخرة عالدوام ..... ان شاء الله خير
حواء
على ايش مستعجلة ؟ ...... جد كلشي تقيل و ما بتقدري تعمليه لحالك خليه لزوجك ..... بدون اشي الحامل ما بتتحمل
و مبروووووكين تياب برلنت الامورة .... ان شاء الله تهريهم بالعافية يااااا رب
انا اشتقت لانبثاقة و حيفا و غموض و ام عمر و في كتير بنات صارلهم زمااااان قاطعيننا زي هبوش و ميسا و غيرهم
ان شاء الله خير
باقي الصبايا كلكم كلكم يسعد اوقاتكم و ان شاء الله تكونو كلكم بخير
منوري كلكم كلكم
بنات انا من امبارح و عندي هيك شي زي النغزات بس اول مرة بحسر فيها في ضهري و بطني بس بطني اكتر و لما بدخل عالحمام و انتو بكرامة بخاف اضغط على حالي لأني بحس شي في بطني من تحت بصير يضغط و يوجعني كتيييير بعدين الكل بحكيلي انو بطني نزلت .... شو بدها تكون ؟؟ معقولة قربت ؟؟ و الا شو ؟؟ يا ذوات الخبرة

رد: دردشة بنات فلسطين , دردشة حوامل فلسطين , تجمع بنات فلسطين
 

صباح الخير يا صبايا
شو اخباركم يا حلوات حلا يا عسل يسعد صباحك وسلامتك يارب ما تعبي حالك
ام جودي صباحك عسل يا قمر شو اخبارك موفقة بلامتحانات كيف الحمل وابنك ان شاء الله خير
احساس يسعد صباحك دودو ولولو يلا شدو الحيل ههههه قربتو كثير الله يفرحنا برجعتكن بالسلامة يارب
حواء مبروكين الثياب تريهم بالعافية
فوفو مش مستاهلة يا عسل باقي الصبايا يسعد صباحكم يارب

رد: دردشة بنات فلسطين , دردشة حوامل فلسطين , تجمع بنات فلسطين
 

نور العمر
اهلين يا عسل
شو الاخبار ؟

رد: دردشة بنات فلسطين , دردشة حوامل فلسطين , تجمع بنات فلسطين
 

ام عبد الله صباحك سكر ياحلو

لولو / ممكن تكون بدايات لانو بحكو طول التاسع بيجي طلع
يس طلق كاذب الطلق يلي عن جد بكون كل ربع ساعه بعدين بشتد كل 5 دقايق

دموع
احنا عاملين شوربة فريكه والك مني اكبر صحن عنا :)

رد: دردشة بنات فلسطين , دردشة حوامل فلسطين , تجمع بنات فلسطين
 

نور
الك مني صحن شوربه

دائما بتخربط بينك وبين دموع

رد: دردشة بنات فلسطين , دردشة حوامل فلسطين , تجمع بنات فلسطين
 

مرحبا لولو ... ربنا يقومك بالسلامه يااارب
والله اخباري تمام الحمد الله بين سيلا ويامن ربنا يقومك بالسلامه وتشوفي بنتك بحضنك ...

احساس ... يسلمووووو كتير والله بحب شوربة الفريكه كمان مفيده لوحده والده متلي هههههههه

تاع البطيخ بلف بالحاره .. يلا يا بطيخ شراب يا بطيخ وبالاخر تطلع بيضا ههههههههه

رد: دردشة بنات فلسطين , دردشة حوامل فلسطين , تجمع بنات فلسطين
 

يسعد صباحكم

كيفك نور العمر وكيف العمليه؟ان شاءالله احسن

حلا سلامتك ما تشوفى شر

احساس يعنى انا ماالى صحن

ام جودى يسعد هالطله كيفك؟ وكيف الحمل معك؟

باقى الصبايا منورين

رد: دردشة بنات فلسطين , دردشة حوامل فلسطين , تجمع بنات فلسطين
 

رد: دردشة بنات فلسطين , دردشة حوامل فلسطين , تجمع بنات فلسطين
 

اها انا بولد بعمليه

والحمدلله هى تالت عمليه بدى اعملها

رد: دردشة بنات فلسطين , دردشة حوامل فلسطين , تجمع بنات فلسطين
 

طيب كيف بتعرفي انو الغرز خفوا ؟

رد: دردشة بنات فلسطين , دردشة حوامل فلسطين , تجمع بنات فلسطين
 

تقريبا بعد 20 يوم بتتفك الغرز لحالها

اهم شى انك ما تشيلى تقيل

رد: دردشة بنات فلسطين , دردشة حوامل فلسطين , تجمع بنات فلسطين
 

انا هلا صارلي 23 يوم .. طيب لو صورت سونار ببان اشي او ع الفاضي التصوير .. انا مابحمل شي تقيل ما عدا بنتي ..

ليه ولادتك بعمليه ؟؟.. اسئلتي كتيره خخخخخ ..كمان بعد ال 40 برجع كل شي طبيعي يعني متل كانو ولدت طبيعي ...

رد: دردشة بنات فلسطين , دردشة حوامل فلسطين , تجمع بنات فلسطين
 

اها بعد الاربعين بيرجع كل شى طبيعى

ليش بدك تعملى سونار؟؟

رد: دردشة بنات فلسطين , دردشة حوامل فلسطين , تجمع بنات فلسطين
 

اليوم طبخت مكرونه

اتفضلوااا

اسهل شى عندى هههههههههه

رد: دردشة بنات فلسطين , دردشة حوامل فلسطين , تجمع بنات فلسطين
 

انو يعني اشوف الغرز الداخليه او ما بتبان ... كثير شاغله بالي فيهم وعندي خوف منهم انو يصير شي فيهم حتى الكحه بخاف منها خخخخخ بخاف يصير فيهم اشي لو كحيت او تحركت حركه غلط صايبني وسواس منهم ...

انتي ليه ولادتك بعمليه ؟؟