|
رد: التجمع الجديد للجزائريات المتأخرات في الحمل و أهلين بالتونسيات الغاليات
اهلا اختي بسومة الفليلسات الحمد لله
انتي وشك مع الحمل ياك زادت النسبة .. طمنينا و بسمة العزيزة وشها ؟ مزالها تدور بيك فالزنق ههه |
رد: التجمع الجديد للجزائريات المتأخرات في الحمل و أهلين بالتونسيات الغاليات
ريحانة
ماتخافي و لاشيء كثري من ادعية تسهيل الولادة.. و زيدي مشي فاليوم ادا تقدري على الاقل ساعة.. و كيما قالت بسومة التمر زيد يعاونك..و ان شاء الله ما يكون غير الخير. بسومة اهلين واش راكي تكالميتي شوية من الخوف على الحمل و لا مازال؟و الببونة انتاعنا واش راهي دايرة فيها... خولة الله يبارك راه عندك الوقت للنت باينة بناتك عاقلين..و نظن من الوقت اللي ولدتي فيه ماقعديش وحدك ديما معاك للي يعاونك..صح و لا لا هههه |
رد: التجمع الجديد للجزائريات المتأخرات في الحمل و أهلين بالتونسيات الغاليات
ههههه يا صبورة دوكا راني عند مواليا علابيها ههه
و مام مع الاول كانو مزالو فسبيطار و كي خرجو جوزت معايا ماما ايامات ...... بصح كي راحت غبت خاطر يتعبوني في زوز |
رد: التجمع الجديد للجزائريات المتأخرات في الحمل و أهلين بالتونسيات الغاليات
خولة و صبورة يسقسي عليكم الخير الحمد لله على كل حال المهم النسبة كانت 292 و من بعد يومين ولات 452 ماشي الدوبل كيما يقولو بصح نقول الحمد لله اللي دايرها ربي تكون راني نرقي و ندعي و ان شاء الله ربي يسهل
عقبال قاع للبنات يا ربي يفرحو في هاد العام الجديد و يفرحونا معاهم يا رب خولة انا هاد الشهر و الله كنت انا و بنتي غير الزنق سبحان الله بالاك كيما يقولو اللي تنسى الحمل تحمل و الله كنت كارهة مع كنت نستنى غير الدوا اللي يعطيني الطبيب قالي خليها حتى تجيك الدورة الجاية و ارواحي و انا كنت غير كي مدوشة منها قلت هاد الشهر عندي راحة درت حالة بالتجواس حتى شفت دارتلي الروطار قلت اوف كي وليت نستنى فيها ما جاتش الدورة و الله دير غير العكس بصح هادو ليام مسكينة بسومة راهي غير الحبس ولفتها و قطعت عليها |
رد: التجمع الجديد للجزائريات المتأخرات في الحمل و أهلين بالتونسيات الغاليات
ههه مسكينة
بصح معلش راهو جاييها نونو انشاء الله باه تلعب معاه |
رد: التجمع الجديد للجزائريات المتأخرات في الحمل و أهلين بالتونسيات الغاليات
هيا بالسلامة حبيباتي ربي يخليكم و يفرح قلوبكم
|
رد: التجمع الجديد للجزائريات المتأخرات في الحمل و أهلين بالتونسيات الغاليات
اقتباس:
|
رد: التجمع الجديد للجزائريات المتأخرات في الحمل و أهلين بالتونسيات الغاليات
السلام و عليكم
واش حوالكم ؟ انا راني في حالة ربي يفرج .. راهي تخلطت عليا عمليتي في 26 جانفي انشاء الله و بنت عمي ربي يرحمها و يوسع عليها اليوم توفات و خلات زوج بنيتات ربي يكون فعونهم و عوننا وحدة 7 سنين موصلتهمش و الصغيرة 5 سنين ... صغار مساكن و تحرمو من امهم الغالية يا رب صبرنا يا رب عملت عملية على القلب من حوالي 15 يوم و فطنت بعد 24 ساعة من العملية بعد ما توقفو اعصابنا فهادوك ال 24 سنة ايه و من بعد بقات فالكوما ايامات و خرجوها عادي لغرفة مو البارح كانو دارنا عندها بصح قالونا حالها ما تعجبش خاطر الجرح تاع العملية ما راهش يبرا خلاص و الدم مازال ينزف جابولنا صورتها .. صوروها بالبورتابل بصح كانت فانية مسكينة راهي تعذبت رشاها المرض ... كانت تقول منديرش العملية حتى البنات يفكرو شويا و يدبرو روحهم .. كنا ديما نقولولها ديري يا ختي متخليش حالتك تزيد و اليوم على 2 تاع الليل ضاقت عليها قالت خرجوني نشم شويا الهوااا بصح ولا وحدة كانت تم .. اه على مستشفيات الزمان هادا بوغطون بريفي و لازم يقيمو بالواجب امالا هي ناضت وحدها ... و مسكينة شمت الهوا كيما كانت حابة و هي راجعة لبلاصتها طاحت فالارض و توفات ربي يرحمها و يصبرنا عليها اه يا صليحة ربي يرحمك هدرتك معايا البارح مزالها بين ودنيا ... عيطتلي و تودع سبحان الله ... تسقسي على كامل العايلة و تسلم عليهم راحت راحت راحت بنت عمي العزيزة ربي يصبرنا ... ربي يصبر بناتها مساكن صغيرين ملي راحت و هوما يسقسيو عليها ماما وين ؟ وين ماما ؟ اسخايلو فالعمر هاداك و يديو جداتهم ام ابوهم و يقولولها افتحيلنا غرفة ماما المهم طولت عليكم يا البنات ادعولها بالرحمة و المغفرة اسمحولي راني نكتب و عينيا مليانين دموووع راني نستنى فالصباح يطلع باه يوصلو من العاصمة و نشوفها لاخر مرة |
رد: التجمع الجديد للجزائريات المتأخرات في الحمل و أهلين بالتونسيات الغاليات
خولة الزينة لاباس!؟! و العميرات تاوعك لاباس!؟!؟
بسومة الحمد لله و الشكر لله حافظي على روحك في الشهرر الاولى و ربي يرزقك الذكر السليم المعافى بلا زيادة و لا نقصان يا رب،،،، جميلة ربي يرحم بنت عمك و يجعل مثواها الجنة و يلهمكم الصبر و السلوان يا رب،،، انا لله و انا اليه راجعون،،،، بناتها صغار مساكن قطعولي قلبي،،،ًً |
رد: التجمع الجديد للجزائريات المتأخرات في الحمل و أهلين بالتونسيات الغاليات
بسومة26
حبيبتي الحمد لله النسبة راهي تطلع هذا مؤشر مليح.شفتك كتبتي من قبل ان الالعراض ماعندكش..و انا نقولك حمل عن حمل يخنلف ماتعمريش راسك..ركزي في الفرحة فقط و ربي يكملك الحمل على خير.. جميلة انا لله و انا اليه راجعون..بنت عمك ما نعرفهاش و غاضتني الله يرحمها و يجعل قبرها روضة من رياض جنته..الله يصبركم و يصبر والديها و بنياتها.. |
| الساعة الآن 06:19 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .