منتديات حوامل النسائية - تجمع حــوامل التوائم

اختي الفراشة الجميلة
السلام عليكم ورحمة الله وبركاته
انا ولدت بمدينة الملك فهد الطبية
ارجعي لصفحة 1199 تلقين قصة ولادتي
بس عانيت يوم بنتي كانت بحضانتهم تدرين صادتها جرثومة مرتين اللهم لا اريد فضحهم لكن ربي شاهد سألتي وسأفصح
اختي الحبيبة كيري نصحتها بس ما قلت لها التفاصيل ماودي افضحهم لكن جبتي مجال وراح ادلي بدلوي طبعاً توفو الولدين وجلست بنتي بحضانتهم اللي الله اعلم بنضافتها على العموم ما انسى اقولك ان جزمتي وانتي والقارئين بكرامة اللي امشي بها بالشارع ادخل بها العناية طبعاً من وين تجي الجراثيم؟؟؟ سؤال يجاوب نفسه؟؟؟
طبعاً مسكت استشاري القسم وقلتله هالشي قال اثبتت دراسات ان الجزمة لبسها ما تأثر ان يكون به جراثيم الله على ما أقول شهيد؟؟؟
طبعاً صادت بنتي مرتين جرثومة انتي متخيلة مرررررررتين اقسم بالله ما بالغت دخلت مرة ولقيت وجيهم سووووووووووووووود قالي دكتور معليش اختي الظهر انخفض دقات قلب بنتك ورحمة ربي انا اكتشفنا الجرثومة وخدت مضاد وحنا بنعطيها لمدة طويللللللللللللة والله يابنات عانيت معاناة رحم دمعتي ربي الكريم كنت في كرب شديييييييييد واشوف صغيرتي بالقزازة وعليها الاكسجين والاسلاك عاد انا خلاص قلت لزوجي بننقل بنتي بس ماطاعني زوجي وزوجي من النوع اللي يثق بأي دكتور الشكوى لله لكن انا اقسم بالله ما أثق الاباللي خلقني اصيح واقول يارب اعيدها من كل شيطان وهامة الهامة الجراثيم وانا اردد وربي رحيم بعباده بنات انا لن افضح ربي يعلم بنيتي انصح كل وحدة منكن غالية اخت لي مسلمة ماتروح للمدينة تروح لأي مستشفى لو بصحراء الربع الخالي؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا ما أنكر ان في دكاترة قمة وشاطرين مثل الدكتورة بان بالمدينة بس ماتتواجد كثير والدكتور فهد العقل والدكتور فهد الحربي بس ما يتواجدون الا بالصباح والمسا في شاطرين مثل صفاء وجمال والوسيلة بس ما اضلم الباقين انا مو اتكلم عن دكاترة تسهر عيونهم للمريض ويتعبون وربي يعلم انهم تعاطفو معي وصارو يسموني ام التوأم الثلاث الله يجبر خاطري بعيالي ويقر عيني ببنتي هم ساعدوني انا اتكلم عن المقرفات الممرضات حسبي الله تخيلو كنت جالسة عند بنتي قالت وحدة مدام كيف حالك صارت ممرضة وليدي الله يرحمه قالت ماشاء الله بنت كبير وتخيلو هي جاية من طفل ثاني فتحت على بنتي ولمستها طبعا معروف لكل طفل ممرضة هاوشتها تغير وجهها عرفت عندي سالفة قالت مدام انا حطيت كحول قبل انتي مافي شوف قلت بنفسي الله يشوفك خبرت ممرض سوري قال اشكي ضحكت وقفلت السالفة هم عندهم كاميرات بس مافي موظفين صح يراقبون هدي سالفة
وسالفة ثانية تعبت وانا اكتب
المهم تخيلو ما راح احد يصدق ربي فوقي ما راح اكدب ابد انا قاعدة اشوفهم ينعشون طفل قعدت اتكرب دكرت عيالي ياربي رحمته انتم مصدقين الممرضة اللي لابسة قفاز وتساهم بإنعاشة هههههههههتفتح زبالة النفايات الطبية بيدها اليسرى وتنعشه باليمنى وترجع يدها اليسرى للطفل -عاد ربي رحمه وعاش ومسكين جاته جراثيم ونقلوه حتى للعزل ورجعوه ومدري وش صار له- وقاعدة تنعشه بغييييييييت انهبل قلت لو هاوشتها بنتي جنب الولد وبنروح فيها قلت للدكتور من بكرا قال مين قلت نسيتها قال اشكي ضحكت هههههههههه وينكم وش فايدة كاميراكم المرزوزة
قلت لزوجي قال اتركي اللقافة قلت بتركها يلا المهم بعد فترة لأن بنتي جلست 2 بالعناية شفت وكنت اجلس بالساعات قلت وظفوني مراقبة هههههههههه عاد زوجي كان معي قال شوفي يو يو في طفل جايبينه من العمليات ههههههههه واحد طاح قلمة ههههههه مد يده يجيبه من الأرض لا وبيرجع يشيل الولد قلت هنا ماراح اسكت مسكت الدكتورة صفاء بسرررررررعة طلعت برا معها وقلتلها قالت ايهم اشرت عليه وصفته قالت اتفاهم عقب طلعنا مدري تفاهمت ولا عادي عندها وحدث ولا حرج كنت اشدد على ممرضات بنتي اقول شيلو القطن اللي تستعملوه دبوه لا تحطونه جنب بنتي والله حفضها حياتي تدرون قسم بالله اني وسوست من الجراثيم اغسل رضاعة بنتي بتايد وانظفها بما معقم واغسل يدي واقو للشغالة تسوي زيي بصابون قبل ما نحضر الرضاعة حتى الشغالة في وجهها استفهام شكلها تقول مدام ايش فيها مريض عاد جاوبوني بنات هل موسوسة وش رايكم باللي صار
ارجع اقول اللهم لا اريد الفضح لكن علني انقد نفس بريئة من هالجراثيم نسيت اقولكم في وحدة ياعمري سورية لقيتها بالعناية جايبة ولدين واحد توفي بسببب؟؟؟؟ جرثومة تسللت وقضت عليه لا حول ولا قوة الا بالله العلي العظيم ربنا امنا بقضاءك فاكفنا شر خلقك اللهم ارحم اطفالاً ضعفاء ولدو قبل اوانهم فهم بين يديك فاشفهم واكفهم الشر والأدى
اخيرأ اتمنى لكل اخت غالية هنا في التجمع ان يتم حملها ولا يحتاج وليدها للعناية