|
رد: تجمع حوامل العراق واتمنى اكو احد موجود
تسلمون بناااااااات ايه وامونة وزينة الله يفرح قلوبكم وقلوب كل البنااات
رحت سويتها طبعا كنت خايفة وارجف واني نايمة ورجلي كاعد يم راس وحاضني ويبوس بيه كدام الدكتور والنيرس خخخخخخخخخخخخ واني ابجي وارجف ضربني الدكتور اولا شي ابرة تخدير موضعي بالبطن شوي وجعتني عطت بيه عيطة خفيفة ووراها ضربني ابرة الاختبار تصير طويلة اطول من كف اليد كلها تطب بالبطن بس محسيت بيها بس دغدغني بالداخل من ديسحب من سائل الجنين وكالولي حينطوني ويه النتائج جنس الجنين ولد اوبنت بس اني هسه الي يهمني ان يكون سليم وماهامني الجنس انشالله ميصير الا الصالح والي كاتبه الله بس والله من شفته اليوم بالسونار شلون يتحرك وشفت كفه واصابعه وسمعت نبض قلبه قلبي انمرد عليه دااشوفه ادمي وقطعة مني مو هين عليه انزله ولا هين عليه يعيش مريض العمر كله.... الله ليحط احد بالموقف الي اني ورجلي بي |
رد: تجمع حوامل العراق واتمنى اكو احد موجود
انشاء الله النتائج تبين بخير
زين بالسونار شكالولج؟ وشوكت تبين النتائج مال التحليل الله ينزل مي بارد على كلبج |
رد: تجمع حوامل العراق واتمنى اكو احد موجود
والله هم النتائج وهم يوسف وهم حماتي بعدها على نفس العاده ليهسه
|
رد: تجمع حوامل العراق واتمنى اكو احد موجود
تسلمين توتاية الله يفرحج بنجاحج يارب
انشالله الجمعة بالليل تظهر النتائج بخصوص الفحص والسونار يكول نفس النتائج مال المرة الاخيرة يعني مو زينة والله كريم اكلج ايه انتي تقصدين بحماتج ام زوجج لو اخت زوجج هاي اولا وثانيا انتي عايشه ويه عيالج لو وحد وثالثا شبيها حماتج وياج ؟؟؟؟ خلينا وحدة تستفاد من الثانية |
رد: تجمع حوامل العراق واتمنى اكو احد موجود
ماكو سهرانيين ضايجة كاعدة وحدي
صديق زوجي جاي خطار وهسه يمه زوجي كاعدين بالاستقبال وشكلهم مطولين |
رد: تجمع حوامل العراق واتمنى اكو احد موجود
امونة اريد اعلمج ختومات بخصوص الحمل ومجربة هوااااااي مااعرف سويتيها لو لا ؟؟؟؟
انتظر ردج حتى اذا متعرفيها من ارجع لدبي اكتبلجياها لان الكتاب ببيتنا وهسه مو يمي اني اول زواجي كنت مااسوي طفل لحد 9 او 8 اشهر كنا منريد بس بعدها صرنا نريد وسوينا 3 اشهر ومصار عدنا وبعدين سويت هالختومات جان بالشهر الرابع يشكل عندي يعني بسما سويت الختومات حبلت الحمد لله |
رد: تجمع حوامل العراق واتمنى اكو احد موجود
مبين كلكم نايمين بس اني كاعدة
يلا نوم العوافي واحلام سعيدة وتصبحون ع خيييييييير |
رد: تجمع حوامل العراق واتمنى اكو احد موجود
هلو زنوبه لا حماتي اخت زوجي
اي كاعده وية عيالي بس موغريبين امه تصير خالة امي عيني حماتي من ثاني يوم زواجنا وليهسه صار سنه ونص وهيه تجي من ال9 بالليل يمنا بغرفتنا وتطلع ساعه 4 لو 5 الفجر وعلى هاي الحطه صار سنه ونص ودا اشوف الويل ومن نوع عديمة الاحساس حتى سيتات نوم البس كبالها وهيه ولا عبالك |
رد: تجمع حوامل العراق واتمنى اكو احد موجود
هلووووووووو بنات
الله يساعدج ايه على هاي العله ماكو واحد يجي ويخلصج منها عديمه الاحساس زينب الله يكون بعونج وشنو هذي المقريات ماعرف انا ماعندي ولا جربت الله كريم انتظر رحمه الله بفارغ الصبر هذا الاسبوع موعد المحروسه زينه حبيبتي شكرا على الدعوه ويارب تكونين دوم بخير وعافيه وحااااااااااااااااامل وياي حتى ندردش سوه ام سلسبيل شوي زوجي مضايقني والحمدلله والشكر انتي ليش متضايقه رحاااااااااااااااااااب ماكو ولا صعوب ولا يسرى ولا وئام راح نفصلكم على كثره الغيااااااااااااااااااااااب هههههههههههههههههههههههه اتشاقه وياكم |
رد: تجمع حوامل العراق واتمنى اكو احد موجود
الله يساعدج ايه عليها زين هاي شكد عمرها متزوجة لو مطلقة لو عازبة شنو فلمها
زين اوك هي معدها احساس ماعدها ام تنبهها اخوج يحسسها مثلا شنو هالوضعية؟؟ امونة انشالله من ارجع لدبي اكتبها الج ولنور عيني ولكل وحدة تريد تحمل اني بعد باجر بالليل اطلع من لندن ونوصل الاحد الفجر لدبي انشالله |
| الساعة الآن 08:10 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .