|
رد: تجمع حوامل ليبيا
السلام عليكم ياحلوات
تموره حتي انا زيك نستني ربي يرزقني بس نقول الحمد لله علي كل حال وكان بنقعدوا نسمعوا كلام الناس وبنكدوا علي ازواجنا شن بنستفيدوا هدا شن يبوا الناس غير تتنكدي عيشي حياتك لما مشيت لتونس رغم انها المشيه بعد سنه بعد زواجي بس كأني كيف متزوجة " شهر عسل جديد" وقلت مرات ماعنديش صغار احسن خديت راحتي واستمتعت اكثر عليك بالدعاء والواحد مداير جهده والباقي علي ربي ميمونه حج مبرور لأهلك ان شاء الله قوليلهم يدعولنا يقين وضحيلنا اكثر اختراعك بالتفصيل نبي نجربه ليبيا قلبي لاباس علي بنيتك تعرفي حتي الكبار مرضوا وانا خديت برده هدا من تقلب الجو ام قصي شن اخبارك حبوبة عند ك الحق ديمه في مبالغة من الامهات والعمات ممكن من خوفهم الزايد ميمونه تعرفي ولا مره درت شاهي العاله في حياتي هههههههههههههه ولا حتي القديد |
رد: تجمع حوامل ليبيا
ام وسونه الحمد لله علي السلامه
ام قصي انا وزني 53 ديمه خوي يضحك عليا يقولي امته بتسمني يابنت منعرفش وزوجي مايبينيش نسمن رغم اني مرات مانقصرش في الاكل مش مخليه حاجة بس نخاف لو نحمل ونجيب بطني معادش ترجع زي قبل رغم اني نشوف في بنات معاي في العمل ولا كأنهم حملوا وجابوا ماشاء الله وراهوا اجسامهم مش ضعيفة نبي نعرف كيف الوحده ترجع بطنها زي ماكانت قبل الحمل .... تموره مادوريش حتي انا جتني الدورة بعد ماكان عندي أمل بس الحمد لله علي كل حال وربي يرزق الجميع ,,,, |
رد: تجمع حوامل ليبيا
اهلين ياحلوات وشكرا لكل من تحمدي على السلامة
ميمونة ربي يرجع ميمتك وبوك بالسلامة يارب وان شاء الله حج مبرور و\نب مغفور حتى اني عندي خوي الليلة ماشي للحج وخيه ليبيا لاباس على بنيتك وربي يخليهالك وخلاص توا نخليلك من العلوش يقين كيفك ياحلو ربي يعاونك في الريجيم حتى اني بندير ريجيم وزني زاد سمنت وليت 64 كنت ديمة مابين 59 او 60 لكن ماعنديش زوائد في جسمي حنى بطني لاصقة في ظهري لكن ضروري نرجع زي ماكنت هههههههههه وخيه ام اجنادين كيفك ويارب يسخرلك الحال وتحملي يارب |
رد: تجمع حوامل ليبيا
الحمد لله
احنا الليبيات مشكلتنا في هالبطن والمؤخرة اول وحده ماتتزوج تكبر بطنها مانعرفش ليش |
رد: تجمع حوامل ليبيا
سلام للحلوات كلهم ميمونة انشالله حج مبرور ودنب مغفور لوالديك ليبيا قلبي انت اكيد راجللك معنداش عريق في ورفلي ينط يفطر علي بازين ياودي اسالي لابد يطلع عنده سر فيناام قصي ليك وحشة يقين علاش معاش اتخشي زي قبل ونتلاقوا ليك وحشة انا مشيت لورفلي ياودي الناس تغلي لانهم روحوا الاول الاول وكيف القوا حياشهم حالة والدمار في من ناس قعدوا من غير احياش تمورة ادبحوا دجاجة ولما تدبحوها غمضوا عيونكم وتخيلي روحك تخنقي في خروف وراجلك يدبح ميمونة شني شريتي حلويات او درتي بروحك حلوات الحج
|
رد: تجمع حوامل ليبيا
السلام عليكم منورات ياحلوات
ميمونه ان شاء الله حج مبرور لوالديك وان اشاء الله زي ما سقتو تلاقو ليبيا قلبي حتى اسوله مريضه اول امس حرارتها وصلت لي 40.6 تخيلي شن صار فيا عقابات الليل قريب هبلت امس 39 واليوم عاينتها وتوه مسهرتني معاها في الدار بروحنا والبابا يعيني عليه راقد عزري الليله .. لزنا من الدار.. |
رد: تجمع حوامل ليبيا
سلام مشكورات حلوات
صدقتي ام محمد ام الراجل متصديقش انو الصغار يمرضوا ياوخيتي يطلعوا فينا احنا نرعشوا علا صغارنا ام اجنادين مشكورة عالنشدة والسوال واحسن وزنك كويس والله ياريت انا هكي ام وسونة مشكورة عالسوال صحيتوا وخياتي الف شكر ليكم |
رد: تجمع حوامل ليبيا
انا جيت في حوش اهلي والله تعبت اليوم ميراس ضحكتني بي عرقه ورفلي لالا راجلي من الساحل ياحنا بس تصدقي اول مرة يديرها يفطر علا بازين عجب
انا اليوم تعبت بكل نوزة مريضة وضميت الحوش وتوا جيت لي اهلي خواتي وبنات خالتي يشوفوا يطيبوا مدايرين الخمس بزار يطيبوا بيبعوه غدوة |
رد: تجمع حوامل ليبيا
ميمونه لما يرجعو العويله من الحج وديرو لمات اعزميني مش تنسي
أنهارك تنسي والله قلبي عندك نبي نشوفك ونهدرز عليك ونرتاح من يالآك.. |
رد: تجمع حوامل ليبيا
تمر حنة اسمحيلي نسميك حنانه ...مشتقه من الحنان ومشتقاته مثل الحنة ...ربي يرزقك بدرية
في القريب العاجل ياااااااااااااااارب انتي وكل متمنيه قولي امين يا حنانه .. |
| الساعة الآن 07:41 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .