|
رد: تجمع الجزائريات المتأخرات في الحمل و أهلين بالتونسيات الغاليات
سماسم حنونة اسمعيني مليح..ياك قلتلك شحال من مرة ماتبكيش قدام راجلك راكي تنبهي فيه لحوايج ماكانش على بالوا بهم..و راجلك كيما قالت الاخت نور الهدى..بالشوية برك يوالف و يقتنع بالحالة انتاعوا و يرجع هو يبحث على العلاج بشرط المساندة النفسية و المعنوية من عندك انت..بصح انت ماراكيش متقبلة الواقع و الحالة انتاعك..انت ما راكيش مساندة نفسك..و نقولك راكي تنظري للموضوع كانه نهاية العالم..يعني اللي ماعندوش الدراري مايسوى والوا....صح نتقلقوا و نبكوا فالاخير نستغفروا و ننظروا للسماء و نعرفوا انه يوجد من يسير حياتنا و لا يظلمنا.الله سبحانه و تعالى..و من حبه لنا ابتلانا.. فلابد من الصبر و اليقين التام بان الفرج من عند الله..و لازم تكوني انت و راجلك يد وحدة وتقسموا الهم مع بعض و ترفعيلوا المعنويات انتاعوا و سايسيه..و نقولك علاش راهوا هكداك شافك نهار كامل و انت تبكي على الدراري..راه يقول انا اللي حرمتها من الحمل و انا السبب ..ماتزيديش عليه..حنونة فيقي مع روحك..لازم ديري الثقة في الله و في نفسك باش تقدري تواجهي الحياة و مصاعبها...يعني الحالة انتاعك ماتحتاج لا طبيب نفساني و لا طبيب امراض عقلية..المفتاح راه في يدك ..رضاي بالامر الواقع و عندك زربية الصلات و عندك يديك ارفديهم لسماء و ادعي ربي يفرج عليكم و يفك ضيقتكم و يبسط لكم الرزق و يسهل عليكم العلاج و يجعل بينكم المودة و الرحمة ...و الحالة انتاعكم عندها العلاج..يعني راكم احسن من غيركم..شوفي للاخرين اللي حالاتهم معقدة بزاف و تصدم الواحد..لازم نقولوا الحمد لله..الله يرزقك الحمل عاجلا غير اجل..
حنونة ماتزعفيش مني..من محبتي فيك و احساسي بك وتاثرت بحالتك..عليها تكلمت معاك بصراحة.. وراني خبرة 9سنين و الحالة اللي راكي فيها مريت بها و كنت ندور في دوامة..ماعرفتش لمن الجاء و لمن نشكي..الى ان هداني الله ووكلت كل شيء عليه سبحانه و تعالى لهمني الصبر و القدرة على مواجهة الحياة و رضيت بحالتي و تاقلمت معاها..و عندي اليقين بالاجابة و الفرج.. |
رد: تجمع الجزائريات المتأخرات في الحمل و أهلين بالتونسيات الغاليات
امة الرحمان
حنونتي ...كل شيء نتحملوا الا زعافك..راكي غالية علينا..طمنيني عليك ارتحت شوية من امرض؟ |
رد: تجمع الجزائريات المتأخرات في الحمل و أهلين بالتونسيات الغاليات
اقتباس:
الكل ايلاحظ وعندي مشكل اخر سلبية في تعاملي مع الناس وعدوانية لاقصى درجة ...طيبة ونية بصح طريقة تعاملي مع الناس تبين اني منيش مليحة ...اليمات الي فاتو كنت في دارنا ومشاكل دارنا لا تنتهي ........مع الزعاف اتع راجلي قتلو خليني نخدم ما حب قتلو سينييلي فمكتب التشغيل لقاو عندي سجل تجاري الي دايرو خوه اعلى اسمي ....امالا ماحبوش ايسينيولي كي قتلو امالا قول لخوك ينحيه ماعجبوش الحال ....ازعفت وحكمتني الهستيريا تلمت مع مشاكل اخرى مالقيتش روحي غير شادة الشفرة ونضرب في راسي ...اكيد مجنونة حتى جات يما لقاتني قريب تغاشيت ...وخرجتلي قلبوزة في راسي بت قاعدة وعيني توجع ندمت وضك كل يوم راسي يوجعني في ذيك البلاصة خايفة الا درت حاجة في روحي هاذي هي ايامي كل يوم نكسر حاجة مرة تاقة ومرة مراية ومرة كاس ومرة ومرة نحس بالي مانيش انا الي نتصرف نحب نكالمي روحي والو مريضة هربت من جوانفيل وخلاص ...الله يهديني |
رد: تجمع الجزائريات المتأخرات في الحمل و أهلين بالتونسيات الغاليات
اهلااااااااااااااا بنات
صبورة حنونتي الله يسلمك يا لعزيزة انا ثاني توحشتك الله يعطيك ما تتمني نور الهدى مبروك لاختك لعقوبة ليك و لكل البنات و انا حية نفرح معاكم ياااارب سماسم كل واحد مضيبته في خاجة بالاك ربي يختبر صبرك هذه هي الدنيا نحبه حوايج و ما نوصلوهاش و ما علابالناش الخير وين ربي يفرحك و يرزقك و لبنات كامل يااااااااااارب اسماء ليال حنونتي الله يسلمك |
رد: تجمع الجزائريات المتأخرات في الحمل و أهلين بالتونسيات الغاليات
اقتباس:
اختي ماضاقت الا فرجت..راني حاسة بك خصوصا تعرفي تعبري مليح على حالتك و تحكي بصراحة..و على بالي باللي راهي عندك مشاكل فوق المشكل الكبير اللي رانا كامل نعانيوا منوا..بصح الحل ماشي انك تعاقبي نفسك و تعذبي روحك..و تكسري لما تكوني في حالة غضب..حاولي تسيطري على روحك.. هكدا راكي تفقدي انوثتك في عيون راجلك و الناس اللي راكي عايشة معاهم..يرجعوا يشوفوك مسترجلة..و التصرف بعدوانية مع الجميع اول حاجة راح يخلي اقرب الناس ليك يهرب منك و مايشوفش الطيبة و النية للي فيك و يقولوا من الغيرة راهي تتصرف هكداك..شفتي بعض النساء الستوتات يعملوا ارواحهم حنانات و يرطبوا بلسانهم و يقضوا صلاحهم من تحت لتحت و هوما يا لطيف الوجه انتاعهم الحقيقي لو كان يصيبوا يحرقوا الدنيا بالحسد و الظلمو المناكر... من الاحسن تكوني ودودة في معاملتك مع الناس..و اللي فالقلب فالقلب يعلم بها الله..استعيذي من الشيطان الرجيم..اقراي القران.و ادعي الله يحبب فيك خلقه.. اما حكاية السجل التجاري انتاع اخ زوجك في اسمك هاذي غريبة شوية..علاه قبلتي من الاول يحطوا على اسمك..لاقدر الله كاش مايطلعوا الضرائب عليه او تكون سلع بدون فتورة او المشاكل الاخرى المعروفة راكي انت في فم المدفع...اذا تقدري تقنعي راجلك و يقولوا مرتي راهي رايحة تبدا الخدمة ماذا بك تبدل اسم السجل التجاري على اي واحد باش تقدري تخدمي..و هذي مافيها و لا احراج... و القلبوزة لوكان كمدتيها ب500 فرنك هاديك الكبيرة وتعصبي راسك عليها هههه..هكذا كنا نعملوا بكري..سماسم اختي ماتخليش علاقتك مع زوجك تنفلت من بين يديك,لازم تكوني ذكية و تتصرفي بفطنة و تكوني فايقة مع روحك و ضحكي و العبي كي شغل ماكاين والوا.. الله يهديك يهدينا.. |
رد: تجمع الجزائريات المتأخرات في الحمل و أهلين بالتونسيات الغاليات
صباح الخير لبنات واش راكم ...يارب تكونو بخير ...شكرا على النصائح المفيدة ...انا اليوم راني احسن وصدقوني الهدرة تخلي الواحد ايولي لعقلو شوية ....ربي يهدينا ويفرج اعلينا اجمعين
صبورة صحيتي حنونة بزاف بزاف بزاف قوليلي ...واش درتي مع اختك تفاهمتو اذا صح تمدلك البيبي والا كما قلتي يمكن ادور في رايها |
رد: تجمع الجزائريات المتأخرات في الحمل و أهلين بالتونسيات الغاليات
مساء الخير الزينات واش راكم لاباس توحشتكم بزااااااااااااااااااااااااااااف واحدة واحدة ايه حق صح عيدكم والله كان مادابيا ندخل و نعيد على صحاباتي العزاز مي الله غالب كانت ماعنديش لا كونكسيون حتى جا راجلي وفات العيد باش خلصها قوتلو سيبون توحشت صحاباتي امالا من داك النهار وانا نقرا فالارشيف و ضك مازال ماخلاص حكايات وحكايات وانا نحب نقرعج اللي فيه طبيعة ماتتنح الله غالب بصح غاضني الحال بزاف كي ماسقسيتوش عليا ولا انا زايد ناقص بيناتكم هههههههههههههههه شوفو اللي راها متوحشتني صح صح من قلبها تقولي وانا رايحة نقوللها واحد لخبر ينحي الغمة من التجمع ايا
|
رد: تجمع الجزائريات المتأخرات في الحمل و أهلين بالتونسيات الغاليات
بسمة يا لحبيبة على سلاااااامتك
هههه عجبتني الي فيه طبيعة يعطيك الصحة كيفاه قدرتي تقراي الارشيف كااااااامل انا جامي درتها نموت من الفدا هه هيا انا يا سيدي توحشتك بزاف برشا ياسر خلاص بكل اللهجات فرحيني |
رد: تجمع الجزائريات المتأخرات في الحمل و أهلين بالتونسيات الغاليات
الله يحفظك عبير ويتبثلك حملك ان شاء الله ويتبث حملي انا ثاني على خاطر راني بالحمل ادعيلي تعيشي بلاك على هادوك الدعاوي تاع لبنات تاع المنتدى راني بالحمل والله غير وجهو خير عليا هاد المنتدى سجلت فيه في سبتمبر نفس الشهر اللي حملت فيه يارب ويلحقوني كااااامل لبنات يارب والله معجزة ماراهاش فالبال
|
رد: تجمع الجزائريات المتأخرات في الحمل و أهلين بالتونسيات الغاليات
اقتباس:
الحمد لله على كل حال ربي يتمملك على خير و يجعله ذرية صالحة و لعقوبة لكامل البنات يا غالية رانا تلمينا هنا على وجه ربي و ان شاء الله ربي على بالو بلي كامل نحبو بعضانا و ندعيو لبعضانا و الله ما نسيتكم من دعائي حتى كيما صمت في ذو الحجة حقا بسمة اخر دورة وقتاه راني معاك انا و حورية hwaml13hwaml13 |
رد: تجمع الجزائريات المتأخرات في الحمل و أهلين بالتونسيات الغاليات
لبنات اللي يعرفوني عارفين بلي رراجلي مايقعدش بزاف معايا يطول باه يجي وفي شهر سبتمبر سرق يومين جا فيهم وصادف سبحان الله هادوك ليومين تبويض نتاعي كنت عارفة مي نحيتها من بالي خلاص قلت نعيش ليلتي bien وصايي كان يجي يقعد يامات وماحكمتش تحكم في ليلة امالا قال ربي كن فيكون حملت فهاديك الليلة يارب العقوبة للي راه يستنى فهاديك اللحظة يارب لا تحرم احدا منها
|
رد: تجمع الجزائريات المتأخرات في الحمل و أهلين بالتونسيات الغاليات
نروح نصلي العشاء و نجي
|
رد: تجمع الجزائريات المتأخرات في الحمل و أهلين بالتونسيات الغاليات
اقتباس:
ربي يكملك بالسالم |
رد: تجمع الجزائريات المتأخرات في الحمل و أهلين بالتونسيات الغاليات
اقتباس:
|
رد: تجمع الجزائريات المتأخرات في الحمل و أهلين بالتونسيات الغاليات
حتى انا نوض نصلي لعشا الى مادخلش راجلي نجي نشوف شكون راه هنا
|
رد: تجمع الجزائريات المتأخرات في الحمل و أهلين بالتونسيات الغاليات
اقتباس:
|
رد: تجمع الجزائريات المتأخرات في الحمل و أهلين بالتونسيات الغاليات
الله يسلمك اختي نور اليقين والله راني ندعي للبنات ربي يفرحهم عن قريب يارب بصح وين راهم توحشت ديك اللمة الحلوة على حساب ماعلابالي نور اختها تكون وصلت البارح ولا اليوم سهام تكون راحت اليوم لفرنسا يارب وصلهم خير على خير وين راهي مريومة توحشتها
|
رد: تجمع الجزائريات المتأخرات في الحمل و أهلين بالتونسيات الغاليات
عبير الحرية وبسمة روجينا مبروك عليكم الحمل ربي يثبت حملكم وان شاااء الله نربحوا عليكم ونحملوا ....عقباااال كل محرووومة متمنية الحمل في القريب العاجل يااا رب....
ويين راااحوا لبنات ؟؟؟؟ نور اليقين واش احواالك ان شاااء الله راكي بخير؟؟؟ صبورة ربي يبارك عليك وعلى عقلك الرزين وكلامك الزين ...ربي يرزقنا وساعة بالك ورجاحة عقلك ... ربي يفرحك ويعطيك حتى يرضيك... سماسم ...اختي فوق كلام صبورة ما نقدر نزيد والو...ربي يرزقك البال الواسع ويفرج علينا وعليك...ما عندك غير باب ربي سبحانو تقفي عليه وطلبي من فضلو...وان شاااء الله ما يخيبش لي يشد في ربي سبحانو....لازم يكون ايمانكم قوي انت وزوجك وربي حنين كريم ...ما تخليش الشيطان يدخل بيناتكم ويغلبك ..اكثري من الاستغفار والدعاء بجوف الليل والصدقة وان شاااء الله نفرحواا كاااامل.... نور الهدى وييين رحتي يااا خالة حسونة ...هذي غيبة ..ربي يسمعنا عليك الاخبار الزينة... امة الرحمان واشش زعفتي بالصح؟؟؟...عملتي علينا القلب ...راكي عزيزة علينا وبلاصتك تفرغ بغيابك ...الله غالب كنت غايبة بايتة عند اختي ...صينو والله ما نخليك تزعفى حنونتي....ان شاااء الله تكوني بريتي من لقريب....هيا برك ارضاي علينا وطلي ....بيضي قلبك نعرفوك قلبك كبير وحنين... باربي واسما والما ومنيرة ومريومة..وحوريةواش احوالك مع الوحام؟؟؟..دورتوها سكايب خسارة عليكم تخونو العشرة...حورية انت لي تعملي فيها ..ما نغيضوكشhwaml4hwaml4hwaml4؟؟؟؟.... مدام خولة وريحانة ...وباقي لبنات طلوا وين رحتو؟؟؟ان شاااء الله لاباس عليكم الكل... |
رد: تجمع الجزائريات المتأخرات في الحمل و أهلين بالتونسيات الغاليات
اهلا بحنونتي زينة لطلت علينا اختي عزيزة ولفتك مازيديش طولي عليا
|
رد: تجمع الجزائريات المتأخرات في الحمل و أهلين بالتونسيات الغاليات
الاموموة نحبك بزاف خلتي تجمع سامط
|
رد: تجمع الجزائريات المتأخرات في الحمل و أهلين بالتونسيات الغاليات
بسمة روجينا الف الف مبروك وربي يثبتلك الحمل
|
رد: تجمع الجزائريات المتأخرات في الحمل و أهلين بالتونسيات الغاليات
الف مبروووووووووووووووووووووك بسمة ربي يثبت حملك ان شاء الله
عبير على حساب واش فهمت راكي بالحمل الف الف مبروك حبيبتي والله غير فرحتلكم العاقبة لنا جميعااا امة وشراكي ان شاء الله تكوني بريتي ماتزعفيش علينا كل واحدة وظروفها الما واش هاد الغيبة صبورة وسماسم وامومة ان شاء الله لاباس حورية وجماعة السكايب اشفاو عليها مريومة وشراكي قريب ناكلو الطمينة ان شاء الله سهام توحشنااااااك نور الهدى وين راكي؟؟ اميرة ريحانة وام انس طلو علينا باقي البنات انتن في القلب |
رد: تجمع الجزائريات المتأخرات في الحمل و أهلين بالتونسيات الغاليات
اهلا بيك اسماء كيفاش راكي انا رني في حالة وزدتني الظرسة وراسي ربي يستر
|
رد: تجمع الجزائريات المتأخرات في الحمل و أهلين بالتونسيات الغاليات
اقتباس:
ان شاااء الله تكوني ريحتي من لقريب ...وهذي قبلة من عندي ليك ...مممواااااااااااح |
رد: تجمع الجزائريات المتأخرات في الحمل و أهلين بالتونسيات الغاليات
والله غير انا ثني نحبك ونعزك وكيي ندخل و ماانلقاكش نحس ناقصتني حاجة
|
رد: تجمع الجزائريات المتأخرات في الحمل و أهلين بالتونسيات الغاليات
السلام عليكم
اهلااااااا لبنات الجو راهو الله يبارك نور و امة عاااااش من شافكم ليال و احلى شئ الامومة الله يبــــــــــــــــــــــــــــارك فيكم لعقوبة ليــــــــــــــكم و للبنات كااااااااااااامل يااااارب |
رد: تجمع الجزائريات المتأخرات في الحمل و أهلين بالتونسيات الغاليات
اهلا بيك اسما وييين راحت الجماعة دوروها سكااايب؟؟؟ وانت واش احوالك لي تدخل برك نعطيها بوسة من عندي انت وامة ..... http://forum.hwaml.com/imgcache2/hwa...824973_505.gif http://forum.hwaml.com/imgcache2/hwa...824973_824.gif http://forum.hwaml.com/imgcache2/hwa...824973_655.gif |
رد: تجمع الجزائريات المتأخرات في الحمل و أهلين بالتونسيات الغاليات
انا يحنونة عندي سمانة وانا كل يوم خارجتلي حاجة جديدة اليوم راسي وحمئ وزدتني ا لظرسة ورني مع حلوة عندي عرس نهار الاثنين درت اليوم شوية وغدوة نزيد نكمل
|
رد: تجمع الجزائريات المتأخرات في الحمل و أهلين بالتونسيات الغاليات
اهلا بيك عبير والف مبروك وربي يكملك الحمل
|
رد: تجمع الجزائريات المتأخرات في الحمل و أهلين بالتونسيات الغاليات
هذي بوسة لحورية لي حرمتنا من طلتها وعماتلنا الخرجة نتاع سكااايب....
|
رد: تجمع الجزائريات المتأخرات في الحمل و أهلين بالتونسيات الغاليات
امة الله يسلمك يا لعزيزة
ربي يبـــــــــــــــــــــــــــــارك فيك يااااااااااااارب و لعقوبة ليكم كامل ياارب و نفرح بيكم يا شطورة مازالك مع الحلاوات انا جربت قاطو الوردة الي عطيتوهولي في العيدجا يهبل الله يسلم هاذوك اليدين يارب |
رد: تجمع الجزائريات المتأخرات في الحمل و أهلين بالتونسيات الغاليات
امة اختي ربي يشافيك ويعطيك صحتك...ما تنساي تذوقيني معاك كعيبات....هههه
|
رد: تجمع الجزائريات المتأخرات في الحمل و أهلين بالتونسيات الغاليات
لبنات رحو مع سكايب ونسو تجمع
|
رد: تجمع الجزائريات المتأخرات في الحمل و أهلين بالتونسيات الغاليات
ااخوتي ماعلابليش واش صرلي انجي نبدل صفحة توليلي ا لصفحة لكنت فيها كيفاش ندير
|
رد: تجمع الجزائريات المتأخرات في الحمل و أهلين بالتونسيات الغاليات
|
رد: تجمع الجزائريات المتأخرات في الحمل و أهلين بالتونسيات الغاليات
|
رد: تجمع الجزائريات المتأخرات في الحمل و أهلين بالتونسيات الغاليات
|
رد: تجمع الجزائريات المتأخرات في الحمل و أهلين بالتونسيات الغاليات
|
رد: تجمع الجزائريات المتأخرات في الحمل و أهلين بالتونسيات الغاليات
|
رد: تجمع الجزائريات المتأخرات في الحمل و أهلين بالتونسيات الغاليات
|
| الساعة الآن 06:53 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .