|
رد: منو حامل بتوام
حبيبتي أميرة الشعر كل الشكر لك على التوضيح ...
|
رد: منو حامل بتوام
رندة أسماء الأولاد سهلة وبسرعة تلاقين ... الله يخليهم لك يارب متى بين جنس الجنين في أسبوع
وهل هذي أول حمله لك ...وانا ما سويت ربط ... وينزل مرات معاي نفس ماقلتي ميه شوي وافراز ... خاطري اجيبهم بالسلامة بس تعبانة من التدريس والوقفة ومادري شسوي والدوام عندنا لين 28 /7 بالميلادي تخيلوووووو ... |
رد: منو حامل بتوام
عسولة وينك يا قلبي وحشتيني ...
|
رد: منو حامل بتوام
اقتباس:
اه هذا اول حمل الي انشالله يارب اتجبيهم بالسلامة والله يعطيكي العافية انت في اي شهر هلا وعرفتي شو جنسهم ولا لسا |
رد: منو حامل بتوام
سلاااام كروشااات
فديتكم وخاصتا حزونه عساج ماتفقدين غالي الحمدلله انا بخير وبيبياتي بخير احس بضغط وثقل اكثر من قبل كل يوم يزيد عندي وريولي للحين تورم اوقات ,, كنت عند اهلي هالايام قلت اشبع منهم قبل مانسافر ان شاء الله واليوم كنت عند الدكتورة طمنتني عنهم كل شي تمام ووزنهم ممتااااز لعمرهم وقالت على السفر مافي مشكله بس اهم شي اتحرك بالطياره يعني اتمشى شوي والله يعين ويسهل يارب.. شخباركم كلكم؟؟ |
رد: منو حامل بتوام
شلونكم حوامل... شكراً لكم كلكم لأن رديتوا علي... كوثرية وعسولة وتوأمي فرحة عمري
أنا دخلت اليوم الشهر الرابع يعني بالأسبوع 13 وأشوف نفسي أفضل شوي حتى ما يجيني غثيان وايد من الأكل نفس قبل... ما ابي أحسد نفسي إن شاء الله دوم مو يوم أنا ما خبرت ولا أحد أني حامل بتوأم غيركم! محد يعرف إلا أنا وزوجي وحتى أمي على طول كل ما تشوفني أتوحم تقول لي أنا ما توحمت نفسج لايكون انتي حامل بتوأم وأنا أقول لها من وين التوأم لا عيلتنا فيها توائم ولا أهل زوجي عندهم توائم ولاني متعالجة لأني توني متزوجة الحمد لله صدق موضوع التوأم بالنسبة لي مفاجأة وصدفة غير متوقعة أبداً لأن ما عندنا بالوراثة والحمد لله أن مو بعلاج ودوم أجاكر أمي وأقول لها ما بخبرج بالجنس وهي تقول لي بعرف لين بتشتري أغراض لأني بكون معاج وأنا أقول لها ما بشتري إلا بيج وأبيض وألوان حيادية ودي بسرعة أعرف جنسهم موعدي عند الدكتورة بعد أسبوعين يعني بكون بالأسبوع 15 يعني في احتمال ان تخبرني عن جنسهم؟؟؟؟ وحابة اسأل... في أي الحالات يسوون ربط للرحم؟ مادري ليش الموضوع مسوي لي أرق رغم اني الحمد لله حملي سليم وما عندي نزيف ولا شي بس سمعت ان حمل التوائم يحتاج ربط |
رد: منو حامل بتوام
الربط يا نارا يسوونه باخر الشهر الثالث
اسالي الدكتورة هل تحتاجين او لا لان الربط يحمي الاجنة بعد الله من الولادة المبكرة |
رد: منو حامل بتوام
أنا نفسك يانارا حملت وانا توني متزوجه وماتوقعت التوأم لاأنا ولا زوجي
مافي بالعايله توأم أنا أول وحده أجيب توأم وما أخذت منشطات ولا أي شي عشان كذا كان الموضوع غريب بالنسبه لنا .hwaml86hwaml86 والربط مااظن ضروري انا مو مسويه والحمدلله أموري زينه بس انتي اسألي الدكتوره وتأكدي وأتوقع يقدرون يعرفون جنس الأجنه من الرابع إذا كانت أجهزتهم متقدمه |
رد: منو حامل بتوام
الدكتورة كل مرة أروح لها تقول لي كل شي نورمال اللهم الوحام والتعب والنوم بس
والحمد لله رب العالمين من عرفت اني حامل ما شفت الدورة ولا نزل علي دم ولا حتى نقطة إن شاء الله ما احتاج ربط بروحي أخاف من هالسوالف! الله يتمم لنا كلنا حملنا على خير ويقر عينا بشوفة توائمنا |
رد: منو حامل بتوام
اقتباس:
أنا محاصرة بوراثة التوائم من الجهتين عندي خالة عندها توأم وعمتين وأنا توأمي الرابع اقتباس:
الربط ما يألم ويحسس الحامل بالإطمئنان أكثر على جنينها بحيث تعرف في شيء يساعدها على حمل الجنين |
رد: منو حامل بتوام
مساء الخير كرووشات
شخباركم...؟ |
رد: منو حامل بتوام
هلا وغلا عسوووولة نورتي والله ايه جذي خلك من الكسل ...هههههههههههه
شخباركم كروشات ؟؟؟ طمنوني شلونكم ؟؟؟ هاه جهزتو شي للولادة ؟؟؟ |
رد: منو حامل بتوام
عسولة ... بتودين أدويتك معاك ...أقصد السفوف واللهوم وهالأشياء ... أنا أشوف تاخذين الأشياء اللي تنتهي في 2011 ويله اطحني وخلصي وحطيهم في علب بلاستك واكتبي عليهم ولزقيه
ووديه معاك ياقلبي ... واعجني تمر بسمنه أو بزبدة وحطي عليها حبة حمراء وحطيها في علبة وبالثلاجة وأول ماتروحين وديها معاك ...والله معاك يالغالية ... |
رد: منو حامل بتوام
نارا حبيبتي أولا مبرووووك ثانيا انا نفسك ما علمت حد الا انتم وزوجي ... والحبيب مو مصدق او مو داشه الفكرة براسه لين يجوووون ...هههههههههههههههه الله يقومنا بالسلامه يارب
ترى انا جاني نزيف في الشهر الثاني نهايته وتعبت نفسيا كثير والحمدلله على كل حال ... وماسويت ربط لان الدكتورة قالت ما تحتاجين وممكن يلتهب مكان الربط ويساعد على حدوث الولادة المبكرة والله المستعان ... |
رد: منو حامل بتوام
اقتباس:
أنا صار معي جذي في ولدي الثاني التهب الربط وولدت مبكر |
رد: منو حامل بتوام
مرحبااااااااا بنات انا متابعتكم بس من التعب احس مالي خلق حتى اكتب الله يعينا ويرزقنا باطفال سليمين معافيين بدون زيادة ولا نقصان
بنات انا مسوية طفل انابيب واليوم رحت لموعدي وقف الدكتور المثبت(تحاميل) صح اللي سواه الدكتور لان الدكتور اللي اراجع عنده مسافر فحولوني على دكتور ثاني |
رد: منو حامل بتوام
استغفر الله واتوب الية اني اني كنت من الظالمين
|
رد: منو حامل بتوام
اقتباس:
لأن الطفل يثبت في الشهر الرابع، فمن تخلصين الثلاثة شهور تبدين تدخلين مرحلة ثبات الجنين فإذا ماعندك مشاكل ثانية أو نزيف ما تحتاجين مثبتات لأن الطفل المفروض يكون ثبت |
رد: منو حامل بتوام
حزوونة
اي فديتج امي جهزتلي كل ادويتي بس ماراح اخذهم كلهم لان امي او ام ريلي على ولادتي بيجون عندي ان شاء اللهhwaml03 بس غراض البنات ملابسهم وتجهيزاتهم كلهم بناخذهم حتى سرايرهم يمكن ماابي اخليهم لانهم مال بيبيات يعني لو بنتاخر ممكن يصغرون عليهم فكله بنوديه بالشحن....ابي اشوفلهم ملابس شتويه مناك بشتريلهم لان هني مالقيت شخبار بيبياتج مابدوا يتحركون ؟؟ |
رد: منو حامل بتوام
هلا عسوووولة بيبياتي لا كسلانين ومتعبيني ... وتدرون في المدرسة الكل يقولي مشيتك مثل البطة ههههههههههه احس بثقل ...بس يجيني شد عضل في بطني يألم كثير ... الله يعين
|
رد: منو حامل بتوام
البرنسيسة هلا أختي والله أنا الدكتورة قالت استمري عليهم لين تخلصين الرابع أفضل والمثبتتات ما تأثر على الجنين أبدا .... أنا أخذ كالسيوم وحديد ... بس ماأشرب حليب ولاروووب ماحبه
بس لازم أغصب نفسي ... برنسيسة متى موعد ولادتك ..وهل عرفتي جنس البيبيات ؟؟؟ أحنا مع بعض ... متى اخر دورة لك ؟؟ |
رد: منو حامل بتوام
اقتباس:
حزن انتبهي من الشد اللي هي التقلصات ...اذا تكررت راجعي الدكتورة يمكن تصير تقلصات ولادة مبكرة لاسمح الله ... انا مع تقلصات وصارت تعطيني حبوب للتقلصات الله يحفظ لك ما في رحمك وبنات المسلمين... انتبهي حزونة من الكعب في الدوام حتى لوكان بسيط ترى هو اللي يسبب نزول |
رد: منو حامل بتوام
واااااااااو خوفتوني يعني الشد هذا علامة الولاده المبكره
أنا يجيني احيانا شد اسفل بطني ويسببلي آلام فضيعه مره جاني بعد مارجعت من السوق حسيت فيه بالسياره واحيانا يجيني لما أتقلب في النوم واحس اني بصيح من الألم الله يستــــر |
رد: منو حامل بتوام
اقتباس:
موعد ولادتي 23..10 للحين ماعرفت نوع الجنين ودي اني اعرف بس الحمد لله اهم شي صحتهم |
رد: منو حامل بتوام
أميرة الشعرشكرا للنصائح الحلوة ياعمري ...
|
رد: منو حامل بتوام
تؤامي لا تخافين بإذن الله مافيه شي ... كان يجيني مع بناتي عادي اتوقع تمدد الرحم ...
|
رد: منو حامل بتوام
برنسيسة يعني انتي في أي أسبوووع ؟؟؟؟ لانك قبلي انا موعد ولادتي 3/11 بس اكيد بجيبهم شهر 10 ... طبعا بالميلادي ... متى بتروحين تشوفين يله فرحينا خلينا نبارك لك ؟؟؟؟
|
رد: منو حامل بتوام
الله يوفقك حبيبتي ويتمم لك على خير
بس حابه اسئل اختي تبي تحمل بتؤام ومو عارفه فين تروح مين تنصحونه اي دكتور هي بالدمام تكفون الي تعرف دكتور زين ترد لا تبخل علينا |
رد: منو حامل بتوام
ترى في شيء يشبه الشد ممكن تفكرونه تقلصات ولادة
هذا يجي طبيعي والأغلب يجيهم مع كل حملة أنا جاني في حملاتي الثلاث، وهو انك تحسين بالطقل بدأ يتكور على نفسه بقوووة وتحسين بطنك صار زي الحجر، اشوية ويبدأ يفك ويصير طبيعي إذا اللي تحسون فيه هذا تراه طبيعي ولا تخافون منه، زي ما قلت الكم أنا يجيني بكل حملة وأسمع النسوان يتكلمون عنه عااادي |
رد: منو حامل بتوام
هذا هو نفسه اللي تقوله كوثريه هو اللي احس فيه ويفك من نفسه
ان شاالله يكون طبيعي مشكوره كوثريه وحزن على الرد |
رد: منو حامل بتوام
كوثرية فعلا هذا اللي يجيني شكرا على التوضيح ..
|
رد: منو حامل بتوام
أهم شيء انكم اطمنتوا hwaml7
|
رد: منو حامل بتوام
عسووولة وينك ... ؟؟؟ وحشتينا
أم البنيين العميدة وينها مالها حس وحشتينا ؟؟؟ |
رد: منو حامل بتوام
كوثريه ابسألك انتي تقولين ولادتك السابقه مبكره
طيب الجنين حطوه في الحضانه لمدة كم وكانوا يخلونك تشوفينه وترضعينه ولا لا..؟ |
رد: منو حامل بتوام
اقتباس:
صحيح ولادتي كانت مبكرة بس مش كثير يعني ولدت قبل ما أدخل التاسع بأربعة أيام بسبب نزول الماي أنا ولدت ليلة الجمعة وطلعت من المستشفى يوم الجمعة المغرب وعطوني ولدي يوم السبت الظهر، لأن كان عنده التهاب في الرئة خفيف وتعافى بسرعة الحمد لله . وخلال هالفترة اللي قضاها في الحضانة مارحت له لأني طلعت الجمعة المغرب ويوم ثاني الظهر على طول عطوني اياه . بس كان نتوووفة يا قلبي عليه، حتى أخت زوجي راحت مع زوجي يجيبونه، لما دخلت لي كانت حاطته تحت عبايتها ما حسيت أن تحت عبايتها شيء، لأن أنا بطبيعتي عيالي يجون للدنيا صغار ويكبرون بعدين . |
رد: منو حامل بتوام
مساء الخيرات ياكروشات
هذي اول مشاركه لي في المنتدى وسجلت فيه حبيت اشارككم نونه العسوله وحزن الزمان و....وكل اللي مشاركين في هالموضوع حبيتكم كثير وكل يوم افتح على سوالفكم واقراها وقلت لازم اسجل عشان اسولف معاكم انا اموت في سوالف حوامل التوأم وانتم غير بصراحه حسيتكم قريبات من بعض تقبلوني معاكم؟ |
رد: منو حامل بتوام
حياج الله أختي لمياء
في العين قبل الصفحة > على نمط في العين قبل البيت ان شاء الله تستانسين بينا، وإذا كنتي تحبين التوائم ان شاء الله تجيج العدوى بسبب قعدتج بينا ههه |
رد: منو حامل بتوام
الله يسلم عمرك حبيبتي كوثريه
وتسلم عيونك ويارب تجيني العدوى بالتوأم وابلغكم |
رد: منو حامل بتوام
تدرين اتمنى ربي يرزقني توأم مثل اللي في صورتي الرمزيه
وش رايكم فيهم ؟ |
رد: منو حامل بتوام
كرووووشات
مين اول وحده بتولد فيكم؟ |
| الساعة الآن 04:16 AM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .