|
رد: دردشة بنات مصر , دردشة حوامل مصر , تجمع بنات مصر
المهم كان معايا رقم تليفونها فكلمتها قبل الصلاة بربع ساعة قالتلى انها بتلبس بسهتتاخر علشان عقبال ما جوزها ييجى ويجيبها المسجد بيوصلو فى اول ركعة قولتلها ماشى انا التليفون معايا كلمينى اما توصلى روحنا انا ومامتى وحماتى وصلينا الفجر وبعد الفجر كلمتنى لولو وقالتلى انتى فين قولتلها انا عند باب 25 عشان الزيارة وكدة قالتلى طب انا جايالك وانا كنت واقفة عند الحمامات لان مامتى كانت راحت تجدد وضؤها
|
رد: دردشة بنات مصر , دردشة حوامل مصر , تجمع بنات مصر
جميل كملي يادينا
|
رد: دردشة بنات مصر , دردشة حوامل مصر , تجمع بنات مصر
بس انا كنت متلخبطة مش عارفة شمالى من يمينى قولتلها انا واقفة نحية اليمين وانا كنت واقفة نحية الشمال دوختها يا حبيبتى وفضلت معايا على التليفون لحد ما شافتنى وقالتلى انا جاية اهو شوفينى انا فى ايدى عربية محمد وفيها خط احمر شوفتهم وسلمت عليها فضلنا واقفين نتكلم وحكيتلها على ان ضهرى واجعنى قالتلى متخافيش وبعد كدة مامتى خر جت من الحمام سلمت عليها وقعدنا نلعب مع محمد ونبوسو سبحان الله انا شوفت ناس ماشيين عادى فى الحرم بيقفو مخصوص يبوسو ابنها ويمشو او يلعبو معاة حتى انا سالتها هو انتى تعرفيهم قالتلى لا دة انا طول ما انا ماشية الناس بتعد تلاعبو
|
رد: دردشة بنات مصر , دردشة حوامل مصر , تجمع بنات مصر
وحصل ايه بعد كده يادينا
|
رد: دردشة بنات مصر , دردشة حوامل مصر , تجمع بنات مصر
دخلنا المسجد يا رنا وقعدنا نتكلم كانت بنت متدينة خالص والله التقوى باينة من وشها وبيضة وجميلة ماشاء الله عليها وابنها ملاك صغنن قالتلى انها عاوزة تعمل عمرة فى رمضان بس جوزها مش راضى عشان الزحمة قولتلها يا علياء عمرة رمضان متتعوضش قالتلى انا بقولو كدة خلاص هقولو تانى علشان نعمل عمرة وفضلنا نتكلم لحد ما الساعة جت ستة وربع كان معادها مع جوزها فاستاذنت وسلمت علينا وقامت
|
رد: دردشة بنات مصر , دردشة حوامل مصر , تجمع بنات مصر
وتانى يوم انا سافرت كلمتنى وانا فى الطريق عشان تتطمن عليا يا حبيبتى قولتلها يا علياء احنا هنفضل اصحاب وهكلمك فى التليفون على طول عشان انا ماليش اصحاب فى مكة قالتلى طبعا دة احنا كمان جايين الخميس الجاى نعمل عمرة قولتلها كويس عشان نتقابل
|
رد: دردشة بنات مصر , دردشة حوامل مصر , تجمع بنات مصر
وبعد كدة كلمتها هنا فى المنتدى باقى الاسبوع واخر حاجة لما عملت طاقية محمد حبيبى ووريتهالها قالتى كتر خيرك بس تعبتى نفسك دة كان يوم الاربع ويوم الخميس انا كلمتها من بعد الفطار مرديتش قلقت عليها وسالت عليها البنات كتير محدش عارف عنها حاجة لحد اليوم المشئوم اللى توتة قالتلى فية
|
رد: دردشة بنات مصر , دردشة حوامل مصر , تجمع بنات مصر
ياااااااااااه
كانت خايفه من الزحمه وقالتلي قبل كده وقولتها يالولو لو هاتبقي ملبوخه بلاش وجوزها مكنش عايز ياخدها وهي زنت عليه ايه القدر ده ملهاش نصيب ياحبيبتي تعيش عمرها انتهي لحد هنا اصرت ومكنتش تعرف ان ده هايبقي اخر يوم ليها في الدنيا ربنا يغفرلك ياعلياء ويسعدك بالجنه ونعيمها يااااااااااااااااااارب |
رد: دردشة بنات مصر , دردشة حوامل مصر , تجمع بنات مصر
مامتى كانت مسافرة فى نفس اليوم دة واما عرفت الخبر مبطلناش عييط انا وهى لحد ما ركبت الطيارة والله
|
رد: دردشة بنات مصر , دردشة حوامل مصر , تجمع بنات مصر
يا رب يرحمها برحمتو الواسعة انا متاكدة باذن الله انها فى الجنة ونعيمها لانها كانت خير مثال للفتاة المتدينة
|
| الساعة الآن 11:07 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .