|
رد: تجمع حوامل (( مـــكة المكـــرمـــة ))
التونسي كويس بس مو كل الدكتورات عندك صلاح مررررره ممتاز وكمان وحده اسمها تهاني
اما عصمت لا سيئه جدا واللي تقوليها مااعرفها |
رد: تجمع حوامل (( مـــكة المكـــرمـــة ))
حب ومرح وتين يعطيكو العافية على دعواتكم .. والله يسلمكم ... وطمنوني عليكم إنتو كمان والنونات ... اقتباس:
الله يسلمك يا خوخة ... وشكرا على دعواتك ... وأكيد راح ادعيلك من كل قلبي ربي يقومك بالسلامة إنتي والبيبي .. بس اش هو تحليل مزرعة البول ؟ لا تقلقي على حركة البيبي..أنا قالت لي الدكتورة أمس إن كانت حركته 10 مرات في اليوم أو اكثر فهذا شئ طبيعي ... ومو لازم كل مرة يتحرك.. والمفروض تنبسطي عشان راح تعملي الاشعة الرباعية .. أنا نفسي اعملها بس ما أعرف مستشفيات الرياض قد كده وما اعرف فين بيعملوها هنا .. إنتي شكلك راح تعمليها في جدة صح .. لأني سمعت في مكة ماعندهم طمنينا عليكي كل مرة .. |
رد: تجمع حوامل (( مـــكة المكـــرمـــة ))
شكرا الك يا خوخة طعمة الله يجزاك الخير
طيب انا ابغا اولد طبيعي تنصحوني اروح على الرفيع مين تعرف دكتورة شاطرة في الخياطة وتصبر عليا وكل شي الله يجزيكم الخير ويرزقكم الذرية الصالحة السليمة المعافاة |
رد: تجمع حوامل (( مـــكة المكـــرمـــة ))
لالالا
تذكروني بالخياطة والله شي متعب الله يكتبلك بوحدة طيبة ولا شكر ع واجب لمسة امل وكيف حال الجميع وشكرا |
رد: تجمع حوامل (( مـــكة المكـــرمـــة ))
حبيبتي لمسة امل شكرا اسفة تاخرت عليك في الرد بس كنت تعبانة ومنومة في حراء لانه المراره التهبت عندي بشكل فظيع كنت حموت بس الحمدلله وخرجت وعندي مراجعة يوم 4-6 وبعدين يقرر الدكتوره متى العملية وحكاية ولادتي كنت الخميس عندي اهلي مافيني شي وحسيت شي خرج مني وقلت لاميوقالت هذه البداية انشالله ورحت بيتي وقلت لزوجي شكلي اولد الاسبوع هذاوكان عندي غسيل وكملته خفت اولد وماخلصت شغلي ونام زوجي وولدي وخلصت شغلي وتبت البيت ماخليت شي وحتى بخور بخرت وقلت لو احد يشم البخور مع الصبح ايش يقول وعبيت ملابسي وملابس ولدي خفت تجيني الولاده فجئه ونمت الساعة ثمانيه واما نايمه حسيت بشي خرج مني ورحت الحمام وانتم بكرامة وكانت الساعه 11 وماجاني نوم وجلست واكلت تمر وصليت الجمعة واتغدينا انا وزجي وقلتله ترى شكلي عندي ولاده ونزلت عليه مويه ودم وزوجي خايف من العملية ثاني مره وصلينا الاستخاره لاني كنت بولد في بخش بس خفت اولد عملية ويكلفونا فوق طاقتنا لانه العمليه ب12 ورحت مستوصف عشان الدكتوره تكشف علية عندي ولاده ولا لا ورحت على الصاعدي وكشفت الدكتولره وقالت الرحم اربعه فتح بس مافيني طلق وقالتي ماراح تولدين طبيعي وكتبت تقرير وقالت خذية معاك المستشفى واتنكدنت وزوجي اتنكدواهلي وامي تقولي هذه كذابة لو رحمك فتح اربعه ماتقدرين تجلسن من الطلق ورحت حراء الساعه 9 وكشفت الدكتوره وقالت لسه فتح واحدونص ودوبه الطلق خفبف وكتبتلي تنويم تحت الملاحظة وطلعت االغرفة ومعايا اختي والساعة 6 شد علي الطلق لانة الدكتوره كل شويه تجي تشوف كم فتح ودخلوني الكشك بس لوحدي لانة ممنوع احد يدخل معاك بس في جهاز تدقية يردون عليك ويجاوبنك من داخل الكشك لو احد بيطمن على اللي معاه وكانو حريم كثير بره وبعدين مو ممنوع لوتدخلي جوالك وملابس او اي شي معاك وجاتني الدكتوره الساعة7 وقالت يمكن عملية وخفت وبعدين جاني دكتور مره طيب وقال لاستني شوية واعطوني طلق صناعي وولدت الساعه 9 ونص بس كانو الدكاتره مره متعاونين وكان في طالبات تدريب حتى الخياطة ماحسيت فيها وبعدين حطوني في غرفة الانتظار والظهر جابو الغداء واتغدينا انا والبنات اللي معايا بس ماخرجنا الغرف بدري لانة كان مره زحمة ماخرجت من الكشك الا العشاء وكان ولدي في الحضانة وبالنسبة للولادة في حراء لازم يكون عندك تحويل من المستوصف انا جبتة من البحيرات اذا عندك معرفة هناك مره سهل خلي زوجك يكلم اي احد يجبلة تحويل والولاده بلاش اذا كنت سعوديه الاجانب بفلوس بس لازم التحويل ويكون عندك ملف في حراء واذا ماعندك روحي افتحي بس لازم التحويل وربي يسهلك وبشريني وادعيلي وسلامتك ياقلبي
|
رد: تجمع حوامل (( مـــكة المكـــرمـــة ))
[الله يسلمك يا خوخة ... وشكرا على دعواتك ... ابدا لاشكر على واجب ولو ماسويت شي...واحنا اخوات ومالنا غير بعض...وأكيد راح ادعيلك من كل قلبي ربي يقومك بالسلامة إنتي والبيبي .. بس اش هو تحليل مزرعة البول ؟ الله يسمع منك يارب ...تحليل مزرعة البول تحليل بول عادي اللهم انه شوي دقيق يعني يبين اذا كان عندك التهابات واش نوع البكتيريا الموجوده وعلى اساسه يعطوك العلاج المناسب..وهو ياخذ72س عشان تطلع النتيجه ان شاء الله تمام يارب.. لا تقلقي على حركة البيبي..أنا قالت لي الدكتورة أمس إن كانت حركته 10 مرات في اليوم أو اكثر فهذا شئ طبيعي ... ومو لازم كل مرة يتحرك.. تصدقي ان حركته شبه معدومه واحيانا احس بشي خفيــــــــــف زي النبض لدرجة اقول يمكن يتهيأ لي رغم انه ماكان كذا فالرابع والدكتوره تقولي تمام .. وياليت يوصل ل10 اقولك شبه معدوم يعني يادووووووووبك الله يستر بس.. والمفروض تنبسطي عشان راح تعملي الاشعة الرباعية .. أنا نفسي اعملها بس ما أعرف مستشفيات الرياض قد كده وما اعرف فين بيعملوها هنا .. إنتي شكلك راح تعمليها في جدة صح .. لأني سمعت في مكة ماعندهم اكيد هي حلوه بس انا شوي خوافه لانها تبين لاقدر اذا فيه تشوهات او شي وانا اخاف من الصدمات والمفاجات بعيد الشر لانها تعرفي ماشاء الله دقيقه جدا واكيد ياقلبي فيه فالرياض ادخلي على تجمع بنات الرياض واساليهم اكيد بيفيدوك وبالنسبه لي ايوه بسويها في جده في نفس المستشفى اللي اتابع فيه... طمنينا عليكي كل مرة .. اكيد ياقلبي مايحتاج الله ييسر حملنا ويهون علينا باطفال سليمين معافين يااااااااااااااااااااااااااااااااااارب hwaml7 [/align][/QUOTE] |
رد: تجمع حوامل (( مـــكة المكـــرمـــة ))
اقتباس:
بس ماانصحك في الرفيع ابدا لانه سمعت انهم مايستنوا عليك على طول عمليه حتى لو الرحم انفتح غير انهم سببوا جرح لاختي اثناء الولاده عندك حراء او بخش او التونسي كلهم عال العال |
رد: تجمع حوامل (( مـــكة المكـــرمـــة ))
سلااااااااااااااااااااااااااااااام
وحشتوني لمسة امل الحمدلله ع السلااااااااامه واخيرا طمنتينا عليك ومبروك على الولد ان شاءالله ربي يكتب لك الخير فيه ويسعدك بنات اعذروني مااقدر اطول كثير دعواتكم عشان معدتي ماادري وش صاير فيها بس استفرغ ومعاي غثيان والنفسيه تعبانه والحمدلله والثقل متعبني دعواتكم ربي يتمم لي على خير ويهون علي00000000 |
رد: تجمع حوامل (( مـــكة المكـــرمـــة ))
هاي حبيباتي انا من مكة طبعا ومعلمة لغة انجليزية وحامل بالشهر الثامن حملي الثالث الحمد لله واي خدمه من عيوني
|
رد: تجمع حوامل (( مـــكة المكـــرمـــة ))
طبعا اراجع عند الدكتورة احلام رشيد في مجمع العيادات الاستشارية ورهيبة مرررررره سمعتو عنها والا لا ابي تفاعل معي
|
| الساعة الآن 01:48 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .