|
رد: تجمع حوامل ليبيا
اوكي وانا بنطلع ورانا قضيه نتلاقوا حبييتي سلام
|
رد: تجمع حوامل ليبيا
السلام عليكم كيف حالكم ومبرووووووووووووك النصر والكابوس انتهى وربي خذي حق كل شهيد وكل ام بكت بحرقه علي ولدها وكل اخت نزلن دموعها دم علي وخيها ربي خذي الحق في الناس اللي انعدمت في 93 وهدمت بيوتها وحرموا اطفالهم كلمه يا بابا ربي خذي الحق في الزوجه اللي مات زوجه وتدعي وتقول ربي اجرني في مصيبتي واخلف لي خيرا منها واهو ربي اخلف علينا بالخير وخلصنا منه في لحظه انهيار لا تتوقع
والعضوه اللي اتكلمت وقالت مسلم مش انت اللي تعطيه الاسلام ومش غيرك اللي يجرده من الاسلام افعاله يوضح اسلامه وربي عالم انسان يوصي ازلامه بالقبض علي الملتحين اين ما وجدوا واني نتكلم عن تجربه خالي عنده 5 ملفات في مركز الشرطه وانحبس عارفين ليش لانه ملتحيه ومتدين والخمار حرموه علي الفتيات والنساوين اللي يلبسوه فيه والحجاب قال من عمل الشيطان والقران حرفه اخيرا وليس اخرا نهني ابطال ليبيا الاحرار والثوار مش اللي يلودوا في حياش بني وليد يخنبوا ويحرقوا هدوما مش ثوار للاسف ومبروك عليكم النصر وان شالله ليبيا الجايه احلى واريح ونطوروا وطبنا وعلمنا يولوا احسن لانه تعبنا من الانحطاط العلمي والمهني والفساد |
رد: تجمع حوامل ليبيا
ليش ماتبوش تتعرفوا اني خاطرني نتعرف عليكم
|
رد: تجمع حوامل ليبيا
اسمعوا اللي في ليبيا احكولي كيف احتفلتوا بالله عليكم احكولي
احني بالنسبه لينا في مصر مشينا شويه قدام السفاره جو مش عادي وصورت بكمرتي فيديوات لاتنسي ولا تتكرر مره تانيه وتوا ان شالله كان عرفت كيف بنزلهم في اليوتيوب |
رد: تجمع حوامل ليبيا
ميمونه كيف حالك اهو انت موجوده هنى كيف امورك تمام ان شالله
|
رد: تجمع حوامل ليبيا
اني مانخشش للمنتدي ديمه لاني مش فاضيه عندي جامعه وعندي في العشيه كورس انجليزي وبنتي لما نمشي للجامعه نحط فيها عند جليسه اطفال مغربيه والورس نرفع فيها معاي
وزوجي بسلامته حتي هوا ما يقعد قرايته هلبا لانه يقوي في اللغه عنده والسنتين اهما اجباري ياخذهم وبعدين بيطلع لامريكا ان شالله وهوا تخصصه تخدير واني نقرا سنه 3 قانون في جامعه القاهره قسم الحقوق والشريعه ونبي نتعرف عليكم وتكونوا زي خواتي |
رد: تجمع حوامل ليبيا
هلا بااختنا كبريائي غريب --
شن الجو ومبارك علينا النصر والله اكبر نتشرف بي بمعرفتك احنا هنا جو مش مطبيعي في طرابلس والله مانحكيلك انت من امتي في وصر--وقداش ليك متزوجه==وين تسكني في ليبيا==وقداش مواليدك==وامتي بتروحي== ههههههههههه قصقصه بس نبي نتعرف عليك اكتر |
رد: تجمع حوامل ليبيا
حبيبتي كبريائي انا توا مضطره نطلع نشوف الغداء ياريت تجاوبي علي اسئلتي ونتلاقوا في افرب فرصه
|
رد: تجمع حوامل ليبيا
اهلين ميمونه نتشرف بيك وبمعرفتك الطيبه
اني ورفليه منسكان بني وليد وطرابلس الاتنين هههه وومواليد 27 \5 1991 ومتزوجه من سنه ونص واني في مصر من سنه و3 شهور بنروحوا لليبيا بعون الله بعد مازوجي يكمل كورساته بنشوفوا اهلنا ان شالله وبعدها بنسافروا تاني عندي بنيه عمرها تو 7 شهور اسمها كنانه وتشرفت بمعرفتك الطيبه |
رد: تجمع حوامل ليبيا
ليش مافيش حد هنى اني نبي نهدرز عليكم لاني مستااااااااااااااااااحشه وقاعده بروحي
|
| الساعة الآن 03:15 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .