المشاركة الأصلية كتبت بواسطة وسناء (المشاركة 1455108)

الله يعطيك العافيه أختي شمعة البيت
وإن شاءالله يكون حملك سليم إن شاءالله أحد يفيدك
مشمر زري أختي الله يوقفك لك عليك بألف عافيه والله يوقفك لك بالدراسة

المشاركة الأصلية كتبت بواسطة يارحمة الله الواسعه (المشاركة 1455113)

ميرندا فرواله والله شكلك طبااخه

جنى حسين الله يسمع منك ياارب واكون حامل ولاتجيني هالدوره

وياارب انتي ووسناء تحملوا وكل وحده محرومه يااارب

هموسه توكلي على الله وروحي المدرسه ونااسه

ليلى محمد الله يباارك ليكم ياارب

مشمر زري عليكم بالعاافيه

شمعة البيت ماعليش شررر .. ان شااء الله الحوامل يفيدووش

المشاركة الأصلية كتبت بواسطة مفاهيم الخجل 2 (المشاركة 1455317)

ان شاء الله يبين ويتم حملك يااارب
اللهم صلي على محمد وآل محمد

المشاركة الأصلية كتبت بواسطة شآآآدن (المشاركة 1455470)

أممممم اني ما بان بس كان تقريبا 4 اسابيع و بعدها بكم اسبوع بين ان شاء الله ماتحتاجي عملية تنظيف روحي لدكتورة ثانيه افضل علشان تتأكدي

المشاركة الأصلية كتبت بواسطة مشمر زري (المشاركة 1455494)

شمعة البيت

عندي لش بشاره و باقول لش تجربتي بحملي الأول عشان تطمني ويارب يثبت حملش و الله يتمم لش على خير

لما حملت رحت مستشفى الزهراء الله لا يسامحهم و كان الحمل طبيعي و كل شي زين صار ليي نزيف في نفس موعد الدوره بالضبط يعني يوم الي المفروض تنزل طبعا خالتي و عمتي قالوا عاااااادي و ان النسوان الكبار يسموها زهرة حبل و اني ما صدقت قلت في قلبي يلعبوا عليي عشان يصبروني و دخلت النت و كان مكتوب ان نسوان واااااااجد تجيهم الدوره و هم حوامل و يسموه الحمل الغزلاني بس بليس لعنة الله عليه وسوس ليي ورحت هالمستشفى المعفن في البدايه قالت ليي الدكتوره عادي بس شوفي الاحداث
نوموني و عطوني ابره بغت روحي تطلع من حرارتها و من دقوني وياها دارت بي الدنيا و قلب لوني بنفسجي وصرت ارجع بدون شعور و اهلوس الى درجة اني طردت زوجي من الغرفه وهو كان ماخذ غرفه خاصه عشان ينام ويايي لأني كنت خايفه و ماعندي أم و لا أحد غيره الله لا يحرمني منه وطبعا قبل كم ساعه جت فحصت و الله دخلت ايدها كلها بغيت امووووت طلعتها مليانه دم و تقول ليي عادي مافيش شي
وتالي سوت سونار كان كل شي طبيعي بس خلصت من السونار قالت ليي الكيس فاضي مافيه جنين
قال اليها زوجي وين راح ؟؟؟؟

قالت الكيس فااضي

قلت اليها يعني طاح مع النزيف ؟؟

سكتت عني و لا كأنها تسمع

الموهم طلعت يوم ثاني وبعدها ب3 ايام بدى الوحم على اصوله لوعه و ترجيع ونوم ووقف النزيف طبعا عطتني دفاستون و تالي سوت ليي 3 سونار في اسبوع و بين الجنين و ضل يكبر و كل شي اوكي لين الاسبوع 11 ورحت و قالت بين بعدها بأسبوعين يعني في الاسبوع 13 سقطت
وقريت مواضيع وااااااااااااجد في المنتدى عن تجارب البنات لا تستعجلي اصبري لاتتسرعي واذا فاضي بينزل بوحده

ويارب تبشرينا بكل خير

المشاركة الأصلية كتبت بواسطة تود (المشاركة 1457221)

اني بااقول للمتأخرات اخواتي لاتستعجلو الرزق عندي وحدة من صديقاتي متزوجة معاي واهي مافيها شي وحالة زوجها نفس حالة زوجي لكن للأسف زوجي تابع عالادوية ولافاد وتالي قلت له يروح للعطار ابن جامع اللي بالقطيف جدام سوق السمج

الحمدلله بعد 1و10اشهر حملت واجهضت يعني بعدمااخذ الخلطة من العطار بشهر وشوي
تالي رد عالخلطة من جديد والله اكرمني بالحمل طبعآ مابنسى الأيه اللي دايم اكررها (فقلت أستغفروا......) كنت ارددها عالأقل 100مرة باليوم +سورة الحمد100مرة والتوحيد300مرة واهدي ثوابهم لأم البنين
كملت الحمل وكنت داااااااااايم تعبانة ومابنسى النزيف اللي صابني من بداية الحمل وكملت للتاسع وقالو لازم تولدي هالأيام لأن البيبي نبضة متفاوت والله العظيم ماعمري فكرت ان البيبي بيصير ليه شي تعبت بالولادة والطلق يومين وبالأخير امي جابت لي الغرشة اللي قرينا عليها 80أيه 7مرات ومن شربتها صارت ولادتي تساهيل من الرحمن الرحيم
ولدت بالسلامة ولمن نظفوة جابته لي وهو نظر لي كأنة يتنهد قلت له ماما علاوي روح لبابا حسين وجدتو وخالو واخذوة لهم وسمعت زوجي يأذن ويقيم بعدين امي جات سلمت عليي وراحت لأنها تعبت واجد لكن المنظر اللي شافوني فية المخجل اخويي وزوجي وامي غرفة الولادة مليانة دم بكل مكان كأن مجزرة صايرة هناك وبعدين جو وقالو اول البيبي لسانة فيه شي الخيط متصل وماادري ويش قلت مومشكلة المهم انة سليم طبعآ حطو لي قسطرة وجاني نزيف +صابني تمزق بالمهبل وبرضو قلت مومشكلة
جان يجيني زوجي وهو دموعة أربع اربع يقول لي ادعي لولدنا دعاء الأم مستجاب قلت ويشو فيه افكر ان زوجي يمزح طلع الكلام جد قالو ان معاه عيب خلقي داخلي مابان خلال الحمل (3مستشفيات ماببري ذمتهم ليوم الدين)مستشفى صفوى والمواساه والمانع كلهم سوو سونار وقالو كل شي سليم خلوني اجهز لولدي كل شي كنت اخاف علية من برد الشتا لأني بولد بمحرم وكان عززززززز الشتا اللعام جبنا اخويي من امريكا عشان يحظر لأول مولود بالعايلة
المهم ولدت بعدما صرخت بصوت خافت ياعلييييييييي وطلع حزة الأذان بيوم وفاه الأمام السجاد
جوني اختي وياخالتي اللي هي خالة امي ومرت عمي بنفس الوقت احسبها أم لي موبس خالة وزوجة عم وكمان بنت عمي الممرضة
قالو لزوجي منا لبكرة لوعاش الولد بنسوي له عملية قال اوكي قالو وقع على هالأوراق
ووقع وبس شافو توقيعة استعجلو بعملية سبحان الله عاش ببطني 9اشهر ويوم طلع لهالدنيا اقل من 9ساعات المهم جات خالتي تقول لي ياماما انتي بيعي ولدش للأمام السجاد اليوم وفاته توني لأول مرة بغمض عيوني غمضت إلاكأني ماده ايدي اعطي طفل رضيع لرجال كبير ومتكي على عصاه ومشى
على طول فزيـــــــــــــــــــــــــــــــت قلت لها اخذاااااااااااه ولدي موليي قالت ويشو قلت ليها الحلم جابت لي كاس ماي قالت دا دليل ان الامام قبله منش قلت بس راح به يعني ولدي راح قالت يابتي لاتقولي كدا وصحيح كلامي ثواني إلااسمع طقطقة بالجدار وصياح قلت لهم دا حسين (زوجي)قلت لهم روحو جيبوه عشان اقول لة كنت خايفة على زوجي اكثر من خوفي على نفسي كان الصبر عنواني بداك اليوم
الحمدلله راحو لزوجي وطلع الكلام صحيح جابوة لي وهو ماعرف ويش يقول لي جااخويي وجلس عالسرير توة بيتكلم قلت له مات؟؟؟؟قال أي قلت الحمدلله اللي عطاني اياه يجيب غيرة عطاني اخوي بوسة عالجبين وراح يكمل صياحة وقلت لزوجي شوفني انا اللي تعبت وقاسيت وهذاني راضية الحمدلله بس ابغى اشوفة وجابوة لي وحبيته ومسحت على راسه
ريحته كانت عند جد رهيــــــــــــــــــــــــــــــــبه من جد للأن اشمها بخشمي وكمان لمسة شعره وخدة مخملية ماشاء الله كان حجمة مايقول ان توة مولود كأنة ولد شهر اوشهرين
بعدما طلعت من المستشفى رديت بيت اهلي خالية مثلما اجهضت بشهر محرم ولدت محرم اللي بعدة بولدي ورديت خالية اليدين وهذاني اعدت الكرة تعالج زوجي بخلطة الأعشاب من العطار وماكنت ناوية احمل لكن وفاه خالتي نستني الحسبة وكنت بعد بداك الشهر مجربة مراخة تمرخ لي جسمي ورحمي بعد فترة قالو لي ترى كلنا نزلت علينا الدورة إلاانتي ولمن حللت طلعت حامل
هذاني اعيد التجربة بحذافيرها ولكن حامل ببنت مابصير أم إيليا بصير أم رايه ربنا يجيبها بالسلامة وكمان بشهر محرم

بليز اللي تقرا القصة تدعي لي اما ان ربي يقومنا بالسلامة احنا الثنتين اوياخذ من عمري ويعطيها ماابي اجرب الفقد من جديد