المشاركة الأصلية كتبت بواسطة تود (المشاركة 1457221)

اني بااقول للمتأخرات اخواتي لاتستعجلو الرزق عندي وحدة من صديقاتي متزوجة معاي واهي مافيها شي وحالة زوجها نفس حالة زوجي لكن للأسف زوجي تابع عالادوية ولافاد وتالي قلت له يروح للعطار ابن جامع اللي بالقطيف جدام سوق السمج

الحمدلله بعد 1و10اشهر حملت واجهضت يعني بعدمااخذ الخلطة من العطار بشهر وشوي
تالي رد عالخلطة من جديد والله اكرمني بالحمل طبعآ مابنسى الأيه اللي دايم اكررها (فقلت أستغفروا......) كنت ارددها عالأقل 100مرة باليوم +سورة الحمد100مرة والتوحيد300مرة واهدي ثوابهم لأم البنين
كملت الحمل وكنت داااااااااايم تعبانة ومابنسى النزيف اللي صابني من بداية الحمل وكملت للتاسع وقالو لازم تولدي هالأيام لأن البيبي نبضة متفاوت والله العظيم ماعمري فكرت ان البيبي بيصير ليه شي تعبت بالولادة والطلق يومين وبالأخير امي جابت لي الغرشة اللي قرينا عليها 80أيه 7مرات ومن شربتها صارت ولادتي تساهيل من الرحمن الرحيم
ولدت بالسلامة ولمن نظفوة جابته لي وهو نظر لي كأنة يتنهد قلت له ماما علاوي روح لبابا حسين وجدتو وخالو واخذوة لهم وسمعت زوجي يأذن ويقيم بعدين امي جات سلمت عليي وراحت لأنها تعبت واجد لكن المنظر اللي شافوني فية المخجل اخويي وزوجي وامي غرفة الولادة مليانة دم بكل مكان كأن مجزرة صايرة هناك وبعدين جو وقالو اول البيبي لسانة فيه شي الخيط متصل وماادري ويش قلت مومشكلة المهم انة سليم طبعآ حطو لي قسطرة وجاني نزيف +صابني تمزق بالمهبل وبرضو قلت مومشكلة
جان يجيني زوجي وهو دموعة أربع اربع يقول لي ادعي لولدنا دعاء الأم مستجاب قلت ويشو فيه افكر ان زوجي يمزح طلع الكلام جد قالو ان معاه عيب خلقي داخلي مابان خلال الحمل (3مستشفيات ماببري ذمتهم ليوم الدين)مستشفى صفوى والمواساه والمانع كلهم سوو سونار وقالو كل شي سليم خلوني اجهز لولدي كل شي كنت اخاف علية من برد الشتا لأني بولد بمحرم وكان عززززززز الشتا اللعام جبنا اخويي من امريكا عشان يحظر لأول مولود بالعايلة
المهم ولدت بعدما صرخت بصوت خافت ياعلييييييييي وطلع حزة الأذان بيوم وفاه الأمام السجاد
جوني اختي وياخالتي اللي هي خالة امي ومرت عمي بنفس الوقت احسبها أم لي موبس خالة وزوجة عم وكمان بنت عمي الممرضة
قالو لزوجي منا لبكرة لوعاش الولد بنسوي له عملية قال اوكي قالو وقع على هالأوراق
ووقع وبس شافو توقيعة استعجلو بعملية سبحان الله عاش ببطني 9اشهر ويوم طلع لهالدنيا اقل من 9ساعات المهم جات خالتي تقول لي ياماما انتي بيعي ولدش للأمام السجاد اليوم وفاته توني لأول مرة بغمض عيوني غمضت إلاكأني ماده ايدي اعطي طفل رضيع لرجال كبير ومتكي على عصاه ومشى
على طول فزيـــــــــــــــــــــــــــــــت قلت لها اخذاااااااااااه ولدي موليي قالت ويشو قلت ليها الحلم جابت لي كاس ماي قالت دا دليل ان الامام قبله منش قلت بس راح به يعني ولدي راح قالت يابتي لاتقولي كدا وصحيح كلامي ثواني إلااسمع طقطقة بالجدار وصياح قلت لهم دا حسين (زوجي)قلت لهم روحو جيبوه عشان اقول لة كنت خايفة على زوجي اكثر من خوفي على نفسي كان الصبر عنواني بداك اليوم
الحمدلله راحو لزوجي وطلع الكلام صحيح جابوة لي وهو ماعرف ويش يقول لي جااخويي وجلس عالسرير توة بيتكلم قلت له مات؟؟؟؟قال أي قلت الحمدلله اللي عطاني اياه يجيب غيرة عطاني اخوي بوسة عالجبين وراح يكمل صياحة وقلت لزوجي شوفني انا اللي تعبت وقاسيت وهذاني راضية الحمدلله بس ابغى اشوفة وجابوة لي وحبيته ومسحت على راسه
ريحته كانت عند جد رهيــــــــــــــــــــــــــــــــبه من جد للأن اشمها بخشمي وكمان لمسة شعره وخدة مخملية ماشاء الله كان حجمة مايقول ان توة مولود كأنة ولد شهر اوشهرين
بعدما طلعت من المستشفى رديت بيت اهلي خالية مثلما اجهضت بشهر محرم ولدت محرم اللي بعدة بولدي ورديت خالية اليدين وهذاني اعدت الكرة تعالج زوجي بخلطة الأعشاب من العطار وماكنت ناوية احمل لكن وفاه خالتي نستني الحسبة وكنت بعد بداك الشهر مجربة مراخة تمرخ لي جسمي ورحمي بعد فترة قالو لي ترى كلنا نزلت علينا الدورة إلاانتي ولمن حللت طلعت حامل
هذاني اعيد التجربة بحذافيرها ولكن حامل ببنت مابصير أم إيليا بصير أم رايه ربنا يجيبها بالسلامة وكمان بشهر محرم

بليز اللي تقرا القصة تدعي لي اما ان ربي يقومنا بالسلامة احنا الثنتين اوياخذ من عمري ويعطيها ماابي اجرب الفقد من جديد

المشاركة الأصلية كتبت بواسطة ميرندا فرولا (المشاركة 1457377)

همسه / شتهيت اكل منها حطي لي في صحن
هي بارده صح تنأكل تخيليها ايس كريم لحد ماتجي العصر
طلعي شتري لك
توها سيارة ايس كريم مرت جهتناhwaml02

تود.. الله يعوضك يارب هالمره بالحمل السليم
ونولد جميع بالسلامة مع ولادنا


فهيمه .. في محل اسمع عنه حلو حق تأجير بالقطيف
شفت مرة بت خالتي لابسه منه فستان منفوش بنفسجي كشخه
الحين سألت صديقتي عنه لحد ماترد اقولك وين بضبط