|
رد: دردشة بنات المدينه المنوره - تجمع حوامل بنات المدينه
امييييييييييييين اسوم وللجميع
سوما اخبارك ياحلوه وام اجوان واحلى ليان وجنتي والكل ويسعدلي صباحكم كلكم يارب |
رد: دردشة بنات المدينه المنوره - تجمع حوامل بنات المدينه
السلام عليكم
كيفكم بنات ؟ انا باسألكم هل ضروري تشربي شيء يحمي الطلق ويخلي الرحم يفتح؟ والله انا بكرية وخايفة مرررا اسمع دايما بالخروع بس كيف اشرب زيت والله اووووه ماينزل من حلقي؟ ايش في اشياء ثانية تشربيها تسهل الولادة بعد الله وتخلي الرحم يفتح ويحمى الطلق؟ وعندي سؤال ثاني .. هل اول ولادة بالبكرية نطلب الدكتورة انها تعمل خياطة تجميلية وتضييق ؟ ولا لا ؟ الله يسعدكم اللي تعرف تقولي |
رد: دردشة بنات المدينه المنوره - تجمع حوامل بنات المدينه
بأسألكم
مين عندها موديلات حلوة لفستان البيبي انا كل ما اشوف طقم للبيبي يكون مرررة مو حلو عادي .. وقلبت النت ادور موديل حلو فستان للبيبي مالقيت .. اشوف ناس يلبسون البيبي ماشاء الله فستان يجنن وقبعة يصير زي العروسة .. ودورت في الأسواق في المدينة مالقيت كأنها ثوب ولادي والله موحلوة.. مين تعرف وين القاها؟ الله يجزاكم الجنة |
رد: دردشة بنات المدينه المنوره - تجمع حوامل بنات المدينه
هلا والله بووح انتي كيفك ،،؟
وشو اخر اخبارك ،مع كروشتك ،،،؟ بنوته صالح هلا فيكي بالنسبه لسؤالك هل تشربي شي يحمي الطلق عادي اشربي فيه ناس تشرب بس انا الصراحه خوافه ما اقدر اشرب وزيت الخروع نصيحه مني لاتشربيه لانه يحمي الطلق بس مايفتح الرحم تخيلي عاد انتي عندك طلق والرحم مقفل انواع الالام اما السؤال الثاني خياطه تجميليه او تضييق بدري لان انتي بكريه ما تكوني محتاجتها اغلب اللي يسوها يكونو بعد الرابع واكثر اما فستان الاطفال والله ياحبيبتي انا اشتريت من باسلامه طقم استقبال لونه سكري مررره حلوو فستان النونو مطرز وعليه لؤلؤ وبقبعته وكوفلته وبكل اغراضه مرررره حلوو اما موديلات ماعندي افكار بالمررره وان شاء الله افدتك بشي الله يقومنا بالسلامه ونفرح بنوناتنا |
رد: دردشة بنات المدينه المنوره - تجمع حوامل بنات المدينه
لاتشربي شي الا بعد مايفتح الرحم
لانها هذه محرضات الحمدلله بخير ام اجوان انتي اخبارك مع التاسع وكيف الطلق بدا معاكي |
رد: دردشة بنات المدينه المنوره - تجمع حوامل بنات المدينه
مسسسسساء الخير كروشات
يسسسسسسسلمو سوما ع الرد بصراحه الين دحين ما قررت فين اولد و خايفه و كل شي ي بنات دخلت السابع ونفسيتي ممممرا تعبانه : ( |
رد: دردشة بنات المدينه المنوره - تجمع حوامل بنات المدينه
تسلمي ياسوما ع الدعوه الحلوة ربي يوفقك ويسهلك ياااااارب .. أم اجوان بكم أخدتي طقم الإستقبال لأني أمس كنت في باسلامة وأقل طقم ب١٨٠٠ بس السرير المعلق روووووعه وأرواب النفاس عندو تجنننن مرره حلوه ومريحه زوجي قلي بدري نشتري قلي ماأحب أجيب حبه حبه قال يبغى مررره وحده طقم وملابسي قلت طيب
|
رد: دردشة بنات المدينه المنوره - تجمع حوامل بنات المدينه
الله يسترك أم اجوان .. ويسعدك ويقومك يالسلامة
انا بس باسلامة مارحته .. يبغالي ان شاء الله اروح له تسلمي والله ماقصرتي الله يقومنا اجمعين بالسلامة باذن الله |
رد: دردشة بنات المدينه المنوره - تجمع حوامل بنات المدينه
مساء الخير يا قمراااااااااااااات
اخباركم انتوا والنونات؟؟ انا الحمد لله بس تدروا الشد العضلي ياويلي.. يتريقوا عليه اني بلعب كورة.. الحمد لله بس .. ام اجوان .. الله يتمملك على خير وتفرحي بشوفته.. والمهد لاحق عليه بلكن اجبلك هوه هدية هههههههههههه سوما.. الله يسهلك انتي كمان ويختارلك ربي اللي فيه الطيب .. جنتي زوجي وعيالي .. الف مبررررررررررروك ربي يجعله من الذرية الصالحة البارة ويقر عينك انتي وابوه .. بوح.. الله يسهلها عليكي وعلى كل حامل.. والله يا بنات يوم الجمعة رحت الحرم دعيت لكم كلكم ربي العالم .. واللي تروح تفتكرني وتدعيلي لا تنسوني.. الله ييسرلنااجمعين.. ان شاء الله الاسبوع الجاي موعدي عند الدكتور.. وان شاء الله يقلي النسبة ارتفعت ياااارب |
رد: دردشة بنات المدينه المنوره - تجمع حوامل بنات المدينه
كيفكم ياكروشات ان شاء الله كويسين
انا الحمدلله بخير الله يسلمكم يارب وياسوما الحمدلله انا دحين في السابع والله يسهلها من عندو يارب احلى ليان .. الله يجزاكي خير على الدعوات ويجعلها في ميزان حسناتك يارب ويسهلك ويسهلنا ولادتنا ان شاء الله .. وان شاء الله تطمني وترتفع نسبة الدم عندك يارب .. بس ياحلوة ابغى اسألك دحين ان شاء الله لما انزل المدينة ع طول اروح اراجع في المستشفى ولا اخليها الين ماادخل التامن ان شاء الله.. |
| الساعة الآن 02:33 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .