منتديات حوامل النسائية

منتديات حوامل النسائية (https://naqatube.com/index.php)
-   إستفسارات حوامل من الشهر السابع إلى الشهر التاسع (https://naqatube.com/forumdisplay.php?f=92)
-   -   دردشة بنات العراق, دردشة حوامل العراق , تجمع بنات العراق (https://naqatube.com/showthread.php?t=89441)

روح ملائكيه 05-03-2012 10:56 AM

رد: دردشة بنات العراق, دردشة حوامل العراق , تجمع بنات العراق
 
نكمل البارت ههههههههههههههههه

زين اكو مشكله احسان ماجاي من المدرسه زوجي اتصل على مدرسته وانطاهم مكان يروحله حتى يلاكينا ..ابني الحباب رايح للبيت ومناك ماخذ تاكسي رايح لغير مكان زوجي يكله يم مركزسوق الذهب هو رايح للسوق المركزي يعني شرق وغرب ههههههههههههههههههههههه زوجي حاجه السايق ودلاه بالمكان المهم اجه
قبل لا يجي احسان لازم نطبع المستمسكات ونشتري استمارات الاقامه والهويه الوطنيه راح زوجي لواحد صاحب مكتب استنساخ وطبع الاستمارات احنه بالسياره انصمطنه من الحر طلع الغاز مال المكيف خلصان واني اخاف افتح الباب مال السياره لأن المنطقه كلش شعبيه وكلها عزاب تخوف والجهال كاموا يتصارخون من الحر خابرت زوجي اجه بس نسه نص الاستمارات هههههههههههههههههههه وجبنه احسان وسوينه غاز المكيف مال السياره ورحنه اخذنه اكل من مكدونالدز واكلنه بالسياره ع السريع ورحت اني وحسوني سوينه فحص الدم هم سره وشلعان قلب والممرضين يجككون بكل مكان (عذاب)ولازم هويه صحيه ماسووها النه كالوا الا الصبح تجون وبعدها رحت سويت البصمه واخذت الصور بالهويه الوطنيه وخلصت رجعنه للبيت لكيته رأسا على عقب هههههههههههههههههههههههههههه

كل ملابس البيت بره طلعتهن الشغاله بالبلكونه وكل الفرش واللحف والمخدات ..همزين اني مشتريه فرشات ووجوه مخدات وضامتهن طلعته وفرشتهن واشتريت ديتول العادي والشخصي الاخضر (غير الي عندي) وغسل للملابس والبيت الشغاله من جهه واني من جهه وطلبات الاطفال وزوجي متت من التعب ورجليه هسه موووورمات اسم الله عليكم (الله لا يراويكم هيجي يوم) بس الحمدلله جنت ساحبه حليب لمحمد وماخذته وياي ورضعته 3 مرات هم بالسياره يعني دبرت ..

غنى2011 05-03-2012 10:57 AM

رد: دردشة بنات العراق, دردشة حوامل العراق , تجمع بنات العراق
 
صباح النور سجى
شلون صرتي مازاد مي الطفل وراح يولدوج بالسابع مو ؟

غنى2011 05-03-2012 10:59 AM

رد: دردشة بنات العراق, دردشة حوامل العراق , تجمع بنات العراق
 
ام شوق انتي مو على اساس ترجعين للعراق انتي والجهال ؟

الله يعينج ع التعب

روح ملائكيه 05-03-2012 11:00 AM

رد: دردشة بنات العراق, دردشة حوامل العراق , تجمع بنات العراق
 
شوفوا هنا شلون يسحبون الفلوس سحب

الاقامه 350 درهم يعني 100 دولار ولازم وياهه بطاقه صحيه 330 درهم +الهويه الوطنيه هم مبلغ محترم نسيته شكد
بحيث كل نفر لازم يدفع اكثر من 1000 درهم يعني 300 دولار هههههههههههههههههههه

فوفو العراقية 05-03-2012 11:00 AM

رد: دردشة بنات العراق, دردشة حوامل العراق , تجمع بنات العراق
 
صباح الخير عليكم جميعا
http://forum.hwaml.com/imgcache2/hwa...032038_622.jpg

هسة كعدت بس ماصحصحت
ماعرف هالنوم وين يروح ههههههههه

غنى2011 05-03-2012 11:02 AM

رد: دردشة بنات العراق, دردشة حوامل العراق , تجمع بنات العراق
 
صباحوو فاديه هسه بيش الساعه عدكم

روح ملائكيه 05-03-2012 11:05 AM

رد: دردشة بنات العراق, دردشة حوامل العراق , تجمع بنات العراق
 
هلو عمري غناوي

اي ارجع قبل الدوام المدرسي بأيام بس اظل ارجع للامارات بالعطل ..زوجي يظل هنا واني ويه الاطفال ارجع ابوي بنالي مشتمل بالحديقه غرفتين وصاله ومطبخ وتكرمين التواليت شرقي وغربي ..خطيه حتى مراوح وكاونتر اشتره للبيت ..تصوري باع سيارته الجديده وبنى البيت علمودي ...مع انه اني عندي بدل البيت بيتين بس زوجي وابوي مايرضون اكعد وحدي


هلو صعوبه عمري شلونج وشلونه ابنج ؟

اكلاتي جاي انزل كل فتره وصفه موجوده بمواضيعي وراح انزللكم كوكيز وجرك عراقي وفطائر وكيك وكبة بطاطا نوعين ههههههههههههه مسويه تشكيله

غنى2011 05-03-2012 11:06 AM

رد: دردشة بنات العراق, دردشة حوامل العراق , تجمع بنات العراق
 
عندي سؤال زيت الخروع وزيت اللوز ومن هاي الاشياء هوايه اقرا عنهم بالنت وصفات للشعر
وبعمري ما مشتريتهم وين الكاهم عند العطارين لو بالصيدليات لو وين

روح ملائكيه 05-03-2012 11:09 AM

رد: دردشة بنات العراق, دردشة حوامل العراق , تجمع بنات العراق
 
هلو سجاوي شلون صرتي عمري؟

يمنى ان شاء تطلعلكم الجنسيه ويرتاح بالكم يارب

فوفو هلو قلبي كافي نوم هههههههههههههههههههه

روح ملائكيه 05-03-2012 11:10 AM

رد: دردشة بنات العراق, دردشة حوامل العراق , تجمع بنات العراق
 
غنى زيت الخروع موجود بالصيدليه وحتى عند العطارين بس اخذي من الصيدليه اضبط

زيت اللوز عد العطارين موجود اكثر شي..


الساعة الآن 02:33 PM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .