|
رد: تجمع حوامل ليبيا
اختى سيدار حاضرين توة نتصل بيك فورا
|
رد: تجمع حوامل ليبيا
مافيش مشكلة كان دلع خليهم ايعوموا في العسل انت شو اخبارك
|
رد: تجمع حوامل ليبيا
يلا سلام توا
|
رد: تجمع حوامل ليبيا
السلام عليكم كيف حالكم في حد نهدرز معاه
كيف الحال وينك ياميراس مش تبي تتصل والا خايفه عالرصيد |
رد: تجمع حوامل ليبيا
انشالله لاباس علي بنتيك يا هاتو وليبيا التهاب الحلق صعب علي الصغار .. اني نسكن في غريان يا ليبيا .. ومنحكيلكش علي الجو عندنا صقع يقتل تصدقي شتينا من توه واني حوشي دور تاني صقع بزايد . .. نبي نسألكم يا نسواين وياريت تجاوبوني لاني حايره نبي ندير مانع للحمل وكل واحد يقولي حاجه معرفتش شنو هو المانع المضمون 100 في 100 لاني قبل لم استعمل اي مانع شنو رايكم في اليبره اللي يضربو فيها لاكن قالو تسبب في مضاعفات لانها متخليش في الدوه تنزل والله حايره والوقت يفوت وخايفه روحي نحمل
|
رد: تجمع حوامل ليبيا
والله ياام ردينه علاش ماتجربي اللولب هلبه ناس مشي معاهم
|
رد: تجمع حوامل ليبيا
السلام عليكم
اشتقتولى هاتو بعيد السو على رتولى الله يحفظها ليبيا الله يحفظ ناريز وبعيد السو عليها حتى انا البنات لهم اسبوع مرضى هم الاثنين وراجلى رافض انى نشيلهم لدكتور قالى ايكملو فيها مضاد حيوى وخلاص والبنات معش برو وانا مش عارفه شن اندير معايا مدرسه قالتلى على دوا زيت زيتون وزهره الزعتر بس ما خذيت الموضوع جديات فترتها وتوا استحقيت ومش متاكده من الوصفه المهم شكر خاص لميراس مشكوره حبيبتى لانك سالتى عليا انا الحمدلله بس الفتره الماضيه كنت مشغوله امتحانات وتصحيح والبناتوكلها بالنسبه لابى ووخوتى جوا ايام ورجعوا وانشاء الله خير يقين متشاقتلك واجدشن اخبار فروتى ومصر ام عويضه حبيبتى شن اخبارك سامحونى النت ضعيف ماقدرت نقرا كل الصفحات ميمونه اكيده تقولى سلمت على الكل الا انا انا حبيبتى حاولت نبعثلك الخاص بس النت ضعيف ونكلم فيك ما حصلتش حتى قالولى اندير00218 وجربت انكلمك على ليبيانا وماصار شى والله متضايقه ونبى نكلمك ومش عارفه كيف اندير تمر حنه شن اخبارك ام رودينه ديرى مانع طبيعى اذا مش حابه الصناعى وانتى مشاء الله عند وليد وبنيه يعنى اذا درتى اللولب يمشى معاك انشاء الله عيون ايه سامحونى مش عارفه شن اخباركم بس اشتقت لعيون كانت رفيقتى الوقت الماضى |
رد: تجمع حوامل ليبيا
السلام عليكم من جديد تحياتي للجميع والله نورت المنتدي كنا مشغولين عليك لاباس علي بنياتك ميمونة والله نبي نتصل لكن خلي لين انعبي تفتوفة باهية لانه رصيدهم مربى متتكلميش بيه كلمتين لين يصفر لكن انشاالله حانكلمك المهم انا مش ناسية برنامج الحلويات كل مرة عطينا حاجة قنينة انديروها ونستفيد وا منك بما انك خبيرة
|
رد: تجمع حوامل ليبيا
اتصدقوا يابنات توار الزاوية شن داروا في ورفلي شماته لحياش ماكتفوش بتكسير بس تخيلوا ماخلوش تلفزيون ولا ريسيفر وحاجة باهية المشكلة ياريتها جت هكي بس تخيلواالانات تكسير وتلويح برا الموبيليات دمار شامل وحرق وسرقة سيارات ولي ماقدروش يسرقوها ولعوا فيها النار المهم كارثة مش طبيعية والناس تغلى ومش حاتفوت على خير الناس تغلي وكلها تتوعد راح تكون عمليات انتقامية مش مفهومة والله مافي فرق بينهم وبين جماعة الكتائب واللي داروه قبلهم وشوهوا التورة بعمايلهم هادي
|
رد: تجمع حوامل ليبيا
تعرفوا حتي احياش التوار ماسلمتش منهم متال الشهيد ضو صالحين تم سرقة جميع محتويات بيته وسيارته وحرقوه وهم متباهيين بالي داروه والناس ماقدرت اديرلهم شي
|
| الساعة الآن 07:13 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .