صفحة 1169 من 1229 « الأولى < 169 669 1069 1119 1159 1167 1168 1169 1170 1171 1179 1219 > الأخيرة » عرض 40 مشاركات من هذا الموضوع لكل صفحة

الياه 12-27-2010 02:19 PM رد: تجمع حوامل التوائم   أول غرام الياه اخبارك واخبار التوينز..؟! ياوخيتي انا امووووووووت بالرمسه الاماراتيه ... ماروم عليها ... شرايك تعطيني كورس ..؟! اما فكرتك ماااااااااااااااره حلووووه ... بس خساره احس حجمهم كبير الحين ع التصوير .. يعني يادوب كل واحد لحاله .. ودي كلهم مع بعض على ان زوجي يدخل معي يشوفهم ... ويقول صاروا واضحين انهم توأم البنت تضرب الولد .. بس نا مااشوف شي يمكن عشاني منسدحه .. الزياره الجايه بخلي زوجي يصورهم للذكرى ... هلا حبوبة، شو صحتج؟ كنت مزكزمة أن شاءالله اليوم أحسن وإذا تبين تتعلمين رمستنا، حاضرين للطيبين ما طلبتي أفا عليج، من عيوني.. باخذ راحتي في الرمسة ولو مافهمتي شي بوضح لج كل إللي تبينهhwaml03 بس أحيانا" أخاف أنه الخوات ما يفهمون علي أرمس بالفصحـــىhwaml5 أنا ريلي للأسف ما يدخل وياي دوم بحكم أنه دوامه في العاصمة وما أنشوفة إلا في الويك أند ومشكورة حبيبتي على التوضيح الحمدلله ماعندي مشاكل أبد وما أولد إلا عقب ما أخلص التاسع بس الدكتورة يوم أكتشفت أني حامل بتوينز، عطتني كل هالأدوية وخوفتني بعد كله ممنوووووووع ممنوووع ممنوعhwaml4 وآخر زيارة قالت لي استمر على المثبتات لين الخامس والله كريم، وإن شاءالله الله يحفظنا والتوينز من كل شر دعوااااتج الطيبة ورود من نور إن شاءالله المشاركة الياية تكون بدون كرشةhwaml03 الله يهون طلقج ويقومج بالسلامة أنت والتوينز وتبشرينه بسلامتج سارة عسى ماشر، الله يبعد الضيق والهم عنج وبالنسبة لنبض عادي صدقيني لأنج حامل بتوأم تحسين دقات قلبج تزيد وليش ما تسألين دكتورتج وأطمنج أكثر وإن شاء الله ما عليج شر بشري شو سويتي في موعدج؟؟؟ أن شاءالله طمنتج الدكتورة على صحتج وصحة التوينز

الياه 12-27-2010 02:42 PM رد: تجمع حوامل التوائم   ماء المسك اخواتي انتم خبرتو بحملكم انا بصراحة مخبر ت ناس كثير يعني على شوي شوي ولاا بصراحة دايمن لما احمل يعرفون من الشهر الثالث او الثاني وطبعاً مش عارفين ان معاي تووم ابغاها مفاجئهhwaml03 أخبارج وأخبار التوينز اليوم؟ مثلج ما أحب أخبر أي حد هلي طبيعي أول الناس بعد ريلي أكيدhwaml53 بس اللي عندي في الدوام ما أحب أخبرهم بحملي الأول عرفوا يوم وصلت الخامس أبد ما كان مبين كرشي وحملي الثاني غيرت مكان دوامي وماشاءالله عليهم يعرفون أني حامل من عيوني، كيف ماعرف؟؟؟ وهالحمل من أول شهر كنت أحس بخمول وثقل مب طبيعي وحدة أول ماشافتني قالت أنتي حامل!!! صدمتني ماشاءالله عليهم حريم مافي شي يطوفهم إلا يعرفون حوا وعروقها وطبعا أنا في الرابع وكرشي كأني في السادس ويوم يعلقون علي أقولهم كان فيني كرش بس أبى أبعد العين عني والحمدلله الحين في أجازة مرتاحة من عيونهم بس دوامي عقب أسبوع والله يحفظنا من أعين الأنس وأنفس الجن لأنهم صدق عيونهم حاره ومايرحمون أحد كله عندهم قيل وقال الله يحفظنا ويرحمنا برحمته صح مافي أحد يعرف أني حامل بتوأم إلا ريلي ومره كنت وايد تعبانة وسرت الطوارئ الصبح وأضطريت أشل خدامتي خفت يستوي فيني شي ومحد عندي والدكتور فرحان يبشرني بأني حامل بتوأم حسيته فرحاااااانhwaml03 من الخاطر، وأنا في خاطري أسكت لا تفضحنيhwaml4 وأول ما طلع الدكتور على طول قالت: مدام أنت في أثنينhwaml4 حلفتها أنها ما تخبر حد والله يستر من عيونها ومن لسانها بعدhwaml15 ما تلاحظون ردة فعل الدكاتره كل ما يعرفون أني حامل بتوينز يصدون وهم مصدومين وفي عيونهم فرحه واستغراب hwaml96 واااايد سولفت عليكم

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .