|
رد: 【ツ】أحلى تجمع لأحلى حوامل التوائم 【ツ】 الجزء الثالث
اسماء حبيبتي شحالج
شو مسويه مع الوحم يالله هانت تحملي انا يوم تزيد ومأقدر اتحملها حتى عيالي مأطيق يكلموني فديتهم ومرات تكون خفيفه بش اكل في هالعلكه تخفف زينه الحمدلله هانت باقي لنا اسبوعين وندخل الرابع على خير وتروح اللوعه والوحام ربي يتمم لنا ياختي احساس روعه ياقلبي الله يعطيج العافيه ويتمم لج على خير حبيبتي |
رد: 【ツ】أحلى تجمع لأحلى حوامل التوائم 【ツ】 الجزء الثالث
والله كنت حاسه فيك شي سبحان الله الحمدلله ع سلامتك ياغاليه وان شاءالله مافيهم الى العافيه والله يام عائشه ودي بس انا قررت اروح نادي الشهر الجاي اغير شوي من روتيني
|
رد: 【ツ】أحلى تجمع لأحلى حوامل التوائم 【ツ】 الجزء الثالث
ام عائشه حبيبيتي نوارة التجمع الحمدلله عالسلامه وخطاج الشر انا بعد موعدي الأربعاء بس في الحكومي والله يحفظ البحرين ويهدي سرها يارب ويديم الأمن وألامان على كل الدول الإسلاميه يارب
اسماء ليش ما تاخذين حبوب اللوعه تخفف اللوعه بشكل كثير تاخذين حبه قبل النوم اسمها navidoxine انا الى الان استخدمها اذا حسيت باللوعه اللي بالتلعب معاي استغمايه بلغتكم ههههه |
رد: 【ツ】أحلى تجمع لأحلى حوامل التوائم 【ツ】 الجزء الثالث
دلوعه عبود
حبايبي الكتاكيت يحسون بالمان على ريولج فديتهم وزين تروحين نادي يالله شدي حيلج ورجعي رشيقه |
رد: 【ツ】أحلى تجمع لأحلى حوامل التوائم 【ツ】 الجزء الثالث
ريماس ياشمعة الجلاس
ياقلبي والله ياختي انا كنت اخذهن مرتين باليوم وكنت احس انهن يخففن اللوعه لكن من كثر ما خذتهن سون لي حرقه بالمعده. لكن بسألج حياتي انتي ليش بعد تلعب معاج اللوعه ياخوفي اتم لين الرابع فينا |
رد: 【ツ】أحلى تجمع لأحلى حوامل التوائم 【ツ】 الجزء الثالث
السلام عليكم ورحمة الله وبركاته
شخباركم حوامل؟ أم عائشة ألف حمد الله على سلامتك أزمة وعدت كل شيء عند رب العالمين بأجرة أهم شيء أنت وتوأمك بألف خير والدكتارة تاكدي كل شيء عملوا إلا في مصلحة لأم أولا ثم الاجنه . أم منصور وأسماء ف والله من أشوفكم تعانون من الوحم أخاف زيادة لاني توني بداي علي الوحم ويوم كنت حامل بتوأم كرهت عمري واصل وياي لي الخامس والترجيع الصباحي لين شهر التاسع الله اساعدنا ونعدي هل المرحلة . دلوعة عبودي والله زين فكرتي تروحي النادي أنا ما قدرت أر وح من خلصت اجازة الولادة 45 يوما مباشرة داومت وداومي طويل من 7 ونص لين 4 ونص وعلى ما وصل البيت تكون الساعة 5 ويبتدي الشغل الثاني ويا التوأم . أم رفا الحمد أنك بألف خير وكذالك البنات بتدأت صحتهم بتحسن ويا الله نتظر الاكشن . ريتاج يا عمري أنت بخير طمنينا عليك. عزتي أيماني طمنينا عنك وعن البنوته؟ بنات من المسؤل عن الجدول اشوف مدة طويلة ما نزلتو الجدول بس لا تنسوني. |
رد: 【ツ】أحلى تجمع لأحلى حوامل التوائم 【ツ】 الجزء الثالث
ا
الورده النرجسيه ربي يهون علينا ويتمم لنا على الخير ياقلبي ماعليه كله بأجره ربي يأجرنا على تعبنا بالنسبه للجدول مسؤلية ريتاج ربي يعودها بالسلامه عسى المانع خير يا ريتاج لكن فالكم طيب ممن ارجع من الاجازه بنزل الجدول الجديد باذن الله |
رد: 【ツ】أحلى تجمع لأحلى حوامل التوائم 【ツ】 الجزء الثالث
ام منصور هلا فيك حبيبتي بس يتعبوني وقت النوم ياينامون ع صدري او ع رجلي
انا ماودي انحف ابي اشد جسمي انا وزني 50بس الكرشه بعد الولاده ابي اشيلها الله يعين الورده النرجسيه الله يعينك والله تعب وشغل التوام احسه نادي لحاله الله يعينا بس عليهم ويصبرنا |
رد: 【ツ】أحلى تجمع لأحلى حوامل التوائم 【ツ】 الجزء الثالث
ام منصور واماني ال طاهر
مشكورين على الدعوه الحلوه الحمد لله كان موعدي تمام بس خساره مو عند دكتورتي عند دكتوره ثانيه لان دكتورتي عندها اجازه وبصراحه الدكتوره حقت اليوم احسه مو عاااارفه شي قالت لي استني اشوي انادي لك دكتور اخصائي واتصلت على والدكتور مو فاضي يجي وسوت لي هي السونار وماعرفه شي مررره شكله جديده وقالت لي تمام وبعدين قالت لي سوي تحليل سكر ورحت سويته في المختبر وشربت الجلكوز وبعد ساعه سوا لي التحليل ولسه النتجه بعد اسبوعين يعني في الموعد الجاي بس الحين وانا اتصفح في النت عن تحليل السكر مكتوب لازم اكون صائمه وانا سويته وانا فاطره عادي ولا لا والجلكوز الي شربت مضر للجنين ولا لا وكم احسن نسبه للسكر ؟ وكم احسن نسبه للهيموجلوبين؟ ام عائشه ياهلا والله بها الطله اشتقنا للتواجدك والله سلامتك ياعسل ماتشوفين شر ياااااااااارب وان شاء الله انتي و توينزتك بخير وصحه وسلامه يااااارب ومن ناحيه الحركه حتى انا مااميز بينهم والالم الي تحت الصدر في العضلات حتى انا احس فيه وصح لما اقعد كثير مرررره يالمني والله يعينا ياااااااااااااارب ويعين الجميع ويحفظ البحرين واهلها الطيبين ويديم عليكم الامن والامااااااان ياااااارب |
رد: 【ツ】أحلى تجمع لأحلى حوامل التوائم 【ツ】 الجزء الثالث
ام منصور لا الحمدلله اول ما دخلت الرابع راحت بس ساعاااااات تجئني فاخذ الحبه
|
| الساعة الآن 07:55 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .