|
رد: تجمع حوامل ليبيا
صباح الخير للجميع ميمونة والله تعرفي دخلت للمنتدي وتفاجئت بالنات معضمهم القيتهم داخلات ووقفتهن وكلامهن اتر والله نقرا في الردود ونبكي شفتى صدقيني وقفة البنات معاك مش حتلقيها فالمحيط اللي داير بيك وانا سعيدة برجعتك وعلى فكرة انا ماستفدتش من اكلاتك اللي تحكوا عنهن وانا انموت فى الحلويات ومعرفتش اخش عليهن مرة حاولت قالولي لازم اتكونى مشتركة ولا مش شنى باعى وعدين ياست ميرنا خيرك مشفرتينا ولا مانقدروش نقوموا بالواجب لاام اسيل عيب عليك حشمتينى مع ام اسيل بري امشي توا انديرلها ياحنة جغوم وخبزة فرن تحتي ونمشيلها بلاجميلك ام وسونة شن صارفيك زعما ام عويضة وام قصي خيرهم معاش خشوا
|
رد: تجمع حوامل ليبيا
اهلين ميراس
ميمونة وميرنا شكلهم مشوا لأم اسيل وخلوني نهدرز مع روحي وما قالوليش مع اني قلتلهم قولولي باش نحني الحنة السودانية لكن فاتوني ومعادش فيه وقت وأنا بلا حنة مانمشيش للنافس معناها سلمولي عليها وخلاص (أف طلعنا من عينهم العشرة دينار) |
رد: تجمع حوامل ليبيا
ميراس
تمر حنه ولاباس اعليك يا تمورة كيف حالكم ومبروك اعليك تحرير بلادك يا ميراس |
رد: تجمع حوامل ليبيا
احلى مسا لاحلى ميمونه واحلي ميرنا
واجعني خاطري منك يا ميرنا انا متاع زوز دينار نكايه فيك رح نرفع 50دينار وانتي في نفاسك في عموري رح نجي وناكل الحلو والحار ونتعشى ونحطلك زوز دينار قنينات فيهم صورة بوشفشوفه باش وليدك يخاف ويطلعلك بكاااااااااي |
رد: تجمع حوامل ليبيا
ميراااااااس امتى مروحة يا غاليه......
حوشك وليبيا مستاحشينك |
رد: تجمع حوامل ليبيا
الجو حلووووووووووو لو بلادنا حلوة زي الناس وفيها حدائق وبنيه تحتيه ومولات راني درت صغاري في كريصة وطلعت نتمشى
كله منه ومن ولاده خربوها وقعمزوا على تلها حتى تونس الفقيرة احلى مننا الف مرة احنا خلانا مستوى الصومال واحرف |
رد: تجمع حوامل ليبيا
الله ايبارك فيك الحمد لله والعقبة لسرت انشالله وتتريح ليبيا ونعيشوا فى امن وامان بالله من عندها رقم ام قصي تتصل بيها واتطمنا عليها
|
رد: تجمع حوامل ليبيا
يعطيهالك ياعيون والله احسن حاجة اديرهولها زوز دينار عليهم صورة بوشفشوفة حتى كان اصغارها ايسخفوا اتخافى عليهم يتمخللوا لكن امهم تستاهل خليهم يسهروها ويخلوا ليلتها طنبا عيون والله قلقت عالاخر وقريب نهبل لكن راجلى حطوه مسئول على شئون الليبين فى تونس في السفارة ومعاه مجموعة يتابعوا في ملف الجرحى والصابين والله كان نلقي انروح اليوم قبل غدوة انا مانحب نقعد برا من بلادي حتى نطلع فيس نقلق ونروح
|
رد: تجمع حوامل ليبيا
ربي يهنيك يا ميراس وراجلك يقدم في خدمه للوطن ربي يباركلكم ويخليلك وليداتك ويفرحك بيكم
|
رد: تجمع حوامل ليبيا
شن درتي غداك يا ميراس
|
| الساعة الآن 07:00 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .