|
رد: تجمع حوامل ليبيا
ميمونه انا ما فهمت القصة قصة منو؟؟؟؟؟؟؟
انا مصدومه قصة منو؟ |
رد: تجمع حوامل ليبيا
لاحول ولا قوة الا بالله يا اخت ميمونه والله كل شي يتحمل قله الحوش وقلة السياره وقلة الفلوس لان الرزق علي ربي اول حاجه لكن قضيه انه زير نساء او فلوسه حرام هادي هي اللي مشكله لاكن ربما تتصلح مفيش حد يحل الموضوع من غير طلاق بينك انتي وياه او حد كبير في العيله..
|
رد: تجمع حوامل ليبيا
السلام عليكم ورحمة الله وبركاته أختي ميمونة اجرك الله في مصيبتك واخلف لك خيرا منها إنتي دكرتي في قصتك انك عندما علمتي بأن ماله يخالطه الحرام طلبتي الطلاق وهنا انهنيك من كل قلبي على هدا الموقف وندكرك بقوله عليه الصلاة والسلام (من ترك شيئا لله عوضه الله بخير منه ) ضعي هدا الحديث نصب عينيك وتدكريه في كل وقت تهون عليك مصيبتك بإدن الله ربي يعوضك باللي احسن منه اللي هو الزوج التقي الصالح الدي يخاف الله عز وجل فيك وعليك بسهام الليل فإنها لا تخطيء (قيام الليل )وحاولي تلتحقي بحلقات تحفيظ القران حتى تقوي علاقتك بالله عز وجل لأنه الله وحده هو القادر على ان يصبر قلبك ويخليك تنسي كل الهموم .
أختي ميمونة الطلاق مش عيب ولا حرام إدا تأزمت الامور بين الزوجين ولست أنتي أول وحدة ولا اخر وحدة تتطلق والحمد لله مصيبتك اهون من غيرك على الاقل ما زال ما عندكش معاه اطفال واحني هني في المنتدى خواتك فضفضي وغيري جوك معانا وعيشي عمرك بكل لحظاته (في طاعة الله ) لأن كل دقيقة فوتيها في الهم والنكد راحت عليك مش حتولي ونعرف إنه صعب النسيان وتجاهل الواقع لكن بفضل الله عز وجل ثم بإصرارك وعزيمتك رح تنسي بإدن الله. وأخيرا الخيرة فيما اختاره الله كل اللي صار معاك فيه خيرة لك بإدن الله بس خلي إيمانك وثقتك بالله عز وجل أقوى من كل الظروف. |
رد: تجمع حوامل ليبيا
اهلين اختي ميمونه اجارك الله في مصيبتك واخلف لك خيرآ منها متزعليش اختي والحمدلله انك عرفتي والحمدلله انو معندكش منه عيال ان شاء الله ربي يرزقك بالاحسن منه وبعدين عرم اطلقن وعاشن حياتهن وتجوزن مره اخري مش نهايه الدنيا يعني وربي يسرلك امورك ويرزقك بلي تتمنيه
|
رد: تجمع حوامل ليبيا
الف لاباس عليك عيون
|
رد: تجمع حوامل ليبيا
بنات قولولي ينزلن عليا افرازات بيضه ومرات مايله للون الاصفر بس من غير ريحه عادي ولا لا؟؟؟؟؟؟؟؟؟؟؟
|
رد: تجمع حوامل ليبيا
الله يسلمك يا هاتو
ام روفيدة اوجزتي وانجزتي عندك حق لو كان هكي شكله حوش بوك اولى بيك ومن حقك شرعا الطلاق وماهواش عيب ولا حرام وماتندميش واعلمي ان ما اصابك لم يكن ليخطئك مقدر ومكتوب من ربي بس وينك تكلمي ردي علينا فضفضي اوخيتي ما تخافي من شي اكبر واصعب خطوة اخدتيها وخلاص وكنتي شجاعه فعلا |
رد: تجمع حوامل ليبيا
هاتو حبيبتي ما تخافيش يقولوا يلي حامل في وليد تنزل معاها افرازات انا نزلت معاي في ولدي وما كانتش مرضية لانها بلا ريحة ولا لون ولا حكة طبيعيه
|
رد: تجمع حوامل ليبيا
بنااااااااااات ياريت كل وحدة منكم تخلي اهتمامها باختنا ميمونه وتحاول ترفه عنها بالكلام واطيب خاطرها لانها اوخيتنا وحبيبتنا العسوله
انا عرفتك من كنتي عروسه وكنتي ليك شهور بس متزوجه وكنتي تعجبي فيا ورايي فيك زاد اعجابي وتقديري واحترامي |
رد: تجمع حوامل ليبيا
بنسئل عن ام قصي وين هالغيبه ليك مدة ما نورتيش التجمع
|
| الساعة الآن 03:10 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .