|
رد: تجمع حوامل ليبيا
\سلامي ليكم
تمورة قوللي ربي يعونكم اول شي تاني شي صار الدلوعة اكيد استحشتي اماليا احنا عندنا صحابنا من صبراتة من عيلة الشيباني يقين فكينا منك بالله عليك تبوك شن هاالجو هدا لالا حصلي فرصة بالله عليك هاتو وام وسونة وميراس شن اخباركم هنو |
رد: تجمع حوامل ليبيا
السلام عليكم ورحمة الله وبركاته
اهلين بالسنفورة ليبيا قلبي كيف حالك وحال الكتكوتة ناريز ان شاء الله تمام والله صدقتي استاحشت اهلي لين خلاص وهم بيهبلوا عليا وكان المقرر ان نروحوا نعيدوا معاهم لكن الله غالب ماصارش المهم قوليلي شريتوا عيدكم؟ |
رد: تجمع حوامل ليبيا
ياجماعة فيه وحدة معششة وبايتة في التجمع وعندها "هرمون القصقصة" مرتفع ومشيط ( انضني هذا سبب تأخر الحمل عندك يا ام وسونة هههههههههه ) جاوبوها وريحوها
شكله حتى موعد الدكتور اليوم تبي تفوته وتقعمز هنا ههههههه نهدرز معاك راك تزعلي |
رد: تجمع حوامل ليبيا
بالله نمشي انطيب الغداء
اليوم خاطري في كسكسي مفلفل بالدجاج واللي خاطرها تتفضل معانا الدعوة مفتوحة |
رد: تجمع حوامل ليبيا
عــدنـــــــــــــــــــــــــــــــــــــــــــــ ـا
ام وسونة مسكينة اكيد تو في المستشفى تراجي في دورها ربي يسهل عليها ام وسونة سامحيني كذبت عليك ههههههه وجاء الوقت المناسب اني نعترف ونقول الحقيقة . . . . . . . . . . . . . . . . . . . . . . . . صورة الاشعة . . . . . . . . . . . . . . . . . . . . . . . . . . . . حاااااااااااااااااارة كبدي انسحقت منها سحقة باهية قريب متت . . . تخيلوا يقوللها الدكتور مش اليوم دايرلك الاشعة وارجعيلي غدوة وتدخل تقرا كلامي هههههههه مقلب سمح معناها تسيب الاشعة ويجيبها راس اجدير ههههههه |
رد: تجمع حوامل ليبيا
ويييييييييييييييييييينكم
حتى انا بنطلع معادش داخلة شهر زي الحبوبة يقين باش تستاحشوني |
رد: تجمع حوامل ليبيا
هاتو امتى الكشف يلي يؤكد لك على جنس الجنين؟
وكان وليد شن ناوية تسميه؟ |
رد: تجمع حوامل ليبيا
السلام عليكم ورحمه الله وبركاته
كيف حالكم ان شالله تمام وكيف حال صغاركم وازواجكم يارب بخير شكرا للي سال عليا يقين ياريت نتلاقوا اني في مدينه نصر شارع محم امين الشعرواي لو تعرفيه خاصة ان نفسيتي تحت الصفر لان خوتي في بني وليد وحوش اهل زوجي فاتحين فيه جبهه الكتايب راكبه فوق الحوش لانه عالي وتضرب منه طبعا اهل زوجي كلهم في طرابلس ومخلين الحوش المتخلفين اللي خشوا للحوش فرغوا في قفال الحياش وخشوا والمشكله انه حوشنا قدام حوش اهل زوجي وخوتي فيه والله يا بناويت امس لما قالوهلي قعدت نعيط لين جني جاراتي خلالالالالاص معاش نقدر نتحمل خلي بنتي من يومين طعمتها انتفخ فخدها ولا احمر بكل قلينها لكتور قال التهاب عطاها علاج ونضنا من الصبح مشينا للمصتوصف اللي طعمناها فيه وخشيت للممرضه اللي طعمته مسحت بكرامتها الارض وقلتلها اليبره اللي ضربتيهلها مستعمله ولالا قولي احسن مانلرفع عليك قضيه قالتلي لالا والله لا بس تطعيم 6 شهور يتعب شوي المهم توا بنتي حالها باهي بعد ما هبلت عليها ميراس بالك اتكلمي في حد في بني وليد معليش طولت عليكم بس سامحووووووني لاني مضاااااااااااااااااايقه |
رد: تجمع حوامل ليبيا
صباح الفل والياسمين
كيييف حال احلي بنات في الدنيا سلم وخياتي اللي يدوروا فيا اهو اليوم سلفي طلع شوي وبيتغدي برا اااااااااااااااه بنعششلكم في التجمع هههههههههههههههههههه اني شوارعيه الفاظي ولا |
رد: تجمع حوامل ليبيا
كبريائي استهدي بالله وتعوذي من الشيطان وان شالله خير ولاباس علي بنيتك
حتي اني في مدينه نصر لكن شن مانعرفاش الشارع اهوا اول مره نسمع بيه |
| الساعة الآن 05:11 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .