|
رد: تجمع حوامل العراق واتمنى اكو احد موجود
هلو ايمان شلونج
|
رد: تجمع حوامل العراق واتمنى اكو احد موجود
هلو حبيبتي زينب ان شاءالله دكومين بالسلامه ومعرفتي بنوته لو ولد احنه اهنا بالسويد ميكولون جنسه لان تعليمات ميكولون للعرب ماخذين نضره العرب احبون بس الولد هههه بس اكو عيادات خاصه دكول بس شوي غاليه ومن ولدت اله عرفت اجتني بنيه ههههههههههه وكلشي يجي من الله حياه الله
|
رد: تجمع حوامل العراق واتمنى اكو احد موجود
تسلمين حبيبتي نور عيني والله ان شاءالله افرحج عن قريب وتفرحينه بالخبر الحلووو
|
رد: تجمع حوامل العراق واتمنى اكو احد موجود
هلو زينة شنو هالقرار الصارم بالسويد الله يساعدكم هههههه
طبعا اني هسه بالاسبوع11 يعني بعدلي اقل شي شهرين لاعرف الجنس |
رد: تجمع حوامل العراق واتمنى اكو احد موجود
ماكو احد هسه ضايجة اريد اسولف زوجي طالع وعمتي نايمة وكاعدة وحدي خخخخخخخخخخ
زينة اذا موجودة سولفيلي قصة ولادتج لان كلش احب هالقصص وصرت معروفة بالمنتدى بهالشي ههههههههههه |
رد: تجمع حوامل العراق واتمنى اكو احد موجود
ياربي تفرحين يا ايمان باسرع وكت
اني تاخرت بالحمل ونطوني كلوميد ومدري شنو لان عندي تكيس وضعف بالمبايض وظليت ابجي كلش انقهرت وبنفس الوكت رحت لابو الجوادين ع لان صارلي 11 سنه مزايرته وطلبت منه و بنفس الشهر صار عندي حمل بدون ما اخذ حتى العلاج والحمد لله الله رزقني بعلاوي ابو اذانات ههههههههههههه |
رد: تجمع حوامل العراق واتمنى اكو احد موجود
خل اسولفلج على ولادتي زنوووب
اني كلش تعبت اخر فتره ووزني صار 103 ورجليه موتني من الورم والثكل صار 19 يوم بشهري رحت للدكتوره كتلله دكتوره خلص تعبت اريد اجيب وابجي فحصتني كالت خلص الطفل نازل هواي راح انطيج تحاميل وزيت خروع هسه احط تحميله ويوميه تجيني ب6 العصر احطلج وحده اذا ماجبتي باجر ههههههه وزيت خروع خاشوكة اكل بنص كلاص عصير ب7 العصر خلتلي التحميله ورجعت البيت شربت الخروع ب11 بليل حسيت اكو شوي الم نمت وفزيت ب3 بليل عندي اسهال خفيف والم يروح ويجي ظليت ابجي من الالم من 3 لحد ال6 الفجر كعدت زوجي واني ابجججججججي هههههههه كتله اخذني لاهلي رحنه وخذتني امي وزوجي للمستشفى دخلت ب7 للمستشفى و7 وثلث للصاله ظليت اطلك والنسوان يمي يجيبن ويطلعن واني بعدني بس اني مو من النوع الاصرخ واصيح بس ابجي وهاي هيه هههههه شدولي مغذي ب9 اخر شي ب11 وثلث كلت لدكتورتي شوكت اجيب مو راح يموتني الوجع كالت راح انطيج ويه المغذي شويه منوم حتى ترتاحين ههههه حطتلياه ظلت الدنيا تفتر بيه وانجطلت اخر شي صرررررررررررررررررخت ب12 الا ثلث الظهر خذوني للغرفه مالت العمليات وولدت لولي طبعا فتح بس ماحسيت بشي من الالم والحمد لله من شفته ارتاحيت بس الحلوه صعد ضغطي اثناء الولاده صار 17 لو قايسينه قبل لا اجيب جان دخلوني قيصريه الله يسهلج زنوبه وتجيبين ننوس حليو وهاي هيه صارت سالفه ههههههههههه |
رد: تجمع حوامل العراق واتمنى اكو احد موجود
ماشالله كوكي ولادتج تعتبر من الولادات السهلة وخاصة انتي بكريه يارب يسهل عليه ويثبت حملي
بنات ادعولي بعد 10 ايام اروح للندن وطائرة 7 ساعات واني حامل بالاسبوع 12 بذاك الوقت وخليتها عالله ادعولي حبابين |
رد: تجمع حوامل العراق واتمنى اكو احد موجود
اي الحمد لله الله سهل ولادتي الله يسهلج همينه ويوصلج بالسلامه ان شاء الله
|
رد: تجمع حوامل العراق واتمنى اكو احد موجود
امين يارب ويحفظلج ابنج الحلو
كوكي من شفتي لولي بالسونار بالاشهر الاولى قبل لتعرفين جنسه كان طابك رجله وحدة عاللخي لو فاتحهن كل وحده بجهة |
| الساعة الآن 06:01 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .