|
رد: دردشة بنات فلسطين, دردشة حوامل فلسطين, تجمع بنات فلسطين
مساء الخيـ()ــر عليكـ()ـــكم الشـــــــــــــــيف سهـــــى شو عاملــ÷ـــه بوفيـــه مفتـــوح و عـــزايــــمhwaml71 و انا نايمـه هههههههههه ريتــو الف صحه و هنا على قلبـك و قلب العيلـه زكرتيني بهالاكله شو طيبه زمان ما سويتها عندي بنتي الصغيره بتموت فيها خلـــص بدي انزل صوره من شغل ايدي و انافســـك ههههه بس اانااا الحبه اللي بعملها صغيره و عندنا هون محلات عربيه و كل شي متوفر فيها و بيجي ورق دوالي من لبنان كتير طري و طيب رغم انو روق فلسطين لا يعلى عليه و كل نزله الي على القدس بستغل وجودي و بجيب معي مش اقل من 5 قناني ورق عنب مكبوس صحيح سهـى معلش عمري بدي اخد من وقتك شوي ,,,,بالنسبه اذا بدي انزل صوره في مشاركه الي انا بروح على مركز التحميل و بعمل browse و بختار الصوره و بعمل الها open و بعدين موافق على المربع و رفع و بعدين بروح على رابط الصوره المباشر و هون ما بعرف اكمل((اشرحيلي بالتفصيل شو اعمل)) و نهـــــــــــــــارك فل و ياسميـــن |
رد: دردشة بنات فلسطين, دردشة حوامل فلسطين, تجمع بنات فلسطين
صحتين وعافيه بنات انا مبارح طبخت ورق عنب كمان
كيفكم ان شاء الله تمام سما اكيد مشغولة مع البيبي بطلت تطل بالمره غموض احساس ولولو عساكم بخير جارة ما بقي شي لولادتك جهزتي كلشي ولا بعدك انا بلشت اجهز تقريبا نص لجهاز صار عندي وقبل افوت الثامن ان شاء الله بكون مكملة |
رد: دردشة بنات فلسطين, دردشة حوامل فلسطين, تجمع بنات فلسطين
اقتباس:
هلا حبيبني عيون المها كنت بستنى وجودك معنا ومانسيتي ياقلبي خبيت لك صحن مرتب وان شاء الله يعجبك من تحت يديه وحيات عنينه هههههههههه http://forum.hwaml.com/imgcache2/hwa...369616_742.jpg وريتو ريتو الف الف صحة وهنا ياعييييييييون المها اما بخصوص سؤالك رفع صورة وتنزليها بالمشاركات يعني باول انتي حكيتي انك بترفعي صورة واخر شي بظهر رابط صورة هاد رابط بتقومي بنسخ وبتيجي على مشاركة او مكان بدك تحطي فيه الصورة في مربع صغير داخله مرسوم زي جبلين صغار وشمس صغيرة بضغطي عليه وبتحطي الرابط صورة انتي نسختيها وبتعملي موافق او ok وهيك بتحملي صورة مع موضوع تبعك ممكن تعملي معاينة للمشاركة قبل ما تخلصي وتشوفي صورة زبطت ولا لس ان شاء الله تكوني فهمتي علي واذا تغلبتي ادخلي نت وكتبي طريقة ارفاق صورة بالمشاركات وبتظهر لك 1 http://forum.hwaml.com/imgcache2/hwa...369615_782.jpg 2 http://forum.hwaml.com/imgcache2/hwa...369615_317.jpg 3 http://forum.hwaml.com/imgcache2/hwa...369615_645.jpg |
رد: دردشة بنات فلسطين, دردشة حوامل فلسطين, تجمع بنات فلسطين
اقتباس:
أووووووووووووووه يلنجي يا سلام أكيد طيبين وبيشهو اممممممم وصلت الطعمة لتمي ههههههههه رح اكتبلك وصفة الشاكرية حوراء أصبعة على فكرة أمي من سوريا وجوزي فلسطيني سوري مشان هيك طلعت طبخاتي بتشبه طبخاتك انا كمان عشت بشام وعشت بالجزائر |
رد: دردشة بنات فلسطين, دردشة حوامل فلسطين, تجمع بنات فلسطين
تسلميلي يـــا اغلــ سهـــــى ــــــى :)
شــــو هالــــزوق و الكــــــرم:) دائمـــاً بتبهرينــــا بمعاملتـــــك:) و كـــــلامـــك الحلـــــــو:) *********************** يسلموا ايديكي عالشرح حبيبتي ان شاء الله راح احاول متل ما شرحتي ,,ليلتـــــك سعيــــده و هاديــــــه |
رد: دردشة بنات فلسطين, دردشة حوامل فلسطين, تجمع بنات فلسطين
اليوم رح نزل طبختين طيبين كرمال عيون سهى ولاكلو صبايا تفضلو رح نزل الوصفة من كتاب اسمه الف باء الطبخ شريت الكتاب من سوق الحمدية بما اني ماكنت بعرف اطبخ بلمرة اجاني هالكتاب مسعف اولا : شاكرية و رز (لبن إمه ) نص كيلو بصل يعني حبات صغيرة نص كيلو لحم موزات أو لحمة بعضم (لحمة خروف طبعا) كيلو ونص لبن (يعني سطل ونص هههههه متل مبنشتريه بشام من دكانة أبوشحادة ههههههههههههه) 1 بيضة 2 ملعقة نشا 6حبات توم طريقة التحضير يا سهى كل بصلة بتقسميها على اتنين وبتئلبي البصل وموزات اللحمة على النار هادية بسمنة بس انتبهي ما يحمر البصل وبعدين بضيف المي وبتتركيهم ينسلقو وبتحطي ملح وبهارات بس لاتكتري بهارات لانه ما بدنا اللبن يكون غامق يعني دوب نتفة بهارات وبتسلقي اللحمات لبين ميستو بهدا الوقت بتاخدي اللبنات وبتحطيهم بطنجرة وبتفئسي فوقون البيضة وبتحطيه معلقتين النشاء وبتحركيهم منيح بالخفاقة ليتجانسو مع بعض وبتحطي الطنجرة فوق النار وبضلي تحركي باللبن ليغلي لاتوقفي تحريك ابدا لحتى ما ينلدع اللبن لما يغلي اللبن بتسيري تشيلي اللحمة والبصل المسلوق وبتحطيه بئلب اللبن وبتسير بالكبجاية تاخدي من المرقة واديري بئلب اللبن لتحسي انه لاتقيل ولا خفيف اللبن وامسكي الطنجرة من ايديها وهزها بشكل دائري ليتجانس الكل او حركي بالكبجاية على جنب بتجيبي مقلاية صغيرة وبتحطيي فيها معلقة سمنة وبتئدحي عليها التوم بتئلبي سوا ليشئر التوم شئار خفيف وبديريه فوق اللبن وبتحركي اللبنات وبتخليهم يغلو شي دقيقتين تلاتة وبدوئي الملح وبتعدليه حسب رغبتك تعي لهون لاتنسي تعملي رز بشعرية جنبو هههههههههههه hwaml02hwaml02hwaml02hwaml02hwaml02hwaml02hwaml02 الطبخة التانية يا سهى hwaml7 حراء أصبعه 1كاسة عدس حب 5 بصلات 2 باقتين كزبرة خضرا رأس توم مدقوق 1\2 نص كاسة عصير حامض 1 ملعقة صغيرة من رب الرمان 1 رغيف خبز محمص مقطع مربعات(متل خبز الفتوش) كاسة وربع زيت نباتي طريقة التحضير بتنئي العدس منيح وبضيفيلو 6كاسات مي وبتخليهم على نار حتى يغلو اول ميبدأ يغلي بتخففي النار وبتتركيه 20دقيقة او لحتى يستو العدسات بتقطعي البصل جناحات رفيعةوبمقلاية بتقليبهم مع زيت حتى يحمر لون شوي وبتصفيه بتفرمي الكزبرة الخضرا فرم ناعم بتغسليها وبتفيها وبعدها بتجيبي التوم وبتخلطيه مع الكزبرة وبتقلبيهم بمقلاية فيها زيت لحتى تدبل الكزبرة بتماحي وبتبهري العدس وبتحطي نصف كمية الكزبرة ونص كمية البصل الي قلينا من شوي مع عصير رب الرمان وبتحطيه المزيج عنار مده 10دقائق بتجيب رغيف الخبز وبتقطعيه مربعات وبتقليه على نار قوية ليحمر وبتصفيه هلأ بتجيبي صحن او زبدية كبيرة بتحطيه فيه نص كمية الخبز وبتحطي فوقه العدس وبتزينيه ببقية الكزية المقلية والبصل المقلي وبتزيد فوقه باقي الخبزات وبتقدميه سخن وبتقوليلهم طبخنا ونفخنا ههههههههه |
رد: دردشة بنات فلسطين, دردشة حوامل فلسطين, تجمع بنات فلسطين
http://forum.hwaml.com/imgcache2/hwa...378454_955.gif
يســـــــلموا سهــــــــى حبيبة قلبــــــــــي~ما فهمت كتير على شرحك بس بالصدفه روحت على المنتدى العام و كان هناك موضوع مثبت بالصور طريقة اضافة صوره الى المشاركه (غلبتك معاي) |
رد: دردشة بنات فلسطين, دردشة حوامل فلسطين, تجمع بنات فلسطين
يااااااااااااااااااااا سلااااااااااام عليكم يا حلوين والله شاطرين ومعدلين حواء بتصدقي قاتل حالي اجهز ولحد هلا ما شريت شي جديد للبيبي لاني جدا انشغلت والله بس اليوم وانا مروحه من الشغل اشتريت لبسه ليزن ولبسه للبيبي بس من عمر 3-6 يعني مو نيو بابي -وبلوزة لزوجي -واكرمكم الله 3 لباسات اللي ههههههههههههه طلعو بــ500 شيكل عندي حاليا ملابس يزن وهو بابي خليت لمنيح وزعت الباقي بس لازم جهز اشياء جديده بس شي بسيط لانه جهاز يزن كان كتير وفي اشياء مش ملبوسه اهم الاشياء الناقصة عندي كوفلية وربتطها ومفرش السرير وحرام تقيل وكم غيار للطلعة انا بحب الافرهول -التبان- مريح للبيبي وبجامات اما داخلي عندي كتير وبدي اشتري شنطة بيبي للاواعي بس هيك ورح اشتريلي كم بجاما لانه بعد الولادة ما بترتاحي غير فيهم |
رد: دردشة بنات فلسطين, دردشة حوامل فلسطين, تجمع بنات فلسطين
مساء الخير ..
انا بدخل على هالتجمع اول مره ,. انبسطت بالطبخات وبحديث بنات بلدي ,. ربي يحميكم كلكم ويقومكم بالسلامه يا رب |
رد: دردشة بنات فلسطين, دردشة حوامل فلسطين, تجمع بنات فلسطين
اقتباس:
|
| الساعة الآن 06:15 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .