|
رد: تجمع امهات التوام حياكم
ماشالله لا قوة الا بالله ام ريناد والابتسامة الصادقة الله يكون بالعون احنا توام وحييييييييييل تعبانين سولفولنا عن طريقتكم مع توائمكم وكيف تتعاملون معاهم ومنو يساعدكم .
سوسو .حيااااااااااااااااااااااتي وينك لك فقدة مو طبيعية والله استانس اذا شفت بنات صفي :) زورونا كل اسبوع مرة ولا تنسونا بالمرة :) شلون الحلوين الله يحفظهم من كل شر وبالنسبة لنوم عيالك طبيعي الحمدلله لا تحاتين نومتهم ...بسالك عن بنت ليش سويتيلها تحليل غدة شنو لاحظتي عليها ؟؟؟؟ الله يخليها لك . |
رد: تجمع امهات التوام حياكم
بنات بسالك في فحص لعمر الطفل بالشهر التاسع في احد سواه مثل ماتعرفون لانه عيالنا توائم ومحتاجين متابعة باستمرار .؟؟؟؟؟
انا ودي اوديهم لدكتورتهم تفحص وتشيك عليهم وتلاحظ تطورهم وتشوف تحاليلهم ناقصهم شي لاسمح الله الواحد لازم يلحق من البداية لانه سن بناتي الحين سن تسنين ومشي وحبي فهم محتاجين فيتامينات .... انا بديت ادخل صفار البيض لبناتي عشان فيتامين د وبعد فترة راح ادخل كبدة الدجاج عشان فيتامين د ... ياااااااااااااااااابنات انا فاقدة سارة وينها وغروووووووومة وبروفكشن صج البنات اختفوا الله يحفظ عيالنا |
رد: تجمع امهات التوام حياكم
هلاا ام الغلااا
ان شا الله مافيهم شي بس علشان ترتاحين وديهم وافحصيهم وربي يحفظهم |
رد: تجمع امهات التوام حياكم
تسلمين يازود الغلا والله انك حبوبه
الله يخليلك بناتك وعيالك كلهم شوفي بنتي صار لها ايام كسوله تنوم كثير زي ماقلت لك والرضاعه ماترضع لاصاحيه ولا نايمه تأكل اكل خفيف و كل شوي يطلع الاكل من فمها مثل ماكنت صغيره لما ترضع ويطلع حليب شوي بنتي يطلع كثير لما تحبي او اشيلها شوي يطلع علي وهي يدوب ماكله ملعقة اكل كبيره فقط يعني مايبقى من هالملعقه شي وزنها زي ماهو من تطعيمة الشهر السادس مازاد ولا شي قالت الدكتوره لازم نحللها تحليل الغده والحمد لله طلع عندها على خفيف عطتني لها دواء وفيتامينات وقالت نراقب وزنها بعد اسبوعين الله يعين بالنسبه لفحصهم للشهر التاسع عندهم تطعيمه لما اروح اطعمهم اسألهم لما تروحين للتطعيمه اسألي الدكتور |
رد: تجمع امهات التوام حياكم
ريناد .....الابتسامه الصادقه
الله يخليهم لكم ويعينكم على تربيتهم والعنايه فيهم |
رد: تجمع امهات التوام حياكم
ما شاء الله تبارك الله ام ريناد والابتسامة الصادقة ربي يخليهم لكم ويعينكم.. قولولنا برنامجكم معاهم ومتى ولدتوا باي شهر واي كثر تموا بلحاضنة؟؟
زود الغلا.. انا وديت بناتي فحص تسع شهور اخذوا منهم عينة دم وشيكوا قوته وبعدين الدكتور فحصهم وسالني اذا يقولون بابا او دادا او اذا يسوون باي والحمد لله كل شي كان سليم وطبيعي سوسو ما شاء الله بنتك وايد مبكر حبت انا بناتي ثنتينهم حبوا في تسع شهور ونص بنتك يمكن بتسنن اشتري لها جل خاص للثة يباع في الصيدليات خاص للاطفال عشان التسنين حطيه قبل الرضعة عشان يخدر لها المنطقة وتقدر تشرب |
رد: تجمع امهات التوام حياكم
شموسة .... حبيبتي ماتقصرين الله يخليلك عيالك .
نارا ...سوسو ....الله يحفظلكم عيالكم ويحميهم يااااااااااااارب ويخليهم لكم وتطمن قلوبكم عليهم ...انا باكر بروح حق دكتورتهم وبتشيك على كل شي لانه امي واختي مخوفيني يقولون بناتك ضعفانات حيييل ومادري من شنو الله يطمن قلبي عليهم . سوسو ...حنا بالكويت ماعندنا تطعيم الشهر التاسع ...عقب السادس في تطعيم سنة ... حق شنو الشهر التاسع ؟؟؟ سوسو ...نارا .... عيالكم سننوا طلعلهم اسنان والا بعد ؟؟؟وكم اوزان عيالكم ..طمنوني .. |
رد: تجمع امهات التوام حياكم
السلام عليكم ومبارك عليكم ماتبقي من الشهر
شلونك زود الغلا انا من بنات صفك القدامي. المحاربين القدامي. تذكرتيني !! الله ياحلو ذيك الايام. ايام الحمل والانتظار. بنات انا توامي اعمارهم 9 شهور. ياناس للحين ماتعدل نومهم. ذبحوني. البنت لها طبع مختلف عن الولد واوقاتهم بالنوم موحده. والله من ولدتهم يمكن اكثر من مربيات ولا وحده قعدت عندي. مع انهم هاديين بالاوقات العاديه. بس احس حايشهم ارق في الليل. نومهم خفيف جدا. انا راح اداوم بعد العيد وماعندي اجازه والله حاسه بالرعب. شنو اسوي. |
رد: تجمع امهات التوام حياكم
الحياة حلوة يااااااااااااهلا وغلااااااااااااااا لاماننسى بنات صفنا شلونك مع الحلويين وانا نفس معاناتك بالنوم مو منتظم اسمعي السالفة .
يااااااااابنات وديت بناتي اليوم لدكتورتهم تخيلوا من شهرين لي الحين مازاد وزنهم الا 100 غرام حدة ضاااااااااق خلقي واكتئبت وبناتي نومهم مو منتظم قالتلي لازم ينامون زين واذا ناموا لالالالالالالاتعطين بنص النوم حليب بس عطيهم ماي واول مايصحون عطيهم فطورهم وبعدها عطيهم حليب وبعده غدا وبعدها حليب وبعدها عشا وبعدة حليب والنوم يسمن الجاهل ويطوله وبناتي المفروض اطول وضاق خلقي حييييييييييل وانا بناتي مجننيني مايشربون حليب قالتلي لازم باليوم بالقليل 8 مكاييل حليب يايشربونهم او اخلطهم مع الاكل المهم كل وحدة لازم 8 مكاييل كبار باليوم وماسوت تحاليل تقولي خليهم على عمر سنة ...وعطتني فيتامينات وموعد بعد اسبوعين والله يستر . |
رد: تجمع امهات التوام حياكم
امهات التوائم
اخباركم جميعا ان شاء الله بخير انتوا و البيبيهات بنات دلوني متي البيبي ينتبه للصوت بناتي للحين ما ينتبهوا للصوت احاول اكلمهم من غير ما اكون امامهم ما يهتموش ولا يلتفتوا ممكن تعرفوني متي توائمكم انتبهوا للصوت لاني بجد خايفة وقلقانة |
| الساعة الآن 07:48 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .