|
رد: دردشة بنات فلسطين, دردشة حوامل فلسطين, تجمع بنات فلسطين
البرياني على طريقة الشيف حماتي ^_^
1- نضع في طنجره 3 بصلات مقطعات ناعم مع راس توم مطحون .. نقلبه شوية بعدين بنضيف بندورة بعدد 6 حبات طبعا كمان مقطعه ناعم ممكن تشيلي قشرها وممكن لأ زي ماتحبي حماتي مابتشيل القشر يبقى على النار يتقلب لحد ماتدوب البندورة 2- الدجاج طبعا مقطع وفي طنجره تانيه ينطبخ متل مابتعمليه يكون ماخد البهارات وكل شي بس نضع في الميه تبعتو فص ثوم حب و3 عودان قرفه وحب هان وورق غار وقرنفل .. لحد مايستوي 3- الدجاج استوي نطلعوا ونحطوا فوق البندورة يلي بالطنجره ونقلبو عشان ياخد نكهة البندورة 4- نصفي مرقة الدجاج عشان نطبخ فيها الرز بدل الميه العاديه ... ونحط على المرقه بهارات البرياني مع اضافه الملح اذا احتاج الامر لأن ممكن المرقه تكون مش محتاجه ملح ولا شي ... 5- لما يسير الرز نصف استوى نحطوا فوق الدجاج والبندورة لحد ماتنشف ميتو ... بتكون الاكله جهزت .. وصحتين وهنا .. ملاحظه : الكميه هادي على كيس رز بسمتي .. وحماتي احيانا تضيف رشة صغيره من الصبغه عشان تعطي الرز لون ممكن لأ زي ماتحبي ... البهارات اسمها شان بالانجليزي هيا الاصليه ... اذا حسيتي البندورة زلت ميه كتير لاتكتري ميه على الرز عشان مايخبص معك لانو حيشرب ميه البندورة كمان |
رد: دردشة بنات فلسطين, دردشة حوامل فلسطين, تجمع بنات فلسطين
بدي اروح اتمشى انا ورمت اخي بالشارع الأول ... واجيكم بس تيجي الكهربا ,,, ان شاالله الاقي حد اتونس بيه بالليل مش تكونوا نايمين ^_^
|
رد: دردشة بنات فلسطين, دردشة حوامل فلسطين, تجمع بنات فلسطين
احساس خديني معك
والله نفسي اطلع |
رد: دردشة بنات فلسطين, دردشة حوامل فلسطين, تجمع بنات فلسطين
الله يسعدكم صببايا انشالله كلكم تكونو اليوم بخيررررررررررررر
صبااااايا عندي اقتراح ما بعرف ازا رؤاح يعجبكم شو رايكم نخصص كل يوم نتناقش بموضوع يعني كل يوم نتناقش بشي موضوع بفيدنا يعني عن حياتنا كلها و كل وحده تحكي رأيها منوه بنستفيد ومنوه بنعمل شي خاص بالصفحه هون حابه اشوف شو رأيكم وشو حابين ازا كنتو موافئين انوه ب اي موضوع نبلش نقاش بتمنى الائي اجوبه وشكرا الكم كلكم |
رد: دردشة بنات فلسطين, دردشة حوامل فلسطين, تجمع بنات فلسطين
و الله شي حلو حبيبتي
بس يمكن الدردشة عشوائي أحسن لأنه ما بيكونوا كل الصبايا متواجدين بنفس الوئت |
رد: دردشة بنات فلسطين, دردشة حوامل فلسطين, تجمع بنات فلسطين
اشكركم بنات من كل قلبي ويشهد الله اني حبيتكم
عيون المها الوكالة صحيح قوية بس المشكلة انه عدد الطلاب في الصف كتيير اما دار الارقم فالعدداقل بس المشكلة انه الناس بيقولو انهم نفس المستوى في التدريس فعشان هيك انا محتارة كتيير هبة اشكرك عالرد مزبوط كلامك انه بيعملو غسيل مخ بس بتعرفي الإشي الوحيد إلي بخليني أفكر فيها انها بيئة دينية يعني المعلمات منقبات وما في تبرج مش عارفة برده شي بحير احساس انثى اشكرك عالرد وبدي اسألك اذا انتي مو من غزة كيف المدارس الخاصة عندكو يعني كم عدد الطلاب في الفصل كيف نظام التدريس غلبتك انا معلش بس والله يا بنات محتارين المدارس عدها بدت واحنا مش مقررين ارجو سماع المزيد من الاراء |
رد: دردشة بنات فلسطين, دردشة حوامل فلسطين, تجمع بنات فلسطين
بنات غزة وين ساكنين انا في الرمال وانتو
|
رد: دردشة بنات فلسطين, دردشة حوامل فلسطين, تجمع بنات فلسطين
غزاوية وانا بالرمال كمان
|
رد: دردشة بنات فلسطين, دردشة حوامل فلسطين, تجمع بنات فلسطين
وين بالرمال انا شارع الوحدة
|
رد: دردشة بنات فلسطين, دردشة حوامل فلسطين, تجمع بنات فلسطين
غزاوية
انت بتطلعي هيك بس والله الولاد بسير عندهم كبت من كتر الدين انا شفت كزا ولد من هالمدرسة عنجد انا ضدها و بشدة ممكن لو تفكري بمدرسة النصر منيحة انو المعلمات مناح ومافيها زي دير اللاتين او العائلة المقدسة او الراهبات الوردية يعني في حلول وسط ممكن تناسبك انت كمان اسآلي اللي حواليكي .. انا بصراحة مش لاجئة فما جربت مدارس الوكالة بس سمعت تعليمها قوي بس بالصف بكونو 50 طالب والله هيك كتير ببقى نظام تجهيل مش تعليم |
رد: دردشة بنات فلسطين, دردشة حوامل فلسطين, تجمع بنات فلسطين
هبه في حد حواليكي درس اولاده بمدرسة دار الارقم يعني انا بصراحة مش شايفة فيها اشي مميز الا انه بيئتها دينية وبدي بنتي تتعود عهيك شو رأيك
|
رد: دردشة بنات فلسطين, دردشة حوامل فلسطين, تجمع بنات فلسطين
انا عند السرايا
|
رد: دردشة بنات فلسطين, دردشة حوامل فلسطين, تجمع بنات فلسطين
اه ابن عمي و كمان كم حدا من قرايبي
|
رد: دردشة بنات فلسطين, دردشة حوامل فلسطين, تجمع بنات فلسطين
البيئة الدينية صدقيني لو البنت ما اتعودت عليها بالبيت مش حتكتسبها صح من برا
كمن البنت ممكن تسيطري علها اكتر من الولد , وانت ما توتري الموضوع اكتر من الازم |
رد: دردشة بنات فلسطين, دردشة حوامل فلسطين, تجمع بنات فلسطين
هلا والله هبوش مدرسة النصر مختلطة مدرسة الوحدة مختلطة ومدارس الوكالة مليانة وبيعقدو الطالب شفتي ليش فكرنا بدار الارقم الله ربنا يعيينا والله شي بيحير في ايام الروضة دوخت وانا بدور عروضة وبالاخر حطيتها في روضة البراعم الطيبة والحمد لله طلعت كتير قوية وممتازة وهلأ اجا دور المدارس
|
رد: دردشة بنات فلسطين, دردشة حوامل فلسطين, تجمع بنات فلسطين
احكيلك شغلة بردو مش صح انو نعزل البنت وما تتعامل مع الاولاد بالمرة بالعكس انا بشوف انها تتعلم كيف تتعامل معهم باحترام حتى لو صار معها اي اشي بعد هيك لا سمح الله تقدر تتصرف من الموقف
تنسيش انو انت اللي بتقوي شخصية بنتك وبتخليها تتصرف صح وين ما كانت تكون |
رد: دردشة بنات فلسطين, دردشة حوامل فلسطين, تجمع بنات فلسطين
لااااااااااااا يعني انتي ممكن تحطي بنتك في مدرسة مختلطة وتقعد وتتعامل مع اولاد اسمحيلي انا مش معاكي في النقطة هاي
|
رد: دردشة بنات فلسطين, دردشة حوامل فلسطين, تجمع بنات فلسطين
حبيبتي انا كنت بمدرسة مختلطة للصف السادس
انا بشوف انو البنت لازم تكون اد حالها تعرف تتصرف في كل المواقف |
رد: دردشة بنات فلسطين, دردشة حوامل فلسطين, تجمع بنات فلسطين
لـ‘ـولـ‘ـو حمـ‘ـاده صحـــه و هنا بالعافيه حبيبتي.. ميــ‘ـســا هلا عمري كيفــك؟كيف الاولاد ما يوحشك غالي ان شاء الله..انااا اموري تمام بفضل الله ان شاء الله ما بتتعبي بالصيااام بضم صوتي الك و كتير حلوه الفكره انو نتناقش بشي مهم و نتبادل الاراء و انتي اقترحي اي موضوع و نحنا منحكي فيه مسائك سعيد |
رد: دردشة بنات فلسطين, دردشة حوامل فلسطين, تجمع بنات فلسطين
غزاااوية
حبيبتي مدارس الوكالة ممتازين بالتدريس انتي بتقدري تعلمي بنتك الدين و توصيها انها ما تكلم ولاد و انه لما ييجي ولد عندها تقوله ابعد عني يعني أنا بشوف بنات كتير هيك و بيقولوا عنهم قويات ههههههههه بس حبيبتي البنات خصوصا بتقدري تسيطري على فكرهم و كل البنات بيسمعوا كلام امهم خاصة وهما صغار انتي جربي حطيها شهر بالوكالة و بعدين شوفي لو اشتكتلك منها وديها على الخاصة و بالنسبة للدين اذا بدك وديها على مسجد قريب من بيتك لتحفظ القرآن أنا خواتي هيك |
رد: دردشة بنات فلسطين, دردشة حوامل فلسطين, تجمع بنات فلسطين
عيون المها
منورانا اليوم يسعد مساكي |
رد: دردشة بنات فلسطين, دردشة حوامل فلسطين, تجمع بنات فلسطين
وينك يا بينك روز شكلها كهربتك قاطعة؟؟؟؟؟؟؟؟؟؟؟
|
رد: دردشة بنات فلسطين, دردشة حوامل فلسطين, تجمع بنات فلسطين
غريبة ارائكم بالنسبة للمدارس المختلطة واقفين ضدها لهدرجة والامر مش مستاهل خالص انا من وقت مدخلت مدارس من الابتدائي للجامعة للمجال العملي والمهني وانا باجواء مختلطة عمري مادرست بمدرسة بنات لحال ولا حد من خواتي درس بمدارس ولاد لحال الترباية الصح بتبدأ من البيت ان ربيتي صح رح يكبر ابنك او بنتك صح لا تقوليلي مدارس دينية ولا تقولي مدارس راهبات لانه انتي ما بتعرفي شو ممكن يتعلمو هل حيعلموهم الدين الصح اوالتزمت الي بلا معنى انا من رأيي علمي ابنك او بنتك من صغرهم يتأقلمو مع الحياة وظروفها لانه بكرا بس يكبرو رح يسير عندهم كل شي هجنة وهدا غلط بيكبر الولد بسير بالمراهقة بده بس يعاكس بنات ويتعرف عالبنات والبنت بضلها تفكر انه بس بدها تفوت الجامعة لتتعرف عشاب وتتجوز وكل هالشي غلط لو من صغرهم يربو انه زميتلك بالصف هي متل اختك تحترمها وتتعامل معها بأدب واخلاق مارح يطلع يشوف البنت هجنة انا بحب الوسطية بالامور متل مبربي البنت بربي الولد لا بعمل على البنت ساتر وحجاب واقيدها لاخنقها وتسير تعمل اشيا من وراي ولا بعلم ابني انه كل شي متاح اله بماانه هو الولد والمجتمع ما بعايبه هدا كلام فاضي الااخلاق اخلاق سواء للولد او البنت والترباية الصح بتعلمها الولد من بيته مش من مدرسته |
رد: دردشة بنات فلسطين, دردشة حوامل فلسطين, تجمع بنات فلسطين
اشكرك ام عزمي بارك الله فيكم جميعا اخواتي
بدي اروح انام بدري اليوم تصبحو على خير |
رد: دردشة بنات فلسطين, دردشة حوامل فلسطين, تجمع بنات فلسطين
أم يامن يسلم تمك فعلا الترباية الصح في البيت هي الأساس
غزاوية و انتي من أهل الخير حبيبتي نامي و حاسبي ما يفوتك السحور |
رد: دردشة بنات فلسطين, دردشة حوامل فلسطين, تجمع بنات فلسطين
يسعد مساكم صبايا كيفكم شو اخباركم
ام عزمي منورة كيف انتي والامومة ان شاء الله هويدة ما بتغلبك |
رد: دردشة بنات فلسطين, دردشة حوامل فلسطين, تجمع بنات فلسطين
ايه امــ ‘‘عــزمي’’ حبيبتي المكان منور بوجود دائما التشطيف انضف و افضل للبيبي اناااا ما بستعمل الوايبس إلا اذا كنت مستعجله او طالعه شي محل ’’صحيح كنت بدي اسألك كيف هويدا و الحمام لانو في بعض البيبهات ما بحبو المي وقت الحمااام و بضل يبكو طول الوئت,,و في هاديين بحبو المي ههههه..و ان شاء الله انتظم نومها احلى بوسه لهويدا دلوعة ماما يسعد مساكي و كل اوئاتك |
رد: دردشة بنات فلسطين, دردشة حوامل فلسطين, تجمع بنات فلسطين
يسعد مساهم الحلوات ..
عيون المها منورة شو ولدتي والا لسا ..؟؟ انا ما بعرف والله اعذريني :) حواء منورة كيف الاميرة الصغيرة الله يخليلك ياها يارب ويحفظها عقبالنا وام عزمي ربي يخليلك الامورة الصغيرة ما شاء الله صلاةا لنبي احساس وميساء وجارة وسما وهبة وام يامن ولولو وعسووووووووولة منورين يا صبايا عسولة وينك مختفية اظهري وطلي وطمنينا يا بنت - غزاوية منورة بينا ,, بالنسبة لسؤالك انا طول عمري بحكي مدارس الوكالة احسن لانه التعليم قووووووووووووي كتير .. وطبعا هالشي واضح جدا طلاب الوكالة عباقرة بحسهم بطلعو بالاخر اما دار الارقم انسيكي منها انا صراحة عمري ما شجعت المدارس الخاصة سواء دينية او غيرو الله يخليلك ولادك شو طبختو اليوم يا بنات انا مبارح لأول مرة اعمل المسخخخخخخخن .. والسبب انه ماكان في سماق وفي تونس ما بيعرفوووه بس اهلي بعتولي مع ناس كانو جايين تونس والله بعتولي بهارات كتير ربي يخليلي ياهم هاادا غير الهدايا هههههه وصراحة عملت خبز الشراك بالبيت فكرتو صعب طلع ما في اسهل منه والله كيفت عليه يا الله عنجد اني معدلة ^^ بس جوزي ساعدني بكل شي لانه محترف بالمسخن اليوم كنت عاملة حاجات خفيفة .. اااخ زهق يا بنات والواحد بعد الفطور ببطل فيه حيل يقوم اصلا |
رد: دردشة بنات فلسطين, دردشة حوامل فلسطين, تجمع بنات فلسطين
غُمَـوضْ أُنثَـىْ مسائك اسعـــد ان شاء الله ولادتي بعد بكره يوم الجمعه كتير مبسوطه لانو راح اولد بيوم مبارك من رمضــــان عئبالك حبيبتي و ما يجي رمضان الجاي و ألا منور حياتك بيبي حلو |
رد: دردشة بنات فلسطين, دردشة حوامل فلسطين, تجمع بنات فلسطين
الحمدلله برلنت كثير منيحة مالية علي حياتي
الامومة كثير حلوة عملت تشكيلة فواكه تفضلو |
رد: دردشة بنات فلسطين, دردشة حوامل فلسطين, تجمع بنات فلسطين
مساء الخير ياحلوين يلي شكلكم نايمين ههههههههه
زهقانه ياهبه الأسبوع الجاي اكيد حتزهقي المشاوير لما تسيري تروحي مع زوجك على صلة الرحم ^_^ ميسا حلوة فكرتك بس بلاش نخصص يوم نطرح اي موضوع ويلي بفوت بشاركنا لأنو شايفه ظروفنا والكهربا عيون المها بالسلامه يارب قرب الفرج ... عقبالنا ان شاالله غزاوية برايي لاتعقدي بنتك حرام لساتها طفله ... غموض ماشاء الله عليه زوجك يساعدك اللهم لاحسد هههههههههه زوجي مستحيل يعمل شي الا لما اشكي واتعب بحزن عليا غير هيك انسي هابلني ههههههه وصحتين وهنا على المسخن ... بس احكيلي شو هوا؟؟؟؟ أم عزمي ايوه هيك دايما سيطري على الاب توب وفوتي معنا ... ^_^ |
رد: دردشة بنات فلسطين, دردشة حوامل فلسطين, تجمع بنات فلسطين
انا اليوم رحت مشيت بالشارع الأول لسى مش كل المحلات فاتحه ... شريت لبنت عمي شنطه وشاله لون نسكفيه هدية الخطوبه عملت اشهار وبدنا نروح نباركلها ... مين عندهم نفس العادات يلي بتخطب بروحوا بباركولها؟؟؟ ولا بتروحوا لما تتزوج وخلص؟؟
|
رد: دردشة بنات فلسطين, دردشة حوامل فلسطين, تجمع بنات فلسطين
اقتباس:
بالنسبة الي الاجهاض الاول كان حمل ضعيف ونزل بعد ايام وبعد ست شهور حملت تاني واستمر حملي التاني لمدة شهرين بعدين اجهضت وعملولي عملية تنظيفات وتحاليل وعلى اساسا قرروا اني اخد ابر هيبارين وبيبي اسبرين وحملت بعد اجهاضي التاني بخمس شهور وطبعا من اول ما ظهر عندي الحمل اخدت البيبي اسبرين ولما ظهر نبض الجنين اخدت ابر الهيبارين ان شاء الله الله يكتبلك الحمل عن قريب يارب |
رد: دردشة بنات فلسطين, دردشة حوامل فلسطين, تجمع بنات فلسطين
اقتباس:
|
رد: دردشة بنات فلسطين, دردشة حوامل فلسطين, تجمع بنات فلسطين
احساس انثـ‘ـى اها الحمد لله قرب الفرج حتى التوأم اليوم ما هديو عاملين حفله هههههه حاسين انهم راح يطلعوا يشوفو الدنيا ربي يجيبهم بالسلامه انتي ما عندك اي بوادر ولاده ,,ان شاء الله تكملي على خير و تفرحي بشوفة البيبي نحنا كمان منبارك للخاطبه اكيد هاي عادات مألوفه عند الجميع,, اما المسخن مو معئول ما تعرفيه لانو اكله فلسطينيه مشهوره غموض عاملته بخبز الشراك و نحنا مرااات منعمله بخبز الطابون كتير طيب و سهل |
رد: دردشة بنات فلسطين, دردشة حوامل فلسطين, تجمع بنات فلسطين
مسا الخير الك كمان احساس انثى انا كان ائصدي مش شرط وئت محدد يعني متل ما حكيتي كل حدا بفوت بيعطي رأيه بالموضوع وبكل حريه
كنت حابه اسال هيه مدرسه الارقم اللي عندكم كيف نظامها لاني حسيت انه كلكم مش متشجعين الها شكلهم متشددين في الدين انا المدرسه اللي حاطه فيها اولادي كتير ممتازه نظامها حلو جدا صح المدرسات ملتزمات لكن كتير بحببوه الطلاب بالعبادات وبيعطهم حصص دائما متل حصص احنا بنسميها حصص التفكر بس بقالب طريف وائريب ل عمر الاطفال لدرجه ما بحبوه يطلعوع منها غير الالعاب الرياضيه وبعملوه كمان بازارات وكمان بعرضوه مواهب الاطفال وكل هدا طبعا بدون تحيز ل اي حزب بالعكس بعلمهم الدين بالطريقه الصحيحه اللي احنا تربينا عليها الحمدلله الله وفئني بمدرستهم وهيه احسن مدرسه بكل المدارس اللي بمنطقتي غزاويه ازا متل ما حكو الصبايا فيها تشدد ديني انا ما بنصحك تحطيهم فيها لانوه هدا الشي راح يتعبك بالمستئبل وراح يخلي الاولاد بالمستئبل يكروه اي شي من امور الدين نصيحتي الك دوري ع مدرسه تكون ملتزمه ماشي انوه بعملوه الدين صح لكن بنفس الوئت تكون وسطيه وتكون مكمله ل الشي اللي بتربيه عليه ولادك لانوه ولادك راح يئعدوه بالمدرسه اكتر من ائعدتهم بالبيت والطالب بحب ياخد بحكي المعلمه اكتر من اهله ف ازا اي مدرسه حطتت براس ابنك اي اعتقاد خاطئ تأكدي راح تاخدي وئت كتير لحد ما تغيري تفكروه وربي يوفئك للصواب |
رد: دردشة بنات فلسطين, دردشة حوامل فلسطين, تجمع بنات فلسطين
هلا عيون المها سهرانه هيك ^_^
والله احيانا بجيني وجع بظهري متل وجع الدورة ... واحيانا بيجي وجع من تحت من الرحم احس انو بشد بس اليوم مافي اي وجع ... مزجات ههههه ... انتي عامله متل حماتي بتقلي ياعلى معادك ياقبل بيومين ... المسخن مابنعملو رغم انو اكله فلسطينيه ... بس مره بعتتو مرت عمو لزوجي النا اعتقد انو خبز حلو صح يعني طعمو حلو ؟ وعليه قزحه ولونو اصفر ؟ ههههههههههههه تفضلو معي عملت كاسة شاي ياسلاااام تعدل الدماغ هههههههه اجا ع بالي اصلو مع الصيام بطلنا نشرب الشاي |
رد: دردشة بنات فلسطين, دردشة حوامل فلسطين, تجمع بنات فلسطين
هلا بعيوان المها منوره والله يئومك بالسلامه هانت مش ضايلك شي والله يهونها عليكيي احساس انثى انا بعمل المسخن وكتير طيب ومتل ما حكتلك عيون مرات بشراك ومرات بخبز الطابون كتير طيب وانا اللي يومين جاي ببالي جاي ع بالي بس اروح عند ماما اخليها تعملي اياه لانوه المسخن ازكى ع جمعه صح عيون المها
|
رد: دردشة بنات فلسطين, دردشة حوامل فلسطين, تجمع بنات فلسطين
ميسا هادي المدرسه من الاخر لحماااااااس ... ^_^ لدرجة انو صحبتي درست فيها اشترطو عليها تلبس المنديل الشرعي كل المدرسات يكونوا لابسين المنديل الشرعي
انا بقول متلك كل المدارس بتعطي مادة التربيه الاسلاميه ... وبتفهم الاولاد بأمور دينهم .. |
رد: دردشة بنات فلسطين, دردشة حوامل فلسطين, تجمع بنات فلسطين
اقتباس:
ما بعرف انا هيك بشوف الامور الدين دين متل ما انزله رب العالمين على سيدنا محمد صلى الله عليه وسلم وبس |
| الساعة الآن 12:11 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .