رد: دردشة اهل القطيف والي حواليها اتمنى اثبيث
 

ذكريات الماضي
براءه ماليها حس ان شاءالله الله سهل عليها

فطومه
اكيد احنا متواصلين وياش ان شاءالله وحياش ويانا في اي وقت
والله يطمنا على نورانيه ان شاءالله

رد: دردشة اهل القطيف والي حواليها اتمنى اثبيث
 

اللهم صل على محمد وآل محمد الطيبين الطاهرين
كيف حالكم خواتي الطيبات الله يعلم اشكثر اشتقت لكم كيف حالكم كلكم ان شاء الله تكونون بخير يااااارب
من كم يوم أحاول أدخل المنتدى وأدخل فعلا لكن ماتنفتح الصفحات بس تظهر لي الصفحة الرئيسية وأول أمس وأمس فتح المنتدى لكن ماقدرت أشارك صاير بطيء عندي ماأدري ليش !!!
المهم ماأريد أطول عليكم براجع الصفحات اللي فاتتني ..

براءة وحشتينا مرة حبيبتي لايكون ولدتي وماخبرتينا ترى أنا قلت في نفسي ونويت في قلبي انه اذا جتج عوارض الطلق بقرأ لج على طول ان شاء الله سورة مريم وبجيب حلاوة وبقرأ حديث الكساء من أجل ربي يسهل عليج وتولدين بالسلامة وكل الحبايب مابيقصرون ان شاء الله ..رااااااااااجعة بعد شوي بعد ماأتصفح الصفحات اللي فاتتني .. أريد أتطمن عليكم

رد: دردشة اهل القطيف والي حواليها اتمنى اثبيث
 

هلاو الله ذكريات اخبرش وردة ؟؟
شكلها ولدت براءة الله يسهل عليها ولادتها والحمد لله على سلامتها ان ولدت ان شاء الله تدخل وتطمنا عن روحها ..

رد: دردشة اهل القطيف والي حواليها اتمنى اثبيث
 

رد: دردشة اهل القطيف والي حواليها اتمنى اثبيث
 

أني ماجربت اسويه بس وحده من البنات تحط عليه شوية زيت زيتون في الفرن وتقول يطلع لزيز ومقرمش ..

رد: دردشة اهل القطيف والي حواليها اتمنى اثبيث
 

نورانيه
الحمدلله نورتينا من جديد الله يحفظش من كل شر

أم فاطمة
رحت بسويه وردت ذبلت جبدي اكلت ليمونه وملح عل وعسى يروح غثى هالمعده

بقوم ارتاح شوي دعواتكم تروح النساة اخاف زوجي اخرتها يتزوج علي والسبه اني كارهته يتقرب مني بالمره ،، ماعرفه الا وقت الطلبات
استغفر الله بس هو العالم بالحال.

لاتنسوني من الدعاء...

رد: دردشة اهل القطيف والي حواليها اتمنى اثبيث
 

الله يعينش اختي ويخف عنش الوحام ..

رد: دردشة اهل القطيف والي حواليها اتمنى اثبيث
 

اللهم صل على محمد وآل محمد الطيبين الطاهرين
براءة حبيبتي
ياليت تطمنينا عليج قلبي انشغل عليج يااااارب تكوني بصحة وعافية

f6omah
غناتي أنا تحت خدمتج عيوني لج وكل خواتي في التجمع مايقصرون ...
أي شي لاتتردين كلنا نعين ونعاون وقلوبنا على بعض قولي اللي في خاطرج غناتي أتشرف بخدمتكم دوما وأبدا ..

أم السادة ياهلا وغلا بأختنا الغالية ان شاء الله تكونين بخير ..

أم زهراء وينج اختفيتي اشتقنا لج طمنينا عليج



M!Ss p!nk
هلا بالغالية الله يسهل عليج غناتي وتولدين بالسلامة
من خلال تجارب قريباتي مستشفى الرعاية أفضل من المواساة
استخيري وتوكلي على الله والله يوفقج ويسهل عليج ياااارب

حلم جميل
وينج اشتقنا لج غناتي ولسوالفج ياااااارب تكونين بخير

ذكريات حبيبتي انت خايفة من سكر الحمل ؟؟!!
أقول لج شي لاتهوجسين وتفكرين ان شاء الله مافيج الا العافية
تشجعي وخففي من الموالح والسكريات كثرها يضر ماينفع كل شي بإعتدال حلو
والآيس كريم مثل ماقالت نانا سويه في البيت واتحكمي في كمية السكر
اذا تريدين طريقتي اللي اشتهرت فيها (مادح نفسه ...؟؟؟) بكتبها لج حتى اليهال كل ماشافوني قالوا متى بتسوين آيس كريم بس مو مدحاً في نفسي الله يعلم لأنه أصلا سهل مرة وماياخذ وقت ولايتعب ومايحتاج مهارة ولاإبداع ..



um fatima
غناتي أم فطوم الغاليه تأخرت عليج غصبا عني ان شاء الله شفتي الغسول زوجي يقول اشتراه لي من صيدلية البطي لكن مشوااااار ان شاء الله تشوفينه في مكان قريب
مشكورة حبيبتي على الفيديو الروعة الله لايحرمنا منج أبدا وتسلم ايدج يااااااارب
أمس حصلت لي رفسة محترمة وتذكرتج على طول ..مايتحرك ويوم اتحرك يرفسني ذيك الرفسة الحلوة يمكن تأثر كنت حاطة اللابتوب جنبي وأسمع حديث الكساء وسبحان الله كنت أقول في نفسي متى بيتحرك بكمل الشهر الرابع ومااتحرك ؟



om khalil
أم خليل غناتي ماتشوفين شر ان شاء الله لاحظت انج ساكنة في البحرين ذكرتيني بأهلي أهل أبوي بحرينين لأن جدي بحريني أصلي ..وجدي الثاني قطيفي ..
حبيبتي الله يشفيها يااااارب ماأعرف شيخ في القطيف للأسف يعالج بالقرآن الكريم كل اللي أعرفهم خطباء لكن عندي لها علاج ان شاء الله

راااااااااااااجعة بعد شوي بصراحة سوالفكم ماأمل منها أبدا أبدا ربي ان شاء الله يتمم عليكم حملكم
وفي خدمتكم يابعد عيني مأجورين ومثابين كل يوم أجركم يزيد مع الحمل وتعبه ...

رد: دردشة اهل القطيف والي حواليها اتمنى اثبيث
 

أم فطوم غناتي نسيت أقول لج ترى حركات النونو اللي في بطني اللي كانت قبل كلها أتوقع من الغازات والله أعلم لأني أعاني من الغازات كنت أحس بحركات خفيفة مثل الرفرفة ماأقدر أجزم انها حركة البيبي سبحان الله كأني أول مرة أحمل أمس بس تأكدت انه تحرك بعد ماحصلت لي رفسة لكن حلوة ياليته يرفسني دوم
وانتِ أم فطوم تحسي برفسات لو حركات خفيفة ؟؟ ومتى حسيتي بها ؟؟ تعبتج بأسئلتي ..
ام زهرتين
هلا وغلا حياج معانا يالغالية منورة التجمع غناتي
بتروحين الحج؟ فرحت لج مرة ربي يسهل عليج الله سبحانه الحافظ استخيري وصلي ركعتين وادفعي الصدقة من أجل السلامة والتيسير عن نفسي جربت الحج لكن ماكنت حامل حسيت انه مومتعب مثل مااتصورت لكن الزحمة متعبة انتبهي حبيبتي مرة من الزحمة حتى لايضغطون على بطنج بقوة واستشيري الطبيبة يمكن تنصحج بإبرة ضد الإنفلونزا ماأدري اذا كانت مسموحة أثناء الحمل أم لا لأن الحامل بسرعة تلقط الفيروسات وحاولي تستشرين الدكتورة وخذي نصايحها لكن حبيبتي انتبهي التطعيم ضد الحمى المخية الشوكية ممنوع على الحامل منعاً باتاً
واذا معاج أحد حاولي انهم يحوطونج أثناء الطواف بالذات ...
الله يسهل عليج ويوفقج وتروحين وترجعين بالسلامة ولاتنسينا وجميع الأخوات من الدعاء .. طمعانين بقوة في كرمج ياليت ماتنسينا من دعواتج الطيبة المباركة في هذا المكان المقدس الطاهر ..

رد: دردشة اهل القطيف والي حواليها اتمنى اثبيث
 

اهلين كروشات شخباركم وحشتوني وايد
اني كل يوم ادخل واتصفح كل سوالفكم ومشتاقه اسولف وياكم بس مادري ويش فيي كلا ضايق خلقي ومضايقه وحشتني برائو وحلمو وذكرياتو وام فطووم ....وحتى الجدد الي ما سولفت وياهم وحشتني سوالفهم ونورانيه ره سوالفها ترد الروح
ذكرياتوو اني بولد قبلش عفر قالوا ليي 25 محرم بيسوو ليي العمليه ادا مو قبل الله يسهل علينا وعلى جميع الحوامل بحق محمد وال محمد
من هنااا اسولف وياه زهقانه؟